Yeˬsaˬgeˬlaˇ 32:12 - Akha

¹² Haiˬ dui dui-eu tsawˇ jeuˬ-euˬ yehˇ deuˬ mi cehˇ bi gʼawˇ doˆ-awˇ, nawˬ-euˬ tsawˇ haˬ deuˬ-ahˇ bi sehꞈ ma. “Iˇjiˇtuˆ-euˬ kʼahˬ sehˇ hawˇ-eu, aˬ yawꞈ-euˬ tsawˇ haˬ dawˬ tawˆ luꞈ, aˬ yawꞈ maꞈ laˆ cawˆ jiˇ tehꞈ-a.

Yeˬsaˬgeˬlaˇ 32:12 Referans Kwoze

Yeˬsaˬgeˬlaˇ 28:7

Guˆ laˇ paˬ-ehˇ gʼeh-eu tsawˇ jeuˬ, nawˇ jawˇ gaˇ ngaˇ sheuˬ ahˇ leꞈ ma. Aˬ yawꞈ maꞈ mi cehˇ gʼawˇ doˆ-awˇ, nawˬ-euˬ zaˬ siˬ tsawˇ gahˇ hawˇ-eu, haw muiˬ-eu jeˬ laˆ cawˆ jiˇ-awˇ, nawˬ-euˬ kʼahˬ sehˇ laˆ byoˆ tehꞈ-a.

Yeˬsaˬgeˬlaˇ 31:11

Kʼoeˇ miˇ neh, aˇ bawˇ kʼoeˇ-ahˇ ngaˇ byehˇ dzeh-awˇ, aˬ cawˬ tsawˇ jeuˬ sahˬ paˬ-euˬ laꞈ-ahˇ bi ahˇ leˇ ma. Aˇ bawˇ kʼoeˇ yaw haiˬ miˇ neh, aˬ yawꞈ-ahˇ kʼaˇ oꞈ kʼaˇ geuˇ-eu loꞈ-ehˇ jahˇ nehˬ tehꞈ-a.

Yeˬsaˬgeˬlaˇ 29:19

Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, nymˬ-mˇ heu loꞈ-ehˇ ehˇ-eu ma. Iˇjiˇtuˆ miˇ kʼahˬ kʼoeˇ sahˬ paˬ Neˬbuˬkaˬneˬzaˬ-ahˇ ngaˇ a nehˬ ma. Aˬ yawꞈ-euˬ guiˇ maꞈ neh guiˇ deuˆ-euˬ aˇ poeˬ, Iˇjiˇtuˆ miˇ kʼahˬ-ahˇ kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ, aˬ yawꞈ deuˆ geuꞈ gʼeh jiˇ tehꞈ-a.

Yeˬsaˬgeˬlaˇ 30:11

Miˇ tsaˬ dawˬ tawˆ guˆ dui dui-eu, aˬ yawꞈ hawˇ-eu yawꞈ-euˬ guiˇ maꞈ, Miˇ kʼahˬ heu kʼahˬ laˆ cawˆ-eu lehˇ, baꞈ maꞈ puˇ jeˬ-ehˇ oe tehꞈ-a. Aˬ yawꞈ maꞈ mi cehˇ gʼawˇ doˆ-awˇ, Iˇjiˇtuˆ miˇ kʼahˬ-ahˇ deuˆ-awˇ, tsawˇ shiˇ bi ga byah yaꞈ tehꞈ-a.

Yeˬsaˬgeˬlaˇ 28:19

Nawˬ-euˬ guiˬ lahˬ kʼoeˇ naˆ tehꞈ meh. Nawˬ-euˬ ziˇ kʼoeˇ gaˇ jiˇ-euˬ meh. Nawˬ-ahˇ kʼaˇ siˬ nya-eu tsawˇ jeuˬ, nawˇ loꞈ-ehˇ pyeuꞈ laˇ gaˇ guˆ meh.

Yeˬsaˬgeˬlaˇ 31:12

Gʼawˬ shaˬ gaˬ-eu maˬ siˬ nya-eu aˬ cawˬ tsawˇ jeuˬ neh tuˇ dzeh-awˇ bi ga yaꞈ tehꞈ-a. Gawˬ jawˬ gʼaˬ lawˬ doe ni aˇ bawˇ kʼoeˇ bawˇ-euˬ uˬ pyaˬ uˬ laꞈ ga tehꞈ-a. Aˬ yawꞈ-euˬ naˇ shmˇ uˬ moˆ kʼaˇ jawˇ-euˬ tsawˇ jeuˬ dawˬ tawˆ luꞈ cehˆ jiˇ tehꞈ-a.

Yeˬlaˬmiˇ 46:12

Miˇ kʼahˬ tsawˇ jeuˬ mehˬ shi naw maꞈ daˬ ya ga-awˇ, naw maꞈ ngoeˇ-eu yawˬ gʼaˬ na luꞈ gaˬ jiˇ-euˬ meh. Yehˇ deuˬ tiˬ gʼaˬ tiˇ gʼaˬ coeˬ tuˆ sehꞈ-awˇ, tiˬ gm-ehˇ ya shiˇ jiˇ tehꞈ-a.

Yeˬsaˬgeˬlaˇ 32:18

“Tsawˇ haˬ zaˬ-oˇ, Iˇjiˇtuˆ tsawˇ haˬ deuˬ gʼaˇ duˬ tsawˇ ngoeˇ ngoeˇ-awˬ. Baoˬ huiˬ-eu tsawˇ jeuˬ nui deuˬ nehˬ-ehˇ tiˬ kʼawˆ loꞈ-ehˇ, aˬ yawꞈ maꞈ-ahˇ shiˇ-eu miˇ kʼahˬ-ahˇ bi keuˆ-iˇ-awˬ.