Yeˬsaˬgeˬlaˇ 33:10 - Akha

¹⁰ Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ neh ngehˬ-euˬ dawˬ paˇ ehˇ poˆ nehˬ-awˬ. ‘Nga maꞈ neh mˇ-euˬ iˬ baˇ hawˇ-eu yaw lehˬ jeˬ-ahˇ nga maꞈ maˬ paˇ pi coeˇ miˇ-a. Nga maꞈ yaw dehꞈ dehꞈ-eu byoˆ le miˇ-a’ lehˇ aˬ yawꞈ maꞈ ehˇ-euˬ meh.

Yeˬsaˬgeˬlaˇ 33:10 Referans Kwoze

Yeˬsaˬgeˬlaˇ 37:11

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-aˬ, shaˬ yoeˬ heu deuˬ-ahˇ duˇ-eu meh. Aˬ yawꞈ maꞈ-euˬ shaˬ yoeˬ koˆ jiˇ-awˇ, noeˬ tmˬ kʼaˇ maˬ paˇ za-eu uˬ taꞈ, geuꞈ-eu jeˬ tiˬ pawꞈ-iˬ maˬ paˇ ahˇ miˇ-a lehˇ, aˬ yawꞈ maꞈ ehˇ luꞈ meh.

Yeˬsaˬgeˬlaˇ 24:23

Naw maꞈ uˬ jehˆ maˬ jehˆ dzeh-ehˇ, sehˬ nawˆ lehˆ-awˇ maˬ cah-eu uˬ taꞈ, tsawˇ ngoeˇ maˬ ngoeˇ ni jawˇ tehꞈ-a. Naw maꞈ-euˬ iˬ baˇ baˬ da neh naw maꞈ liˬ-iˇ koˆ-iˇ-awˇ, tiˬ gʼaˬ tiˇ gʼaˬ mahˇ cawˬ mahˇ cawˬ-ehˇ ya jawˇ tehꞈ-a.

Iˇsaˬyaˇ 49:14

Ehˇ kʼawꞈ, Yeˬluˇsaˬlehˬ tsawˇ haˬ ehˇ-eu, “Sahˬpaˬ Miˬyehˇ nga maꞈ-ahˇ byehˇ dzeh laꞈ-euˬ meh. Nga maꞈ-ahˇ aˬ yawꞈ ngehˇ-euˬ meh.”

Yeˬsaˬgeˬlaˇ 4:17

Aˬ yawꞈ maꞈ dzaˬ dzaˬ dawˇ dawˇ hawˇ-eu iˇ cuꞈ maˬ jaˆ-ehˇ pyeuꞈ laˇ-awˇ, noeˬ shaˬ noeˬ zahˬ dui dui-eu laꞈ kʼoeˇ, liˬ-iˇ koˆ-iˇ jiˇ gaˇ keuˆ tehꞈ-a.”

Uˬ duˬ 26:39

Aˬ cawˬ miˇ kʼahˬ laꞈ kʼoeˇ naw maꞈ tsawˇ haˬ ui cuiˆ dzeˇ yaꞈ-euˬ kʼawꞈ, naw maꞈ-euˬ aˬ piˬ aˬ bawˇ deuˬ-euˬ iˬ baˇ hawˇ-eu naw maꞈ-euˬ iˬ baˇ baˬ da neh ya shaˬ ya zahˬ tehꞈ-a.

Yeˬlaˬmiˇ 2:25

Iˇsaˬleˬlaˆ-oˇ, miˬ yehˇ nui deuˬ-ahˇ poˆ-eu laꞈ kʼoeˇ, nawˬ-euˬ aˬ kuiˇ gʼah-awˇ kuˬ byahˬ taˬ bi gui-iˇ. Ehˇ kʼawꞈ, nawˇ heu loꞈ-ehˇ ehˇ-eu meh. ‘Ngaˇ maˬ paˇ gʼoꞈ kʼoꞈ laˇ haw ma. Aˬ cawˬ-euˬ miˬ yehˇ-ahˇ jawˇ gaˬ taˬ-eu miˇ neh, miˬ yehˇ kʼoeˇ deuˬ-euˬ mehˬ nah caw teh ma’ lehˇ ehˇ-eu meh.”

Iˇsaˬyaˇ 51:20

Nawˬ-euˬ tsawˇ haˬ deuˬ gʼaˬ jiˇ-awˇ, baw gʼaꞈ-ahˇ coeˬ paꞈ-euˬ kʼaˬ tsehˆ loꞈ-ehˇ, gaˇ ma gaˇ tsmˇ kʼaˇ jaˆ gaˇ coˬ lah-awˇ, Sahˬpaˬ Miˬyehˇ-euˬ nui pehˇ-ahˇ aˬ yawꞈ maꞈ ya siˬ duˬ-euˬ meh.

Jaceuq 130:7

Iˇsaˬleˬlaˆ tsawˇ jeuˬ-oˇ, Sahˬpaˬ Miˬyehˇ-ahˇ gʼoe-awˬ. Aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ nya-ehˇ, aˬ dui-ahˇ ka kʼoꞈ mawꞈ-eu nui ma jaˆ-eu miˇ neh, aˬ yawꞈ-ahˇ gʼoe-awˬ.

Uˬ duˬ 26:16

naw maꞈ-ahˇ ngaˇ kʼehˬ nehˬ kʼaˆ nehˬ ma. Naw maꞈ kʼoeˇ taˆ shaˬ zahˬ guˆ gaˆ bi keuˆ le ma. Naw maꞈ-euˬ myaˆ nuiˆ myaˆ behꞈ behꞈ-iˇ-awˇ, tsawˇ shiˇ uˬ kʼawˇ-ahˇ deuˬ leˇ gaˇ keuˆ ni kʼaˆ-eu maˬ laˆ taˬ nya-eu naˇ gawˇ deuˬ, naw maꞈ kʼoeˇ taˆ ngaˇ bi keuˆ le ma. Naw maꞈ siˬ yoeˬ sehˬ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ naw maꞈ-ahˇ deuˆ gʼaˬ-awˇ, naw maꞈ neh kʼaˇ ka taˬ-euˬ deuˬ yuˇ dzaˬ jiˇ tehꞈ-a.

2 Laˬsaˬbaˬ 34:24

Sahˬpaˬ Miˬyehˇ heu loꞈ-ehˇ ehˇ-eu meh. ‘Sahˬ paˬ-ahˇ gui mehˬ nehˬ-euˬ sahˬ boꞈ paˇ dmˬ kʼoeˇ dmˬ laꞈ kʼoeˇ boꞈ ahˇ taˬ-euˬ kʼehˬ-eu kʼaˆ-eu jeˬ Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ kʼoeˇ taˆ ngaˇ bi keuˆ le ma.

Eˇzaˬlaˬ 9:15

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ tsaˬ-eu dawˇ-eu Miˬyehˇ pyeuꞈ kʼawꞈ, nga maꞈ-ahˇ nawˇ bi dzeuˇ-iˇ laꞈ-euˬ meh. Nawˬ-eu mehˬ shi nga maꞈ-euˬ iˬ baˇ shaˇ pyehˬ-eu ma. Nga maꞈ-aˬ, nawˬ-eu mehˬ shi laˇ-eu maˬ geuˇ-eu tsawˇ haˬ pyeuꞈ-eu ma.”

Yeˬsaˬgeˬlaˇ 18:19

“Ehˇ kʼawꞈ, naw maꞈ heu loꞈ-ehˇ ehˇ-eu meh. Aˬ jeˬ miˇ neh aˬ da-euˬ iˬ baˇ baˬ da neh aˬ li gʼaˬ kʼehˬ-eu kʼaˆ-eu jeˬ-ahˇ maˬ ya daˬ ta lehˇ ehˇ-eu meh. Aˬ li gʼaˬ yaw tsaˬ yaw dawˇ jeˬ mˇ-eu meh. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ yaw muiˬ-ehˇ caw teh-euˬ miˇ neh, aˬ yawꞈ aˬ diˇ aˬ maˇ ya dehꞈ tehꞈ-a.