Yeˬsaˬgeˬlaˇ 26:12 - Akha

¹² Nawˬ-euˬ pyuˇ shuiˇ myawˬ gahˬ hawˇ-eu nawˇ gaꞈ luꞈ ka luꞈ-eu myawˬ gahˬ deuˬ-ahˇ, muiˇ-eu deuˬ yuˇ geuꞈ tehꞈ-a. Nawˬ-euˬ meuˬ lahˇ-ahˇ aˬ yawꞈ maꞈ gʼeu coˬ-awˇ muiˬ dui dui-eu nawˬ-euˬ nymˇ deuˬ-ahˇ deh pyaˆ tehꞈ-a. Kʼaˬ lo tsaˬ byaˆ deuˬ, daˇ kawˬ deuˬ hawˇ-eu, miˇ tsaˬ deuˬ aˬ yawꞈ maꞈ iˬ ma laˆ shaˆ-ahˇ baꞈ bu tehꞈ-a.

Yeˬsaˬgeˬlaˇ 26:12 Referans Kwoze

Iˇsaˬyaˇ 23:8

Dzoeˬ dzaˬ oꞈ-eu meuˬ ma pyeuꞈ-awˇ, miˇ tsaˬ kʼoeˇ taˆ myaˆ pyawˬ naˇ mehˇ jaˆ-eu, smˇ muiˬ aˬ da baw gaꞈ deuˬ jawˇ-eu Duˇlu meuˬ kʼoeˇ taˆ, yaw doeˇ dawˬ tawˆ aˬ suˇ gʼaˬ neh bi keuˆ le taˬ.

Aˬmoˆ 5:11

Iˇ shaˬ zaˬ deuˬ-ahˇ naw maꞈ zuiˆ gʼaˬ-awˇ, aˬ yawꞈ maꞈ-euˬ cehˇ naw maꞈ nawˬ dzaˬ kʼaˆ dzaˬ-eu meh. Kʼoeˇ miˇ neh, naw maꞈ neh tsoˆ-euˬ muiˬ dui dui-eu kʼaˬ lo nymˇ-ahˇ naw maꞈ maˬ paˇ ya jawˇ-ehˇ, naw maꞈ neh ka taˬ-euˬ haw muiˬ dui dui-eu aˬ gaꞈ yaˇ kmˇ-ahˇ neh doˆ le-euˬ aˬ gaꞈ dzaˇ uiˇ naw maꞈ maˬ paˇ ya dawˇ meh.

2 Laˬsaˬbaˬ 32:27

Sahˬ paˬ Heˬsaˬgiˇ smˇ muiˬ muiˬ dui dui laˇ-awˇ, tsawˇ haˬ yawˬ gʼaˬ na luꞈ aˬ yawꞈ-ahˇ taˬ huiˬ taˬ mahˇ-euˬ meh. Aˬ yawꞈ-euˬ shuiˇ deuˬ pyuˇ deuˬ, aˇ poeˬ kʼaˆ-eu kʼaˬ lo sehˇ deuˬ, yaw saw gʼawˬ mya jeˬ hawˇ-eu aˇ poeˬ kʼaˆ-eu mˇ myawˬ deuˬ bi jaˆ-eu gʼaˇ duˬ, myawˬ gahˬ taˬ-eu nymˇ deuˬ aˬ yawꞈ tsoˆ-euˬ meh.

Zaˬkaˬliˇ 7:14

Jaˬ lehˇ lehˇ ma baw-eu loꞈ-ehˇ, aˬ yawꞈ maꞈ-ahˇ aˬ cawˬ miˇ kʼahˬ doe ni baw dzeh gʼeh-awˇ bi jawˇ byaˆ jiˇ-awˇ, muiˬ-eu miˇ kʼahˬ heu kʼahˬ laꞈ kʼoeˇ tsawˇ haˬ tiˬ gʼaˬ-iˬ maˬ dzeˇ ni bi pyeuꞈ-iˇ-euˬ ma.”

Naˬhmˬ 2:9

Pyuˇ deuˬ ceh geuꞈ yuˇ geuꞈ jiˇ-awˬ. Shuiˇ deuˬ nawˬ geuꞈ kʼaˆ geuꞈ jiˇ-awˬ. Aˇ poeˬ kʼaˆ-eu pyuˇ shuiˇ myawˬ gahˬ maˬ ehˇ jiˇ coeˇ ni jaˆ luꞈ meh.

Hawˇseˬ 13:15

Yaˇ moꞈ mehˇ laˇ luꞈ-eu loꞈ-ehˇ, Iˇsaˬleˬlaˆ mehˇ laˇ luꞈ kʼawꞈ, kʼaˇ shuiꞈ deh ga paw neh oe-euˬ, nahˇ ma doˆ kʼehˬ jaˬ lehˇ yaw lahˇ, aˬ yawꞈ maꞈ-euˬ lawˇ gawˆ hawˇ-eu, lah duˬ deuˬ bi gui-iˇ jiˇ-awˇ, kʼaˇ poeˬ kʼaˇ lawˬ-eu jeˬ dawˬ tawˆ, bi piˬ bi byoˆ-iˇ jiˇ tehꞈ-a.

Daˬyeˬlaˇ 11:8

Aˬ yawꞈ maꞈ-euˬ miˬ yehˇ deuˬ hawˇ-eu, miˬ yehˇ kʼoeˇ deuˬ-ahˇ damˬ nehˬ taˬ-euˬ shuiˇ hawˇ-eu pyuˇ neh jahˇ taˬ-euˬ mˇ myawˬ keu ka deuˬ, Iˇjiˇtuˆ miˇ kʼahˬ-ahˇ aˬ yawꞈ yuˇ kʼoꞈ gʼeh tehꞈ-a. Aˇ yamˬ gʼawˬ myahˇ ni, aˬ yawꞈ guiˇ maˬ paˇ deuˆ ni jawˇ tehꞈ-a.

Yeˬsaˬgeˬlaˇ 28:8

Naꞈ dui dui-eu duˬ kʼahˬ laꞈ kʼoeˇ, aˬ yawˬ maꞈ nawˬ-ahˇ dehˬ ahˇ-awˇ, Iˬ ma laˆ shaˆ gʼahˇ ceh di ga. shaˆ shiˇ ya shiˇ gaˇ keuˆ tehꞈ-a.

Yeˬsaˬgeˬlaˇ 26:5

Meuˬ kʼoeˇ iˬ ma laˆ shaˆ laꞈ kʼoeˇ jaˆ gaˇ, ngaˬ shaˬ poˆ-eu tsawˇ haˬ deuˬ ngaˬ myahˬ sheu lawꞈ duˬ pyeuꞈ tehꞈ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Miˇ kʼahˬ tsawˇ jeuˬ Duˇlu meuˬ-ahˇ myawˬ gahˬ ceh geuꞈ le tehꞈ-a.

Yeˬlaˬmiˇ 25:34

Yawˇ yawˇ maꞈ-ahˇ haw-eu yawˇ bo-eu deuˬ loꞈ-ehˇ, ngaˬ-euˬ tsawˇ haˬ-ahˇ sheuˬ gʼeh luꞈ-eu aˬ yuiꞈ aˬ tsu deuˬ, kʼaˬ lehˇ tsahˬ-ahˇ mahˬ poˆ poˆ-awˇ tsawˇ ngoeˇ ngoeˇ-awˬ. Naw maꞈ-ahˇ aˬ cawˬ sehꞈ-eu aˇ yamˬ keuˆ le-awˇ, miˇ tsaˬ oeˬ lahˬ ga meuˇ-iˇ-eu loꞈ-ehˇ, naw maꞈ luˬ-iˇ seˇ-iˇ tehꞈ-a.

Iˇsaˬyaˇ 32:12

Muiˬ dui dui-eu myawˬ kmˇ yaˇ kmˇ cawˆ-iˇ jiˇ-euˬ miˇ neh, nui ma cawˆ-awˇ kʼahˬ-ahˇ teˇ-awˬ.

Iˇsaˬyaˇ 23:11

Sahˬpaˬ Miˬyehˇ aˬ laꞈ iˬ ma laˆ shaˆ cawˬ tsehˆ taˬ-awˇ, miˇ kʼahˬ deuˬ-ahˇ laˆ byaˆ-euˬ meh. Piˇniˇshaˆ tsawˇ jeuˬ jeˬ gaꞈ jeˬ ka mˇ taꞈ-eu yaw tsuiꞈ-ahˇ, laˆ pyaˆ-awˬ lehˇ aˬ yawꞈ dawˬ biꞈ-euˬ meh.

2 Laˬsaˬbaˬ 36:10

Jawˇ la doˆ le ngeh, sahˬ paˬ Neˬbuˬkaˬneˬzaˬ neh Yeˬhawˇyaˬciˬ-ahˇ Baˬbuˇloˬ meuˬ-ahˇ nyehꞈ gʼeh-awˇ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ shuiˇ myawˬ gahˬ deuˬ kʼawꞈ yuˇ geuꞈ gʼeh-euˬ meh. Kʼoeˇ naˇ, Neˬbuˬkaˬneˬzaˬ neh Yeˬhawˇyaˬciˬ-euˬ aˬ zawˇ Zeˬdaˬkiˇ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ kʼoeˇ taˆ sahˬ paˬ bi geuꞈ-euˬ meh.

Yeˬlaˬmiˇ 52:14

Aˬ yawꞈ-euˬ yehˇ deuˬ meuˬ meuˬ lahˇ laˆ byaˆ-euˬ meh.