Yeˬsaˬgeˬlaˇ 3:9 - Akha

⁹ Nawˇ kʼaˬ lo loꞈ-ehˇ ziꞈ-awˇ, gʼahˇ dui dui-eu kʼaˬ lo sehˇ loꞈ-ehˇ gʼahˇ laˇ ni ngaˇ jahˇ nehˬ ma. Ngaˬ-ahˇ puiˬ-eu tsawˇ haˬ kʼoeˇ deuˬ-ahˇ taˬ guˆ.”

Yeˬsaˬgeˬlaˇ 3:9 Referans Kwoze

Yeˬsaˬgeˬlaˇ 2:6

“Ehˇ kʼawꞈ, tsawˇ haˬ zaˬ-oˇ, aˬ yawꞈ maꞈ-ahˇ maˬ ehˇ, aˬ yawꞈ maꞈ-euˬ dawˬ-ahˇ maˬ ehˇ, nawˇ maˬ ya guˆ-a. Aˬ yawꞈ maꞈ nawˬ-ahˇ yaˬ kʼehˇ yaˬ yaˬ-ehˇ ja bu ja doeˇ tehꞈ-a. Nawˇ-aˬ, boeˬ kaˬ laˬ ma yaw kaˬ-ahˇ yaw dehꞈ ya dehꞈ gaˇ duˇ tehꞈ-a. Ehˇ kʼawꞈ, ngaˬ-ahˇ puiˬ-eu tsawˇ haˬ kʼoeˇ deuˬ-ahˇ maˬ kaˬ, aˬ yawꞈ maꞈ-euˬ dawˬ-ahˇ maˬ kaˬ, nawˇ taˬ guˆ.

Iˇsaˬyaˇ 50:7

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ caw ba-eu miˇ neh, aˬ yawꞈ maꞈ yehˬ bawˬ sehˇ lu-ehˇ gʼeh nehˬ laꞈ kʼawꞈ, ngaˬ-ahˇ maˬ coeˬ laˇ nya. Kʼoeˇ miˇ neh ya shaꞈ dawˇ gaˇ maˬ keuˆ-aˇ lehˇ siˬ nya-awˇ, ngaˬ-euˬ myaˆ pyawˬ diˬ lo loꞈ-ehˇ bi gʼahˇ-euˬ ma.

Zaˬkaˬliˇ 7:12

Aˬ yawꞈ maꞈ-euˬ nui ma kʼaˬ lo loꞈ-ehˇ gʼahˇ-awˇ, aˇ hu ba dehꞈ dzeuˇ yaꞈ-euˬ Miˬyehˇ gʼaˇ duˬ ngehˬ dah-euˬ deuˬ-ahˇ gʼoe-awˇ ngaˬ neh aˬ yawꞈ maꞈ-ahˇ mehˬ nehˬ tsoˆ nehˬ-euˬ dawˬ deuˬ-ahˇ aˬ yawꞈ maꞈ maˬ naˇ haˬ geuꞈ-euˬ miˇ neh, ngaˇ nui ma pehˇ-euˬ ma.

Yeˬlaˬmiˇ 1:8

Ngaˇ nawˬ nehˬ-ehˇ jawˇ-awˇ haw piˇ nehˬ-eu miˇ neh, aˬ yawꞈ maꞈ-ahˇ nawˇ taˬ guˆ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

1 Tiˆmoˇseˬ 2:3

Kʼoeˇ loꞈ-ehˇ shaˇ-eu-aˬ, muiˬ-eu jeˬ pyeuꞈ-awˇ, aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ kʼawꞈ nui kʼahˇ shiˇ-eu meh.

Miˇkaˬ 3:8

Ehˇ kʼawꞈ, ngaˇ gʼaˬ-aˬ, Sahˬpaˬ Miˬyehˇ-euˬ yaw sahˇ hawˇ-eu baoˬ tiˬ byah ni za taˬ-awˇ, yaw tsaˬ yaw dawˇ-ahˇ siˬ nya-eu jeˬ hawˇ-eu, Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ-euˬ iˬ baˇ gaˇ kawˆ ja mehˬ-eu gʼaˇ duˬ nui kʼaˬ biꞈ laꞈ taˬ-euˬ meh.

Yeˬlaˬmiˇ 17:18

Ngaˬ-ahˇ kʼehˬ-eu tsawˇ haˬ deuˬ kʼoeˇ taˆ shaꞈ dawˇ-eu jeˬ bi keuˆ le-awˬ. Ehˇ kʼawꞈ, ngaˬ-ahˇ daˬ taˬ bi ga laꞈ. Aˬ yawꞈ maꞈ-ahˇ laˆ guˆ nehˬ-awˬ. Ehˇ kʼawꞈ, ngaˬ-euˬ kʼoeˇ taˆ guˆ-eu jeˬ taˬ bi keuˆ le laꞈ. Aˬ yawꞈ-euˬ kʼoeˇ taˆ shaˬ zahˬ guˆ gaˆ bi keuˆ le-awˇ, laˆ piˬ laˆ byoˆ nehˬ-awˬ.

Yeˬlaˬmiˇ 1:17

Yeˬlaˬmiˇ-oˇ, lehˬ hmˬ-awˬ. Ngaˬ neh kʼaˇ bi ehˇ-euˬ yawˬ jeˬ na luꞈ, aˬ yawꞈ maꞈ-ahˇ ehˇ nehˬ-iˇ-awˬ. Aˬ yawꞈ maꞈ-ahˇ taˬ guˆ. Aˬ yawꞈ maꞈ-ahˇ nawˇ guˆ naˇ, aˬ yawꞈ maꞈ-euˬ mehˬ shi kʼoeˇ naˆ maˬ tseˇ nawˬ-ahˇ ngaˇ paˇ laˆ guˆ nehˬ ma.

Iˇsaˬyaˇ 41:14

Sahˬpaˬ Miˬyehˇ heu loꞈ-ehˇ ehˇ-eu meh. “Gʼaˬ baˬ-awˇ nyiˇ-eu tsawˇ jeuˬ pyeuꞈ-eu Iˇsaˬleˬlaˆ-oˇ, Taˬ guˆ. Ngaˇ nawˬ-ahˇ caw ba ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ-aˬ, naw maꞈ-ahˇ ka kʼoꞈ-eu gʼaˬ ma.

2 Tiˆmoˇseˬ 2:6

Leh jeh dui dui-eu deh ma mˇ-eu tsawˇ haˬ tiˬ gʼaˬ-aˬ, keuˆ le-euˬ cehˇ laꞈ kʼoeˇ yawˬ ha-ahˇ oꞈ-eu shaˬ bymˇ aˬ cawˬ jeˬ hu za-eu meh.

Yeˬlaˬmiˇ 15:20

Aˬ yawꞈ maꞈ-euˬ mehˬ shi, maˇ jawˆ ni gʼeh-eu guiˬ shuiˇ neh maˇ taˬ-euˬ meuˬ meuˬ lahˇ loꞈ-ehˇ nawˇ ziꞈ tehꞈ-a. Aˬ yawꞈ maꞈ nawˬ-ahˇ guiˇ deuˆ kʼawꞈ, nawˬ-ahˇ maˬ gʼaˬ laˇ-aˇ. Nawˬ nehˬ-ehˇ ngaˇ jawˇ-awˇ, nawˬ-ahˇ haw teˬ haw piˇ nehˬ ma.

Yeˬsaˬgeˬlaˇ 3:8

Nymˬ-mˇ poˆ jawˇ-aˬ, nawˇ kʼawꞈ aˬ yawꞈ maꞈ loꞈ-ehˇ nui ma gʼahˇ ni ngaˇ jahˇ ma.

Yeˬsaˬgeˬlaˇ 3:10

Miˬyehˇ heu loꞈ-ehˇ paˇ ehˇ-eu meh. “Tsawˇ haˬ zaˬ-oˇ, ngaˬ neh kʼaˇ ehˇ-euˬ jeˬ-ahˇ yaw muiˬ paˬ-ehˇ naˇ haˬ duˬ-awˇ juiˇ uiˬ taˬ-awˬ.

Yeˬsaˬgeˬlaˇ 44:6

“Aˬ yawꞈ maꞈ mˇ luꞈ-eu nui daˆ daˆ laˇ paˬ-ehˇ gʼeh-eu jeˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ maˬ paˇ oˇ oꞈ coeˇ miˇ-a lehˇ, ngaˬ-ahˇ puiˬ-eu Iˇsaˬleˬlaˆ tsawˇ haˬ kʼoeˇ deuˬ-ahˇ ehˇ nehˬ-awˬ.