Yeˬsaˬgeˬlaˇ 24:23 - Akha

²³ Naw maꞈ uˬ jehˆ maˬ jehˆ dzeh-ehˇ, sehˬ nawˆ lehˆ-awˇ maˬ cah-eu uˬ taꞈ, tsawˇ ngoeˇ maˬ ngoeˇ ni jawˇ tehꞈ-a. Naw maꞈ-euˬ iˬ baˇ baˬ da neh naw maꞈ liˬ-iˇ koˆ-iˇ-awˇ, tiˬ gʼaˬ tiˇ gʼaˬ mahˇ cawˬ mahˇ cawˬ-ehˇ ya jawˇ tehꞈ-a.

Yeˬsaˬgeˬlaˇ 24:23 Referans Kwoze

Yeˬsaˬgeˬlaˇ 33:10

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ neh ngehˬ-euˬ dawˬ paˇ ehˇ poˆ nehˬ-awˬ. ‘Nga maꞈ neh mˇ-euˬ iˬ baˇ hawˇ-eu yaw lehˬ jeˬ-ahˇ nga maꞈ maˬ paˇ pi coeˇ miˇ-a. Nga maꞈ yaw dehꞈ dehꞈ-eu byoˆ le miˇ-a’ lehˇ aˬ yawꞈ maꞈ ehˇ-euˬ meh.

Yeˬsaˬgeˬlaˇ 4:17

Aˬ yawꞈ maꞈ dzaˬ dzaˬ dawˇ dawˇ hawˇ-eu iˇ cuꞈ maˬ jaˆ-ehˇ pyeuꞈ laˇ-awˇ, noeˬ shaˬ noeˬ zahˬ dui dui-eu laꞈ kʼoeˇ, liˬ-iˇ koˆ-iˇ jiˇ gaˇ keuˆ tehꞈ-a.”

Uˬ duˬ 26:39

Aˬ cawˬ miˇ kʼahˬ laꞈ kʼoeˇ naw maꞈ tsawˇ haˬ ui cuiˆ dzeˇ yaꞈ-euˬ kʼawꞈ, naw maꞈ-euˬ aˬ piˬ aˬ bawˇ deuˬ-euˬ iˬ baˇ hawˇ-eu naw maꞈ-euˬ iˬ baˇ baˬ da neh ya shaˬ ya zahˬ tehꞈ-a.

Iˇsaˬyaˇ 59:11

Nga maꞈ guˆ-awˇ nui ma cawˆ luꞈ-eu ma. Kʼehˬ-eu kʼaˆ-eu jeˬ hawˇ-eu yaw lehˬ jeˬ laꞈ kʼoeˇ, Miˬyehˇ ka kʼoꞈ le gaˇ loꞈ kʼawꞈ, keuˆ le-eu maˬ baw-a.

Jaceuq 78:64

Piˇ ma deuˬ shaˆ shiˇ shiˇ-awˇ, aˬ yawꞈ maꞈ-euˬ miˬ zaˬ deuˬ tsawˇ ngoeˇ maˬ ya ngoeˇ-a.

Yawˇbaˆ 27:15

Maˬ shiˇ-ehˇ kʼaˇ dzeuˇ-iˇ-euˬ deuˬ naˇ gawˇ gawˇ sehꞈ jiˇ-awˇ, miˬ coeˬ coeˬ-iˇ-euˬ aˬ yawꞈ maꞈ-euˬ miˬ zaˬ deuˬ kʼawꞈ, aˬ yawꞈ maꞈ gʼaˇ duˬ tsawˇ ngoeˇ maˬ ngoeˇ nehˬ-aˇ.

Uˬ duˬ 26:16

naw maꞈ-ahˇ ngaˇ kʼehˬ nehˬ kʼaˆ nehˬ ma. Naw maꞈ kʼoeˇ taˆ shaˬ zahˬ guˆ gaˆ bi keuˆ le ma. Naw maꞈ-euˬ myaˆ nuiˆ myaˆ behꞈ behꞈ-iˇ-awˇ, tsawˇ shiˇ uˬ kʼawˇ-ahˇ deuˬ leˇ gaˇ keuˆ ni kʼaˆ-eu maˬ laˆ taˬ nya-eu naˇ gawˇ deuˬ, naw maꞈ kʼoeˇ taˆ ngaˇ bi keuˆ le ma. Naw maꞈ siˬ yoeˬ sehˬ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ naw maꞈ-ahˇ deuˆ gʼaˬ-awˇ, naw maꞈ neh kʼaˇ ka taˬ-euˬ deuˬ yuˇ dzaˬ jiˇ tehꞈ-a.

2 Saˬmeuˬlaˆ 15:30

Daˬbiˇ ngoeˇ ngoeˇ-ehˇ, Saˬloˬ gawˬ jawˬ-ahˇ daˆ leˇ leꞈ-euˬ meh. Aˬ yawꞈ noeˬ shaˬ dui dui-eu miˇ neh, sehˬ nawˆ maˬ nawˆ-eu uˬ taꞈ, uˬ duˬ dehˬ kaˬ taˬ-awˇ cah-euˬ meh. Aˬ yawꞈ-euˬ mehˬ nah cah-eu tsawˇ haˬ dawˬ tawˆ luꞈ kʼawꞈ, uˬ duˬ dehˬ kaˬ-awˇ ngoeˇ luꞈ-eu meh.

Jaceuq 107:17

Tiˬ paˆ na deuˬ iˬ baˇ baˬ da neh tsawˇ uˬ uˬ-iˇ-awˇ, yaw haiˬ jeˬ mˇ-euˬ baˬ da neh ya shaˬ ya zahˬ-eu meh.

Iˇsaˬyaˇ 20:2

Kʼoeˇ-euˬ mehˬ hu smˇ kʼoꞈ huˬ-ehˇ, “Nawˇ nawˬ luꞈ-eu sehˬ nawˆ hawˇ-eu, nawˇ dm luꞈ-eu guˬ daˇ pehˇ zeuˇ mehˬ tsoeˬ lehˆ dzeh-awˬ” lehˇ, Aˬmoˆ-euˬ aˬ li Iˇsaˬyaˇ-ahˇ Sahˬpaˬ Miˬyehˇ ehˇ nehˬ-euˬ meh. Kʼoeˇ ngeh, Iˇsaˬyaˇ mehˬ tsoeˬ maˬ dm, sehˬ nawˆ maˬ nawˬ ni, smˇ kʼoꞈ cah-euˬ meh.

Yeˬlaˬmiˇ 13:18

Sahˬpaˬ Miˬyehˇ ngaˬ-ahˇ ehˇ-eu, “Sahˬ paˬ hawˇ-eu aˬ yawꞈ-euˬ aˬ ma-ahˇ, heu loꞈ-ehˇ ehˇ nehˬ-awˬ. Naw maꞈ-euˬ nuiˇ mahˬ-ahˇ byehˇ-awˇ zaꞈ ka le-awˬ. Aˬ jeˬ miˇ neh ehˇ naˇ naw maꞈ uˬ duˬ-ahˇ kʼoˆ luꞈ-eu, kʼahˬ sehˇ huiˬ-eu shuiˇ uˬ kʼoˆ ga lehˆ le tehꞈ-a.

Ngoeˇ dawˬ 4:9

Guiˇ deuˆ gaˇ shiˇ-euˬ deuˬ maˬ tseˇ, mehꞈ-awˇ shiˇ-euˬ deuˬ doeˇ dzehˬ meh. Dzaˬ-eu tiˬ jeˬ-iˬ maˬ jaˆ-ehˇ, liˬ-iˇ koˆ-iˇ-awˇ shiˇ-euˬ meh.

Yeˬsaˬgeˬlaˇ 24:22

Kʼoeˇ ngeh, nymˬ-mˇ kʼaˇ jahˇ luꞈ-eu loꞈ-ehˇ naw maꞈ jahˇ tehꞈ-a. Naw maꞈ myaˆ pyawˬ maˬ dehˬ kaˬ ni, tsawˇ ngoeˇ ngoeˇ-eu deuˬ dzaˬ-eu dzaˇ maˬ dzaˬ ni jawˇ tehꞈ-a.

Yeˬsaˬgeˬlaˇ 44:18

Aˬ yawꞈ maꞈ kuˬ pyuˇ maˬ ya bi doˆ le-eu gʼaˇ duˬ, shawˇ jehˆ ni gʼeh-eu saˬ paˇ neh zaꞈ taˬ-euˬ uˬ dzahˬ dzahˬ-awˇ, shawˇ jehˆ ni gʼeh-eu saˬ paˇ neh guꞈ taˬ-euˬ laꞈ di ya dm meh. Ehˇ kʼawꞈ, joꞈ paꞈ maˬ ya paꞈ-a.