Yeˬsaˬgeˬlaˇ 32:7 - Akha

⁷ Nawˬ-ahˇ ngaˇ laˆ cawˆ nehˬ ngeh nah, mˬ-ahˇ ngaˇ dehˬ kaˬ-eu laꞈ kʼoeˇ, aˬ guiˇ zahˇ tsui ni bi jaˆ ma. Nahˇ ma-ahˇ mˬ dmˇ dehˬ kaˬ-awˇ, ba la tsehˬ-eu bi naˬ leˇ ma.

Yeˬsaˬgeˬlaˇ 32:7 Referans Kwoze

Maꞈtehˬ 24:29

“Guˆ-eu gaˆ-eu aˇ nah aˇ yamˬ kʼoeˇ keuˆ le gʼaˬ-euˬ nehˬ-ehˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ, aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.

Yawˇlaˆ 2:31

Guˆ dui dui laˇ paˬ-ehˇ gʼeh-eu, Sahˬpaˬ Miˬyehˇ-euˬ Aˇ nah kʼoeˇ, keuˆ le-eu lehˇ gʼeh-eu mehˬ hu, nahˇ ma zahˇ tsui ni pyeuꞈ-iˇ-awˇ, ba la shiˬ neˇ neˇ-iˇ tehꞈ-a.

Yawˇlaˆ 2:2

Aˇ nah kʼoeˇ nah zahˇ dui dui-awˇ, juˬ kʼoeˬ tmˬ-awˇ naˆ dui dui meh. Gawˬ jawˬ kʼaˬ naˆ naˆ-eu loꞈ-ehˇ, nyehˇ bahˇ baˬ maꞈ laˇ gʼeh laꞈ meh. Kʼoeˇ naˆ naˆ-ehˇ gʼeh-eu gaˇ kawˆ, aˇ hu keuˆ le-euˬ maˬ jaˆ-ehˇ, aˬ kaˇ maˬ paˇ keuˆ le haw-aˇ.

Yeˬsaˬgeˬlaˇ 30:3

Sahˬpaˬ Miˬyehˇ nui ma pehˇ gaˇ, ya mawˇ-eu nah keuˆ le luꞈ meh. Miˇ kʼahˬ tsawˇ jeuˬ dawˬ tawˆ kʼoeˇ taˆ, shaˬ zahˬ mˬ dmˇ ciˬ tehˬ le-eu aˇ nah kʼoeˇ nah keuˆ le luꞈ meh.

Iˇsaˬyaˇ 34:4

Nahˇ ma, ba la, aˬ guiˇ dawˬ tawˆ guiˇ byoˆ jiˇ-awˇ, saˬ nmˇ lehˬ yoˆ-eu loꞈ-ehˇ mˬ lehˬ yoˆ kʼoꞈ-awˇ, siˬ guˬ maˇ sheuˇ aˇ paꞈ ga-eu loꞈ-ehˇ, aˬ guiˇ dawˬ tawˆ ga le tehꞈ-a.

Iˇsaˬyaˇ 13:10

Mˬ taˆ aˬ guiˇ dawˬ tawˆ miˆ kʼaꞈ jiˇ-awˇ, nahˇ ma doˆ laˇ ngeh yaw shehꞈ maˬ bya-ehˇ, ba la tsehˬ ngeh zahˇ tsui ni jaˆ tehꞈ-a.

Yawˇlaˆ 3:15

Nahˇ ma ba la zahˇ tsui iˇ-awˇ, aˬ guiˇ yaw shehꞈ maˬ paˇ bya meh.

Panmaeq 8:12

Kʼoeˇ naˇ, mˬ taˆ gʼaˬ kʼehˇ oeˬ gʼaˬ tiˬ gʼaˬ daˇ heh baw ngeh, nahˇ ma smˬ paˆ tiˬ paˆ, ba la smˬ paˆ tiˬ paˆ hawˇ-eu, aˬ guiˇ smˬ bymˇ tiˬ bymˇ-ahˇ zaw leˇ-awˇ, nahˇ ma, ba la , aˬ guiˇ kʼoeˇ deuˬ-euˬ yaw shehꞈ smˬ bymˇ tiˬ bymˇ teˬ-iˇ-euˬ meh. Nah gʼahˇ smˬ bymˇ tiˬ bymˇ hawˇ-eu, uˬ ciꞈ smˬ bymˇ tiˬ bymˇ yaw bya maˬ bya ni pyeuꞈ-iˇ-euˬ meh.

Maˬkuˆ 13:24

Guˆ-eu gaˆ-eu aˇ nah aˇ yamˬ kʼoeˇ dzeuˇ-iˇ ngeh jawˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ,

Aˬmoˆ 8:9

Nah loˆ ceh ngeh nahˇ ma ga ahˇ-awˇ, nah gʼahˇ nah gaˆ-ahˇ zahˇ tsui ni ngaˇ bi pyeuꞈ laˇ-eu aˇ yamˬ peh le luꞈ meh lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬsaˬgeˬlaˇ 30:18

Iˇjiˇtuˆ-euˬ baoˬ ngawˬ kʼehꞈ-awˇ, gʼaˬ gʼaˬ siˬ nyehꞈ paˆ dzeh nehˬ ngeh, Taˬpaˬnehˇ meuˬ zahˬ leˇ tehꞈ-a. Iˇjiˇtuˆ-ahˇ juˬ kʼoeˬ tmˬ-awˇ, Iˇjiˇtuˆ meuˬ doe ni jawˇ-eu, tsawˇ haˬ deuˬ bi nyehꞈ jiˇ tehꞈ-a.

Yeˬlaˬmiˇ 13:16

Yaw zahˇ jeˬ maˬ bi keuˆ le mi naˆ-ehˇ, gawˬ jawˬ kʼoeˇ taˆ naw maꞈ sahˬ tiꞈ maˬ ya tiꞈ mi naˆ-ehˇ, naw maꞈ noeˬ tmˬ-euˬ yaw shehꞈ-ahˇ, aˬ yawꞈ zahˇ tsui ni maˬ bi pyeuꞈ-iˇ mi naˆ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, naw maꞈ yaw zeu baw-awˬ.

Dawqdaq 13:9

Yaw tsaˬ yaw dawˇ deuˬ bya dui dui-eu tsiˇ kʼmˬ kʼmˬ ma-ahˇ duˇ-awˇ, yaw haiˬ deuˬ miˆ-iˇ luꞈ-eu tsiˇ du du zaˬ-ahˇ duˇ-eu meh.

Luˇkaꞈ 21:25

“Nahˇ ma, ba la, aˬ guiˇ laꞈ kʼoeˇ, bi siˬ bi mawˇ-eu gʼawˬ mya jeˬ pyeuꞈ doˆ laˇ tehꞈ-a. Miˇ tsaˬ tsawˇ jeuˬ deuˬ iˬ ma laˆ shaˆ iˇ luˆ dzeh-awˇ teˇ saˇ mahˇ gaˇ guˆ dui dui-awˇ, zahˬ leˇ tsoˆ leˇ tehꞈ-a.

Yawˇbaˆ 9:7

Nahˇ ma maˬ bi doˆ laˇ ni aˬ yawꞈ laˆ naˬ nya-awˇ, uˬ ciꞈ paw aˬ guiˇ maˬ bi tsehˬ ni jahˇ nya-eu meh.

Dawˬ tsoˆ 12:2

Nahˇ ma, ba la hawˇ-eu aˬ guiˇ yaw shehꞈ deuˬ nawˬ-euˬ gʼaˇ duˬ maˬ bya-ehˇ pyeuꞈ-iˇ-awˇ, uˬ yehˇ bi yehˇ le-eu mˬ dmˇ iˇ dzeuˇ-euˬ maˬ baw-eu aˇ yamˬ kʼoeˇ yamˬ maˬ keuˆ le mi naˆ-ehˇ noeˬ keuˆ-awˬ.

Yeˬsaˬgeˬlaˇ 31:15

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˇ bawˇ kʼoeˇ bawˇ shiˇ-eu miˇ kʼahˬ-ahˇ iˇ keuˆ ngeh nah, miˇ tsaˬ dawˬ dah-euˬ iˇ cuꞈ neh bi dahˬ pymˬ-awˇ tsawˇ ngoeˇ bi ngoeˇ nehˬ ma. Lawˇ baˬ gawˆ ma deuˬ-ahˇ ngaˇ gʼeu tehˬ taˬ-awˇ, gawˆ zaˬ deuˬ kʼawꞈ yaw kʼaˆ-ehˇ maˬ yoeˇ ni bi pyeuꞈ-iˇ ma. Aˇ bawˇ kʼoeˇ shiˇ-euˬ miˇ neh, Leˬbaˬnoˬ gawˬ jawˬ kʼoeˇ taˆ zahˇ tsui ni gʼeh-eu jeˬ bi keuˆ le-awˇ, sahˬ kʼaˆ-ahˇ kʼaˇ dehꞈ-eu aˇ bawˇ deuˬ bi nyoeˬ-iˇ ma.

Yeˬsaˬgeˬlaˇ 34:12

Cah byaˆ jiˇ-euˬ yawˇ deuˬ-ahˇ yawˇ bo-eu yaw sahˇ poˆ kʼoꞈ uiˬ-eu loꞈ-ehˇ, ngaˬ-euˬ yawˇ deuˬ-ahˇ ngaˇ poˆ kʼoꞈ uiˬ ma. Juˬ kʼoeˬ tmˬ-awˇ mˬ zahˇ tsui ni gʼeh ngeh nah aˬ yawꞈ maꞈ kʼaˇ cehˆ byaˆ taˬ-euˬ gaˇ, ngaˇ poˆ mawˆ kʼoꞈ ma.

Yawˇlaˆ 2:10

Aˬ yawꞈ maꞈ mehˬ hu paw le ngeh, miˇ tsaˬ tahˬ kʼawˇ miˇ luˆ luˆ-awˇ, mˬ nyeh nyeh-ehˇ pyeuꞈ laˇ-eu meh. Nahˇ ma ba la zahˇ-iˇ jiˇ-awˇ, aˬ guiˇ yaw shehꞈ maˬ paˇ bya meh.