Yeˬsaˬgeˬlaˇ 3:19 - Akha

¹⁹ Haiˬ-eu tsawˇ haˬ tiˬ gʼaˬ-ahˇ nawˇ mehˬ nehˬ tsoˆ nehˬ-awˇ, iˬ baˇ mˇ-eu maˬ byehˇ-ehˇ iˬ baˇ pi-awˇ shiˇ naˇ, nawˬ-euˬ gaˇ nawˇ mˇ gʼaˬ-euˬ miˇ neh, nawˇ maˬ shiˇ ni ya dzeuˇ-iˇ tehꞈ-a.

Yeˬsaˬgeˬlaˇ 3:19 Referans Kwoze

Yeˬsaˬgeˬlaˇ 33:9

Haiˬ-eu tsawˇ haˬ tiˬ gʼaˬ na-ahˇ nawˇ mehˬ paˇ tsoˆ paˇ kʼawꞈ, iˬ baˇ mˇ-eu maˬ byehˇ ni ya shiˇ naˇ, nawˬ-ahˇ ngaˇ shiˇ kʼawˇ bi dzeuˇ ma.”

1 Tiˆmoˇseˬ 4:16

Yawˬ ha-euˬ gʼawˇ mawˇ gaˇ kawˆ maˬ ehˇ, yawˬ ha mehˬ-eu tsoˆ-eu jeˬ gaˇ kawˆ maˬ ehˇ, yaw muiˬ-ehˇ yahˇ-awˬ. Gaˇ heu deuˬ-ahˇ maˬ byehˇ ni mˇ daˆ leꞈ-awˬ. Aˬ jeˬ miˇ neh ehˇ naˇ, nawˇ kʼoeˇ loꞈ-ehˇ mˇ-eu kʼoeˇ-aˬ, nawˬ-euˬ gʼawˇ mawˇ-ahˇ maˬ ehˇ, nawˬ neh mehˬ nehˬ tsoˆ nehˬ-euˬ tsawˇ haˬ deuˬ-ahˇ maˬ ehˇ, ka kʼoꞈ-eu jeˬ pyeuꞈ-eu meh.

Yeˬsaˬgeˬlaˇ 14:20

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, yawˬ ha-euˬ uˬ kʼawˇ taꞈ-ehˇ dzeuˇ naˇ, yawˬ ha-euˬ zaˬ-ahˇ keuˆ ni maˬ ka kʼoꞈ nehˬ nya-aˇ lehˇ ehˇ tsehˆ-eu ma. Aˬ yawꞈ maꞈ neh mˇ-euˬ yaw muiˬ jeˬ-aˬ, yawˬ haˇ yawˬ ha ka kʼoꞈ nehˬ nya-eu tehꞈ meh.”

Yeˬsaˬgeˬlaˇ 14:14

Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, aˬ yawꞈ ha neh mˇ-euˬ yaw muiˬ jeˬ baˬ da neh, aˬ yawꞈ ha smˇ gʼaˬ-ahˇ maˬ ngeuˇ naˇ, aˬ cawˬ-ahˇ maˬ ka kʼoꞈ nehˬ nya-aˇ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.

Gʼaˬkʼehˇ 20:26

Kʼoeˇ miˇ neh, naw maꞈ tiˬ gʼaˬ na dehꞈ-eu saꞈ laˇ smˬ-iˇ naˇ ngaˬ-euˬ baˬ da neh maˬ ngeuˇ lehˇ, naꞈ suiˇ ni gʼeh-eu dawˬ iˬ nah ngaˇ ngehˬ-eu ma.

Yeˬsaˬgeˬlaˇ 33:5

Aˬ yawꞈ-euˬ yaw lehˬ baˬ da neh aˬ yawꞈ ya shiˇ-eu meh. Aˬ jeˬ miˇ neh ehˇ naˇ, daˇ heh teˇ saˇ gaˬ-euˬ kʼawꞈ aˬ yawˬ maˬ yahˇ-a. Aˬ yawꞈ yahˇ law nmˇ-aˬ, shiˇ kʼawˇ dzeuˇ tehꞈ-a.

Yeˬsaˬgeˬlaˇ 3:21

Yaw tsaˬ yaw dawˇ tsawˇ haˬ tiˬ gʼaˬ-ahˇ iˬ baˇ maˬ ya mˇ ni nawˇ mehˬ nehˬ tsoˆ nehˬ-awˇ, nawˬ-euˬ ehˇ dawˬ-ahˇ naˇ haˬ-eu laꞈ kʼoeˇ, iˬ baˇ maˬ mˇ ni jawˇ naˇ, aˬ yawꞈ maˬ ya shiˇ-ehˇ, nawˇ kʼawꞈ shiˇ gaˇ ya buˬ-iˇ tehꞈ-a.”

Yeˬsaˬgeˬlaˇ 3:18

Haiˬ-eu tsawˇ haˬ tiˬ gʼaˬ shiˇ-eu keuˆ laˇ shaw-iˬ meh lehˇ ngaˇ ehˇ ngeh, aˬ yawꞈ yawˬ haˇ yawˬ ha ka kʼoꞈ nya ni bi dehꞈ paˇ-eu gʼaˇ duˬ nawˇ maˬ mehˬ maˬ tsoˆ-ehˇ iˬ baˇ pi-awˇ bi shiˇ naˇ, nawˬ-ahˇ ngaˇ do yuˇ ma.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

1 Teˇsaˬloˇni 4:6

Gaˇ kawˆ heu hmˬ-ahˇ taꞈ leˇ-awˇ, tsawˇ haˬ tiˬ gʼaˬ-iˬ aˬ yuiꞈ aˬ nyiˇ Ka li zaˬ-euˬ nymˇ jiˇ-ahˇ coeˬ-eu ciˆ-eu bahˬ-eu muˆ-eu jeˬ maˬ mˇ kʼmˬ-a. Gaˇ Kawˆ heu naw maꞈ-ahˇ nga maꞈ mehˬ nehˬ dzeuˇ gʼaˬ-euˬ ma. Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Yeˬsuˇ kʼehˬ nehˬ kʼaˆ nehˬ tehꞈ-a lehˇ, nga maꞈ yaw kʼaˆ kʼaˆ-ehˇ ehˇ-euˬ ma.

Yeˬsaˬgeˬlaˇ 33:3

Muiˇ-eu tsawˇ haˬ deuˬ laˇ luꞈ gaˇ aˬ yawꞈ ya mawˇ ngeh, tsawˇ haˬ dawˬ tawˆ luꞈ-ahˇ aˬ yawꞈ daˇ heh baw gaˬ nehˬ-eu meh.