Yeˬsaˬgeˬlaˇ 27:8 - Akha

⁸ Nawˬ-euˬ saˇ baoˬ heu-euˬ deuˬ-aˬ, Siˇdoˬ meuˬ-euˬ tsawˇ haˬ hawˇ-eu, Aˬbaˬdiˇ meuˬ-euˬ tsawˇ haˬ meh. Nawˬ-euˬ tsawˇ haˬ yaw nya deuˬ neh, saˇ baoˬ-ahˇ bi sheuˬ gʼeh-euˬ meh.

Yeˬsaˬgeˬlaˇ 27:8 Referans Kwoze

Aˇ dahˬ 10:18

Aˬbaˬdiˇ tsawˇ jeuˬ, Zeˬmaˬleˬ tsawˇ jeuˬ, Haˬmaˆ tsawˇ jeuˬ, heu deuˬ-euˬ aˬ da yaw dzahˇ kʼawꞈ pyeuꞈ-eu meh. Tiˬ jeuˬ tiˇ jeuˬ maˬ duˇ leˇ-eu Kaˬnaˬ tsawˇ jeuˬ heu deuˬ, miˇ kʼahˬ doe ni jawˇ byah gʼeh-euˬ meh.

1 Sahˬpaˬ 9:27

Sahˬ paˬ Hiˇlamˬ-aˬ, iˬ ma laˆ shaˆ laꞈ kʼoeˇ cah haw-euˬ aˬ yawꞈ-euˬ tsawˇ haˬ deuˬ pyehˬ gʼeh-awˇ, Sawˇlaˬmoˬ-euˬ tsawˇ haˬ deuˬ nehˬ-ehˇ gaˇ bi mˇ-euˬ meh.

Yeˬsaˬgeˬlaˇ 27:11

Nawˬ-euˬ meuˬ meuˬ lahˇ-ahˇ, Aˬbaˬdiˇ meuˬ-ahˇ jawˇ-eu yehˇ deuˬ loꞈ piˇ-awˇ, Gaˬmaˆ meuˬ-ahˇ jawˇ-eu tsawˇ haˬ deuˬ nawˬ-euˬ loꞈ-eu nymˇ goˇ-ahˇ loꞈ-eu meh. Aˬ yawꞈ maꞈ-euˬ dehˬ daˬ duˬ nawˬ-euˬ meuˬ lahˇ-ahˇ ciˬ ceuˬ-awˇ, nawˇ aˇ gʼehˇ muiˬ ni aˬ yawꞈ maꞈ jahˇ-euˬ meh.

Yeˬsaˬgeˬlaˇ 27:28

Saˇ baoˬ ga nuiꞈ-iˇ-awˇ guˇ-eu, laˆ shaˆ lawˇ deh-ahˇ gaˬ keuˆ meh.

Yeˬlaˬmiˇ 49:23

Daˬmaˬsehˇ meuˬ gaˇ kawˆ Sahˬpaˬ Miˬyehˇ heu loꞈ-ehˇ ehˇ-eu meh. “Haˬmaˆ meuˬ hawˇ-eu Aˬpaˆ meuˬ-ahˇ jawˇ-eu tsawˇ haˬ deuˬ, kʼahˬ lahˇ laˇ paˬ-ehˇ gʼeh-eu gaˇ kawˆ ya gaˬ-euˬ miˇ neh, noeˬ shaˬ luꞈ-eu meh. Noeˬ shaˬ noeˬ zahˬ-eu jeˬ iˬ ma laˆ shaˆ iˇ luˆ dzeh-eu loꞈ-ehˇ, aˬ yawꞈ maꞈ kʼoeˇ taˆ keuˆ le-eu miˇ neh, maˬ jawˇ tehˬ coeˇ-a.

Iˇsaˬyaˇ 10:9

Kaˬsheˬmiˇ meuˬ-ahˇ deuˆ gʼaˬ nehˬ-euˬ loꞈ-ehˇ, Kaˬlaˬnoˬ meuˬ-ahˇ deuˆ gʼaˬ nehˬ-euˬ maˬ ngeuˇ-a loˇ. Haˬmaˆ meuˬ hawˇ-eu Aˬpaˆ meuˬ-ahˇ, tiˬ gaˇ duˇ ni jahˇ nehˬ-awˇ, Saˬmaˬliˆ meuˬ hawˇ-eu Daˬmaˬsehˇ meuˬ-ahˇ, aˬ yawꞈ tiˬ jeˬ bi keuˆ le-euˬ maˬ ngeuˇ-a loˇ.

1 Sahˬpaˬ 5:6

Kʼoeˇ miˇ neh, ngaˬ-euˬ tsawˇ haˬ deuˬ-ahˇ Leˬbaˬnoˬ gawˬ jawˬ-ahˇ pyehˬ gʼeh-awˇ, ngaˬ-euˬ gʼaˇ duˬ shuˬ liˇ aˇ bawˇ bi tuˇ leˇ-awˬ. Ngaˬ-euˬ tsawˇ haˬ deuˬ kʼawꞈ, aˬ yawꞈ maꞈ nehˬ-ehˇ bi mˇ caw leˇ-awˇ, nawˬ-euˬ tsawˇ haˬ deuˬ gʼaˇ duˬ, nawˇ kʼaˇ shaˇ-eu loꞈ-ehˇ ngaˇ aˇ poeˬ biꞈ ma. Ngaˬ-euˬ tsawˇ haˬ deuˬ-aˬ, nawˬ-euˬ tsawˇ haˬ deuˬ loꞈ-ehˇ aˇ bawˇ maˬ tuˇ nya-eu nawˇ siˬ nya meh.”

Yawˇshuˆ 11:8

Sahˬpaˬ Miˬyehˇ neh Iˇsaˬleˬlaˆ tsawˇ haˬ deuˬ-ahˇ tsawˇ haˬ kʼoeˇ deuˬ kʼoeˇ taˆ bi gʼaˬ leˇ-euˬ meh. Iˇsaˬleˬlaˆ tsawˇ haˬ deuˬ aˬ yawꞈ maꞈ-ahˇ deuˆ deuˆ-ehˇ teh-awˇ, laꞈ taˆ paw Miˇsaˬleˬpawˇmeˬ meuˬ hawˇ-euˬ Siˇdoˬ meuˬ-ahˇ keuˆ ni maˬ ehˇ, nahˇ ma doˆ kʼehˬ paw Miˇzaˬpaˬ deh kʼawꞈ-ahˇ keuˆ ni maˬ ehˇ, teh keuˆ gʼeh-euˬ meh. Muiˇ-eu deuˬ tiˬ gʼaˬ-iˬ maˬ dehꞈ-ehˇ pyeuꞈ-iˇ ngeh keuˆ ni, maˬ naˬ leˇ ni guiˇ deuˆ-euˬ meh.

Aˇ dahˬ 49:13

Zeˬbuˬloˬ-aˬ, iˬ ma laˆ shaˆ dawˬ peh jawˇ tehꞈ-a. Aˬ yawꞈ-euˬ iˬ ma laˆ shaˆ lawˇ deh-aˬ, saˇ baoˬ naˬ duˬ pyeuꞈ laˇ tehꞈ-a. Aˬ yawꞈ jawˇ-eu miˇ kʼahˬ Siˇdoˬ meuˬ-ahˇ keuˆ ni jeˇ laˇ tehꞈ-a.

Aˇ dahˬ 10:15

Kaˬnaˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Siˇdoˬ hawˇ-eu Heˬtaˆ aˬ nyaꞈ nmˇ-aˬ, aˬ yawꞈ nyaꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ pyeuꞈ-eu meh.

1 Laˬsaˬbaˬ 1:16

Aˬbaˬdiˇ tsawˇ jeuˬ, Zeˬmaˬliˇ tsawˇ jeuˬ, Haˬmaˆ tsawˇ jeuˬ heu deuˬ-euˬ aˬ da yaw dzahˇ kʼawꞈ pyeuꞈ-eu meh.

Yeˬsaˬgeˬlaˇ 28:21

“Tsawˇ haˬ zaˬ-oˇ, Siˇdoˬ meuˬ-ahˇ dawˬ heu deuˬ ciˬ pi nehˬ-awˬ.