Yeˬsaˬgeˬlaˇ 29:3 - Akha

³ Iˇjiˇtuˆ sahˬ paˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu, Lawˇ baˬ gʼahˇ ceh yuꞈ-eu byaˆ yahˬ, Iˇjiˇtuˆ miˇ kʼahˬ sahˬ paˬ-oˇ, nawˬ-ahˇ ngaˇ muiˇ-eu ma.

Yeˬsaˬgeˬlaˇ 29:3 Referans Kwoze

Yeˬsaˬgeˬlaˇ 32:2

“Tsawˇ haˬ zaˬ-oˇ, Iˇjiˇtuˆ sahˬ paˬ-ahˇ shaˇ noeˬ dui dui paˬ-ehˇ gʼeh-eu dawˬ heu deuˬ ehˇ nehˬ-awˬ. “Aˇ laˬ jaˬ shiˇ-ahˇ duˇ ma lehˇ, nawˇ yawˬ haˇ yawˬ ha noeˬ-eu kʼawꞈ, laˆ shaˆ laꞈ kʼoeˇ uˇ-eu laˆ shaˆ byaˆ yahˬ loˆ ni tehꞈ meh. Aˬ kuiˇ neh iˇ neˇ laˆ neˇ-awˇ, lawˇ baˬ-ahˇ nawˇ laˆ jawꞈ-eu meh.

Iˇsaˬyaˇ 27:1

Aˇ nah kʼoeˇ nah-ahˇ, Sahˬpaˬ Miˬyehˇ aˬ yawꞈ-euˬ baoˬ huiˬ dui dui-eu mi cehˇ-ahˇ gʼoe-awˇ, joe joe-ehˇ maˬ ehˇ, yaw gʼahˬ yaw diˆ-ehˇ maˬ ehˇ, cah nya-eu Leˬbeˇdaˬ aˇ lawˇ ma kʼoeˇ mawˇ-ahˇ kʼehˬ-awˇ, iˬ ma laˆ shaˆ-ahˇ uˇ-eu byaˆ yahˬ yahˬ ma kʼoeˇ mawˇ-ahˇ sehꞈ tehꞈ-a.

Yeˬlaˬmiˇ 44:30

Yuˇdaˆ sahˬ paˬ Zeˬdaˬkiˇ-ahˇ, aˬ yawꞈ-ahˇ muiˇ-awˇ sehꞈ mawꞈ-eu Baˬbuˇloˬ sahˬ paˬ Neˬbuˬkaˬneˬzaˬ-euˬ laꞈ-ahˇ ngaˬ neh a nehˬ-euˬ loꞈ-ehˇ, Iˇjiˇtuˆ sahˬ paˬ Hawˇpaˬyaˬ-ahˇ kʼawꞈ, aˬ yawꞈ-ahˇ muiˇ-awˇ sehꞈ mawꞈ-eu deuˬ-euˬ aˬ laꞈ laꞈ kʼoeˇ ngaˇ a ahˇ nehˬ ma’ lehˇ ehˇ-eu meh.”

Naˬhmˬ 1:6

Aˬ yawꞈ nui ma pehˇ-eu jeˬ-ahˇ, dehꞈ dzeuˇ nya-eu aˬ suˇ jawˇ ta. Nui pehˇ miˬ lmˇ shehˆ daˆ leꞈ ngeh, lo gahˬ lo guˇ byaˆ ka le-awˇ, kʼaˬ lehˇ loꞈ-ehˇ meuˇ jiˇ-eu meh.

Yeˬsaˬgeˬlaˇ 28:22

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Siˇdoˬ meuˬ-oˇ, nawˬ-ahˇ muiˇ ma. Ngaˬ-euˬ yaw shehꞈ kʼahˬ sehˇ huiˬ-eu, nawˬ-euˬ gʼahˇ ceh pah mehˬ le ma. Nawˬ-ahˇ ngaˇ kehˬ nehˬ kʼaˆ nehˬ-awˇ, ngaˇ muiˬ-eu shawˇ-eu bi mawˇ ngeh, Ngaˇ Sahˬpaˬ Miˬyehˇ ngeuˇ ngaˇ lehˇ, aˬ cawˬ siˬ duˬ mawˇ duˬ tehꞈ-a.

Yeˬsaˬgeˬlaˇ 28:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Duˇlu meuˬ-ahˇ uˆ lahˇ luꞈ-eu gʼaˬ-ahˇ ehˇ nehˬ-awˬ. “Nui ma huiˬ-eu mahˇ-eu laꞈ kʼoeˇ, ngaˇ miˬ yehˇ ma lehˇ nawˇ ehˇ-awˇ, Iˬ ma laˆ shaˆ gʼahˇ ceh jaˆ-eu, miˬ yehˇ nuiˇ mahˬ nuiˇ-eu ma lehˇ, nawˇ ehˇ taˬ-euˬ dawˬ jaˆ-eu meh. Miˬ yehˇ loꞈ-ehˇ gahˇ ma duˇ kʼawꞈ, miˬ yehˇ maˬ ngeuˇ-a, tsawˇ haˬ meh.

Jaceuq 76:7

Sahˬpaˬ Miˬyehˇ-oˇ, tsawˇ haˬ dawˬ tawˆ luꞈ nawˬ-ahˇ guˆ-awˇ, nawˇ nui ma pehˇ ngeh nawˬ-eu mehˬ shi tiˬ gʼaˬ-iˬ maˬ jawˇ tehˬ peuˬ-a.

Dawˬmehˬ 8:17

Kʼoeˇ miˇ neh, naw maꞈ yawˬ ha-euˬ gʼaˬ hawˇ-eu yawˬ ha-euˬ baoˬ-ahˇ gʼoe-awˇ, yawˬ haˇ yawˬ ha smˇ muiˬ muiˬ laˇ-euˬ ma lehˇ tiˬ jawˇ-iˬ taˬ noeˬ.

Panmaeq 20:2

Aˇ hu-euˬ aˇ lawˇ kʼoeˇ mawˇ pyeuꞈ-eu byaˆ yahˬ kʼoeˇ mawˇ-ahˇ aˬ yawꞈ nyehꞈ-awˇ, tiˬ heˇ kʼoꞈ byah ni shmˇ caˆ neh paꞈ tawꞈ taˬ-euˬ meh. Aˇ lawˇ kʼoeˇ-aˬ, Nehꞈ sahˬ paˬ hawˇ-eu nehꞈ Saˬdaˬ lehˇ kʼawꞈ ehˇ nya-eu meh.

Panmaeq 16:13

Kʼoeˇ naˇ, kʼaˬ paˬ-ahˇ duˇ-eu maˬ shawˇ-eu yaw sahˇ smˬ sahˇ-ahˇ ngaˇ ya mawˇ-euˬ ma. Yaw sahˇ kʼoeˇ deuˬ-aˬ, byaˆ yahˬ kʼoeˇ mawˇ-euˬ kʼaˬ meh, jeˬ zaˬ yaw haiˬ kʼoeˇ mawˇ-euˬ kʼaˬ meh hawˇ-eu, maˬ ngeuˇ-eu Miˬyehˇ gʼaˇ duˬ ngehˬ dah-eu gʼaˬ-euˬ kʼaˬ meh-ahˇ neh doˆ le-euˬ meh.

Panmaeq 13:11

Kʼoeˇ naˇ, miˇ tsaˬ-ahˇ doˆ laˇ-euˬ jeˬ zaˬ yaw haiˬ tiˬ mawˇ ngaˇ paˇ ya mawˇ-euˬ ma. Yawˇ-euˬ uˬ coeˇ-ahˇ duˇ-eu uˬ coeˇ nyiˬ coeˇ tsoꞈ-awˇ, byaˆ yahˬ loꞈ-ehˇ dawˬ ngehˬ-eu meh.

Panmaeq 13:4

Byaˆ yahˬ kʼoeˇ mawˇ aˬ yawꞈ-euˬ uˆ lahˇ-eu baoˬ deuˬ jeˬ zaˬ kʼoeˇ mawˇ-ahˇ biꞈ nehˬ-euˬ miˇ neh, yawˬ gʼaˬ na luꞈ byaˆ yahˬ kʼoeˇ mawˇ-ahˇ uˬ duˬ tahˬ-eu meh. Jeˬ zaˬ yaw haiˬ kʼoeˇ mawˇ-ahˇ kʼawꞈ, aˬ yawꞈ maꞈ uˬ duˬ tahˬ-awˇ, “Jeˬ zaˬ yaw haiˬ heu mawˇ-ahˇ duˇ-eu aˬ suˇ gʼaˬ jawˇ ta. Aˬ yawꞈ-ahˇ guiˇ deuˆ peuˬ-eu aˬ suˇ gʼaˬ jawˇ ta” lehˇ ehˇ-eu meh.

Panmaeq 13:2

Jeˬ zaˬ kʼoeˇ mawˇ kʼaˬ zuiˬ-ahˇ duˇ-eu meh. Aˬ kuiˇ aˬ laꞈ kʼaˬ hmˇ-ahˇ duˇ-awˇ, kʼaˬ meh aˇ laˬ jaˬ shiˇ-ahˇ duˇ-eu meh. Byaˆ yahˬ kʼoeˇ mawˇ-aˬ, aˬ yawꞈ-euˬ baoˬ maˬ ehˇ, dzoeˬ dzaˬ nuiˇ mahˬ maˬ ehˇ, huiˬ dui dui-eu uˆ lahˇ-eu baoˬ maˬ ehˇ, jeˬ zaˬ kʼoeˇ mawˇ-ahˇ biꞈ-euˬ meh.

Iˇsaˬyaˇ 51:9

Sahˬpaˬ Miˬyehˇ nawˇ noeˬ laˇ-awˇ nga maꞈ-ahˇ ka kʼoꞈ-awˬ. Nawˬ-euˬ baoˬ-ahˇ gʼoe-awˇ nga maꞈ-ahˇ ka kʼoꞈ nehˬ laꞈ-awˬ. Aˇ hu nawˬ-euˬ baoˬ bi mawˇ-euˬ loꞈ-ehˇ nymˬ-mˇ bi mawˇ laꞈ-awˬ. Laˆ shaˆ byaˆ yahˬ Laˬhaˇ-ahˇ byehˆ nmˆ nehˬ-euˬ gʼaˬ nawˇ meh.

Jaceuq 68:30

Aˇ toꞈ yaˇ-ahˇ uˇ-eu haiˬ-eu bawˇ tsahˬ jeˬ zaˬ-ahˇ duˇ-eu, Iˇjiˇtuˆ miˇ kʼahˬ-ahˇ nawˇ sawˇ dzeh-awˬ. Mawˇ neˇ mawˇ zaˬ sheuˬ-awˇ cah-eu mawˇ gaw deuˬ-ahˇ duˇ-eu tsawˇ jeuˬ kʼoeˇ deuˬ-ahˇ kʼawꞈ nawˇ sawˇ dzeh-awˬ. Aˬ cawˬ tsawˇ jeuˬ kʼoeˇ taˆ kawˬ taꞈ dzaˬ mawꞈ-eu deuˬ-ahˇ nawˇ nawˬ pahˬ-awˇ, guiˇ deuˆ mawꞈ-eu nui ma ahˇ-eu deuˬ-ahˇ teh byaˆ nehˬ-awˬ.

Yeˬsaˬgeˬlaˇ 30:12

Niˬlaˇ lawˇ baˬ ngaˇ laˆ tsiˇ-awˇ, haiˬ-eu tsawˇ haˬ deuˬ-euˬ laꞈ-ahˇ, miˇ kʼahˬ kʼoeˇ kʼahˬ ahˬ ahˇ nehˬ ma. Aˬ cawˬ tsawˇ jeuˬ aˬ laꞈ laꞈ kʼoeˇ, miˇ kʼahˬ kʼoeˇ bi laˆ byoˆ meh lehˇ, Ngaˇ Sahˬpaˬ Miˬyehˇ ehˇ-eu ma.”

Yeˬsaˬgeˬlaˇ 30:22

Nymˬ-mˇ poˆ jawˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Iˇjiˇtuˆ sahˬ paˬ-ahˇ ngaˇ muiˇ-eu ma. Aˬ yawꞈ-euˬ aˬ laꞈ nyiˬ pyawˬ luꞈ ngaˇ ngawˬ kʼehꞈ-eu lehˇ gʼeh-eu ma. Tiˬ poˆ kʼehꞈ-iˇ gʼaˬ-euˬ laꞈ maˬ ehˇ, maˬ kʼehꞈ-iˇ-euˬ laꞈ maˬ ehˇ, ngaˇ paˇ ngawˬ kʼehꞈ nehˬ-awˇ, aˬ yawꞈ-euˬ aˬ laꞈ-ahˇ tuˆ tehˬ taˬ-euˬ mi cehˇ, miˇ tsa bi ga ka ma.

Daˬyeˬlaˇ 4:27

Kʼoeˇ miˇ neh sahˬ paˬ-oˇ, ngaˬ-euˬ ehˇ dawˬ geuꞈ nehˬ laꞈ. Iˬ baˇ maˬ mˇ ni byehˇ-awˇ, yaw tsaˬ yaw dawˇ jeˬ mˇ-eu laꞈ kʼoeˇ, shaˬ zaˬ zahˬ zaˬ deuˬ-ahˇ gʼawˬ shaˬ gaˬ nehˬ-awˬ. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ nui saˇ oꞈ-eu jeˬ maˬ byoˆ-iˇ-aˇ.”

Aˬmoˆ 6:13

Loˇdeˬbaˬ‘Loˇdeˬbaˬ’ lehˇ ehˇ-eu dawˬ tsuiꞈ-aˬ, ‘Jaˬ myawꞈ’ lehˇ ehˇ mawꞈ-eu meh.* meuˬ-ahˇ deuˆ gʼaˬ ma lehˇ naw maꞈ kʼahˬ sehˇ jehˆ-eu meh. Kaˬneˬ‘Kaˬneˬ’ lehˇ ehˇ-eu-aˬ, ‘uˬ coeˇ’-ahˇ ehˇ-eu meh. Dawˬ tsuiꞈ-aˬ, ‘gʼaˬ kʼaˆ-eu’ lehˇ ehˇ mawꞈ-euˬ meh.* meuˬ-ahˇ deuˆ gʼaˬ nya ni nga maꞈ gʼaˬ kʼaˆ luꞈ ma lehˇ naw maꞈ lmˬ-eu meh.