Yeˬsaˬgeˬlaˇ 30:11 - Akha

¹¹ Miˇ tsaˬ dawˬ tawˆ guˆ dui dui-eu, aˬ yawꞈ hawˇ-eu yawꞈ-euˬ guiˇ maꞈ, Miˇ kʼahˬ heu kʼahˬ laˆ cawˆ-eu lehˇ, baꞈ maꞈ puˇ jeˬ-ehˇ oe tehꞈ-a. Aˬ yawꞈ maꞈ mi cehˇ gʼawˇ doˆ-awˇ, Iˇjiˇtuˆ miˇ kʼahˬ-ahˇ deuˆ-awˇ, tsawˇ shiˇ bi ga byah yaꞈ tehꞈ-a.

Yeˬsaˬgeˬlaˇ 30:11 Referans Kwoze

Yeˬsaˬgeˬlaˇ 28:7

Guˆ laˇ paˬ-ehˇ gʼeh-eu tsawˇ jeuˬ, nawˇ jawˇ gaˇ ngaˇ sheuˬ ahˇ leꞈ ma. Aˬ yawꞈ maꞈ mi cehˇ gʼawˇ doˆ-awˇ, nawˬ-euˬ zaˬ siˬ tsawˇ gahˇ hawˇ-eu, haw muiˬ-eu jeˬ laˆ cawˆ jiˇ-awˇ, nawˬ-euˬ kʼahˬ sehˇ laˆ byoˆ tehꞈ-a.

Yeˬsaˬgeˬlaˇ 39:4

Gawˇgaˆ hawˇ-eu aˬ yawꞈ-euˬ guiˇ maꞈ deuˬ maˬ ehˇ, aˬ yawꞈ jawˇ paw kʼaˇ pyawˬ-eu deuˬ maˬ ehˇ, Iˇsaˬleˬlaˆ gawˬ jawˬ deuˬ kʼoeˇ taˆ coˬ sehꞈ jiˇ-awˇ, aˬ yawꞈ maꞈ-euˬ gʼawˇ mawˇ, aˇ jiˇ hawˇ-eu bawˇ tsahˬ jeˬ zaˬ deuˬ neh bi dzaˬ ma.

Yeˬsaˬgeˬlaˇ 35:8

Gawˬ jawˬ-ahˇ shiˇ-euˬ tsawˇ haˬ tiˬ gʼoeˬ bi ga-awˇ, gawˬ duˇ hawˇ-eu deh kʼawꞈ doe ni, guiˇ deuˆ gaˇ shiˇ-euˬ deuˬ ga byah taˬ tehꞈ-a.

Yeˬsaˬgeˬlaˇ 32:12

Haiˬ dui dui-eu tsawˇ jeuˬ-euˬ yehˇ deuˬ mi cehˇ bi gʼawˇ doˆ-awˇ, nawˬ-euˬ tsawˇ haˬ deuˬ-ahˇ bi sehꞈ ma. “Iˇjiˇtuˆ-euˬ kʼahˬ sehˇ hawˇ-eu, aˬ yawꞈ-euˬ tsawˇ haˬ dawˬ tawˆ luꞈ, aˬ yawꞈ maꞈ laˆ cawˆ jiˇ tehꞈ-a.

Yeˬsaˬgeˬlaˇ 31:12

Gʼawˬ shaˬ gaˬ-eu maˬ siˬ nya-eu aˬ cawˬ tsawˇ jeuˬ neh tuˇ dzeh-awˇ bi ga yaꞈ tehꞈ-a. Gawˬ jawˬ gʼaˬ lawˬ doe ni aˇ bawˇ kʼoeˇ bawˇ-euˬ uˬ pyaˬ uˬ laꞈ ga tehꞈ-a. Aˬ yawꞈ-euˬ naˇ shmˇ uˬ moˆ kʼaˇ jawˇ-euˬ tsawˇ jeuˬ dawˬ tawˆ luꞈ cehˆ jiˇ tehꞈ-a.

Dawˬmehˬ 28:50

Aˬ yawꞈ maꞈ-aˬ, haiˬ dui dui-awˇ, tsawˇ mawˬ-ahˇ maˬ ehˇ, zaˬ guˬ-ahˇ maˬ ehˇ, gʼawˬ shaˬ gaˬ-eu maˬ siˬ nya-a.

Yeˬsaˬgeˬlaˇ 30:24

Kʼoeˇ naˇ, Baˬbuˇloˬ sahˬ paˬ-euˬ laꞈ du bi deuˇ laˇ-awˇ, aˬ yawꞈ-euˬ aˬ laꞈ-ahˇ ngaˬ-euˬ mi cehˇ dawˆ ahˇ nehˬ ma. Ehˇ kʼawꞈ, Iˇjiˇtuˆ sahˬ paˬ-euˬ aˬ laꞈ ngaˇ ngawˬ kʼehꞈ-awˇ, aˬ yawꞈ-ahˇ muiˇ-eu deuˬ-euˬ mehˬ shi mahˇ mahˇ-ehˇ shiˇ leˇ tehꞈ-a.

Yeˬsaˬgeˬlaˇ 31:11

Kʼoeˇ miˇ neh, aˇ bawˇ kʼoeˇ-ahˇ ngaˇ byehˇ dzeh-awˇ, aˬ cawˬ tsawˇ jeuˬ sahˬ paˬ-euˬ laꞈ-ahˇ bi ahˇ leˇ ma. Aˇ bawˇ kʼoeˇ yaw haiˬ miˇ neh, aˬ yawꞈ-ahˇ kʼaˇ oꞈ kʼaˇ geuˇ-eu loꞈ-ehˇ jahˇ nehˬ tehꞈ-a.