Yeˬsaˬgeˬlaˇ 30:8 - Akha

⁸ Iˇjiˇtuˆ-ahˇ ngaˇ dzah puiˆ-awˇ, caw ba le-eu deuˬ coˬ jiˇ ngeh, ngaˇ Sahˬpaˬ Miˬyehˇ ngeuˇ ngaˇ lehˇ, aˬ yawꞈ maꞈ ya siˬ duˬ tehꞈ-a.

Yeˬsaˬgeˬlaˇ 30:8 Referans Kwoze

Yeˬsaˬgeˬlaˇ 29:6

Kʼoeˇ ngeh Iˇjiˇtuˆ tsawˇ haˬ deuˬ, ngaˇ Sahˬpaˬ Miˬyehˇ ngeuˇ ngaˇ lehˇ, yaw muiˬ paˬ-ehˇ siˬ duˬ tehꞈ-a.” Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ Iˇjiˇtuˆ tsawˇ haˬ deuˬ-ahˇ Iˇsaˬleˬlaˆ tsawˇ haˬ deuˬ nui ma huiˬ-eu meh. Ehˇ kʼawꞈ, nawˇ-aˬ, byehˆ dui dui-eu daˇ cuiˇ tiˬ cuiˇ loˆ ni tehꞈ meh.

Aˬmoˆ 1:14

Kʼoeˇ miˇ neh, Laˬbah meuˬ-euˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ laꞈ kʼoeˇ ziꞈ dah ni tsoˆ taˬ-euˬ nymˇ nymˇ ma deuˬ-ahˇ ngaˇ keuˬ dzeh ma. Kʼoeˇ naˇ, guiˇ deuˆ ngeh nah yaw kʼaˆ-ehˇ guˇ-eu teˇ saˇ ya gaˬ-awˇ, jaˬ lehˇ lehˇ ma baw-eu loꞈ-ehˇ guiˇ deuˆ dui dui tehꞈ-a.

Aˬmoˆ 1:12

Kʼoeˇ miˇ neh, Teˬmaˬ meuˬ-ahˇ ngaˇ miˬ dzaˬ pyehˬ gʼeh-awˇ, Bawˇzaˬlahˬ meuˬ-ahˇ jaˆ-eu ziꞈ dah ni tsoˆ taˬ-euˬ nymˇ nymˇ ma deuˬ-ahˇ keuˬ puiˆ dzeh ma.”

Aˬmoˆ 1:10

Kʼoeˇ miˇ neh, Duˇlu meuˬ-euˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ laꞈ kʼoeˇ ziꞈ dah ni jaˆ-eu nymˇ nymˇ ma deuˬ-ahˇ bi puiˆ dzeh ma.”

Aˬmoˆ 1:7

Kʼoeˇ miˇ neh Gaˬzaˬ meuˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ kʼoeˇ meuˬ laꞈ kʼoeˇ ziꞈ dah ni tsoˆ taˬ-euˬ nymˇ nymˇ ma deuˬ bi puiˆ dzeh jiˇ ma.

Aˬmoˆ 1:4

Kʼoeˇ miˇ neh, sahˬ paˬ Haˬzaˬlehˇ neh tsoˆ-euˬ sahˬ paˬ jawˇ-eu hawˇ nymˇ-ahˇ ngaˇ miˬ dzaˬ pyehˬ doꞈ-awˇ, ziꞈ dah ni tsoˆ taˬ-euˬ sahˬ paˬ Beˬhaˬdaˇ-euˬ taˆ nymˇ deuˬ-ahˇ ngaˇ miˬ dzaˬ keuˬ puiˆ dzeh ma.

Yeˬsaˬgeˬlaˇ 30:16

Iˇjiˇtuˆ-ahˇ miˬ dzaˬ keuˬ ngeh, Peˬluˇsiˆ meuˬ ya gawˇ tehꞈ-a. Deˬbiˇ meuˬ lahˇ coˬ byaˆ dzeh-awˇ, meuˬ-ahˇ iˇ jeuˬ jeuˬ pymˬ tehꞈ-a.

Yeˬsaˬgeˬlaˇ 30:14

Iˇjiˇtuˆ laꞈ oˆ dzaˬ byoˆ le-awˇ, laꞈ taˆ paw jaˆ-eu zoˇ naˆ meuˬ, miˬ dzaˬ neh keuˬ puiˆ dzeh nehˬ ma. Deˬbiˇ meuˬ-ahˇ ngaˇ kʼehˬ nehˬ ma.

Yeˬsaˬgeˬlaˇ 29:16

Iˇsaˬleˬlaˆ miˇ kʼahˬ kʼawꞈ, aˬ yawꞈ maꞈ-ahˇ maˬ gʼoe ni pyeuꞈ-iˇ tehꞈ-a. Iˇjiˇtuˆ miˇ kʼahˬ kʼoeˇ loꞈ-ehˇ pyeuꞈ-iˇ-euˬ baˬ da neh, Iˇjiˇtuˆ miˇ kʼahˬ-ahˇ nui ma huiˬ-euˬ lehˬ dui dui law hawˇ ngaˬ lehˇ, Iˇsaˬleˬlaˆ miˇ kʼahˬ-ahˇ siˬ leˇ tehꞈ-a. Kʼoeˇ ngeh jawˇ, ngaˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu gaˇ kawˆ, Iˇsaˬleˬlaˆ tsawˇ jeuˬ-ahˇ siˬ duˬ leˇ tehꞈ-a.”

Yeˬsaˬgeˬlaˇ 29:9

Iˇjiˇtuˆ miˇ kʼahˬ byoˆ-iˇ laˆ-iˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu nawˇ ya siˬ duˬ tehꞈ-a. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu miˇ neh,

Yeˬsaˬgeˬlaˇ 22:31

Ehˇ kʼawꞈ, maˬ poˆ mawˇ nya nya. Kʼoeˇ miˇ neh, ngaˇ nui ma pehˇ-eu jeˬ aˬ yawꞈ maꞈ kʼoeˇ taˆ bi keuˆ le-awˇ, aˬ yawꞈ maꞈ neh mˇ-euˬ jeˬ aˇ poeˬ, miˬ dzaˬ loꞈ-ehˇ aˬ yawꞈ maꞈ-ahˇ ngaˇ laˆ cawˆ nehˬ ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Jaceuq 58:11

Kʼoeˇ ngeh, tsawˇ haˬ zaˬ deuˬ heu loꞈ-ehˇ ehˇ tehꞈ-a. “Yaw tsaˬ yaw dawˇ tsawˇ haˬ deuˬ aˬ diˇ aˬ maˇ laꞈ sawˬ za-eu ngaˇ. Miˇ tsaˬ-ahˇ yaˇ kʼaˬ daˇ-eu Miˬyehˇ aˬ diˇ jawˇ law hawˇ nga.”

Aˬmoˆ 2:5

Kʼoeˇ miˇ neh, Yuˇdaˆ miˇ kʼahˬ kʼoeˇ taˆ ngaˇ miˬ dzaˬ pyehˬ gʼeh leꞈ-awˇ, Yeˬluˇsaˬlehˬ meuˬ-ahˇ jaˆ-eu ziꞈ dah ni gʼeh-eu nymˇ nymˇ ma deuˬ bi puiˆ dzeh ma.”

Aˬmoˆ 2:2

Mawˇbaˆ miˇ kʼahˬ-ahˇ ngaˇ miˬ dzaˬ pyehˬ gʼeh leꞈ-awˇ, Kiˇliˇyoˆ meuˬ-ahˇ jaˆ-eu ziꞈ dah ni gʼeh-eu nymˇ nymˇ ma deuˬ bi puiˆ dzeh ma. Yehˇ deuˬ guˇ guˇ-ehˇ daˇ heh baw-awˇ guiˇ deuˆ lawꞈ taˬ-euˬ yaw kaˬ-ahˇ, Mawˇbaˆ miˇ kʼahˬ-ahˇ jawˇ-eu tsawˇ haˬ deuˬ ya shiˇ tehꞈ-a.

Yeˬsaˬgeˬlaˇ 28:26

Aˬ yawꞈ maꞈ kʼoeˇ gaˇ, guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za ni ya dehꞈ tehꞈ-a. Aˬ yawꞈ maꞈ nymˇ tsoˆ ziꞈ-awˇ, aˬ gaꞈ yaˇ kmˇ mˇ tehꞈ-a. Aˬ yawꞈ maꞈ-ahˇ yehˬ bawˬ sehˇ lu-ehˇ jahˇ-eu, aˬ yawꞈ maꞈ-euˬ dawˬ peh kʼaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ kʼaˆ nehˬ ma. Iˇsaˬleˬlaˆ tsawˇ haˬ deuˬ nui saˇ oꞈ-awˇ ya dehꞈ ya jawˇ tehꞈ-a. Kʼoeˇ ngeh jawˇ, ngaˇ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ngaˇ lehˇ, aˬ yawꞈ maꞈ-ahˇ siˬ duˬ leˇ tehꞈ-a.

Yeˬsaˬgeˬlaˇ 28:24

Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ tiˬ jawˬ jawˇ-awˇ, Iˇsaˬleˬlaˆ miˇ kʼahˬ-ahˇ kʼaˇ laˆ bahˬ-eu miˇ kʼahˬ yawˬ kʼahˬ na luꞈ, aˬ gah hawˇ-eu daˇ ceh loꞈ-ehˇ maˬ paˇ laˆ bahˬ nya ni pyeuꞈ-iˇ-eu uˬ taꞈ, ngaˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu gaˇ kawˆ, aˬ yawꞈ maꞈ-ahˇ siˬ duˬ leˇ tehꞈ-a.”

Ngoeˇ dawˬ 4:11

Sahˬpaˬ Miˬyehˇ nui ma pehˇ-eu, dawˬ tawˆ luꞈ puiˇ pyehˬ ka leꞈ-awˇ, nui pehˇ miˬ dzaˬ shehˆ daˆ leꞈ ngeh, Ziˇoˬ meuˬ-ahˇ puiˆ dzaˬ-euˬ kʼoeˇ, ciˇ tahˬ puiˆ byoˆ gaˇ keuˆ-euˬ meh.

Iˇsaˬyaˇ 42:25

Kʼoeˇ miˇ neh aˬ dui-ahˇ aˬ yawꞈ-euˬ nui ma bi mawˇ-awˇ, guiˇ deuˆ-eu jeˬ bi keuˆ le laꞈ-euˬ meh. Aˬ yawꞈ nui pehˇ miˬ dzaˬ doꞈ-eu loꞈ-ehˇ, Iˇsaˬleˬlaˆ miˇ kʼahˬ doꞈ doe-euˬ meh. Kʼoeˇ naˆ ni keuˆ le taˬ-euˬ kʼawꞈ, aˬ dui noeˬ paˇ-eu maˬ baw-a.

Dawˬmehˬ 32:22

Ngaˬ-euˬ nui pehˇ miˬ lmˇ nyehˆ-awˇ, miˇ tsaˬ dawˬ tawˆ bi puiˆ byoˆ ma. Miˇ tsaˬ dawˬ dah puiˆ naꞈ gʼeh-awˇ, gawˬ jawˬ duˬ puˇ puiˆ dzaˬ tehꞈ-a.

Yeˬsaˬgeˬlaˇ 39:6

Maˬgawˇgaˆ miˇ kʼahˬ hawˇ-eu iˬ ma laˆ shaˆ lawˇ deh caw caw-ehˇ jaˆ-eu nui ma saˇ lehˆ ni jawˇ luꞈ-eu miˇ kʼahˬ deuˬ-ahˇ ngaˇ miˬ dzaˬ bi doꞈ laˇ-awˇ, ngaˇ Sahˬpaˬ Miˬyehˇ pyeuꞈ-eu yawˬ gʼaˬ na luꞈ ya siˬ duˬ tehꞈ-a.

Jaceuq 46:10

“Ngaˇ Miˬyehˇ meh lehˇ siˬ nya-awˇ, guiˇ deuˆ-eu naˬ leˇ-awˬ. Tsawˇ haˬ dawˬ tawˆ luꞈ kʼoeˇ taˆ huiˬ dzehˬ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu gʼaˬ, ngaˇ meh lehˇ siˬ nya-awˬ” lehˇ ehˇ-eu meh.