Yeˬsaˬgeˬlaˇ 3:10 - Akha

¹⁰ Miˬyehˇ heu loꞈ-ehˇ paˇ ehˇ-eu meh. “Tsawˇ haˬ zaˬ-oˇ, ngaˬ neh kʼaˇ ehˇ-euˬ jeˬ-ahˇ yaw muiˬ paˬ-ehˇ naˇ haˬ duˬ-awˇ juiˇ uiˬ taˬ-awˬ.

Yeˬsaˬgeˬlaˇ 3:10 Referans Kwoze

Jaceuq 119:11

Nawˬ-ahˇ ngaˇ maˬ ya mˇ bahˬ ni, nawˬ-euˬ zahˇ dawˬ kʼoꞈ dawˬ nui ma laꞈ kʼoeˇ pi ma.

Yawˇbaˆ 22:22

Aˬ yawꞈ mehˬ-eu tsoˆ-eu jeˬ-ahˇ naˇ haˬ geuꞈ-awˇ, aˬ yawꞈ-euˬ dawˬ nawˬ-euˬ nui ma laꞈ kʼoeˇ bi ahˇ-awˬ.

1 Teˇsaˬloˇni 4:1

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ mawꞈ-eu ma. Miˬyehˇ nui kʼahˇ shiˇ ni aˬ joˆ-ehˇ ya dehꞈ ya jawˇ-eu gaˇ kawˆ, naw maꞈ-ahˇ nga maꞈ dehꞈ mehˬ jawˇ mehˬ gʼaˬ-euˬ ma. Naw maꞈ kʼoeˇ loꞈ-ehˇ dehꞈ luꞈ jawˇ luꞈ-eu meh. Kʼoeˇ naˆ maˬ tseˇ leh jeh-awˇ dehꞈ daˆ leꞈ-eu gʼaˇ duˬ Sahˬpaˬ Yeˬsuˇ-euˬ tsawˇ myahˇ uˬ moˆ naw maꞈ-ahˇ nga maꞈ shaˇ-eu ma.

1 Teˇsaˬloˇni 2:13

Miˬyehˇ-euˬ guiˬ lahˬ-ahˇ nga maꞈ maˬ tsehˆ leˇ ni ja ceuˬ luꞈ-eu gaˇ kawˆ yawˬ hmˬ yawˬ-aˬ, heu loꞈ-ehˇ ma. Naw maꞈ jawˇ gaˇ nga maꞈ Miˬyehˇ dawˬ kawˬ hehˇ leꞈ ngeh, tsawˇ haˬ-euˬ dawˬ loꞈ-ehˇ sawˇ-awˇ naw ma ha geuꞈ-euˬ maˬ ngeuˇ-a. Maˇ maˇ ni Miˬyehˇ-euˬ dawˬ pyeuꞈ-eu miˇ neh, Miˬyehˇ-euˬ dawˬ loꞈ-ehˇ sawˇ-awˇ ha geuꞈ-euˬ meh. Aˬ jeˬ miˇ neh ehˇ naˇ, jah-eu tsawˇ haˬ pyeuꞈ-eu naw maꞈ-euˬ laꞈ kʼoeˇ Miˬyehˇ gaˇ mˇ luꞈ-eu meh.

Luˇkaꞈ 8:15

Miˇ tsaˬ miˇ muiˬ muiˬ gaˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ dawˬ kawˬ-ahˇ ya gaˬ ngeh, dawˇ coe ni gʼeh-eu muiˬ-eu jaˬ-eu nui ma laꞈ kʼoeˇ jeˬ hmˬ taˬ-awˇ, aˇ siˬ siˬ le ngeh keuˆ ni dawˬ kʼoeˇ deuˬ-ahˇ ziꞈ dah ni nyehꞈ tehˬ taˬ-eu tsawˇ haˬ deuˬ-ahˇ ehˇ mawꞈ-eu meh.

Yeˬsaˬgeˬlaˇ 2:8

“Tsawˇ haˬ zaˬ-oˇ, ngaˇ ehˇ gaˇ naˇ haˬ sheˇ. Aˬ yawꞈ maꞈ loꞈ-ehˇ ngaˬ-ahˇ taˬ puiˬ. Nawˬ-euˬ kʼaˬ meh mˇ nga-awˇ, ngaˬ neh kʼaˇ bi dzaˬ-euˬ jeˬ dzaˬ-awˬ.”

Dawqdaq 19:20

Dawˬ mehˬ dawˬ tsoˆ-ahˇ naˇ haˬ geuꞈ naˇ, aˬ kaˇ tiˬ nah zaˬ siˬ tsawˇ gahˇ byah laˇ tehꞈ-a.

Dawqdaq 8:10

Pyuˇ-ahˇ nui kʼahˇ jaˆ-eu naˆ maˬ tseˇ, ngaˬ neh mehˬ-euˬ tsoˆ-euˬ jeˬ-ahˇ nui kʼahˇ jaˆ-awˬ. Muiˬ dui dui-eu shuiˇ-ahˇ gaˬ-eu naˆ maˬ tseˇ, zaˬ siˬ tsawˇ gahˇ-ahˇ gaˬ-awˬ.

Yeˬsaˬgeˬlaˇ 2:7

Aˬ yawꞈ maꞈ naˇ haˬ-eu maˬ kaˬ, maˬ naˇ haˬ-eu maˬ kaˬ, ngaˬ neh bi ngehˬ-euˬ dawˬ nawˇ ya ngehˬ meh. Aˬ yawꞈ maꞈ ngaˬ-ahˇ puiˬ-eu tsawˇ haˬ pyeuꞈ luꞈ gaˇ taˬ ngehˇ.

Yeˬsaˬgeˬlaˇ 3:9

Nawˇ kʼaˬ lo loꞈ-ehˇ ziꞈ-awˇ, gʼahˇ dui dui-eu kʼaˬ lo sehˇ loꞈ-ehˇ gʼahˇ laˇ ni ngaˇ jahˇ nehˬ ma. Ngaˬ-ahˇ puiˬ-eu tsawˇ haˬ kʼoeˇ deuˬ-ahˇ taˬ guˆ.”

Yeˬsaˬgeˬlaˇ 3:11

Kʼoeˇ naˇ, aˬ cawˬ neh bi nyehꞈ ka gʼeh-euˬ nawˬ-eu tsawˇ jeuˬ jawˇ gaˇ iˇ-awˇ, aˬ yawꞈ maꞈ naˇ haˬ-eu maˬ kaˬ, maˬ naˇ haˬ-eu maˬ kaˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ dawˬ ehˇ nehˬ-iˇ-awˬ.”

Jaceuq 85:9

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ-ahˇ aˬ diˇ aˬ maˇ ka kʼoꞈ nehˬ-awˇ, ka kʼoꞈ-eu guiˬ lahˬ yaw dzahˇ aˬ dui-euˬ miˇ kʼahˬ heu kʼoeˇ taˆ jaˆ tehꞈ-a.