Yeˬsaˬgeˬlaˇ 28:5 - Akha

⁵ Gaꞈ-eu tsawˇ gahˇ byah-eu miˇ neh, jiˇ jeuˬ jeuˬ dui za dui dui-awˇ, Nawˬ-euˬ pyuˇ shuiˇ myawˬ gahˬ kʼoeˇ taˆ, nawˇ nui ma huiˬ laˇ taˬ-eu meh.

Yeˬsaˬgeˬlaˇ 28:5 Referans Kwoze

Jaceuq 62:10

Nawˬ dzaˬ kʼaˆ dzaˬ gaˇ gʼaˬ taˬ huiˬ. Kʼoeˬ dzaˬ joe dzaˬ gaˇ taˬ noeˬ tmˬ. Nawˬ-euˬ pyuˇ shuiˇ myawˬ gahˬ myaˬ laˇ luꞈ kʼawꞈ, kʼoeˇ deuˬ-ahˇ nawˇ taˬ gʼoe.

Jaceuq 52:7

“Yawˬ ha-euˬ pyuˇ shuiˇ myawˬ gahˬ-ahˇ nui kʼaˬ tsmˬ-awˇ, yaw haiˬ jeˬ-ahˇ gʼoe-awˇ yaw dehꞈ dehꞈ-eu, Miˬyehˇ-ahˇ maˬ gʼoe-eu tsawˇ haˬ teu gʼaˬ-ahˇ haw-awˬ” lehˇ ehˇ tehꞈ-a.

Hawˇseˬ 13:6

Ehˇ kʼawꞈ, miˇ muiˬ-ahˇ le uˇ-awˇ, ya dzaˬ ya dawˇ dehˆ laˇ ngeh nah, naw maꞈ nui ma huiˬ laˇ jiˇ-awˇ, ngaˬ-ahˇ ngehˇ byoˆ nehˬ laꞈ-euˬ meh.

Yeˬsaˬgeˬlaˇ 28:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Duˇlu meuˬ-ahˇ uˆ lahˇ luꞈ-eu gʼaˬ-ahˇ ehˇ nehˬ-awˬ. “Nui ma huiˬ-eu mahˇ-eu laꞈ kʼoeˇ, ngaˇ miˬ yehˇ ma lehˇ nawˇ ehˇ-awˇ, Iˬ ma laˆ shaˆ gʼahˇ ceh jaˆ-eu, miˬ yehˇ nuiˇ mahˬ nuiˇ-eu ma lehˇ, nawˇ ehˇ taˬ-euˬ dawˬ jaˆ-eu meh. Miˬ yehˇ loꞈ-ehˇ gahˇ ma duˇ kʼawꞈ, miˬ yehˇ maˬ ngeuˇ-a, tsawˇ haˬ meh.

Dawqdaq 11:28

Yawˬ ha-euˬ pyuˇ shuiˇ myawˬ gahˬ-ahˇ nui ma huiˬ-eu tsawˇ haˬ, aˇ paꞈ paꞈ kuˬ ga-iˇ gaˇ duˇ-awˇ, yaw tsaˬ yaw dawˇ tsawˇ haˬ baw nmˬ nmˬ laˇ tehꞈ-a.

1 Tiˆmoˇseˬ 6:17

Miˇ tsaˬ heu kʼoeˇ taˆ dehꞈ ngeh smˇ muiˬ muiˬ-eu tsawˇ haˬ deuˬ-ahˇ nui ma taˬ huiˬ lehˇ ehˇ nehˬ-awˬ. Yaw duˬ maˬ baw-eu pyuˇ shuiˇ myawˬ gahˬ deuˬ-ahˇ maˬ noeˬ tmˬ-ehˇ, aˬ dui laˬ kʼaˬ ya cehˇ ni yawˬ jeˬ na luꞈ tiˬ byah tiˬ loꞈ biꞈ laˬ-eu gʼaˬ pyeuꞈ-eu Miˬyehˇ-ahˇ noeˬ tmˬ-awˬ lehˇ mehˬ nehˬ-awˬ.

Lormav 12:16

Tsawˇ haˬ yawˬ gʼaˬ na luꞈ kʼoeˇ taˆ nui ma tiˬ kawˆ loꞈ-ehˇ taˬ-awˬ. Huiˬ mawꞈ mahˇ mawꞈ-eu nui ma taˬ bi ahˇ. Tsawˇ teˬ zaˬ deuˬ-ahˇ kʼawꞈ cawˬ cawˬ-awˬ. Yawˬ haˇ yawˬ ha zaˬ siˬ tsawˇ gahˇ ahˇ ma lehˇ taˬ noeˬ.

Daˬyeˬlaˇ 4:37

“Nymˬ-mˇ poˆ jawˇ, ngaˇ Neˬbuˬkaˬneˬzaˬ-aˬ, mˬ taˆ Sahˬ paˬ-ahˇ ja ceuˬ-awˇ taˬ huiˬ-eu uˬ taꞈ, ciˬ huiˬ ciˬ mahˇ dui dui-eu ma. Aˬ yawꞈ neh kʼaˇ mˇ kʼaˇ shaˇ-euˬ jeˬ tsaˬ dui dawˇ dui dui-awˇ, nui ma huiˬ-eu mahˇ-eu tsawˇ haˬ-ahˇ aˬ yawꞈ zuiˆ gʼaˬ nya-eu meh.”

Iˇsaˬyaˇ 5:21

Yawˬ haˇ yawˬ ha tsawˇ gahˇ ahˇ ma lehˇ noeˬ-awˇ, yawˬ haˇ yawˬ ha bym ma lehˇ noeˬ-eu deuˬ, ya noeˬ shaˬ dui dui tehꞈ-a.

Dawqdaq 26:12

Yawˬ ha maˬ bym gaˇ bym ma lehˇ noeˬ-eu tsawˇ haˬ-aˬ, aˬ dzawˬ aˇ gah naˆ maˬ tseˇ doeˇ-eu meh.

Zaˬkaˬliˇ 9:3

Duˇlu-euˬ taˆ gawˬ ziꞈ taˬ-awˇ, pyuˇ hawˇ-eu shuiˇ pu cu cu kʼawꞈ,

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Yeˬsaˬgeˬlaˇ 16:49

Aˬ yawꞈ hawˇ-eu aˬ yawꞈ-euˬ aˬ buˇ deuˬ-aˬ, nui ma huiˬ kʼaˇ za-eu meh. Aˬ jeˬ miˇ neh ehˇ naˇ, aˬ yawꞈ maꞈ dzaˬ dzaˬ dawˇ dawˇ jaˆ loꞈ-awˇ, nui saˇ oꞈ-eu laꞈ kʼoeˇ ya dehꞈ luꞈ meh. Ehˇ kʼawꞈ, shaˬ zaˬ zahˬ zaˬ deuˬ-ahˇ aˬ yawꞈ maꞈ maˬ caw ba nehˬ-a.

Iˇsaˬyaˇ 23:8

Dzoeˬ dzaˬ oꞈ-eu meuˬ ma pyeuꞈ-awˇ, miˇ tsaˬ kʼoeˇ taˆ myaˆ pyawˬ naˇ mehˇ jaˆ-eu, smˇ muiˬ aˬ da baw gaꞈ deuˬ jawˇ-eu Duˇlu meuˬ kʼoeˇ taˆ, yaw doeˇ dawˬ tawˆ aˬ suˇ gʼaˬ neh bi keuˆ le taˬ.

Iˇsaˬyaˇ 23:3

Siˇdoˬ meuˬ-ahˇ jawˇ-eu baw gaꞈ deuˬ-oˇ, noeˬ shaˬ-awˇ ngoeˇ-awˬ. Naw maꞈ iˬ ma laˆ shaˆ-ahˇ tsawˇ haˬ pyehˬ gʼeh-awˇ, Iˇjiˇtuˆ miˇ kʼahˬ-ahˇ cehˇ tawˬ laˬ-iˇ-awˇ, miˇ kʼahˬ doe ni ahˬ nehˬ-euˬ meh.

Dawqdaq 30:9

Ngaˇ aˇ dzehˬ jaˆ laˇ naˇ, nawˬ-ahˇ maˬ loˬ lehˇ ngaˇ ehˇ tehꞈ-a. Ehˇ kʼawꞈ, ngaˇ iˇ shaˬ shaˬ naˇ, smˇ kʼoeˬ kʼoeˬ-awˇ ngaˬ-euˬ Miˬ yehˇ nui ma maˬ saˇ-eu jeˬ mˇ gaˇ guˆ nya.

2 Laˬsaˬbaˬ 25:19

Aˬmaˬziˇ-oˇ, nymˬ-mˇ nawˇ Eˬdoˬ tsawˇ haˬ deuˬ-ahˇ deuˆ gʼaˬ-euˬ miˇ neh, nui ma yaw kʼaˆ-ehˇ huiˬ luꞈ-eu nga laˬ. Ehˇ kʼawꞈ, ciˬ cuˇ ni iˇ kahˇ-ahˇ jawˇ-awˬ lehˇ ngaˇ nawˬ-ahˇ ehˇ mawꞈ miˇ-a. Nawˇ hawˇ-eu nawˬ-euˬ tsawˇ haˬ deuˬ kʼoeˇ taˆ luˬ-iˇ seˇ-iˇ-eu jeˬ keuˆ le ni nawˇ aˬ jeˬ gʼeh leh jeh mawꞈ-eu nya.”

Yeˬlaˬmiˇ 49:4

Aˬ jeˬ miˇ neh naw maꞈ loꞈ-ehˇ gʼeh-eu saˇ jaˇ maˬ ziꞈ-eu tsawˇ jeuˬ kʼahˬ sehˇ jehˆ te. Naw maꞈ-euˬ gʼaˬ teˬ le luꞈ-eu maˬ siˬ laˇ nya loˇ. Naw maꞈ-euˬ gʼaˬ-ahˇ naw maꞈ gʼoe-awˇ, tsawˇ haˬ tiˬ gʼaˬ-iˬ nga maꞈ-ahˇ guiˇ maꞈ deuˆ laˇ peuˬ-aˇ lehˇ, aˬ jeˬ miˇ neh naw maꞈ ehˇ te.

Dawˬmehˬ 8:17

Kʼoeˇ miˇ neh, naw maꞈ yawˬ ha-euˬ gʼaˬ hawˇ-eu yawˬ ha-euˬ baoˬ-ahˇ gʼoe-awˇ, yawˬ haˇ yawˬ ha smˇ muiˬ muiˬ laˇ-euˬ ma lehˇ tiˬ jawˇ-iˬ taˬ noeˬ.

2 Sahˬpaˬ 14:10

Aˬmaˬziˇ-oˇ, Eˬdoˬ tsawˇ haˬ-ahˇ nawˇ guiˇ deuˆ gʼaˬ-euˬ miˇ neh, maˬ gaˇ ma lehˇ noeˬ-awˇ nui ma huiˬ luꞈ-eu nga laˬ. Nawˇ teu naˆ ni tsawˇ myahˇ doˆ-eu-aˬ, nui kʼahˇ shiˇ-awˇ iˇ kahˇ-ahˇ ciˬ cuˇ ni jawˇ-awˬ. Nawˇ hawˇ-eu nawˬ-euˬ miˇ kʼahˬ zaˬ deuˬ kʼoeˇ taˆ yaw cawˆ jeˬ keuˆ le ni, aˬ jeˬ gʼeh-eu leh jeh te.”

Jaceuq 62:11

Baoˬ ehˇ-eu jeˬ aˬ yawꞈ-euˬ ma lehˇ Miˬyehˇ ehˇ gaˇ, ngaˇ gʼawˬ mya poˆ ya gaˬ haw-euˬ ma.

Yeˬsaˬgeˬlaˇ 28:17

Nawˬ-euˬ seuˆ jeuꞈ aˇ gʼehˇ muiˬ gaˇ, nawˇ nui ma huiˬ dui dui-eu meh. Nawˇ tsawˇ myahˇ doˆ-eu baˬ da neh, nui ma-ahˇ maˬ paˇ noeˬ-euˬ meh. Kʼoeˇ miˇ neh, nawˬ-ahˇ dehˬ coˬ-awˇ, miˇ kʼahˬ sahˬ paˬ deuˬ-euˬ mehˬ shi, haw niˇ gʼa duˬ bi pyeuꞈ-euˬ ma.

Daˬyeˬlaˇ 11:12

Aˬ yawꞈ guiˇ deuˆ gʼaˬ-euˬ gaˇ kawˆ hawˇ-eu, aˬ yawꞈ neh yehˇ gʼawˬ mya ni deuˆ sehꞈ-euˬ gaˇ kawˆ, aˬ yawꞈ kʼahˬ sehˇ jehˆ tehꞈ-a. Ehˇ kʼawꞈ, aˬ yawꞈ aˬ myah luꞈ kʼoeˇ loꞈ-ehˇ tehꞈ-ehˇ maˬ deuˆ gʼaˬ nya ni pyeuꞈ laˇ tehꞈ-a.