Yeˬsaˬgeˬlaˇ 32:4 - Akha

⁴ Nawˬ-ahˇ ngaˇ miˇ tsa baꞈ dzeh -awˇ, miˇ tsaˬ kʼoeˇ taˆ kʼaˇ jawˇ luꞈ-eu, jeˬ zaˬ hawˇ-eu aˇ jiˇ dawˬ tawˆ, kuˇ uiˬ-awˇ nawˬ-ahˇ bi dzaˬ ma.

Yeˬsaˬgeˬlaˇ 32:4 Referans Kwoze

Iˇsaˬyaˇ 18:6

Shiˇ taˬ-awˇ ga-eu aˬ yawꞈ maꞈ-euˬ yehˇ deuˬ, aˇ jiˇ hawˇ-eu bawˇ tsahˬ jeˬ zaˬ gʼaˇ duˬ pyeuꞈ-awˇ, aˇ jiˇ deuˬ tiˬ jawˇ la dzaˬ-eu uˬ taꞈ, tsahˬ gaˆ yamˬ-ahˇ jeˬ zaˬ deuˬ bui tehꞈ-a.”

Yeˬsaˬgeˬlaˇ 29:5

Nawˇ hawˇ-eu ngaˬ shaˬ kʼoeˇ deuˬ-ahˇ, kʼaˇ shuiꞈ deh ga-ahˇ biˬ dzeh ma. Nawˬ-ahˇ maˬ duˬ pahˬ ni byehˇ-awˇ, miˇ tsa bi ga yaꞈ-eu laꞈ kʼoeˇ, bawˇ tsahˬ jeˬ zaˬ aˇ jiˇ deuˬ neh, nawˬ-euˬ shaˬ jiˇ bi dzaˬ jiˇ ma.

Yawˇlaˆ 3:19

“Iˇjiˇtuˆ hawˇ-eu Eˬdoˬ-aˬ, Yuˇdaˆ miˇ kʼahˬ-ahˇ guiˇ deuˆ-awˇ, maˬ lehˬ maˬ ca-eu tsawˇ haˬ-ahˇ, shiˬ sehꞈ yoeˇ-euˬ jaˆ-eu miˇ neh, Iˇjiˇtuˆ miˇ kʼahˬ byoˆ le-awˇ, kʼaˇ shuiꞈ deh ga pyeuꞈ-iˇ tehꞈ-a. Eˬdoˬ miˇ kʼahˬ gʼeh byoˆ le-awˇ, bawˇtsahˬ bawˇdahˇ pyeuꞈ-iˇ tehꞈ-a.

Yeˬlaˬmiˇ 25:33

Aˇ yamˬ kʼoeˇ keuˆ le ngeh, Sahˬpaˬ Miˬyehˇ neh sehꞈ dzeh taˬ-euˬ tsawˇ haˬ deuˬ, miˇ tsaˬ tahˬ kʼawˇ kʼoeˇ dzeˇ heu dzeˇ doˆ ni, tiˬ byah ni ga tehꞈ-a. Aˬ yawꞈ maꞈ-ahˇ tsawˇ ngoeˇ ngoeˇ-awˇ baꞈ pahˬ nehˬ-eu gʼaˬ maˬ jawˇ-ehˇ, mawˇ neˇ keˬ loꞈ-ehˇ ga tehꞈ-a.

Yeˬlaˬmiˇ 8:2

Shaˬ yoeˬ kʼoeˇ deuˬ-ahˇ gʼoˆ uiˬ-awˇ maˬ duˬ pahˬ nehˬ ni, aˬ nyoˬ mawˇ neˇ keˬ ga-eu loꞈ-ehˇ miˇ tsa ga tehꞈ-a. Tsawˇ haˬ kʼoeˇ deuˬ yaw dehꞈ dehꞈ ngeh uˬ duˬ tahˬ-awˇ caw teh-euˬ nahˇ ma, ba la, aˬ guiˇ, kʼoeˇ deuˬ-euˬ mehˬ shi, shaˬ yoeˬ kʼoeˇ deuˬ bya cehˆ ni ga tehꞈ-a.

Iˇsaˬyaˇ 66:24

“Aˬ yawꞈ maꞈ gʼoꞈ doˆ-iˇ ngeh, ngaˬ-ahˇ puiˬ-eu tsawˇ haˬ deuˬ shiˇ taˬ-awˇ ga gaˇ ya mawˇ tehꞈ-a. Aˬ yawꞈ maꞈ-ahˇ dzaˬ-eu buˬ joe deuˬ shiˇ-eu maˬ baw-ehˇ, aˬ yawꞈ maꞈ-ahˇ puiˆ-eu miˬ dzaˬ miˆ-iˇ-eu maˬ baw-a. Aˬ yawꞈ maꞈ-aˬ, miˇ tsaˬ zaˬ dawˬ tawˆ luꞈ gʼaˇ duˬ jawꞈ dui dui-eu jeˬ pyeuꞈ tehꞈ-a.”

Iˇsaˬyaˇ 14:19

Ehˇ kʼawꞈ, nawˇ lmˬ bymˇ maˬ baw-ehˇ, aˇ yamˬ maˬ keuˆ miˇ-ahˇ yoeˇ dzeh-euˬ zaˬ loꞈ-ehˇ, baꞈ dzeh-awˇ bi buꞈ-iˇ-euˬ meh. Nawˬ-euˬ kʼoeˇ taˆ shiˇ daˆ taˬ-euˬ, mi cehˇ kʼehˬ-ahˇ shiˇ-euˬ yehˇ deuˬ nehˬ-ehˇ, lo gahˬ lo guˇ duˬ kʼahˬ laꞈ kʼoeˇ bi baꞈ ahˇ-awˇ, aˬ cawˬ neh bi nawˬ pahˬ-euˬ meh.

Jaceuq 74:14

Leˬbeˇdaˬ lehˇ kuˇ-eu laˆ shaˆ byaˆ yahˬ yahˬ ma-euˬ uˬ duˬ-ahˇ nawˇ nawˬ pyehˆ-awˇ, aˬ yawꞈ-euˬ gʼawˇ mawˇ-ahˇ kʼaˇ shuiꞈ deh yaˇ-ahˇ jawˇ-eu bawˇ tsahˬ jeˬ zaˬ-ahˇ nawˇ bi dzaˬ-euˬ meh.

Jaceuq 63:10

Aˬ yawꞈ maꞈ guiˇ deuˆ gaˇ bi deuˆ sehꞈ-awˇ, kʼaˬ yehˇ neh bi dzaˬ jiˇ tehꞈ-a.

Yeˬsaˬgeˬlaˇ 35:8

Gawˬ jawˬ-ahˇ shiˇ-euˬ tsawˇ haˬ tiˬ gʼoeˬ bi ga-awˇ, gawˬ duˇ hawˇ-eu deh kʼawꞈ doe ni, guiˇ deuˆ gaˇ shiˇ-euˬ deuˬ ga byah taˬ tehꞈ-a.