Yeˬsaˬgeˬlaˇ 28:2 - Akha

² “Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Duˇlu meuˬ-ahˇ uˆ lahˇ luꞈ-eu gʼaˬ-ahˇ ehˇ nehˬ-awˬ. “Nui ma huiˬ-eu mahˇ-eu laꞈ kʼoeˇ, ngaˇ miˬ yehˇ ma lehˇ nawˇ ehˇ-awˇ, Iˬ ma laˆ shaˆ gʼahˇ ceh jaˆ-eu, miˬ yehˇ nuiˇ mahˬ nuiˇ-eu ma lehˇ, nawˇ ehˇ taˬ-euˬ dawˬ jaˆ-eu meh. Miˬ yehˇ loꞈ-ehˇ gahˇ ma duˇ kʼawꞈ, miˬ yehˇ maˬ ngeuˇ-a, tsawˇ haˬ meh.

Yeˬsaˬgeˬlaˇ 28:2 Referans Kwoze

Yeˬsaˬgeˬlaˇ 28:9

Nawˬ-ahˇ sehꞈ-eu deuˬ-euˬ mehˬ shi, miˬ yehˇ ma lehˇ ehˇ te siˬ loˇ. Nawˬ-ahˇ sehꞈ-eu deuˬ-euˬ laꞈ-ahˇ, nawˇ miˬ yehˇ maˬ ngeuˇ-ehˇ, tsawˇ haˬ ngaˇ lehˇ duˬ laˇ tehꞈ-a.

2 Teˇsaˬloˇni 2:4

Tsawˇ haˬ zaˬ uˬ duˬ kʼaˇ tahˬ-eu yaw sahˇ hawˇ-eu miˬ yehˇ deuˬ-ahˇ aˬ yawꞈ muiˇ-awˇ, kʼoeˇ deuˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ-eu geuꞈ tehꞈ-a. Miˬyehˇ-euˬ Uˬ duˬ tahˬ nymˇ nymˇ ma-ahˇ keuˆ ni aˬ yawꞈ uˇ leˇ-awˇ nuiˇ-eu laꞈ kʼoeˇ, yawˬ haˇ yawˬ ha Miˬyehˇ tsaˬ geuꞈ tehꞈ-a.

Iˇsaˬyaˇ 31:3

Iˇjiˇtuˆ tsawˇ haˬ kʼawꞈ tsawˇ haˬ zaˬ meh. Miˬyehˇ maˬ ngeuˇ-a. Aˬ yawꞈ maꞈ-euˬ mahˬ deuˬ kʼawꞈ shiˬ shaˬ jiˇ meh. Maˬ shiˇ nya-eu yaw sahˇ maˬ ngeuˇ-a. Sahˬpaˬ Miˬyehˇ aˬ laꞈ cawˬ doˆ laꞈ ngeh, aˬ cawˬ-ahˇ caw ba nehˬ-eu miˇ kʼahˬ dawˬ teˇ teˇ-awˇ, aˬ cawˬ-ahˇ gʼoe-eu miˇ kʼahˬ coˬ-iˇ-eu miˇ neh, nyiˬ kʼahˬ tiˬ gaˇ luˬ-iˇ seˇ-iˇ tehꞈ-a.

Dawqdaq 16:18

Nui ma huiˬ-eu mehˬ nah yaw cawˆ jeˬ caw-awˇ, jahˇ gʼeh-eu mehˬ nah daˬ ga-eu jeˬ teh-eu meh.

Jaceuq 9:20

Sahˬpaˬ Miˬyehˇ-oˇ, aˬyaw maꞈ-ahˇ bi guˆ-iˇ-awˬ. miˇtsaˬtsawˇjeuˬdawˬtawˆluꞈ-ahˇ, miˇtsaˬzaˬ baoˬmaˬahˇnya lehˇ, yawˬhaˇyawˬha bi siˬleˇ-awˬ.

Iˇsaˬyaˇ 2:12

Nui ma huiˬ-awˇ smˇ kʼaˆ kʼaˆ-eu deuˬ hawˇ-eu, jahˇ huiˬ jahˇ gʼeh-eu deuˬ gʼaˇ duˬ, Baoˬ huiˬ-eu Sahˬpaˬ Miˬyehˇ lehˬ hmˬ taˬ-euˬ aˇ nah jaˆ meh.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

1 Tiˆmoˇseˬ 3:6

Nehꞈ sahˬ pahˬ nui ma huiˬ-eu mahˇ-eu baˬ da neh Miˬyehˇ neh yaˇ kʼaˬ daˇ nehˬ-euˬ jeˬ-ahˇ ya daˬ-euˬ loꞈ-ehˇ maˬ ya pyeuꞈ ni, jah-eu jeˬ laꞈ kʼoeˇ gʼaˬ kʼaˆ loꞈ laˇ-euˬ tsawˇ haˬ ya bi pyeuꞈ meh.

Haˬbaˬkuˆ 2:4

Gaˇ kawˆ kʼoeˇ-aˬ, heu loꞈ-ehˇ meh. Miˬyehˇ-ahˇ saˇ jaˇ maˬ puiˬ-eu, yaw tsaˬ yaw dawˇ deuˬ ya dehꞈ-awˇ, yaw haiˬ deuˬ maˬ dzeuˇ-iˇ nya-a.”

Yeˬsaˬgeˬlaˇ 31:10

“Nymˬ-mˇ poˆ jawˇ-aˬ, mˬ dmˇ-ahˇ tuˆ ni goˇ-eu aˇ bawˇ kʼoeˇ bawˇ-ahˇ aˬ jeˬ keuˆ le-eu gʼeh-eu gaˇ kawˆ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ nawˬ-ahˇ ehˇ nehˬ-eu ma. Aˇ bawˇ kʼoeˇ ngehˬ-ehˇ goˇ laˇ naˇ ngehˬ-ehˇ nui ma huiˬ-eu meh.

Yeˬsaˬgeˬlaˇ 28:17

Nawˬ-euˬ seuˆ jeuꞈ aˇ gʼehˇ muiˬ gaˇ, nawˇ nui ma huiˬ dui dui-eu meh. Nawˇ tsawˇ myahˇ doˆ-eu baˬ da neh, nui ma-ahˇ maˬ paˇ noeˬ-euˬ meh. Kʼoeˇ miˇ neh, nawˬ-ahˇ dehˬ coˬ-awˇ, miˇ kʼahˬ sahˬ paˬ deuˬ-euˬ mehˬ shi, haw niˇ gʼa duˬ bi pyeuꞈ-euˬ ma.

Dawqdaq 18:12

Nui ma huiˬ-eu mehˬ nah yaw cawˆ teh-awˇ, nui nahˬ nui yu mehˬ nah taˬ huiˬ taˬ mahˇ-eu jeˬ caw-eu meh.

2 Laˬsaˬbaˬ 26:16

Sahˬ paˬ Awˇziˇ baoˬ huiˬ laˇ ngeh jawˇ, aˬ yawꞈ nui ma huiˬ laˇ-euˬ miˇ neh, luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le-euˬ meh. Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-awˇ, yaw saw jeˬ lawˇ-eu lawˇ duˬ kʼoeˇ taˆ aˬ yawꞈ-euˬ gʼawˇ mawˇ yaw saw jeˬ doꞈ-awˇ lawˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ mˇ bahˬ-euˬ meh.

Dawˬmehˬ 8:14

naw maꞈ nui ma huiˬ laˇ-awˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ka kʼoꞈ doˆ nehˬ laꞈ-euˬ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ ya ngehˇ ni yaw kʼaˆ kʼaˆ-ehˇ yahˇ-awˬ.

Aˇ dahˬ 3:5

Aˇ bawˇ kʼoeˇ bawˇ-euˬ aˇ siˬ naw nyaꞈ pyaˆ dzaˬ naˇ, naw nyaꞈ kʼawꞈ Miˬyehˇ-ahˇ duˇ laˇ-awˇ, yaw muiˬ yaw doeˇ tseˇ paˆ nya laˇ tehꞈ-a lehˇ Miˬyehˇ siˬ nya-eu miˇ neh, kʼoeˇ loꞈ-ehˇ ehˇ-eu meh.”

Panmaeq 17:3

Yaw sahˇ Miˬyehˇ ngaˬ-ahˇ uˆ lahˇ le-awˇ, mˬ taˆ gʼaˬ kʼehˇ kʼoeˇ gʼaˬ ngaˬ-ahˇ bawˇ tsahˬ-ahˇ sheuˬ gʼeh-euˬ meh. Kʼoeˇ gaˇ, neˇ tseuˆ ni gʼeh-eu jeˬ zaˬ yaw haiˬ tiˬ mawˇ-ahˇ dziˬ luꞈ-eu zaˬ miˬ zaˬ tiˬ gʼaˬ-ahˇ ngaˇ mawˇ-euˬ ma. Jeˬ zaˬ kʼoeˇ mawˇ-aˬ, gʼawˇ mawˇ mawˇ lah-ehˇ Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ myahˇ deuˬ boꞈ taˬ-euˬ meh. Uˬ duˬ shiꞈ siˬ tsoꞈ-awˇ, uˬ coeˇ tseˇ coeˇ tsoꞈ-eu meh.

Panmaeq 18:7

Aˬ yawꞈ yaw shehꞈ kʼahˬ sehˇ huiˬ-awˇ, byawˬ gʼa mo gʼa dehˆ-euˬ kʼoeˇ-ahˇ, shaˬ zahˬ gʼaˬ di di kʼoꞈ nehˬ-awˬ. ‘Sahˬ ma geuꞈ-awˇ ngaˇ nuiˇ luꞈ ma. Miˬ coeˬ miˬ ma pyeuꞈ-eu maˬ ngeuˇ. Shaˬ zahˬ tiˬ jawˇ-iˬ maˬ mˇ’lehˇ, aˬ yawꞈ ehˇ taˬ-euˬ jaˆ-eu meh.

Iˇsaˬyaˇ 23:8

Dzoeˬ dzaˬ oꞈ-eu meuˬ ma pyeuꞈ-awˇ, miˇ tsaˬ kʼoeˇ taˆ myaˆ pyawˬ naˇ mehˇ jaˆ-eu, smˇ muiˬ aˬ da baw gaꞈ deuˬ jawˇ-eu Duˇlu meuˬ kʼoeˇ taˆ, yaw doeˇ dawˬ tawˆ aˬ suˇ gʼaˬ neh bi keuˆ le taˬ.

Iˇsaˬyaˇ 47:8

“Byawˬ-eu mo-eu jeˬ-ahˇ gaˬ-eu gʼaˬ-oˇ, ngaˇ ehˇ gaˇ naˇ haˬ sheˇ. Guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za lehˇ nawˇ noeˬ luꞈ meh. Miˬyehˇ naˆ ni huiˬ ma lehˇ nawˇ ehˇ-awˇ, nawˬ-ahˇ duˇ-eu gʼaˬ maˬ jawˇ-a lehˇ ehˇ luꞈ meh. Tiˬ jawˇ-iˬ miˬ coeˬ maˬ ya coeˬ-iˇ-ehˇ, zaˬ bi shiˇ-eu maˬ baw lehˇ nawˇ noeˬ meh.

Yeˬsaˬgeˬlaˇ 16:49

Aˬ yawꞈ hawˇ-eu aˬ yawꞈ-euˬ aˬ buˇ deuˬ-aˬ, nui ma huiˬ kʼaˇ za-eu meh. Aˬ jeˬ miˇ neh ehˇ naˇ, aˬ yawꞈ maꞈ dzaˬ dzaˬ dawˇ dawˇ jaˆ loꞈ-awˇ, nui saˇ oꞈ-eu laꞈ kʼoeˇ ya dehꞈ luꞈ meh. Ehˇ kʼawꞈ, shaˬ zaˬ zahˬ zaˬ deuˬ-ahˇ aˬ yawꞈ maꞈ maˬ caw ba nehˬ-a.

Yeˬsaˬgeˬlaˇ 26:17

Nawˬ-euˬ gʼaˇ duˬ tsawˇ ngoeˇ ngoeˇ nehˬ-eu caˇ dawˬ heu bymˇ aˬ yawꞈ maꞈ caˇ tehꞈ-a. “Tsawˇ myahˇ doˆ dui dui-eu meuˬ-oˇ, nawˇ aˬ joˆ-ehˇ bi laˆ cawˆ teˬ. Iˬ maˬ kʼoeˇ taˆ nawˬ neh dzoeˬ-awˇ, laˆ shaˆ-euˬ baoˬ nawˇ ngeuˇ law meh. Nawˇ hawˇ-eu nawˬ-euˬ tsawˇ haˬ-ahˇ, kʼaˇ jawˇ kʼaˇ deuˬ guˆ lawˬ yaˇ tawˇ.

Yeˬsaˬgeˬlaˇ 28:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Zeˬpaˬniˇ 2:15

Baoˬ huiˬ gʼaˬ kʼaˆ kʼahˬ sehˇ jehˆ-awˇ, Meuˬ ziꞈ ngaˇ taꞈ maˬ jaˆ ma lehˇ, guˆ kʼaˇ maˬ za lehˇ duˇ-euˬ meuˬ, kʼoeˇ naˆ ni ga byoˆ leꞈ tehꞈ-a. Tsawˇ teˇ maˬ ya gaˬ-eu meuˬ tsoeˬ, bawˇ tsahˬ jeˬ zaˬ yuꞈ duˬ pyeuꞈ-awˇ, kʼaˇ iˇ kʼaˇ laˇ tsehˆ-eu tsawˇ haˬ, laꞈ du cawˬ doˆ-awˇ lmˬ tehꞈ-a.

Zaˬkaˬliˇ 9:2

Haˬdaˬlaˆ-ahˇ miˇ kʼahˬ taꞈ-eu, Haˬmaˆ meuˬ kʼoeˇ meuˬ ahˇ leˇ-ehˇ, zaˬ siˬ tsawˇ gahˇ ahˇ dui dui-eu, Duˇlu hawˇ-eu Siˇdoˬ meuˬ kʼawꞈ, Sahˬpaˬ Miˬyehˇ-ahˇ taꞈ-eu meh.

Yeˬsaˬgeˬlaˇ 29:3

Iˇjiˇtuˆ sahˬ paˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu, Lawˇ baˬ gʼahˇ ceh yuꞈ-eu byaˆ yahˬ, Iˇjiˇtuˆ miˇ kʼahˬ sahˬ paˬ-oˇ, nawˬ-ahˇ ngaˇ muiˇ-eu ma.

Yeˬsaˬgeˬlaˇ 29:9

Iˇjiˇtuˆ miˇ kʼahˬ byoˆ-iˇ laˆ-iˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu nawˇ ya siˬ duˬ tehꞈ-a. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu miˇ neh,

Daˬyeˬlaˇ 11:12

Aˬ yawꞈ guiˇ deuˆ gʼaˬ-euˬ gaˇ kawˆ hawˇ-eu, aˬ yawꞈ neh yehˇ gʼawˬ mya ni deuˆ sehꞈ-euˬ gaˇ kawˆ, aˬ yawꞈ kʼahˬ sehˇ jehˆ tehꞈ-a. Ehˇ kʼawꞈ, aˬ yawꞈ aˬ myah luꞈ kʼoeˇ loꞈ-ehˇ tehꞈ-ehˇ maˬ deuˆ gʼaˬ nya ni pyeuꞈ laˇ tehꞈ-a.

Daˬyeˬlaˇ 11:36

“Suˇliˆ sahˬ paˬ-aˬ, yawˬ ha-ahˇ kʼaˇ loˆ laˇ-euˬ jeˬ mˇ tehꞈ-a. Miˬyehˇ dawˬ tawˆ luꞈ naˆ maˬ tseˇ aˬ yawꞈ huiˬ-awˇ, Dawˬ tawˆ kʼoeˇ taˆ huiˬ-eu Miˬyehˇ naˆ maˬ tseˇ aˬ yawꞈ huiˬ dzehˬ ma lehˇ, yawˬ haˇ yawˬ ha kʼahˬ sehˇ jehˆ tehꞈ-a. Miˬyehˇ aˬ yawꞈ-ahˇ kʼehˬ nehˬ-eu aˇ yamˬ maˬ keuˆ laˇ kʼoeˇ keuˆ ni, aˬ yawꞈ kʼoeˇ loꞈ-ehˇ jahˇ nya tehꞈ-a. Miˬyehˇ-aˬ, aˬ yawꞈ neh kʼaˇ noeˬ taˬ-euˬ loꞈ-ehˇ maˇ maˇ ni mˇ tehꞈ-a.

Daˬyeˬlaˇ 11:37

Aˬ yawꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ hawˇ-eu zaˬ miˬ zaˬ deuˬ gaˬ-eu miˬ yehˇ-ahˇ, aˬ yawꞈ myaˆ maˬ haw cawˬ ni jawˇ tehꞈ-a. Miˬyehˇ dawˬ tawˆ luꞈ naˆ maˬ tseˇ aˬ yawꞈ huiˬ dzehˬ ma lehˇ noeˬ-awˇ, miˬ yehˇ-ahˇ miˬ yehˇ lehˇ maˬ sawˇ ni dehꞈ tehꞈ-a.

Luˇkaꞈ 14:9

Kʼoeˇ loꞈ-ehˇ kuˇ taˬ-euˬ gaˇ zaˬ leˇ ngeh jawˇ, naw nyaꞈ nyiˬ gʼaˬ luꞈ-ahˇ kuˇ-euˬ nymˇ sahˇ gʼaˬ nawˬ-ahˇ, ‘Heu gʼaˬ-ahˇ nawˬ-euˬ nuiˇ duˬ tiˬ poˆ pawˇ nehˬ-iˬ sheˇ’ lehˇ ehˇ le tehꞈ-a. Kʼoeˇ ngeh jawˇ, nawˇ ya shaꞈ dawˇ-awˇ, aˬ cawˬ taꞈ-ehˇ awˆ dzehˬ-eu nuiˇ duˬ-ahˇ ya nuiˇ paˇ-iˇ tehꞈ-a.