Yeˬsaˬgeˬlaˇ 32:8 - Akha

⁸ Mˬ taˆ yaw shehꞈ dawˬ tawˆ luꞈ-ahˇ, ngaˇ dehˬ kaˬ byoˆ jiˇ nehˬ ngeh jawˇ, nawˬ-euˬ miˇ tsaˬ zahˇ le meh lehˇ, Dawˬ tawˆ kʼoeˇ taˆ uˆ lahˇ luꞈ-eu, ngaˇ Sahˬpaˬ Miˬyehˇ ehˇ-eu ma.

Yeˬsaˬgeˬlaˇ 32:8 Referans Kwoze

Aˇ dahˬ 1:14

Kʼoeˇ naˇ, “Uˬ ciꞈ nah gʼahˇ biˇ paˆ-eu gʼaˇ duˬ maˬ ehˇ, aˇ nah aˇ yamˬ, aˇ kʼoꞈ aˇ la hawˇ-eu, lawˇ-eu shehˇ-eu aˇ yamˬ aˇ law toꞈ nya-eu gʼaˇ duˬ maˬ ehˇ, mˬ kʼoeˇ taˆ yaw shehꞈ jaˆ le-awˬ.

Dawqdaq 20:20

Aˬ ma aˬ da-ahˇ yaˬ kʼehˇ yaˬ-eu tsawˇ haˬ, zahˇ tsui ni gʼeh ngeh tsiˇ kʼmˬ miˆ-iˇ tehꞈ-a.

Yawˇbaˆ 9:7

Nahˇ ma maˬ bi doˆ laˇ ni aˬ yawꞈ laˆ naˬ nya-awˇ, uˬ ciꞈ paw aˬ guiˇ maˬ bi tsehˬ ni jahˇ nya-eu meh.

Dawˬ tsoˆ 12:2

Nahˇ ma, ba la hawˇ-eu aˬ guiˇ yaw shehꞈ deuˬ nawˬ-euˬ gʼaˇ duˬ maˬ bya-ehˇ pyeuꞈ-iˇ-awˇ, uˬ yehˇ bi yehˇ le-eu mˬ dmˇ iˇ dzeuˇ-euˬ maˬ baw-eu aˇ yamˬ kʼoeˇ yamˬ maˬ keuˆ le mi naˆ-ehˇ noeˬ keuˆ-awˬ.

Iˇsaˬyaˇ 34:4

Nahˇ ma, ba la, aˬ guiˇ dawˬ tawˆ guiˇ byoˆ jiˇ-awˇ, saˬ nmˇ lehˬ yoˆ-eu loꞈ-ehˇ mˬ lehˬ yoˆ kʼoꞈ-awˇ, siˬ guˬ maˇ sheuˇ aˇ paꞈ ga-eu loꞈ-ehˇ, aˬ guiˇ dawˬ tawˆ ga le tehꞈ-a.

Yawˇlaˆ 2:10

Aˬ yawꞈ maꞈ mehˬ hu paw le ngeh, miˇ tsaˬ tahˬ kʼawˇ miˇ luˆ luˆ-awˇ, mˬ nyeh nyeh-ehˇ pyeuꞈ laˇ-eu meh. Nahˇ ma ba la zahˇ-iˇ jiˇ-awˇ, aˬ guiˇ yaw shehꞈ maˬ paˇ bya meh.

Zaˬkaˬliˇ 14:6

Aˇ nah aˇ yamˬ kʼoeˇ keuˆ laˇ ngeh, yaw gaˆ gaˆ-awˇ ngehˇ ga-eu maˬ baw-a.

Doˆ-iˇ 10:22

Moˇseˬ-euˬ aˬ laꞈ mˬ paw cawˬ diˇ ngeh, zahˇ dui dui-eu zahˇ tsui ni gʼeh-eu jeˬ, smˬ nah keuˆ ni Iˇjiˇtuˆ miˇ kʼahˬ kʼoeˇ taˆ keuˆ le-euˬ meh.

Iˇsaˬyaˇ 13:10

Mˬ taˆ aˬ guiˇ dawˬ tawˆ miˆ kʼaꞈ jiˇ-awˇ, nahˇ ma doˆ laˇ ngeh yaw shehꞈ maˬ bya-ehˇ, ba la tsehˬ ngeh zahˇ tsui ni jaˆ tehꞈ-a.