Yeˬsaˬgeˬlaˇ 32:9 - Akha

⁹ “Nawˇ maˬ gaˬ haw-euˬ miˇ kahˬ-ahˇ keuˆ ni, nawˇ luˬ-iˇ seˇ-iˇ-euˬ gaˇ kawˆ ngaˇ bi gaˬ keuˆ-iˇ ngeh, tsawˇ jeuˬ gʼawˬ mya jeuˬ nui ma shaˬ zahˬ ya mˇ tehꞈ-a.

Yeˬsaˬgeˬlaˇ 32:9 Referans Kwoze

Panmaeq 11:18

Nawˬ-euˬ nui pehˇ keuˆ le luꞈ-awˇ, shiˇ-eu deuˬ-ahˇ yaˇ kʼaˬ daˇ-eu aˇ yamˬ keuˆ le taˬ-euˬ miˇ neh, aˬ cawˬ tsawˇ jeuˬ tsawˇ ca kʼoeˇ deuˬ, nui ma pehˇ dui dui luꞈ-eu meh. Miˬyehˇ gʼaˇ duˬ ngehˬ dah nehˬ-euˬ, nawˬ-ahˇ yaw zeu baw-awˇ dehꞈ-eu, nawˬ-euˬ tsawˇ haˬ dawˬ tawˆ luꞈ-ahˇ, huiˬ zaˬ nyiˇ zaˬ maˬ tseˇ paˆ ni, guiˬ lahˬ biꞈ yamˬ keuˆ le-euˬ meh. Miˇ tsaˬ-ahˇ laˆ cawˆ-euˬ deuˬ-ahˇ, laˆ cawˆ kʼoꞈ yamˬ keuˆ le-euˬ meh.”

Yeˬsaˬgeˬlaˇ 30:26

Iˇjiˇtuˆ tsawˇ haˬ deuˬ-ahˇ miˇ kʼahˬ doe ni ngaˇ bi jawˇ byaˆ jiˇ ma. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu aˬ yawꞈ maꞈ siˬ duˬ tehꞈ-a.”

Yeˬsaˬgeˬlaˇ 30:23

Iˇjiˇtuˆ tsawˇ haˬ deuˬ-ahˇ, miˇ kʼahˬ doe ni ngaˇ bi jawˇ byaˆ ma.

Yeˬsaˬgeˬlaˇ 29:12

Iˇjiˇtuˆ miˇ kʼahˬ-ahˇ, miˇ tsaˬ kʼoeˇ taˆ aˬ cawˬ naˆ maˬ tseˇ cawˆ-iˇ-euˬ miˇ kʼahˬ bi pyeuꞈ-iˇ ma. Iˇjiˇtuˆ meuˬ deuˬ oeˬ tseˇ kʼoꞈ keuˆ ni cawˆ-iˇ-awˇ jaˆ tehꞈ-a. Cawˆ-iˇ-eu kʼoeˇ-aˬ, miˇ tsaˬ kʼoeˇ taˆ maˬ puˬ maˬ mawˇ haw-euˬ cawˆ-iˇ-eu jeˬ pyeuꞈ tehꞈ-a. Iˇjiˇtuˆ tsawˇ haˬ deuˬ bi cehˆ byaˆ jiˇ-awˇ, aˬ cawˬ miˇ kʼahˬ doe ni bi jawˇ byaˆ jiˇ ma.”

Doˆ-iˇ 15:14

Gaˇ kawˆ heu aˬ cawˬ tsawˇ jeuˬ deuˬ ya gaˬ-awˇ, aˬ yawꞈ maꞈ guˆ dui dui-eu laꞈ kʼoeˇ yaw dzuˬ dzuˬ-euˬ meh. Piˇliˇtiˆ tsawˇ haˬ deuˬ noeˬ shaˬ dui dui meh.

Yeˬsaˬgeˬlaˇ 27:29

“Saˇ baoˬ yawˬ laˇ na luꞈ byehˇ-awˇ, saˇ baoˬ heu-eu tsawˇ haˬ hawˇ-eu, saˇ baoˬ teh-eu deuˬ dawˬ tawˆ luꞈ, dahˇ taˆ cehˆ daˆ kʼoꞈ laˇ-euˬ meh.

Yeˬsaˬgeˬlaˇ 28:19

Nawˬ-euˬ guiˬ lahˬ kʼoeˇ naˆ tehꞈ meh. Nawˬ-euˬ ziˇ kʼoeˇ gaˇ jiˇ-euˬ meh. Nawˬ-ahˇ kʼaˇ siˬ nya-eu tsawˇ jeuˬ, nawˇ loꞈ-ehˇ pyeuꞈ laˇ gaˇ guˆ meh.

Yeˬsaˬgeˬlaˇ 30:9

“Aˇ nah kʼoeˇ nah keuˆ le-awˇ, Iˇjiˇtuˆ miˇ kʼahˬ cawˆ-iˇ ngeh, saˇ baoˬ laꞈ kʼoeˇ ngaˇ tsawˇ haˬ pyehˬ gʼeh-awˇ, saˇ lehˆ ni jawˇ luꞈ-eu Suˬdaˬ miˇ kʼahˬ-ahˇ gaˇ kawˆ bi dzawˇ gaˬ-iˇ-awˇ, guˆ-eu laꞈ kʼoeˇ bi luiˬ gʼa laˇ ma. Ngaˇ kʼoeˇ loꞈ-ehˇ jahˇ-eu aˇ nah keuˆ le luꞈ meh.”