Yeˬsaˬgeˬlaˇ 24:25 - Akha

²⁵ Sahˬpaˬ Miˬyehˇ ehˇ-eu, “Tsawˇ haˬ zaˬ-oˇ, nymˬ-mˇ poˆ jawˇ-aˬ, aˬ yawꞈ maꞈ nui ma huiˬ duˬ, laˬ kʼaˬ cehˇ duˬ hawˇ-eu, aˬ yawꞈ maꞈ tiˬ kʼehˬ maˬ taˬ ni ciˬ pyawˇ haw-awˇ dawˬ deh gʼa leˇ-eu jawˇ duˬ pyeuꞈ-eu Uˬ duˬ tahˬ nymˇ nymˇ ma kʼoeˇ ngaˇ yuˇ dzeh ma. Aˬ yawꞈ maꞈ-euˬ aˬ buˇ aˬ li deuˬ, ngaˇ sheuˬ byoˆ jiˇ ma.

Yeˬsaˬgeˬlaˇ 24:25 Referans Kwoze

Yeˬsaˬgeˬlaˇ 24:21

Naw maꞈ Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ lehˇ, aˬ yawꞈ ngaˬ-ahˇ ehˇ-eu meh. Naw maꞈ Uˬ duˬ tahˬ nymˇ nymˇ ma-ahˇ nui ma huiˬ-eu meh. Naw maꞈ kʼoeˇ gaˇ haw-awˇ nui kʼahˇ shiˇ-eu laꞈ kʼoeˇ kʼoeˇ gaˇ le le-ehˇ jawˇ-eu meh. Ehˇ kʼawꞈ, Uˬ duˬ tahˬ nymˇ nymˇ ma kʼoeˇ-ahˇ ngaˇ laˆ jawꞈ nehˬ-eu lehˇ gʼeh-eu ma. Yeˬluˇsaˬlehˬ meuˬ-ahˇ jawˇ yaꞈ-euˬ naw maꞈ-euˬ aˬ buˇ aˬ li deuˬ, mi cehˇ kʼehˬ-ahˇ ya shiˇ tehꞈ-a.

Yeˬlaˬmiˇ 11:22

Kʼoeˇ miˇ neh , Baoˬ huiˬ-eu Sahˬpaˬ Miˬyehˇ ehˇ-eu, “Aˬ yawꞈ maꞈ-ahˇ ngaˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ aˬ li zaˬ guˬ deuˬ guiˇ deuˆ gaˇ ya shiˇ tehꞈ-a. Aˬ yawꞈ maꞈ-euˬ aˬ buˇ aˬ li deuˬ hawˬ mehꞈ ya dzahˬ sehꞈ tehꞈ-a.

Jaceuq 50:2

Haw muiˬ dui dui-eu Ziˇoˬ meuˬ-ahˇ neh, Miˬyehˇ-euˬ yaw shehꞈ bya doˆ laˇ-eu meh.

Jaceuq 48:2

Miˬyehˇ-euˬ Ziˇoˬ gawˬ jawˬ-aˬ, yaw goˇ-ahˇ jaˆ-awˇ haw muiˬ dui dui-eu meh. Huiˬ-eu sahˬ paˬ-euˬ meuˬ kʼoeˇ meuˬ, miˇ kʼahˬ dawˬ tawˆ luꞈ kʼoeˇ taˆ laˬ kʼaˬ cehˇ-eu jeˬ bi keuˆ le-eu meh.

Yeˬlaˬmiˇ 52:10

Yiˇbaˬlahˬ meuˬ-ahˇ, Zeˬdaˬkiˇ-euˬ mehˬ shi Zeˬdaˬkiˇ-euˬ aˬ li deuˬ-ahˇ aˬ yawꞈ sehꞈ-awˇ, Yuˇdaˆ tsawˇ haˬ yaw huiˬ yaw mahˇ deuˬ-ahˇ kʼawꞈ, aˬ yawꞈ sehꞈ-euˬ meh.

Yeˬlaˬmiˇ 7:4

Heu-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Aˬ dui maꞈ tiˬ jeˬ-iˬ kʼahˬ lahˇ kʼaˇ maˬ za-a’ lehˇ ehˇ-awˇ jaˬ myawꞈ myawꞈ gaˇ taˬ paˇ naˇ haˬ.

Dawˬmehˬ 28:32

Nawˬ-euˬ aˬ buˇ aˬ li deuˬ-ahˇ, boeˇ miˬ shiˬ kʼaˬ deuˬ-euˬ zaˬ kʼaˆ bi geuꞈ-eu gʼaˇ duˬ biꞈ nehˬ gaˇ, nawˇ haw haw-ehˇ ya jawˇ tehꞈ-a. Aˬ yawꞈ nah yawꞈ, myaˆ nui gʼah dui dui laˇ ngeh keuˆ ni, nawˬ buˇ nawˬ li gʼoꞈ laˇ-eu baw le lehˇ nawˇ loꞈ-awˇ haw haw-ehˇ jawˇ kʼawꞈ, tiˬ jawˇ-iˬ gʼoꞈ laˇ-eu ma baw-aˇ.

Ngoeˇ dawˬ 2:4

Muiˇ-eu deuˬ neh jahˇ-euˬ loꞈ-ehˇ, nga maꞈ-ahˇ kaˆ ngoꞈ daˆ taˬ-awˇ, nga maꞈ nui kʼahˇ shiˇ-eu deuˬ-ahˇ, aˬ yawꞈ neh sehꞈ dzeh jiˇ-euˬ meh. Yeˬluˇsaˬlehˬ meuˬ heu laꞈ kʼoeˇ, aˬ yawꞈ-euˬ nui ma pehˇ-eu jeˬ, miˬ dzaˬ loꞈ-ehˇ luˬ laˇ-euˬ meh.

Yeˬsaˬgeˬlaˇ 33:22

Tsawˇ haˬ kʼoeˇ gʼaˬ maˬ laˇ keuˆ mi naˆ-ehˇ, uˬ ciˬ uˬ taw paw neh Sahˬpaˬ Miˬyehˇ ngaˬ nehˬ-ehˇ jawˇ luꞈ-eu ngaˇ ya siˬ-euˬ ma. Yawˬ shawˬ yawˬ tsawˇ haˬ kʼoeˇ gʼaˬ laˇ keuˆ ngeh, Sahˬpaˬ Miˬyehˇ ngaˬ-ahˇ dawˬ ngehˬ nya-eu baoˬ paˇ biꞈ kʼoꞈ laꞈ-euˬ meh.