Yeˬsaˬgeˬlaˇ 30:5 - Akha

⁵ “Guiˇ kʼoeˇ poˆ deuˆ-euˬ baˬ da neh, Suˬdaˬ miˇ kʼahˬ Luˇdeˬ miˇ kʼahˬ, Liˆbyaˇ miˇ kʼahˬ, Aˬleˬbyaˇ miˇ kʼahˬ hawˇ-eu Kuˇbaˆ miˇ kʼahˬ-ahˇ jawˇ-eu yehˇ deuˬ ya shiˇ-eu uˬ taꞈ, ngaˬ-euˬ tsawˇ jeuˬ laꞈ kʼoeˇ tiˬ paˆ na deuˬ kʼawꞈ ya shiˇ tehꞈ-a.”

Yeˬsaˬgeˬlaˇ 30:5 Referans Kwoze

Yeˬlaˬmiˇ 25:20

aˬ yawꞈ maꞈ nehˬ-ehˇ kʼaˇ jawˇ-euˬ aˬ cawˬ tsawˇ jeuˬ deuˬ, Uˇzaˆ miˇ kʼahˬ laꞈ kʼoeˇ kʼaˇ jawˇ-eu sahˬ paˬ deuˬ, Piˇliˇtiˆ miˇ kʼahˬ laꞈ kʼoeˇ jaˆ-eu Aˬshaˇgaˬloˇ meuˬ, Gaˬzaˬ meuˬ, Eˇkaˬloˬ meuˬ heu deuˬ-euˬ sahˬ paˬ deuˬ hawˇ-eu, Aˬshaˬdoˇ meuˬ-ahˇ kʼaˇ dzeˇ-eu tsawˇ haˬ deuˬ,

Yeˬsaˬgeˬlaˇ 27:10

Paˇshaˇ miˇ kʼahˬ, Luˇdeˬ miˇ kʼahˬ hawˇ-eu, Liˆbyaˇ miˇ kʼahˬ-ahˇ jawˇ-eu yehˇ deuˬ, nawˬ-euˬ guiˇ guiˇ maꞈ laꞈ kʼoeˇ gaˇ mˇ luꞈ-eu meh. Aˬ yawꞈ maꞈ-euˬ dehˬ daˬ duˬ hawˇ-eu shmˇ uˬ kʼoˆ deuˬ nawˬ-euˬ taˆ-ahˇ ciˬ ceuˬ-awˇ, nawˬ-ahˇ yaw shehꞈ kʼahˬ sehˇ bi huiˬ-euˬ meh.

Yeˬlaˬmiˇ 25:24

Aˬleˬbyaˇ miˇ kʼahˬ-euˬ sahˬ paˬ dawˬ tawˆ luꞈ hawˇ-eu, kʼaˇ shuiꞈ deh yaˇ miˇ kʼahˬ-ahˇ jawˇ keuˬ jawˇ so luꞈ-eu tsawˇ jeuˬ deuˬ-euˬ sahˬ paˬ dawˬ tawˆ luꞈ,

Yeˬlaˬmiˇ 50:37

Mahˬ deuˬ hawˇ-eu mahˬ laˆ lawˬ deuˬ kʼoeˇ taˆ maˬ ehˇ, aˬ yawꞈ neh kuˇ taˬ-euˬ aˬ cawˬ-euˬ yehˇ deuˬ-ahˇ maˬ ehˇ, mi cehˇ bi keuˆ le-awˇ, zaˬ miˬ zaˬ bi pyeuꞈ jiˇ luꞈ-uˇ. Pyuˇ shuiˇ myawˬ gahˬ kʼoeˇ taˆ mi cehˇ bi keuˆ le-awˇ, bi yuˇ geuꞈ jiˇ luꞈ-uˇ.

Yeˬlaˬmiˇ 46:9

Mahˬ pyehˬ teh sehˇ gʼeh-awˇ, laˆ lawˬ teh coeˬ coeˬ-awˬ. Yehˇ deuˬ mehˬ hu paw pyehˬ gʼeh-awˬ. Suˬdaˬ yehˇ deuˬ hawˇ-eu Liˆbyaˇ yehˇ deuˬ, dehˬ daˬ duˬ baꞈ-awˇ bi iˇ-awˬ. Kaˆ beuˆ yaw dziˇ Luˇdaˆ yehˇ deuˬ, mehˬ hu paw pyehˬ gʼeh-awˬ.”

Yeˬlaˬmiˇ 44:27

Naw maꞈ maˬ baw maˬ za le-eu uˬ taꞈ, ya luˬ ya seˇ-iˇ gaˇ ngaˇ haw ma. Naw maꞈ tiˬ gʼaˬ-iˬ maˬ dzeuˇ-iˇ nya ni, guiˇ deuˆ-eu baˬ da neh maˬ ngeuˇ naˇ, naˇ-eu gawˇ-eu baˬ da neh ya shiˇ jiˇ tehꞈ-a.

Iˇsaˬyaˇ 20:4

Miˇ kʼahˬ kʼoeˇ nyiˬ kʼahˬ laꞈ kʼoeˇ Aˬshuˇliˆ sahˬ paˬ neh kʼaˇ bi nyehꞈ-euˬ tsawˇ haˬ deuˬ, neˇ myawˆ ni bi sheuˬ byoˆ gʼeh tehꞈ-a. Zaˬ guˬ tsawˇ kʼaˆ maˬ ehˇ, mehˬ tsoeˬ maˬ dm sehˬ nawˆ maˬ nawˬ ni, dawˬ kʼmˬ mawˇ laˇ mawˇ laˇ-ehˇ ya cah-eu miˇ neh, Iˇjiˇtuˆ miˇ kʼahˬ kʼoeˇ taˆ shaꞈ dawˇ dui dui-eu jeˬ keuˆ le tehꞈ-a.

Iˇsaˬyaˇ 18:1

Suˬdaˬ miˇ kʼahˬ lawˇ baˬ deuˬ kʼoeˇ paw kʼaˇ, aˬ dahˇ dahˇ paꞈ juiꞈ-eu teˇ saˇ mahˇ-eu miˇ kʼahˬ tiˬ kʼahˬ jaˆ meh.

Yeˬsaˬgeˬlaˇ 38:5

Paˇshaˇ miˇ kʼahˬ, Suˬdaˬ miˇ kʼahˬ hawˇ-eu, Liˆbyaˇ miˇ kʼahˬ-ahˇ jawˇ-eu tsawˇ haˬ deuˬ kʼawꞈ aˬ yawꞈ nehˬ-ehˇ ahˇ-awˇ, dawˬ tawˆ luꞈ dehˬ daˬ duˬ yuˇ-awˇ shmˇ uˬ kʼoˆ kʼoˆ luꞈ-eu meh.

Daˬyeˬlaˇ 11:43

Iˇjiˇtuˆ tsawˇ haˬ deuˬ neh jeˬ hmˬ taˬ-euˬ shuiˇ deuˬ, pyuˇ deuˬ hawˇ-eu, aˇ poeˬ kʼaˆ-eu pyuˇ shuiˇ myawˬ gahˬ deuˬ aˬ yawꞈ deuˆ za geuꞈ tehꞈ-a. Liˆbyaˇ miˇ kʼahˬ hawˇ-eu Suˬdaˬ miˇ kʼahˬ-ahˇ kʼawꞈ, aˬ yawꞈ deuˆ gʼaˬ tehꞈ-a.

2 Laˬsaˬbaˬ 12:3

Mahˬ laˆ lawˬ tiˬ heˇ nyiˬ yaˇ laˇ, mahˬ dziˬ-eu yehˇ koꞈ heˇ gʼaˬ hawˇ-eu, Liˆbyaˇ tsawˇ jeuˬ, Suˇkiˇ tsawˇ jeuˬ hawˇ-eu Suˬdaˬ tsawˇ jeuˬ deuˬ ahˇ leˇ-ehˇ, maˬ gui jiˇ coeˇ gaˇ keuˆ ni myaˬ-eu guiˇ maꞈ-ahˇ, Iˇjiˇtuˆ miˇ kʼahˬ-ahˇ neh aˬ yawꞈ sheuˬ daˆ laꞈ-euˬ meh.

Zeˬpaˬniˇ 2:12

Suˬdaˬ miˇ kʼahˬ zaˬ deuˬ-ahˇ kʼawꞈ, Sahˬpaˬ Miˬyehˇ sehꞈ dzeh tehꞈ-a.