Yeˬsaˬgeˬlaˇ 26:11 - Akha

¹¹ Meuˬ laꞈ kʼoeˇ jaˆ-eu gaˇ ma doe ni, mahˬ dziˬ-eu yehˇ deuˬ mahˬ pyehˬ pyehˬ-awˇ, nawˬ-euˬ tsawˇ haˬ-ahˇ mi cehˇ coeˇ sehꞈ tehꞈ-a. Ziꞈ dah ni gʼeh-eu nawˬ-euˬ kʼawˇ zeuˇ zeuˇ ma deuˬ, miˇ tsa coˬ dzeh-awˇ ga tehꞈ-a.

Yeˬsaˬgeˬlaˇ 26:11 Referans Kwoze

Iˇsaˬyaˇ 26:5

Nui ma huiˬ-eu mahˇ-eu deuˬ-ahˇ aˬ yawꞈ dehˬ awˆ-eu meh. Ziꞈ dah ni gʼeh-eu aˬ yawꞈ maꞈ-euˬ meuˬ-ahˇ, aˬ yawꞈ laˆ cawˆ nehˬ-awˇ, meuˬ meuˬ lahˇ bi byaˆ-iˇ-awˇ, kʼaˬ lehˇ loꞈ-ehˇ laˆ pyeuꞈ tehꞈ-a.

Iˇsaˬyaˇ 5:28

Aˬ yawꞈ maꞈ-euˬ kaˆ myaˬ taˆ dui dui-awˇ, kaˆ kʼaˇ ngeuˇ-eu ngoꞈ daˆ jiˇ taˬ-euˬ meh. Aˬ yawꞈ maꞈ-euˬ mahˬ deuˬ kuiˇ sehˬ diˬ lo loꞈ-ehˇ gʼahˇ-awˇ, mahˬ laˆ lawˬ aˇ beuˆ jaˬ lehˇ lehˇ zeuˆ loꞈ-ehˇ buiˇ-eu meh.

Haˬbaˬkuˆ 1:8

“Aˬ yawꞈ maꞈ-euˬ dziˬ mahˬ kʼoeˇ deuˬ, kʼaˬ zuiˬ naˆ maˬ tseˇ kawˇ dzehˬ-awˇ, uˬ ciꞈ gaˆ-eu kʼaˬ yehˇ maˬ tseˇ, guˆ laˇ paˬ-ehˇ gʼeh-eu uˬ taꞈ, gaˇ mahˇ kaˬ gaˇ neh coeˬ leꞈ-euˬ, mahˬ dziˬ kʼehˬ jiˇ jahˇ gʼeh haw-eu, kʼaˬ dzeˇ byoeˇ leꞈ-eu naˆ maˬ tseˇ, mahˬ pyehˬ teh kawˇ dui dui-eu meh.

Yeˬlaˬmiˇ 51:27

“Guiˇ deuˆ-eu gʼaˇ duˬ, paˇ loˬ paˇ lehˇ ka tuˇ nehˬ-awˬ. Tsawˇ jeuˬ dawˬ tawˆ luꞈ-ahˇ gaˬ leˇ ni daˇ heh baw-awˬ. Baˬbuˇloˬ miˇ kʼahˬ-ahˇ guiˇ deuˆ-eu gʼaˇ duˬ, tsawˇ jeuˬ dawˬ tawˆ luꞈ bi lehˬ hmˬ-awˬ. Aˬyaˬyaˇ miˇ kʼahˬ, Miˇniˇ miˇ kʼahˬ hawˇ-eu, Aˬshaˇgaˬnaˆ miˇ kʼahˬ deuˬ-ahˇ, Baˬbuˇloˬ miˇ kʼahˬ-ahˇ guiˇ deuˆ le-awˬ lehˇ ehˇ nehˬ-awˬ. Guiˇ deuˆ gaˇ aˬ yuiꞈ bi geuꞈ-eu tiˬ gʼaˬ tseˇ doˆ-awˬ. Nyehˇ bahˇ baˬ maꞈ oe-eu loꞈ-ehˇ, mahˬ mahˬ maꞈ teh ka laꞈ-awˬ.

Yeˬlaˬmiˇ 43:13

Iˇjiˇtuˆ miˇ kʼahˬ Heˬliˬpawˇliˆ meuˬ-ahˇ jaˆ-eu muiˬ-eu shawˇ-eu kʼaˬ lo kʼawˇ zeuˇ deuˬ-ahˇ aˬ yawꞈ laˆ cawˆ-awˇ, Iˇjiˇtuˆ miˬ yehˇ deuˬ-euˬ uˬ duˬ tahˬ nymˇ deuˬ-ahˇ aˬ yawꞈ miˬ dzaˬ keuˬ dzeh tehꞈ-a.”