Yeˬsaˬgeˬlaˇ 24:3 - Akha

³ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, yaw jeˬ ma jeˬ heu loꞈ-ehˇ ehˇ-eu meh lehˇ, ngaˬ-ahˇ puiˬ-eu tsawˇ haˬ kʼoeˇ deuˬ-ahˇ ehˇ nehˬ-awˬ. Heu-aˬ, aˬ yawꞈ maꞈ gʼaˇ duˬ ngaˬ-euˬ dawˬ ma. Tsawˬ bu-ahˇ oeˬ lahˬ ciˬ dahˇ-awˇ, iˇ cuꞈ shehˆ ahˇ-awˇ bi dahˇ-awˬ.

Yeˬsaˬgeˬlaˇ 24:3 Referans Kwoze

Yeˬsaˬgeˬlaˇ 20:49

Ehˇ kʼawꞈ, ngaˇ heu loꞈ-ehˇ shaˇ ju-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-ahˇ kʼoeˇ loꞈ-ehˇ taˬ bi ehˇ-iˇ neh laꞈ. Ngaˇ aˬ myah luꞈ dawˬ yehˆ tehꞈ-ehˇ yehˆ yehˆ-ehˇ jawˇ meh lehˇ aˬ yawꞈ maꞈ ehˇ luꞈ meh.”

Yeˬsaˬgeˬlaˇ 17:2

“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-ahˇ yaw jeˬ ma jeˬ gaˇ kawˆ tiˬ hmˬ ja mehˬ nehˬ-awˬ.

Yeˬsaˬgeˬlaˇ 11:3

Aˬ yawꞈ maꞈ heu loꞈ-ehˇ ehˇ luꞈ meh. ‘Gʼawˬ myahˇ maˬ gʼeh-ehˇ, aˬ dui nymˇ paˇ ya tsoˆ tehꞈ-a. Meuˬ heu meuˬ-aˬ, gʼawˬ nyoeˇ oeˬ lahˬ-ahˇ duˇ-awˇ aˬ dui-aˬ, oeˬ lahˬ laꞈ kʼoeˇ ahˇ-eu shaˬ jiˇ-ahˇ duˇ-eu ma. Ehˇ kʼawꞈ, oeˬ lahˬ laꞈ kʼoeˇ ahˇ-eu miˇ neh, aˬ dui-ahˇ miˬ dzaˬ puiˆ laˇ gaˇ maˬ keuˆ-a’ lehˇ ehˇ luꞈ meh.

Yeˬsaˬgeˬlaˇ 2:6

“Ehˇ kʼawꞈ, tsawˇ haˬ zaˬ-oˇ, aˬ yawꞈ maꞈ-ahˇ maˬ ehˇ, aˬ yawꞈ maꞈ-euˬ dawˬ-ahˇ maˬ ehˇ, nawˇ maˬ ya guˆ-a. Aˬ yawꞈ maꞈ nawˬ-ahˇ yaˬ kʼehˇ yaˬ yaˬ-ehˇ ja bu ja doeˇ tehꞈ-a. Nawˇ-aˬ, boeˬ kaˬ laˬ ma yaw kaˬ-ahˇ yaw dehꞈ ya dehꞈ gaˇ duˇ tehꞈ-a. Ehˇ kʼawꞈ, ngaˬ-ahˇ puiˬ-eu tsawˇ haˬ kʼoeˇ deuˬ-ahˇ maˬ kaˬ, aˬ yawꞈ maꞈ-euˬ dawˬ-ahˇ maˬ kaˬ, nawˇ taˬ guˆ.

Yeˬsaˬgeˬlaˇ 2:3

“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ jawˇ gaˇ nawˬ-ahˇ ngaˇ pyehˬ gʼeh-eu lehˇ gʼeh-eu ma. Aˬ yawꞈ maꞈ ngaˬ-ahˇ puiˬ-awˇ byehˇ dzeh yaꞈ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ loꞈ-ehˇ iˬ nah keuˆ ni puiˬ luꞈ-eu meh.

Iˇsaˬyaˇ 1:2

Sahˬpaˬ Miˬyehˇ ehˇ-eu, “Mˬ hawˇ-eu miˇ-oˇ, naˬ bawˇ ciˬ kʼmˇ sheˇ. Ngaˇ ehˇ gaˇ naˇ haˬ sheˇ. Ngaˬ neh cu huiˬ-euˬ zaˬ deuˬ, ngaˬ-ahˇ puiˬ luꞈ meh.

Yeˬsaˬgeˬlaˇ 24:6

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ-ahˇ sehꞈ-euˬ meuˬ kʼoeˇ taˆ noeˬ shaˬ noeˬ zahˬ-eu jeˬ keuˆ le luꞈ-uˇ. Meuˬ kʼoeˇ-aˬ, tiˬ jawˇ-iˬ maˬ joˆ shawˇ-ehˇ shmˇ kaw kaw leˇ taˬ-euˬ oeˬ lahˬ-ahˇ duˇ-eu meh. Shaˬ jiˇ tiˬ jehꞈ saˇ-iˬ tiˬ jehꞈ tsi doˆ jiˇ-awˇ, tiˬ jehꞈ iˬ maˬ dzeˇ-a.

Yeˬsaˬgeˬlaˇ 2:8

“Tsawˇ haˬ zaˬ-oˇ, ngaˇ ehˇ gaˇ naˇ haˬ sheˇ. Aˬ yawꞈ maꞈ loꞈ-ehˇ ngaˬ-ahˇ taˬ puiˬ. Nawˬ-euˬ kʼaˬ meh mˇ nga-awˇ, ngaˬ neh kʼaˇ bi dzaˬ-euˬ jeˬ dzaˬ-awˬ.”

Iˇsaˬyaˇ 30:9

Aˬ yawꞈ maꞈ Miˬyehˇ-ahˇ maˬ tsehˆ leˇ ni puiˬ-awˇ, jaˬ myawꞈ mehˇ shuiˇ myaˬ-eu laꞈ kʼoeˇ, Sahˬpaˬ Miˬyehˇ mehˬ gaˇ maˬ naˇ haˬ-a.

Iˇsaˬyaˇ 30:1

Sahˬpaˬ Miˬyehˇ heu loꞈ-ahˇ ehˇ-eu meh. “Yuˇdaˆ miˇ kʼahˬ-ahˇ uˆ lahˇ-eu tsawˇ haˬ deuˬ, ngaˬ-ahˇ puiˬ-eu miˇ neh, ya noeˬ shaˬ dui dui tehꞈ-a. Ngaˇ maˬ bi mˇ mawꞈ-eu jeˬ aˬ yawꞈ maꞈ mˇ-awˇ, ngaˇ nui ma maˬ tsaˬ-eu deuˬ-ahˇ mehˬ bawˬ gm-eu laꞈ kʼoeˇ, iˬ baˇ duˬ gahˬ gahˬ luꞈ-eu meh.

Jaceuq 78:2

Tsawˇ gahˇ ahˇ-eu dawˬ daˬ deuˬ ngaˇ zmˬ-awˇ, dzeuˇ yaꞈ-euˬ gaˇ kawˆ dawˬ tsuiꞈ pah mehˬ nehˬ ma.

Gʼaˬkʼehˇ 7:51

Naw maꞈ nui ma aˇ naˆ naˆ-ehˇ gʼahˇ te. Naˬ bawˇ aˇ naˆ naˆ-ehˇ tuˇ te. Miˬyehˇ-ahˇ maˬ siˬ nya-eu tsawˇ haˬ deuˬ loꞈ-ehˇ aˇ naˆ naˆ-ehˇ dzawˬ te. Naw maꞈ-aˬ, naw maꞈ-euˬ aˬ poeˬ aˬ bawˇ deuˬ-ahˇ duˇ-awˇ, Muiˬ-eu shawˇ-eu Yaw sahˇ Miˬyehˇ-euˬ dawˬ-ahˇ tiˬ jawˇ-iˬ maˬ naˇ haˬ geuꞈ-a.

Luˇkaꞈ 8:10

Yeˬsuˇ aˬ yawꞈ maꞈ-ahˇ ehˇ nehˬ-eu, “Miˬyehˇ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, nui deuˬ-aˬ, ya mawˇ-euˬ kʼawꞈ maˬ siˬ nya-ehˇ, ya gaˬ-euˬ kʼawꞈ maˬ gʼoˆ shaw nya-eu miˇ neh, yaw jeˬ ma jeˬ ja-awˇ ya mehˬ nehˬ-eu meh.

Maˬkuˆ 12:12

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ nyehꞈ-eu lehˇ leh jeh-eu meh. Aˬ jeˬ miˇ neh ehˇ naˇ, aˬ yawꞈ yaw jeˬ ma jeˬ heu hmˬ ja-eu-aˬ, aˬ yawꞈ maꞈ-ahˇ ehˇ mawꞈ-eu meh lehˇ, aˬ yawꞈ maꞈ siˬ nya-eu meh. Ehˇ kʼawꞈ, aˬ yawꞈ maꞈ tsawˇ haˬ aˇ maꞈ-ahˇ guˆ-eu miˇ neh, aˬ yawꞈ-ahˇ maˬ nyehꞈ ni doˆ-iˇ-euˬ meh.

Miˇkaˬ 2:4

Aˇ nah kʼoeˇ nah-ahˇ naw maꞈ-ahˇ naˬ gʼa-eu caˇ dawˬ aˬ cawˬ caˇ-eu laꞈ kʼoeˇ, naw maꞈ neh ya daˬ-euˬ jeˬ gʼaˇ duˬ noeˬ shaˬ-eu gaˇ kawˆ heu loꞈ-ehˇ dawˬ kawˬ kawˬ-awˇ caˇ tehꞈ-a. ‘Nga maꞈ bi laˆ deuˬ dui dui-awˇ, geuꞈ-eu jeˬ maˬ paˇ ahˇ miˇ-a. Nga maꞈ-euˬ miˇ tsaˬ kʼawꞈ, Sahˬpaˬ Miˬyehˇ neh yuˇ doˆ-awˇ, nga maꞈ-ahˇ nyehꞈ gʼeh-euˬ deuˬ-ahˇ, aˬ yawꞈ neh biꞈ ahˇ nehˬ-euˬ meh.’ lehˇ caˇ tehꞈ-a.”

Yeˬsaˬgeˬlaˇ 17:12

“Yaw jeˬ ma jeˬ kʼoeˇ-euˬ gaˇ kawˆ dawˬ tsuiꞈ siˬ nya ma loˇ lehˇ, ngaˬ-ahˇ puiˬ-eu tsawˇ haˬ kʼoeˇ deuˬ-ahˇ naˇ haˬ-iˬ sheˇ. Baˬbuˇloˬ sahˬpaˬ Yeˬluˇsaˬlehˬ meuˬ-ahˇ oe-awˇ, Yuˇdaˆ sahˬpaˬ hawˇ-eu gaˇ mˇ-eu yaw huiˬ yaw mahˇ deuˬ-ahˇ Baˬbuˇloˬ miˇ kʼahˬ-ahˇ nyehꞈ ka gʼeh-euˬ meh.

Yeˬsaˬgeˬlaˇ 12:25

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ dawˬ ngehˬ-awˇ, ngaˬ neh kʼaˇ ehˇ-euˬ jeˬ maˬ nyi naˬ ni keuˆ le tehꞈ-a. Ngaˬ-ahˇ puiˬ-eu tsawˇ haˬ deuˬ-oˇ, ngaˬ neh jahˇ ma lehˇ ehˇ taˬ-euˬ jeˬ naw maꞈ maˬ shiˇ mi naˆ-ehˇ bi keuˆ le ma lehˇ ngaˇ ehˇ-eu ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu ma.”

Yeˬsaˬgeˬlaˇ 12:2

“Tsawˇ haˬ zaˬ-oˇ, nawˇ-aˬ ngaˬ-ahˇ puiˬ-eu tsawˇ haˬ deuˬ nehˬ-ehˇ jawˇ luꞈ-eu meh. Aˬ yawꞈ maꞈ myaˆ nuiˆ tsoꞈ kʼawꞈ maˬ mawˇ nya-ehˇ, naˬ bawˇ tsoꞈ kʼawꞈ maˬ gaˬ nya-a. Aˬ jeˬ miˇ neh ehˇ naˇ, aˬ yawꞈ maꞈ ngaˬ-ahˇ puiˬ-euˬ meh.

Yeˬsaˬgeˬlaˇ 11:11

Gʼawˬ nyoeˇ oeˬ lahˬ laꞈ kʼoeˇ ahˇ-eu shaˬ jiˇ-ahˇ, gʼawˬ nyoeˇ oeˬ lahˬ neh loꞈ piˇ taˬ-euˬ loꞈ-ehˇ, meuˬ heu meuˬ naw maꞈ-ahˇ maˬ loꞈ piˇ nya-aˇ. Iˇsaˬleˬlaˆ miˇ kʼahˬ laꞈ kʼoeˇ naw maꞈ aˬ geu coeˇ-ahˇ jawˇ kʼawꞈ, naw maꞈ-ahˇ ngaˇ kʼehˬ nehˬ kʼaˆ nehˬ ma.

Yeˬsaˬgeˬlaˇ 11:7

“Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ heu loꞈ-ehˇ ehˇ-eu ma. Meuˬ heu meuˬ-aˬ, gʼawˬ nyoeˇ oeˬ lahˬ-ahˇ duˇ-eu ngeuˇ meh. Ehˇ kʼawꞈ, shaˬ jiˇ aˬ geu-a. Naw maꞈ neh sehꞈ dzeh taˬ-euˬ tsawˇ haˬ kʼoeˇ deuˬ-a loˇ. Naw maꞈ heu gaˇ maˬ ya jawˇ-a. Meuˬ-euˬ laꞈ nyiˇ paw naw maꞈ-ahˇ ngaˇ biˬ doˆ ma.

Yeˬsaˬgeˬlaˇ 3:9

Nawˇ kʼaˬ lo loꞈ-ehˇ ziꞈ-awˇ, gʼahˇ dui dui-eu kʼaˬ lo sehˇ loꞈ-ehˇ gʼahˇ laˇ ni ngaˇ jahˇ nehˬ ma. Ngaˬ-ahˇ puiˬ-eu tsawˇ haˬ kʼoeˇ deuˬ-ahˇ taˬ guˆ.”

Yeˬlaˬmiˇ 1:13

Kʼoeˇ naˇ, Sahˬpaˬ Miˬyehˇ ngaˬ-ahˇ dawˬ tiˬ poˆ paˇ ngehˬ cawˬ laˇ-awˇ, “Nawˬ-ahˇ aˬ jeˬ paˇ mawˇ laˇ-eu nya” lehˇ naˇ haˬ laˇ ngeh, “Laˬ taˆ paw pyawˬ-ahˇ iˇ buiˇ buiˇ luꞈ-eu oeˬ lahˬ tiˬ sawˇ mawˇ laˇ-awˇ, heu paw dzeˇ coˬ kʼaˇ le-eu lehˇ gʼeh luꞈ-eu nga” lehˇ ehˇ kʼoꞈ nehˬ-euˬ ma.

Iˇsaˬyaˇ 63:10

Ehˇ kʼawꞈ, aˬ yawꞈ maꞈ aˬ yawꞈ-ahˇ puiˬ-awˇ, aˬ yawꞈ-euˬ muiˬ-eu shawˇ-eu yaw sahˇ-ahˇ, nui ma shaˬ zahˬ bi mˇ-euˬ meh. Kʼoeˇ baˬ da neh aˬ yawꞈ maꞈ-ahˇ, Sahˬpaˬ Miˬyehˇ muiˇ-awˇ guiˇ deuˆ-euˬ meh.

2 Sahˬpaˬ 4:38

Miˇ kʼahˬ kʼoeˇ kʼahˬ laꞈ kʼoeˇ mehꞈ-eu shuꞈ-eu jeˬ keuˆ le ngeh, Giˇlaˇgaˬlaˇ meuˬ-ahˇ Eˇliˇshehˇ gʼoꞈ leˇ-euˬ meh. Miˬyehˇ gʼaˇ duˬ ngehˬ dah-eu aˇ muˇ tiˬ muˇ-ahˇ aˬ yawꞈ mehˬ nehˬ tsoˆ nehˬ luꞈ ngeh, “Aˬ yawꞈ maꞈ bi dzaˬ-eu dzaˇ jahˇ-eu gʼaˇ duˬ, oeˬ lahˬ lahˬ ma ciˬ dahˇ-awˬ” lehˇ aˬ yawꞈ-euˬ zaˬ kʼaˆ-ahˇ aˬ yawꞈ ehˇ nehˬ-euˬ meh.

Yeˬlaˬmiˇ 1:14

Kʼoeˇ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Miˇ kʼahˬ heu kʼahˬ-ahˇ kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ, laꞈ taˆ paw neh shaˬ zahˬ guˆ gaˆ tahˬ kʼaˇ daˆ leꞈ tehꞈ-a.

Iˇsaˬyaˇ 29:2

Kʼoeˇ naˇ, Miˬyehˇ-euˬ lawˇ duˬ lehˇ kuˇ-euˬ meuˬ kʼoeˇ-ahˇ, Miˬyehˇ guˆ-eu gaˆ-eu jeˬ bi keuˆ le tehꞈ-a. Guˇ guˇ-ehˇ ngoeˇ-eu teˇ saˇ byah jiˇ-awˇ, meuˬ meuˬ lah-ehˇ shiˬ yoeˇ kʼaˇ-eu lawˇ duˬ-ahˇ duˇ tehꞈ-a.

Yeˬsaˬgeˬlaˇ 2:2

Kʼoeˇ loꞈ-ehˇ dawˬ ngehˬ doˆ laˇ ngeh, Miˬyehˇ-euˬ yaw sahˇ ngaˬ-euˬ laꞈ kʼoeˇ uˇ le-awˇ, ngaˬ-ahˇ gawˬ yawꞈ gʼeu yawꞈ-awˇ, heu loꞈ-ehˇ ehˇ-eu ya gaˬ-euˬ ma.

Yeˬsaˬgeˬlaˇ 2:5

Ngaˬ-ahˇ puiˬ luꞈ-eu tsawˇ haˬ kʼoeˇ deuˬ nawˬ-euˬ dawˬ-ahˇ naˇ haˬ-eu maˬ kaˬ, maˬ naˇ haˬ-euˬ maˬ kaˬ, Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ maꞈ jawˇ gaˇ oe-euˬ nga lehˇ, aˬ yawꞈ maꞈ siˬ nya tehꞈ-a.