Yeˬsaˬgeˬlaˇ 32:2 - Akha

² “Tsawˇ haˬ zaˬ-oˇ, Iˇjiˇtuˆ sahˬ paˬ-ahˇ shaˇ noeˬ dui dui paˬ-ehˇ gʼeh-eu dawˬ heu deuˬ ehˇ nehˬ-awˬ. “Aˇ laˬ jaˬ shiˇ-ahˇ duˇ ma lehˇ, nawˇ yawˬ haˇ yawˬ ha noeˬ-eu kʼawꞈ, laˆ shaˆ laꞈ kʼoeˇ uˇ-eu laˆ shaˆ byaˆ yahˬ loˆ ni tehꞈ meh. Aˬ kuiˇ neh iˇ neˇ laˆ neˇ-awˇ, lawˇ baˬ-ahˇ nawˇ laˆ jawꞈ-eu meh.

Yeˬsaˬgeˬlaˇ 32:2 Referans Kwoze

Yeˬsaˬgeˬlaˇ 29:3

Iˇjiˇtuˆ sahˬ paˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu, Lawˇ baˬ gʼahˇ ceh yuꞈ-eu byaˆ yahˬ, Iˇjiˇtuˆ miˇ kʼahˬ sahˬ paˬ-oˇ, nawˬ-ahˇ ngaˇ muiˇ-eu ma.

Yeˬsaˬgeˬlaˇ 27:2

“Tsawˇ haˬ zaˬ-oˇ, Duˇlu meuˬ gʼaˇ duˬ tsawˇ ngoeˇ ngoeˇ-eu caˇ dawˬ caˇ nehˬ-awˬ.

Yeˬsaˬgeˬlaˇ 38:13

Sheˬba miˇ kʼahˬ hawˇ-eu Deˬdaˬ miˇ kʼahˬ-ahˇ jawˇ-eu tsawˇ haˬ deuˬ maˬ ehˇ, Saˬbeˬ miˇ kʼahˬ-ahˇ jaˆ-eu meuˬ deuˬ-ahˇ jawˇ-eu baw gaꞈ deuˬ maˬ ehˇ, nawˬ-ahˇ heu loꞈ-ehˇ naˇ haˬ laˇ tehꞈ-a. ‘Aˬ cawˬ-euˬ pyuˇ shuiˇ myawˬ gahˬ ceh geuꞈ-eu gʼaˇ duˬ, nawˇ guiˇ guiˇ maꞈ laˆ uiˬ-awˇ guiˇ deuˆ te loˇ. Pyuˇ hawˇ-eu shuiˇ deuˬ, jeˬ zaˬ deuˬ hawˇ-eu, myawˬ gahˬ deuˬ ya baꞈ geuꞈ gaˇ noeˬ tmˬ-awˇ kʼoeˇ loꞈ-ehˇ jahˇ te loˇ lehˇ naˇ haˬ laˇ tehꞈ-a’ lehˇ ehˇ-eu meh.”

Yeˬsaˬgeˬlaˇ 34:18

Naw maꞈ tiˬ paˆ na deuˬ muiˬ dui dui-eu yaˇ moꞈ ya dzaˬ luꞈ-eu tehꞈ-ehˇ maˬ gʼaˬ ni, naw maꞈ maˬ dzaˬ nahˇ-eu yaˇ moꞈ deuˬ-ahˇ nawˬ pahˬ nehˬ-eu meh. Shawˇ jehˆ ni gʼeh-eu iˇ cuꞈ naw maꞈ dawˇ-awˇ, naw maꞈ maˬ dawˇ-eu iˇ cuꞈ-ahˇ iˇ neˇ laˆ neˇ-eu meh.

Yeˬsaˬgeˬlaˇ 32:16

“Maˇ jawˆ ni gʼeh-eu dawˬ heu deuˬ-aˬ, tsawˇ ngoeˇ ngoeˇ-eu caˇ dawˬ pyeuꞈ laˇ tehꞈ-a. Iˇjiˇtuˆ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ gʼaˇ duˬ, miˇ kʼahˬ tsawˇ jeuˬ zaˬ miˬ zaˬ deuˬ caˇ dawˬ heu bymˇ caˇ tehꞈ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 28:12

“Tsawˇ haˬ zaˬ-oˇ, Duˇlu sahˬ paˬ gʼaˇ duˬ tsawˇ ngoeˇ ngoeˇ-awˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ, aˬ yawꞈ-ahˇ ehˇ nehˬ-awˬ. “Nawˇ yawˬ jeˬ na byah dui dui-awˇ, tiˬ pawꞈ-iˬ ehˇ kʼaˇ maˬ za-a. Aˇ gʼehˇ muiˬ dui dui-eu uˬ taꞈ, zaˬ siˬ tsawˇ gahˇ byah dui dui meh.

Yeˬlaˬmiˇ 4:7

Dzuˇ zaꞈ taˬ-euˬ aˇ laˬ jaˬ shiˇ coeˬ doˆ leꞈ-eu loꞈ-ehˇ, miˇ kʼahˬ tsawˇ jeuˬ-ahˇ laˆ cawˆ-eu gʼaˬ oe luꞈ meh. Yuˇdaˆ miˇ kʼahˬ-ahˇ laˆ cawˆ-eu lehˇ aˬ yawꞈ oe luꞈ meh. Yuˇdaˆ miˇ kʼahˬ-euˬ meuˬ deuˬ ya cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Iˇsaˬyaˇ 27:1

Aˇ nah kʼoeˇ nah-ahˇ, Sahˬpaˬ Miˬyehˇ aˬ yawꞈ-euˬ baoˬ huiˬ dui dui-eu mi cehˇ-ahˇ gʼoe-awˇ, joe joe-ehˇ maˬ ehˇ, yaw gʼahˬ yaw diˆ-ehˇ maˬ ehˇ, cah nya-eu Leˬbeˇdaˬ aˇ lawˇ ma kʼoeˇ mawˇ-ahˇ kʼehˬ-awˇ, iˬ ma laˆ shaˆ-ahˇ uˇ-eu byaˆ yahˬ yahˬ ma kʼoeˇ mawˇ-ahˇ sehꞈ tehꞈ-a.

Yeˬsaˬgeˬlaˇ 32:18

“Tsawˇ haˬ zaˬ-oˇ, Iˇjiˇtuˆ tsawˇ haˬ deuˬ gʼaˇ duˬ tsawˇ ngoeˇ ngoeˇ-awˬ. Baoˬ huiˬ-eu tsawˇ jeuˬ nui deuˬ nehˬ-ehˇ tiˬ kʼawˆ loꞈ-ehˇ, aˬ yawꞈ maꞈ-ahˇ shiˇ-eu miˇ kʼahˬ-ahˇ bi keuˆ-iˇ-awˬ.

Yeˬsaˬgeˬlaˇ 27:32

Nawˬ-euˬ gʼaˇ duˬ tsawˇ ngoeˇ ngoeˇ dawˬ, aˬ yawꞈ maꞈ heu loˇ caˇ-eu meh. ‘Iˬ ma laˆ shaˆ-ahˇ byoˆ tsehˆ-euˬ, Duˇlu loꞈ-ehˇ aˬ suˇ jawˇ ta.

Yeˬlaˬmiˇ 46:8

Niˬlaˇ lawˇ baˬ loꞈ-ehˇ tuˇ laˇ luꞈ-eu Iˇjiˇtuˆ meh. Iˇ jeuˬ oe-eu loꞈ-ehˇ daˆ laˇ luꞈ-eu Iˇjiˇtuˆ meh. Iˇjiˇtuˆ heu loꞈ-ehˇ ehˇ meh. Ngaˇ luˆ laˇ-awˇ miˇ tsaˬ tahˬ kʼawˇ tiˬ gʼoeˬ iˇ ma. Meuˬ deuˬ hawˇ-eu meuˬ laꞈ kʼoeˇ jawˇ-eu tsawˇ haˬ deuˬ, dawˬ tawˆ luꞈ ngaˇ laˆ cawˆ jiˇ ma.

Yeˬlaˬmiˇ 9:18

Aˬ yawꞈ-euˬ tsawˇ haˬ deuˬ ehˇ-eu, “Nga maꞈ myaˆ nuiˆ myaˆ biˇ dahˬ byah jiˇ-awˇ, myaˆ nuiˆ myaˆ shehˆ jaˇ yoe ni ngoeˇ pyeuꞈ jiˇ ngeh keuˆ, yaw kawˇ ma-ehˇ laˇ-awˇ kuiˇ deuˇ gui laˇ-awˬ lehˇ, aˬ yawꞈ maꞈ-ahˇ ehˇ gaˬ nehˬ-awˬ.”

Iˇsaˬyaˇ 51:9

Sahˬpaˬ Miˬyehˇ nawˇ noeˬ laˇ-awˇ nga maꞈ-ahˇ ka kʼoꞈ-awˬ. Nawˬ-euˬ baoˬ-ahˇ gʼoe-awˇ nga maꞈ-ahˇ ka kʼoꞈ nehˬ laꞈ-awˬ. Aˇ hu nawˬ-euˬ baoˬ bi mawˇ-euˬ loꞈ-ehˇ nymˬ-mˇ bi mawˇ laꞈ-awˬ. Laˆ shaˆ byaˆ yahˬ Laˬhaˇ-ahˇ byehˆ nmˆ nehˬ-euˬ gʼaˬ nawˇ meh.

Dawqdaq 28:15

Maˬ tsaˬ maˬ dawˇ-eu sahˬ paˬ-aˬ, shaˬ zaˬ zahˬ zaˬ mehˬ shi joeˬ joeˬ-ehˇ cah-eu aˇ laˬ jaˬ shiˇ hawˇ-eu, lmˬ lmˬ-ehˇ oe-eu kʼaˬ hmˇ-ahˇ duˇ-eu meh.

Bawˇtsahˬ 24:9

Iˇsaˬleˬlaˆ tsawˇ jeuˬ-aˬ, aˇ laˬ jaˬ shiˇ-ahˇ duˇ-eu meh. Aˬ yawꞈ yuꞈ kʼaˆ luꞈ ngeh tiˬ gʼaˬ-iˬ maˬ laˆ noeˬ peuˬ-a. Iˇsaˬleˬlaˆ-ahˇ dawˬ kʼaˇ ngehˬ gʼeh nehˬ-eu tsawˇ haˬ guiˬ lahˬ za-awˇ, Iˇsaˬleˬlaˆ-ahˇ yaˬ kʼehˇ kʼaˇ yaˬ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a”

Aˇ dahˬ 49:9

Yuˇdaˆ-aˬ, aˇ laˬ jaˬ shiˇ-ahˇ duˇ-eu meh. Aˬ cawˬ-ahˇ kawꞈ sehꞈ dzaˬ gʼaˬ-awˇ, yawˬ ha-euˬ lo kʼahˬ-ahˇ paˇ gʼoꞈ yuꞈ laˇ-eu meh. Kʼaˇ cah mawꞈ gaˇ cah-awˇ, kʼaˇ yuꞈ mawꞈ gaˇ yuꞈ kʼawꞈ, aˬ yawꞈ-ahˇ tiˬ gʼaˬ-iˬ maˬ laˆ ciˆ peuˬ-a.

Maꞈtehˬ 7:24

“Ngaˬ neh mehˬ-euˬ dawˬ-ahˇ ya gaˬ-awˇ naˇ haˬ geuꞈ-eu tsawˇ haˬ yawˬ gʼaˬ na luꞈ, kʼaˬ lo kʼoeˇ taˆ nymˇ tsoˆ-eu noeˬ dahˇ doe-eu tsawˇ haˬ-ahˇ duˇ-eu meh.

Yawˇbaˆ 7:12

“Ngaˇ-aˬ, iˬ ma laˆ shaˆ byaˆ yahˬ yahˬ ma pyeuꞈ-eu miˇ neh, nawˇ ngaˬ-ahˇ bi ka lahˇ te loˇ.

Dawqdaq 25:26

Tsawˇ doeˇ-euˬ bawˬ toˆ mehˬ nah tsawˇ muiˬ caw teh leˇ-eu jeˬ-aˬ, lawˇ gawˆ yaw jawꞈ hawˇ-eu doꞈ dawˆ taˬ-euˬ lah duˬ-ahˇ duˇ-eu meh.

Yeˬlaˬmiˇ 46:7

Niˬlaˇ lawˇ baˬ loꞈ-ehˇ tuˇ laˇ luꞈ-eu aˬ suˇ gʼaˬ-a. Iˇ jeuˬ oe-eu loꞈ-ehˇ daˆ laˇ luꞈ-eu aˬ suˇ gʼaˬ-a.

Yeˬsaˬgeˬlaˇ 26:17

Nawˬ-euˬ gʼaˇ duˬ tsawˇ ngoeˇ ngoeˇ nehˬ-eu caˇ dawˬ heu bymˇ aˬ yawꞈ maꞈ caˇ tehꞈ-a. “Tsawˇ myahˇ doˆ dui dui-eu meuˬ-oˇ, nawˇ aˬ joˆ-ehˇ bi laˆ cawˆ teˬ. Iˬ maˬ kʼoeˇ taˆ nawˬ neh dzoeˬ-awˇ, laˆ shaˆ-euˬ baoˬ nawˇ ngeuˇ law meh. Nawˇ hawˇ-eu nawˬ-euˬ tsawˇ haˬ-ahˇ, kʼaˇ jawˇ kʼaˇ deuˬ guˆ lawˬ yaˇ tawˇ.

Yeˬsaˬgeˬlaˇ 29:15

Miˇ kʼahˬ dawˬ tawˆ luꞈ naˆ maˬ tseˇ gʼaˬ baˬ-eu miˇ kʼahˬ tiˬ kʼahˬ pyeuꞈ-awˇ, aˬ cawˬ tsawˇ jeuˬ kʼoeˇ taˆ uˆ lahˇ nya-eu baoˬ maˬ ahˇ ni pyeuꞈ-iˇ tehꞈ-a. Aˬ yawꞈ maꞈ teˬ dui dui-iˇ-awˇ, aˬ cawˬ tsawˇ jeuˬ aˬ yawꞈ maꞈ-euˬ nui noeˬ mehˬ nah caw teh laˇ ni maˬ jahˇ nya-ehˇ pyeuꞈ-iˇ tehꞈ-a.

Yawˇbaˆ 41:23

Aˬ yawꞈ-euˬ shaˬ jiˇ shmˇ loꞈ-ehˇ gʼahˇ-awˇ, yaw byehˆ tiˬ tsahˇ-iˬ maˬ jaˆ-a.

Dawqdaq 30:30

Jeˬ zaˬ dawˬ tawˆ luꞈ laꞈ kʼoeˇ aˬ cawˬ naˆ maˬ tseˇ gʼaˬ kʼaˆ dzehˬ-awˇ, guˆ-eu nui ma maˬ ahˇ-eu aˇ laˬ jaˬ shiˇ tiˬ jeˬ,