Biblia Todo Logo
Bib sou entènèt

- Piblisite -




Yeˬsaˬgeˬlaˇ 33:2 - Akha

2 “Tsawˇ haˬ zaˬ-oˇ, miˇ kʼahˬ tiˬ kʼahˬ kʼoeˇ taˆ ngaˇ guiˇ deuˆ-eu jeˬ bi keuˆ le ngeh, aˬ joˆ-ehˇ pyeuꞈ laˇ-eu gaˇ kawˆ nawˬ-euˬ tsawˇ jeuˬ-ahˇ ehˇ mehˬ nehˬ-awˬ. Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ deuˬ, aˬ yawꞈ maꞈ laꞈ kʼoeˇ tsawˇ haˬ tiˬ gʼaˬ tseˇ doˆ-awˇ, loꞈ piˇ-eu tsawˇ haˬ bi geuꞈ-eu meh.

Gade chapit la Kopi




Yeˬsaˬgeˬlaˇ 33:2
26 Referans Kwoze  

Sahˬpaˬ Miˬyehˇ ehˇ-eu, “Tsawˇ haˬ zaˬ-oˇ, nawˬ-euˬ tsawˇ haˬ heu deuˬ meuˬ lahˇ dawˬ peh hawˇ-eu nymˇ gʼoˆ kʼehˬ dawˬ peh kʼaˇ tahˬ dzoeˇ ngeh, nawˬ-euˬ gaˇ kawˆ ja-eu meh. ‘Sahˬpaˬ Miˬyehˇ jawˇ gaˇ neh oe-euˬ dawˬ aˬ joˆ-ehˇ ehˇ-eu nya lehˇ, aˬ dui maꞈ naˇ haˬ leˇ haw kaˇ-euˇ’ lehˇ aˬ yawꞈ maꞈ tiˬ gʼaˬ tiˇ gʼaˬ cawˬ-eu meh.


“Ngaˇ mˇ-eu maˬ tsaˬ nga lehˇ nawˬ-euˬ tsawˇ haˬ deuˬ ehˇ-eu meh. Maˬ ngeuˇ-a. Maˬ tsaˬ-eu-aˬ, aˬ yawꞈ maꞈ-euˬ dehꞈ jeˬ dehꞈ kawˆ kʼoeˇ meh.


“Maˬ ngeuˇ naˇ, miˇ kʼahˬ kʼoeˇ kʼahˬ kʼoeˇ taˆ guiˇ deuˆ-eu jeˬ bi keuˆ le-awˇ, tsawˇ haˬ hawˇ-eu jeˬ zaˬ deuˬ bi sehꞈ cuˆ-eu gʼaˇ duˬ, laˆ sehꞈ laˆ naˇ-eu keu ka deuˬ bi hehˇ ahˇ leꞈ ma.


Kʼoeˇ naˇ, aˬ cawˬ neh bi nyehꞈ ka gʼeh-euˬ nawˬ-eu tsawˇ jeuˬ jawˇ gaˇ iˇ-awˇ, aˬ yawꞈ maꞈ naˇ haˬ-eu maˬ kaˬ, maˬ naˇ haˬ-eu maˬ kaˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ dawˬ ehˇ nehˬ-iˇ-awˬ.”


Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”


Kʼoeˇ naˇ, ngaˇ nawˬ-ahˇ dawˬ paˇ ngehˬ cawˬ le-awˇ, dawˬ ngehˬ nya-eu baoˬ paˇ biꞈ kʼoꞈ nehˬ ngeh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ neh ehˇ-euˬ dawˬ deuˬ, aˬ yawꞈ maꞈ-ahˇ nawˇ paˇ ya ehˇ nehˬ tehꞈ-a. Tiˬ paˆ na deuˬ naˇ haˬ geuꞈ kʼawꞈ, tiˬ paˆ na deuˬ maˬ naˇ haˬ ni jawˇ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ-aˬ, ngaˬ-ahˇ puiˬ-eu tsawˇ jeuˬ meh.”


Yeˬluˇsaˬlehˬ meuˬ-oˇ, nawˬ-euˬ meuˬ lahˇ kʼoeˇ taˆ, meuˬ-ahˇ loꞈ piˇ-eu tsawˇ haˬ ngaˇ pyehˬ taˬ-eu ma. Uˬ ciꞈ nah gʼahˇ maˬ ehˇ aˬ yawꞈ maꞈ ciˬ cuˇ ni maˬ ya jawˇ-ehˇ, Sahˬpaˬ Miˬyehˇ aˬ yawꞈ-euˬ saˇ jaˇ-ahˇ maˬ ya ngehˇ ni, maˬ naˬ leˇ ni ya ehˇ noeˬ nehˬ-eu meh.


Iˇsaˬleˬlaˆ-ahˇ mehˬ nehˬ-eu, Bawˇlawˇpeh bi geuꞈ-eu gʼaˇ duˬ, Miˬyehˇ ngaˬ-ahˇ pyehˬ leꞈ-euˬ meh. Ehˇ kʼawꞈ, ngaˇ kʼaˇ iˇ kʼaˇ laˇ gaˇ, aˇ jiˇ lahˇ ju kʼmˇ-eu loꞈ-ehˇ, naw maꞈ ngaˬ-ahˇ kʼmˇ luꞈ-eu meh. Miˬyehˇ-euˬ miˇ kʼahˬ-ahˇ jawˇ-eu. Miˬyehˇ-euˬ tsawˇ haˬ heu deuˬ-aˬ, Bawˇlawˇpeh-ahˇ muiˇ-eu deuˬ meh.


Kʼoeˇ loꞈ-ehˇ jahˇ-eu dawˬ tsuiꞈ aˬ jeˬ-a lehˇ, nawˬ-euˬ tsawˇ haˬ deuˬ nawˬ-ahˇ naˇ haˬ laˇ tehꞈ-a.


“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-ahˇ nymˬ-mˇ heu loꞈ-ehˇ ehˇ nehˬ-awˬ. Tsawˇ muiˬ tiˬ gʼaˬ iˬ baˇ mˇ laˇ naˇ, aˬ yawꞈ neh mˇ-euˬ yaw muiˬ jeˬ aˬ yawꞈ-ahˇ maˬ paˇ ka kʼoꞈ nya meh. Haiˬ-eu tsawˇ haˬ tiˬ gʼaˬ yaw haiˬ jeˬ maˬ mˇ ni byehˇ naˇ, kʼehˬ-eu kʼaˆ-eu jeˬ-ahˇ maˬ ya daˬ-a. Ehˇ kʼawꞈ, tsawˇ muiˬ tiˬ gʼaˬ iˬ baˇ mˇ dahˬ beh laˇ naˇ, maˇ maˇ ni ya shiˇ tehꞈ-a.


“Tsawˇ haˬ zaˬ-oˇ, nymˬ-mˇ ngaˇ nawˬ-ahˇ Iˇsaˬleˬlaˆ miˇ kʼahˬ-ahˇ loꞈ piˇ-eu gʼaˬ bi geuꞈ-eu ma. Ngaˬ-euˬ kʼaˬ meh-ahˇ kʼaˇ doˆ le-euˬ dawˬ deuˬ, aˬ yawꞈ maꞈ-ahˇ nawˇ ya dzawˇ gaˬ nehˬ meh.


Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Doeˇ dui dui-eu kʼehˬ-eu kʼaˆ-eu oeˬ jeˬ pyeuꞈ-eu, guiˇ deuˆ-eu, mehꞈ-eu shuꞈ-eu, jeˬ zaˬ yaw haiˬ deuˬ hawˇ-eu, naˇ-eu gawˇ-eu heu oeˬ jeˬ Yeˬluˇsaˬlehˬ meuˬ kʼoeˇ taˆ ngaˇ bi keuˆ le-awˇ, tsawˇ haˬ hawˇ-eu jeˬ zaˬ deuˬ bi shiˇ ma.


Naw maꞈ mi cehˇ-ahˇ guˆ miˇ-a loˇ. Naw maꞈ-ahˇ guiˇ bi deuˆ le-eu gʼaˇ duˬ, mi cehˇ tuˆ tehˬ taˬ-euˬ tsawˇ haˬ deuˬ ngaˇ pyehˬ gʼeh leꞈ ma.


Sahˬpaˬ Miˬyehˇ-euˬ ehˇ dawˬ naˇ haˬ-awˬ lehˇ, Iˇsaˬleˬlaˆ gawˬ jawˬ deuˬ-ahˇ ehˇ nehˬ-awˬ. Gawˬ jawˬ gawˬ duˇ, lo guˇ gʼaˬ lawˬ deuˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ nehˬ gaˇ naˇ haˬ-awˬ lehˇ ehˇ nehˬ-awˬ. Tahˬ pahˬ aˬ ma mawˇ kawˇ-ahˇ uˬ duˬ tahˬ-eu jawˇ duˬ deuˬ-ahˇ bi laˆ cawˆ-eu gʼaˇ duˬ, ngaˇ mi cehˇ bi oe ma.


Baˬbuˇloˬ meuˬ lahˇ-ahˇ deuˆ-eu gʼaˇ duˬ paˇ loˬ paˇ lehˇ baꞈ tuˇ nehˬ-awˬ. Guiˇ daˬ daˬ-eu deuˬ hawˇ-eu guiˇ loꞈ loꞈ-eu deuˬ bi iˇ lahˬ-awˬ. Tsawˇ haˬ pyehˬ gʼeh-awˇ, guiˇ deuˆ kʼoeˬ bi kʼoeˬ-awˬ.” Baˬbuˇloˬ miˇ kʼahˬ-ahˇ jahˇ nehˬ ma lehˇ ehˇ taˬ-euˬ loꞈ-ehˇ Sahˬpaˬ Miˬyehˇ jahˇ-euˬ meh.


Teˇ saˇ kʼoeˇ mˬ dzeˇ miˇ dzeˇ-ahˇ tahˬ-iˇ tehꞈ-a. Aˬ jeˬ miˇ neh ehˇ naˇ, miˇ kʼahˬ tsawˇ jeuˬ deuˬ-ahˇ, Sahˬpaˬ Miˬyehˇ yaˇ kʼaˬ ja le tehꞈ-a. Tsawˇ haˬ dawˬ tawˆ luꞈ-ahˇ aˬ yawꞈ yaˇ kʼaˬ daˇ-awˇ, maˬ tsaˬ maˬ dawˇ-eu deuˬ bi shiˇ ma’ lehˇ, Sahˬpaˬ Miˬyehˇ ehˇ taˬ-euˬ meh.


Kʼaˇ shuiꞈ deh ga gawˬ duˇ yaw goˇ deuˬ nyiˬ tsehˆ-ehˇ, yaw haiˬ jeˬ mˇ le-eu tsawˇ haˬ deuˬ oe luꞈ meh. Miˇ kʼahˬ kʼahˬ lah ni bi laˆ cawˆ jiˇ-eu gʼaˇ duˬ, guiˇ deuˆ-eu jeˬ ngaˇ bi keuˆ le-awˇ, tsawˇ haˬ tiˬ gʼaˬ-iˬ nui saˇ maˬ oꞈ-a.


Ngaˬ nehˬ-ehˇ dzaˬ taˬ-euˬ saˇ jaˇ-ahˇ naw maꞈ puiˬ-eu miˇ neh, naw maꞈ kʼoeˇ taˆ guiˇ deuˆ-eu jeˬ bi keuˆ le-awˇ, naw maꞈ-ahˇ ngaˇ kʼehˬ ma. Naw maꞈ-euˬ meuˬ deuˬ laꞈ kʼoeˇ naw maꞈ uiˬ leˇ-awˇ jawˇ ngeh, maˬ laˆ taˬ nya-eu naˇ gawˇ deuˬ naw maꞈ kʼoeˇ taˆ bi keuˆ le-awˇ, naw maꞈ-ahˇ muiˇ-eu deuˬ-euˬ laꞈ-ahˇ, naw maꞈ ya ahˇ leˇ tehꞈ-a.


Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.


Swiv nou:

Piblisite


Piblisite