Yeˬsaˬgeˬlaˇ 3:26 - Akha

²⁶ Ngaˬ-ahˇ puiˬ-eu tsawˇ haˬ heu deuˬ-ahˇ nawˇ maˬ mehˬ maˬ tsoˆ nya-ehˇ pyeuꞈ-iˇ ni, nawˬ-euˬ mehˬ laˇ ngaˇ bi kʼaˆ-iˇ ma.

Yeˬsaˬgeˬlaˇ 3:26 Referans Kwoze

Yeˬsaˬgeˬlaˇ 24:27

Kʼoeˇ ngeh nah, naw maꞈ jawˇ gaˇ maˬ jaˆ-ehˇ pyeuꞈ-iˇ-euˬ dawˬ ngehˬ-eu baoˬ naw maꞈ paˇ za kʼoꞈ-awˇ, aˬ yawꞈ nehˬ-ehˇ dawˬ ya ngehˬ cawˬ tehꞈ-a. Kʼoeˇ loꞈ-ehˇ gʼeh-eu laꞈ kʼoeˇ, naw maꞈ aˬ cawˬ gʼaˇ duˬ bi siˬ bi mawˇ-eu jeˬ pyeuꞈ-awˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ cawˬ ya siˬ tehꞈ-a.

Jaceuq 137:6

Nawˬ-ahˇ ngaˇ maˬ noeˬ mawˇ-ehˇ, yawˬ jeˬ na luꞈ naˆ maˬ tseˇ nawˬ-ahˇ ngaˇ laˬ kʼaˬ maˬ cehˇ dzehˬ naˇ, ngaˬ-euˬ mehˬ laˇ kʼaˆ-iˇ-awˇ caˇ dawˬ maˬ caˇ nya ni pyeuꞈ-iˇ luꞈ-uˇ.

Jaceuq 51:15

Sahˬ paˬ Miˬyehˇ-oˇ, ngaˇ dawˬ ngehˬ nya ni caw ba nehˬ laꞈ. Nawˬ-ahˇ ngaˇ ja ceuˬ ma.

Aˬmoˆ 5:10

Maˬ tsaˬ maˬ dawˇ-eu jeˬ-ahˇ ceh-awˇ, yaˇ kʼaˬ daˇ-eu saˇ naˇ laꞈ kʼoeˇ yaw tsaˬ yaw dawˇ jeˬ tehꞈ-ehˇ ngehˬ-eu deuˬ-ahˇ naw maꞈ bye-eu meh.

Hawˇseˬ 4:17

Iˇsaˬleˬlaˆ tsawˇ haˬ kʼoeˇ deuˬ, tahˬ pahˬ aˬ ma uˬ moˆ jawˇ-eu, aˬ yawꞈ maꞈ tehꞈ-ehˇ bi shaˬ-awˬ.

Ngoeˇ dawˬ 2:9

Lahˇ kʼehˬ laˇ gʼoˆ miˇ tsa pahˬ-awˇ, gʼoˆ bahˬ dawˬ tawˆ kʼehꞈ jiˇ-euˬ meh. Sahˬ paˬ sahˬ ma deuˬ dawˬ tawˆ luꞈ, aˬ cawˬ neh nyehꞈ byoˆ jiˇ-euˬ meh. Zahˇ dawˬ kʼoꞈ dawˬ maˬ paˇ baw-ehˇ, Miˬyehˇ dawˬ ngehˬ dah-eu deuˬ kʼawꞈ, Sahˬpaˬ Miˬyehˇ maˬ pah mehˬ-ehˇ, Miˬyehˇ-euˬ dawˬ maˬ ngehˬ nya-a.

Yeˬlaˬmiˇ 1:17

Yeˬlaˬmiˇ-oˇ, lehˬ hmˬ-awˬ. Ngaˬ neh kʼaˇ bi ehˇ-euˬ yawˬ jeˬ na luꞈ, aˬ yawꞈ maꞈ-ahˇ ehˇ nehˬ-iˇ-awˬ. Aˬ yawꞈ maꞈ-ahˇ taˬ guˆ. Aˬ yawꞈ maꞈ-ahˇ nawˇ guˆ naˇ, aˬ yawꞈ maꞈ-euˬ mehˬ shi kʼoeˇ naˆ maˬ tseˇ nawˬ-ahˇ ngaˇ paˇ laˆ guˆ nehˬ ma.

Iˇsaˬyaˇ 1:2

Sahˬpaˬ Miˬyehˇ ehˇ-eu, “Mˬ hawˇ-eu miˇ-oˇ, naˬ bawˇ ciˬ kʼmˇ sheˇ. Ngaˇ ehˇ gaˇ naˇ haˬ sheˇ. Ngaˬ neh cu huiˬ-euˬ zaˬ deuˬ, ngaˬ-ahˇ puiˬ luꞈ meh.

Yeˬsaˬgeˬlaˇ 33:22

Tsawˇ haˬ kʼoeˇ gʼaˬ maˬ laˇ keuˆ mi naˆ-ehˇ, uˬ ciˬ uˬ taw paw neh Sahˬpaˬ Miˬyehˇ ngaˬ nehˬ-ehˇ jawˇ luꞈ-eu ngaˇ ya siˬ-euˬ ma. Yawˬ shawˬ yawˬ tsawˇ haˬ kʼoeˇ gʼaˬ laˇ keuˆ ngeh, Sahˬpaˬ Miˬyehˇ ngaˬ-ahˇ dawˬ ngehˬ nya-eu baoˬ paˇ biꞈ kʼoꞈ laꞈ-euˬ meh.

Daˬyeˬlaˇ 10:15

Aˬ yawꞈ kʼoeˇ loꞈ-ehˇ ehˇ ngeh, ngaˇ miˇ tsa haw tsoˆ taˬ-awˇ, dawˬ maˬ tmˇ ni jawˇ-euˬ ma.

Hawˇseˬ 4:4

Ehˇ kʼawꞈ Sahˬpaˬ Miˬyehˇ ehˇ-eu, “Miˇ kʼahˬ zaˬ-euˬ yaw doeˇ taˬ poˆ. Aˬ yawꞈ maꞈ-ahˇ yaw lehˬ taˬ no. Ngaˇ yaw lehˬ no mawꞈ-eu deuˬ-aˬ. naw maꞈ piˇ ma geuꞈ-eu deuˬ ma.

Yeˬsaˬgeˬlaˇ 12:2

“Tsawˇ haˬ zaˬ-oˇ, nawˇ-aˬ ngaˬ-ahˇ puiˬ-eu tsawˇ haˬ deuˬ nehˬ-ehˇ jawˇ luꞈ-eu meh. Aˬ yawꞈ maꞈ myaˆ nuiˆ tsoꞈ kʼawꞈ maˬ mawˇ nya-ehˇ, naˬ bawˇ tsoꞈ kʼawꞈ maˬ gaˬ nya-a. Aˬ jeˬ miˇ neh ehˇ naˇ, aˬ yawꞈ maꞈ ngaˬ-ahˇ puiˬ-euˬ meh.

Yeˬsaˬgeˬlaˇ 12:3

“Tsawˇ haˬ zaˬ-oˇ, aˬ cawˬ miˇ kʼahˬ-ahˇ cehˆ-euˬ tsawˇ haˬ loꞈ-ehˇ, myawˬ kuˬ shaˇ dawˆ-awˇ, uˬ ciꞈ maˬ zahˇ le mi naˆ-ehˇ doˆ-iˇ-awˬ. Nawˇ pawˇ-iˇ-eu yawˬ gʼaˬ na luꞈ-ahˇ bi mawˇ-awˬ. Ngaˬ-ahˇ puiˬ-eu tsawˇ haˬ kʼoeˇ deuˬ mawˇ luꞈ-uˇ.