Yeˬsaˬgeˬlaˇ 27:12 - Akha

¹² “Saˬbeˬ miˇ kʼahˬ nehˬ-ehˇ nawˇ jeˬ gaꞈ taꞈ-awˇ, aˇ poeˬ kʼaˆ-eu nawˬ-euˬ myawˬ gʼawˬ mya jeˬ yuˇ gʼeh-awˇ, pyuˇ, shmˇ, shmˇ ba, za siˬ heu deuˬ nawˇ paˇ geuꞈ-euˬ meh.

Yeˬsaˬgeˬlaˇ 27:12 Referans Kwoze

Yeˬsaˬgeˬlaˇ 38:13

Sheˬba miˇ kʼahˬ hawˇ-eu Deˬdaˬ miˇ kʼahˬ-ahˇ jawˇ-eu tsawˇ haˬ deuˬ maˬ ehˇ, Saˬbeˬ miˇ kʼahˬ-ahˇ jaˆ-eu meuˬ deuˬ-ahˇ jawˇ-eu baw gaꞈ deuˬ maˬ ehˇ, nawˬ-ahˇ heu loꞈ-ehˇ naˇ haˬ laˇ tehꞈ-a. ‘Aˬ cawˬ-euˬ pyuˇ shuiˇ myawˬ gahˬ ceh geuꞈ-eu gʼaˇ duˬ, nawˇ guiˇ guiˇ maꞈ laˆ uiˬ-awˇ guiˇ deuˆ te loˇ. Pyuˇ hawˇ-eu shuiˇ deuˬ, jeˬ zaˬ deuˬ hawˇ-eu, myawˬ gahˬ deuˬ ya baꞈ geuꞈ gaˇ noeˬ tmˬ-awˇ kʼoeˇ loꞈ-ehˇ jahˇ te loˇ lehˇ naˇ haˬ laˇ tehꞈ-a’ lehˇ ehˇ-eu meh.”

Iˇsaˬyaˇ 23:10

Saˬbeˬ miˇ kʼahˬ-ahˇ jawˇ duˬ yaw shuiꞈ nawˬ-iˇ-awˇ, mˇ dzaˬ kʼawꞈ dawˇ-iˇ-awˬ. Naw maꞈ-ahˇ laˆ tsoeˬ-eu tsawˇ haˬ, kʼoeˇ gaˇ tiˬ gʼaˬ-iˬ maˬ jawˇ-a.

1 Sahˬpaˬ 10:22

Hiˇlamˬ-euˬ saˇ baoˬ aˇ maꞈ nehˬ-ehˇ iˇ luꞈ laˇ luꞈ-eu, iˬ ma laˆ shaˆ-ahˇ cah-eu saˇ baoˬ aˇ maꞈ tiˬ maꞈ aˬ yawꞈ jaˆ-eu meh. Aˬ yawꞈ-euˬ saˇ baoˬ kʼoeˇ maꞈ-aˬ, smˇ kʼoꞈ tiˬ poˆ gʼoꞈ doˆ laˇ-awˇ, shuiˇ deuˬ, pyuˇ deuˬ, ya ma juiˇ deuˬ hawˇ-eu, aˇ myoꞈ deuˬ tawˬ kʼoꞈ laꞈ-eu meh.

Aˇ dahˬ 10:4

Yaˬbaˬ-euˬ zaˬ deuˬ uˆ deuˬ-aˬ, Iˇliˇshaˬ tsawˇ jeuˬ, Saˬbeˬ tsawˇ jeuˬ, Guˇbaˬluˇ tsawˇ jeuˬ, Loˇdiˇ tsawˇ jeuˬ, heu deuˬ pyeuꞈ-eu meh.

Yawˇnaˆ 1:3

Ehˇ kʼawꞈ, Yawˇnaˆ-aˬ, Sahˬpaˬ Miˬyehˇ maˬ mawˇ gaˇ cehˆ byoˆ-eu lehˇ, yawˬ paw yawˬ iˇ gʼeh-euˬ meh. Yuˇbeˬ meuˬ-ahˇ aˬ yawꞈ iˇ-awˇ, Saˬbeˬ miˇ kʼahˬ-ahˇ iˇ-eu lehˇ gʼeh luꞈ-eu saˇ baoˬ tiˬ laˇ iˇ puˬ-euˬ meh. Aˬ yawꞈ saˇ baoˬ dziˬ poeˬ biꞈ-awˇ, saˇ baoˬ kʼoeˇ taˆ gaˇ mˇ-eu tsawˇ haˬ deuˬ nehˬ-ehˇ dziˬ leˇ-awˇ, (Saˬbeˬ miˇ kʼahˬ-ahˇ) Sahˬpaˬ Miˬyehˇ maˬ mawˇ gaˇ cehˆ byoˆ-eu lehˇ iˇ gʼeh-euˬ meh.

Yeˬsaˬgeˬlaˇ 27:18

Nawˇ myawˬ gahˬ gʼawˬ mya jeˬ jahˇ doˆ-awˇ, maˬ ehˇ jiˇ coeˇ ni myawˬ gahˬ jaˆ myaˬ-eu miˇ neh, Daˬmaˬsehˇ meuˬ-ahˇ jawˇ-eu tsawˇ haˬ deuˬ nawˬ nehˬ-ehˇ gaꞈ taꞈ ka taꞈ-awˇ, Heˬlaˬboˬ meuˬ-ahˇ doˆ-eu aˬ gaꞈ dzaˇ uiˇ hawˇ-eu, Saˬhaˬlaˆ meuˬ-ahˇ doˆ-eu yawˇ caꞈ hm hehˇ ahˇ leꞈ-eu meh.

Yeˬsaˬgeˬlaˇ 27:16

Suˇliˆ tsawˇ haˬ deuˬ nawˬ nehˬ-ehˇ jeˬ gaꞈ jeˬ ka gʼeh-awˇ, nawˬ neh jahˇ doˆ-euˬ myawˬ gahˬ deuˬ zeuˇ-euˬ meh. Nawˬ-euˬ myawˬ gahˬ deuˬ paˇ geuꞈ-eu gʼaˇ duˬ, nyoeˇ naˆ naˆ-eu kʼaˬ lo sehˇ, neˇ nyoeˇ nyoeˇ-eu saˬ paˇ, aˇ boꞈ aˇ yehˆ yehˆ taˬ-euˬ saˬ paˇ, muiˬ dui dui-eu shawˇ jehˆ ni gʼeh-eu saˬ paˇ, laˆ shaˆ kʼaˬ lo aˇ yehˆ, neˇ tseuˆ ni gʼeh-eu kʼaˬ lo sehˇ heu deuˬ, aˬ yawꞈ maꞈ yuˇ leꞈ-euˬ meh.

Yeˬlaˬmiˇ 10:9

Aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-aˬ, Saˬbeˬ miˇ kʼahˬ-ahˇ doˆ-eu shuiˇ hawˇ-eu, Uˇpaˆ miˇ kʼahˬ-ahˇ doˆ-eu shuiˇ yaw-awˇ, ba jiˬ deuˬ neh jahˇ taˬ-euˬ mˇ myawˬ meh. Saˬ nmˇ saˬ paˇ nya-eu tsawˇ haˬ deuˬ neh zaꞈ-euˬ, neˇ naˆ neˇ puiˇ puiˇ-eu saˬ paˇ bi dm-euˬ meh.

Iˇsaˬyaˇ 60:9

Sahˬpaˬ Miˬyehˇ-euˬ tsawˇ haˬ sheuˬ kʼoꞈ ha laˇ-eu gʼaˇ duˬ, gaˇ mahˇ kaˬ gaˇ neh oe-euˬ saˇ baoˬ meh. Tsawˇ jeuˬ dawˬ tawˆ luꞈ aˬ yawꞈ-euˬ tsawˇ jeuˬ-ahˇ taˬ huiˬ ni jahˇ-euˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-euˬ tsawˇ myahˇ-ahˇ taˬ huiˬ taˬ mahˇ nehˬ-eu gʼaˇ duˬ, pyuˇ hawˇ-eu shuiˇ deuˬ aˬ yawꞈ maꞈ yuˇ laꞈ-euˬ meh.

Iˇsaˬyaˇ 23:14

Taˬshiˆ meuˬ-ahˇ jawˇ-eu saˇ baoˬ deuˬ-oˇ, noeˬ shaˬ-awˇ ngoeˇ dui dui-awˬ. Naw maꞈ gʼoe-eu meuˬ bi laˆ cawˆ-euˬ meh.

Iˇsaˬyaˇ 23:6

Piˇniˇshaˆ tsawˇ haˬ deuˬ-oˇ, noeˬ shaˬ dui dui-awˇ ngoeˇ-eu laꞈ kʼoeˇ, Saˬbeˬ meuˬ-ahˇ cehˆ jawˇ-iˇawˬ.

Iˇsaˬyaˇ 2:16

Saˇ baoˬ kʼaˇ huiˬ kʼaˇ muiˬ-eu deuˬ laˆ shaˆ-ahˇ ga nuiꞈ jiˇ tehꞈ-a.

Jaceuq 72:10

Saˬbeˬ sahˬ paˬ hawˇ-eu iˇ jaw lahˇ deuˬ-ahˇ jawˇ-eu sahˬ paˬ deuˬ, aˬ yawꞈ-ahˇ laꞈ sawˬ ya biꞈ ha laˇ tehꞈ-a. Sheˬba sahˬ paˬ hawˇ-eu Seˬbaˬ sahˬ paˬ aˬ nyaꞈ aˬ yawꞈ-ahˇ damˬ nehˬ laˇ tehꞈ-a.

1 Sahˬpaˬ 22:48

Sahˬpaˬ Yeˬhawˇshaˬpaˇ-aˬ, Awˇpiˇlaˆ miˇ kʼahˬ-ahˇ shuiˇ tawˬ laˬ-iˇ-eu gʼaˇ duˬ, iˬ ma laˆ shaˆ-ahˇ iˇ tsehˆ laˇ tsehˆ nya-eu saˇ baoˬ jahˇ-euˬ meh. Ehˇ kʼawꞈ, saˇ baoˬ kʼoeˇ deuˬ Eˬzoˇgeˇbaˬ meuˬ-ahˇ cawˆ-iˇ-awˇ, tiˬ jawˇ-iˬ maˬ paˇ cah ni byehˇ dzeh-euˬ meh.

Panmaeq 18:12

A yawꞈ maꞈ-euˬ shuiˇ deuˬ, pyuˇ deuˬ, aˇ poeˬ kʼaˆ-eu kʼaˬ lo sehˇ deuˬ, aˇ caˇ caˇ kʼawꞈ sehˇ deuˬ, shawˇ jehˆ ni gʼeh-eu saˬ paˇ paˇ pyuˇ deuˬ, neˇ naˆ naˆ-eu saˬ paˇ deuˬ, boeˬ saˬ paˇ deuˬ, poeˬ dui dui-eu daˇ kawˬ deuˬ, ya ma juiˇ hawˇ-eu aˇ poeˬ kʼaˆ-eu daˇ kawˬ neh jahˇ taˬ-euˬ mˇ myawˬ deuˬ, guiˬ shuiˇ, shmˇ hawˇ-eu lo pyuˇ neh jahˇ taˬ-euˬ mˇ myawˬ deuˬ,

Yeˬsaˬgeˬlaˇ 27:11

Nawˬ-euˬ meuˬ meuˬ lahˇ-ahˇ, Aˬbaˬdiˇ meuˬ-ahˇ jawˇ-eu yehˇ deuˬ loꞈ piˇ-awˇ, Gaˬmaˆ meuˬ-ahˇ jawˇ-eu tsawˇ haˬ deuˬ nawˬ-euˬ loꞈ-eu nymˇ goˇ-ahˇ loꞈ-eu meh. Aˬ yawꞈ maꞈ-euˬ dehˬ daˬ duˬ nawˬ-euˬ meuˬ lahˇ-ahˇ ciˬ ceuˬ-awˇ, nawˇ aˇ gʼehˇ muiˬ ni aˬ yawꞈ maꞈ jahˇ-euˬ meh.

Yeˬsaˬgeˬlaˇ 27:13

Giˇliˇ meuˬ, Tuˇbaˬlaˇ meuˬ, Meˬshehˆ meuˬ heu deuˬ nehˬ-ehˇ nawˇ jeˬ gaꞈ taˬ-awˇ, nawˬ-euˬ myawˬ gahˬ deuˬ neh, zaˬ kʼaˆ deuˬ hawˇ-eu guiˬ shuiˇ neh jahˇ-euˬ mˇ myawˬ deuˬ nawˇ paˇ doˆ geuꞈ-euˬ meh.

Yeˬsaˬgeˬlaˇ 27:33

Nawˬ-euˬ jeˬ gaꞈ myawˬ gahˬ kʼoeˇ deuˬ, laˆ shaˆ kʼoeˇ dzeˇ heu dzeˇ sha ngeh, miˇ kʼahˬ tsawˇ jeuˬ kʼaˇ loˬ-eu jeˬ, nawˇ sha miˇ hehˇ miˇ nehˬ-euˬ meh. Nawˬ-euˬ myawˬ gahˬ kʼoeˇ deuˬ baˬ da, sahˬ paˬ deuˬ smˇ muiˬ muiˬ-euˬ meh.

Yeˬsaˬgeˬlaˇ 28:5

Gaꞈ-eu tsawˇ gahˇ byah-eu miˇ neh, jiˇ jeuˬ jeuˬ dui za dui dui-awˇ, Nawˬ-euˬ pyuˇ shuiˇ myawˬ gahˬ kʼoeˇ taˆ, nawˇ nui ma huiˬ laˇ taˬ-eu meh.

Yeˬsaˬgeˬlaˇ 28:16

Jeˬ gaꞈ jeˬ ka gʼeh nya laˇ ngeh, yaw haiˬ hawˇ-eu iˬ baˇ mˇ-awˇ, Miˬyehˇ gawˬ jawˬ yaw shawˇ kʼoeˇ taˆ, nawˬ-ahˇ ngaˬ neh teh dzeh-euˬ ma. Yaw shehꞈ bya-eu sehˇ deuˬ gʼahˇ ceh, Jeˬluˇbeˬ nawˬ-ahˇ teh-euˬ meh.

2 Laˬsaˬbaˬ 9:21

Sahˬ paˬ Hiˇlamˬ-euˬ saˇ baoˬ aˇ maꞈ nehˬ-ehˇ iˇ luꞈ laˇ luꞈ-eu iˬ ma laˆ shaˆ-ahˇ cah-eu saˇ baoˬ aˇ maꞈ tiˬ maꞈ aˬ yawꞈ jawˇ-eu meh. Aˬ yawꞈ-euˬ saˇ baoˬ kʼoeˇ maꞈ, smˇ kʼoꞈ tiˬ poˆ gʼoꞈ doˆ laˇ-awˇ, shuiˇ, pyuˇ, ya ma juiˇ hawˇ-eu aˇ myoꞈ deuˬ tawˬ kʼoꞈ laꞈ-eu meh.