Yeˬsaˬgeˬlaˇ 26:21 - Akha

²¹ Aˬ cawˬ guˆ dui dui-awˇ noeˬ paˇ leˇ paˬ-ehˇ, nawˬ-ahˇ ngaˇ yaw sah sah-ehˇ jahˇ nehˬ ma. Kʼoeˇ-aˬ, nawˬ-euˬ gʼaˇ duˬ aˇ saˬ saˬ-eu jeˬ meh. Aˬ cawˬ nawˬ-ahˇ poˆ kʼawꞈ, maˬ paˇ poˆ mawˇ nya-aˇ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 26:21 Referans Kwoze

Yeˬsaˬgeˬlaˇ 27:36

Nawˬ-euˬ guiˬ lahˬ kʼoeˇ naˆ tehꞈ meh. Nawˬ-euˬ ziˇ kʼoeˇ gaˇ jiˇ-euˬ meh. Miˇ tsaˬ kʼoeˇ taˆ baw gaꞈ dawˬ tawˆ, nawˇ loꞈ-ehˇ pyeuꞈ laˇ gaˇ guˆ meh.”

Panmaeq 18:21

Kʼoeˇ naˇ, gʼaˬ kʼaˆ dui dui-eu mˬ taˆ gʼaˬ kʼehˇ tiˬ gʼaˬ lo lehˬ hui ni ahˇ-eu kʼaˬ lo tiˬ siˬ iˬ ma laˆ shaˆ-ahˇ baꞈ puꞈ gʼeh-awˇ, heu loꞈ-ehˇ ehˇ-eu meh. “Huiˬ dui dui-eu Baˬbuˇloˬ meuˬ, heu loꞈ-ehˇ bi baꞈ dzeh gʼeh-awˇ, tiˬ jawˇ-iˬ maˬ paˇ ya mawˇ-aˇ.

Yeˬsaˬgeˬlaˇ 28:19

Nawˬ-euˬ guiˬ lahˬ kʼoeˇ naˆ tehꞈ meh. Nawˬ-euˬ ziˇ kʼoeˇ gaˇ jiˇ-euˬ meh. Nawˬ-ahˇ kʼaˇ siˬ nya-eu tsawˇ jeuˬ, nawˇ loꞈ-ehˇ pyeuꞈ laˇ gaˇ guˆ meh.

Jaceuq 37:36

Ehˇkʼawꞈngaˇtiˬpoˆpaˇle ngeh, aˬyawꞈkʼoeˇgaˇmaˬpaˇjawˇ-a. Aˬyawꞈ-ahˇngaˇpoˆdoe jiˇkʼawꞈ, maˬmawˇlaˇni byoˆtsehˆ-euˬmeh.

Yeˬlaˬmiˇ 51:64

Kʼoeˇ naˇ, heu loꞈ-ehˇ ehˇ-awˬ. ‘Baˬbuˇloˬ miˇ kʼahˬ-ahˇ heu loꞈ-ehˇ gʼeh-eu jeˬ keuˆ le tehꞈ-a. Baˬbuˇloˬ miˇ kʼahˬ ga nuiꞈ-awˇ maˬ paˇ doˆ laˇ nya-aˇ. Aˬ jeˬ miˇ neh ehˇ naˇ, Sahˬpaˬ Miˬyehˇ luˬ-iˇ seˇ-iˇ-eu jeˬ bi keuˆ le-eu’ lehˇ lehˬ hmˬ luꞈ meh lehˇ ehˇ-awˬ.” Yeˬlaˬmiˇ-euˬ dawˬ heu gaˇ jiˇ-euˬ meh.

Yeˬlaˬmiˇ 20:4

Sahˬpaˬ Miˬyehˇ heu loꞈ-ehˇ ehˇ taˬ-euˬ meh. ‘Ngaˇ nawˬ-ahˇ, yawˬ haˇ yawˬ ha ya guˆ-eu tsawˇ haˬ hawˇ-eu, nawˬ-euˬ cawˬ deuˬ ya guˆ-eu tsawˇ haˬ bi pyeuꞈ laˇ ma. Aˬ yawꞈ maꞈ dawˬ tawˆ luꞈ muiˇ-eu deuˬ-euˬ mi cehˇ kʼehˬ-ahˇ shiˇ jiˇ gaˇ nawˇ ya mawˇ tehꞈ-a. Yuˇdaˆ tsawˇ haˬ dawˬ tawˆ luꞈ-ahˇ, Baˬbuˇloˬ sahˬ paˬ-euˬ baoˬ uˬ moˆ ngaˇ bi dehꞈ ma. Tiˬ paˆ na deuˬ-ahˇ aˬ yawꞈ maꞈ-euˬ miˇ kʼahˬ-ahˇ paꞈ kʼoꞈ gʼeh-awˇ, tiˬ paˆ na deuˬ-ahˇ sehꞈ dzeh yaꞈ tehꞈ-a.

Yeˬsaˬgeˬlaˇ 27:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Daˬyeˬlaˇ 11:19

Suˇliˆ sahˬ paˬ-aˬ, aˬ yawꞈ-euˬ miˇ kʼahˬ-ahˇ jaˆ-eu aˬ yawꞈ-euˬ taˆ-ahˇ paˇ gʼoꞈ kʼoꞈ leˇ tehꞈ-a. Ehˇ kʼawꞈ, aˬ cawˬ aˬ yawꞈ-ahˇ guiˇ deuˆ gʼaˬ-awˇ, aˬ yawꞈ gʼaˇ duˬ aˇ saˬ saˬ-eu jeˬ keuˆ le tehꞈ-a.