Yeˬsaˬgeˬlaˇ 30:9 - Akha

⁹ “Aˇ nah kʼoeˇ nah keuˆ le-awˇ, Iˇjiˇtuˆ miˇ kʼahˬ cawˆ-iˇ ngeh, saˇ baoˬ laꞈ kʼoeˇ ngaˇ tsawˇ haˬ pyehˬ gʼeh-awˇ, saˇ lehˆ ni jawˇ luꞈ-eu Suˬdaˬ miˇ kʼahˬ-ahˇ gaˇ kawˆ bi dzawˇ gaˬ-iˇ-awˇ, guˆ-eu laꞈ kʼoeˇ bi luiˬ gʼa laˇ ma. Ngaˇ kʼoeˇ loꞈ-ehˇ jahˇ-eu aˇ nah keuˆ le luꞈ meh.”

Yeˬsaˬgeˬlaˇ 30:9 Referans Kwoze

Iˇsaˬyaˇ 23:5

Duˇlu meuˬ cawˆ-iˇ-euˬ gaˇ kawˆ ya gaˬ ngeh, Iˇjiˇtuˆ miˇ kʼahˬ tsawˬ guˆ-iˇ-awˇ noeˬ shaˬ tehꞈ-a.

Zeˬpaˬniˇ 2:15

Baoˬ huiˬ gʼaˬ kʼaˆ kʼahˬ sehˇ jehˆ-awˇ, Meuˬ ziꞈ ngaˇ taꞈ maˬ jaˆ ma lehˇ, guˆ kʼaˇ maˬ za lehˇ duˇ-euˬ meuˬ, kʼoeˇ naˆ ni ga byoˆ leꞈ tehꞈ-a. Tsawˇ teˇ maˬ ya gaˬ-eu meuˬ tsoeˬ, bawˇ tsahˬ jeˬ zaˬ yuꞈ duˬ pyeuꞈ-awˇ, kʼaˇ iˇ kʼaˇ laˇ tsehˆ-eu tsawˇ haˬ, laꞈ du cawˬ doˆ-awˇ lmˬ tehꞈ-a.

Zeˬpaˬniˇ 2:12

Suˬdaˬ miˇ kʼahˬ zaˬ deuˬ-ahˇ kʼawꞈ, Sahˬpaˬ Miˬyehˇ sehꞈ dzeh tehꞈ-a.

Aˬmoˆ 4:2

Baoˬ huiˬ-eu Sahˬpaˬ Miˬyehˇ-aˬ, muiˬ-eu shawˇ-eu gʼaˬ pyeuꞈ-eu loꞈ-ehˇ, heu loꞈ-ehˇ saˇ jaˇ dzaˬ taˬ-euˬ meh. “Aˬ cawˬ naw maꞈ-ahˇ shmˇ kuˆ seuˬ ceuˬ-awˇ tsahˇ byoˆ gʼeh-eu aˇ nah keuˆ le tehꞈ-a. Naw maꞈ yawˬ gʼaˬ na luꞈ ngaˬ juiꞈ-ahˇ paꞈ leˇ-euˬ ngaˬ shaˬ-ahˇ duˇ tehꞈ-a.

Yeˬsaˬgeˬlaˇ 39:6

Maˬgawˇgaˆ miˇ kʼahˬ hawˇ-eu iˬ ma laˆ shaˆ lawˇ deh caw caw-ehˇ jaˆ-eu nui ma saˇ lehˆ ni jawˇ luꞈ-eu miˇ kʼahˬ deuˬ-ahˇ ngaˇ miˬ dzaˬ bi doꞈ laˇ-awˇ, ngaˇ Sahˬpaˬ Miˬyehˇ pyeuꞈ-eu yawˬ gʼaˬ na luꞈ ya siˬ duˬ tehꞈ-a.

Yeˬsaˬgeˬlaˇ 38:11

Meuˬ meuˬ lahˇ maˬ baw taˆ maˬ tsoˆ-ehˇ, guiˇ deuˆ-eu jeˬ-ahˇ kʼahˬ maˬ lahˇ ni nui saˇ oꞈ-eu laꞈ kʼoeˇ jawˇ luꞈ-eu, nawˬ-ahˇ maˬ gʼaˬ laˇ-eu miˇ kʼahˬ-ahˇ guiˇ deuˆ-eu lehˇ, nawˇ noeˬ tsehˆ tehꞈ-a.

Yeˬsaˬgeˬlaˇ 33:33

Ehˇ kʼawꞈ, tiˬ dawˬ-iˬ caw teh-awˇ maˬ mˇ-a. Nawˬ neh kʼaˇ ehˇ taˬ-euˬ jeˬ aˬ diˇ aˬ maˇ ya keuˆ le-eu loꞈ-ehˇ, naw neh kʼaˇ ehˇ taˬ-euˬ jeˬ byah laˇ ngeh nah, Miˬyehˇ gʼaˇ duˬ ngehˬ dah-eu tsawˇ haˬ aˬ yawꞈ maꞈ nehˬ-ehˇ jawˇ law hawˇ ngaˬ lehˇ, aˬ yawꞈ maꞈ-ahˇ siˬ leˇ tehꞈ-a.”

Yeˬsaˬgeˬlaˇ 27:35

Laˆ shaˆ lawˇ taw kʼaˇ jawˇ kʼaˇ deuˬ, nawˬ-euˬ guiˬ lahˬ doeˇ dui dui gaˇ, tsawˬ guˆ-awˇ laˇ baˇ-iˇ-euˬ meh. Yawꞈ maꞈ sahˬ paˬ deuˬ kʼawꞈ guˆ-awˇ, myaˆ pyawˬ tiˬ pawꞈ-iˬ maˬ muiˬ-a.

Yeˬsaˬgeˬlaˇ 26:16

Iˬ ma laˆ shaˆ paw kʼaˇ jawˇ-eu sahˬ paˬdawˬ tawˆ luꞈ sahˬ paˬ-euˬ nuiˇ mahˬ-ahˇ byehˇ-awˇ, pehˇ kʼahˬ pehˇ mahˇ hawˇ-eu aˇ boꞈ aˇ yehˆ yehˆ taˬ-euˬ mehˬ tsoeˬ deuˬ lehˆ dzeh-awˇ, yaw dzuˬ dzuˬ dzuˬ-ehˇ miˇ tsa ga nuiˇ tehꞈ-a. Nawˇ guiˬ lahˬ doeˇ gaˇ aˬ yawꞈ maꞈ haw guˆ-awˇ, yaw dzuˬ dzuˬ-eu maˬ naˬ leˇ nya-ehˇ shaˬ tehꞈ-a.

Yeˬlaˬmiˇ 49:31

‘Oe-awˬ. Guˆ kʼaˇ maˬ za ni saˇ lehˆ ni miˇ-a lehˇ noeˬ luꞈ-eu tsawˇ haˬ kʼoeˇ deuˬ-ahˇ guiˇ deuˆ-iˇ kaˇ-euˇ. Aˬ yawꞈ maꞈ-euˬ meuˬ lahˇ kʼehˬ maˬ baw-ehˇ, mawˬ tawꞈ maˬ tawꞈ tehˬ taˬ-euˬ uˬ taꞈ, caw ba nehˬ-eu gʼaˬ maˬ jawˇ ni yaw awˇ laꞈ-ehˇ jaˆ-eu meh’ lehˇ ehˇ luꞈ meh.

Yeˬlaˬmiˇ 49:21

Eˬdoˬ meuˬ byaˆ-iˇ ngeh, teˇ saˇ kʼaˆ dui dui-eu miˇ neh, miˇ tsaˬ tahˬ kʼawˇ nyeh laˇ-awˇ, tsawˇ haˬ zaˬ guˇ-awˇ ngoeˇ-eu teˇ saˇ, Aˬgaˬbaˬ iˬ ma laˆ shaˆ lahˇ gʼoꞈ-ahˇ keuˆ ni gaˬ keuˆ iˇ tehꞈ-a.

Iˇsaˬyaˇ 47:8

“Byawˬ-eu mo-eu jeˬ-ahˇ gaˬ-eu gʼaˬ-oˇ, ngaˇ ehˇ gaˇ naˇ haˬ sheˇ. Guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za lehˇ nawˇ noeˬ luꞈ meh. Miˬyehˇ naˆ ni huiˬ ma lehˇ nawˇ ehˇ-awˇ, nawˬ-ahˇ duˇ-eu gʼaˬ maˬ jawˇ-a lehˇ ehˇ luꞈ meh. Tiˬ jawˇ-iˬ miˬ coeˬ maˬ ya coeˬ-iˇ-ehˇ, zaˬ bi shiˇ-eu maˬ baw lehˇ nawˇ noeˬ meh.

Iˇsaˬyaˇ 20:5

Suˬdaˬ miˇ kʼahˬ-ahˇ noeˬ tmˬ-awˇ, Iˇjiˇtuˆ miˇ kʼahˬ-ahˇ nui kʼaˬ tsmˬ-euˬ tsawˇ haˬ deuˬ, daˬ ga-awˇ ya shaꞈ dawˇ tehꞈ-a.

Iˇsaˬyaˇ 20:3

Aˬshuˇliˆ tsawˇ haˬ deuˬ neh Aˬshaˬdoˇ meuˬ-ahˇ deuˆ gʼaˬ ngeh, Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ Iˇsaˬyaˇ mehˬ tsoeˬ maˬ dm, sehˬ nawˆ maˬ nawˬ ni, doe doe-ehˇ cah luꞈ-eu smˇ kʼoꞈ byah laˇ-euˬ meh. Heu-aˬ, Iˇjiˇtuˆ miˇ kʼahˬ hawˇ-eu Suˬdaˬ miˇ kʼahˬ kʼoeˇ taˆ keuˆ le-eu lehˇ gʼeh-eu jeˬ gaˇ kawˆ bi siˬ bi mawˇ-eu jeˬ meh.

Iˇsaˬyaˇ 19:17

Baoˬ huiˬ-eu Sahˬpaˬ Miˬyehˇ neh aˬ yawꞈ maꞈ-ahˇ jahˇ nehˬ-eu lehˇ lehˬ hmˬ taˬ-eu jeˬ-ahˇ Iˇjiˇtuˆ tsawˇ haˬ deuˬ kʼaˇ noeˬ mawˇ ngeh, Yuˇdaˆ miˇ kʼahˬ-ahˇ aˬ yawꞈ maꞈ guˆ dui dui tehꞈ-a.

Yaˇ kʼaˬ daˇ 18:7

Kʼoeˇ ngeh, tsawˇ haˬ kʼoeˇ ngaˬ gʼaˬ doˆ-iˇ-awˇ, Laˬiˇshaˆ meuˬ paw iˇ gʼeh-euˬ meh. Kʼoeˇ gaˇ jawˇ-eu tsawˇ haˬ deuˬ-aˬ, Siˇdoˬ tsawˇ haˬ deuˬ loꞈ-ehˇ, guˆ kʼaˇ maˬ za ni saˇ lehˆ ni dehꞈ dzaˬ luꞈ gaˇ aˬ yawꞈ maꞈ ya mawˇ-euˬ meh. Aˬ yawꞈ maꞈ-aˬ, nui saˇ oꞈ-awˇ, ciˬ cuˇ ni jawˇ-eu laꞈ kʼoeˇ, tiˬ gʼaˬ tiˇ gʼaˬ dawˬ ja maˬ doˆ-ehˇ, aˬ yawꞈ maꞈ kʼaˇ loˬ-eu yawˬ jeˬ na luꞈ jaˆ kuꞈ gaˇ ya mawˇ-euˬ meh.

1 Teˇsaˬloˇni 5:2

Aˬ jeˬ miˇ neh ehˇ naˇ, Sahˬpaˬ Yeˬsuˇ-euˬ Aˇ nah-aˬ, uˬ ciꞈ sehˇ gʼahˇ smˇ kʼoeˬ tahˇ joe oe-eu loꞈ-ehˇ maˬ noeˬ maˬ duˇ-ehˇ jawˇ ngeh keuˆ le tehꞈ-a lehˇ naw maꞈ siˬ duˬ taˬ-euˬ meh.

Yeˬsaˬgeˬlaˇ 24:14

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Ngaˇ nawˬ-ahˇ ya jahˇ nehˬ-eu aˇ yamˬ keuˆ laˇ-euˬ meh. Nawˬ-euˬ iˬ baˇ-ahˇ ngaˇ maˬ ngehˇ-ehˇ, nawˬ-ahˇ ngaˇ gʼawˬ shaˬ maˬ gaˬ nehˬ. Nawˬ neh kʼaˇ mˇ-euˬ loꞈ-ehˇ nawˇ ya daˬ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Haˬbaˬkuˆ 2:3

Ngaˇ pah mehˬ-eu jeˬ keuˆ le-eu, aˇ yamˬ maˬ tsaˬ laˇ-euˬ miˇ neh, boꞈ doˆ-awˇ tiˬ kʼehˬ dawˬ tawˬ siˬ. Ngaˇ pah mehˬ-eu jeˬ keuˆ le-eu, aˇ yamˬ dawˬ peh peh laˇ-euˬ meh. Yaw kawˇ maˬ keuˆ le gaˇ duˇ kʼawꞈ, tiˬ kʼehˬ dawˬ-awˇ haw tsoˆ taˬ yawˬ. Gʼawˬ myahˇ ni maˬ paˇ nyi naˬ ni, keuˆ le luꞈ-eu yaw duˬ baw meh.