Yeˬsaˬgeˬlaˇ 24:16 - Akha

¹⁶ “Tsawˇ haˬ zaˬ-oˇ, nawˇ gaˬ dui dui-eu gʼaˬ-ahˇ ngaˇ tiˬ poˆ tehꞈ-ehˇ yuˇ dzeh ma. Nawˇ maˬ ya noeˬ shaˬ, maˬ ya ngoeˇ-ehˇ, myaˆ biˇ kʼawꞈ maˬ ya bi doˆ le-a.

Yeˬsaˬgeˬlaˇ 24:16 Referans Kwoze

Yeˬlaˬmiˇ 22:10

Yuˇdaˆ tsawˇ haˬ deuˬ-oˇ, sahˬ paˬ Yawˇshiˆ gʼaˇ duˬ taˬ ngoeˇ. Aˬ yawꞈ shiˇ-euˬ miˇ neh tsawˇ ngoeˇ taˬ ngoeˇ. Ehˇ kʼawꞈ, aˬ yawꞈ aˬ li Yoˇaˬhaˆ-euˬ gʼaˇ duˬ tsawˇ ngoeˇ ngoeˇ dui dui-awˬ. Aˬ cawˬ aˬ yawꞈ-ahˇ nyehꞈ byoˆ-awˇ, tiˬ jawˇ-iˬ maˬ paˇ ya gʼoꞈ doˆ laˇ-ehˇ, aˬ yawꞈ dehꞈ le-euˬ miˇ kʼahˬ-ahˇ, tiˬ jawˇ-iˬ maˬ paˇ ya mawˇ meh.

Yeˬlaˬmiˇ 13:17

Ehˇ kʼawꞈ, naw maꞈ maˬ naˇ haˬ naˇ, naw maꞈ nui ma huiˬ-eu mahˇ-eu miˇ neh, aˬ cawˬ maˬ bi siˬ ni ngaˇ ngoeˇ kʼoeˬ ma. Sahˬpaˬ Miˬyehˇ-euˬ tsawˇ haˬ deuˬ, aˬ cawˬ neh bi nyehꞈ byoˆ gʼeh-eu miˇ neh, ngaˇ ya ngoeˇ dui dui-awˇ, myaˆ biˇ daˇ lawˇ yoeˇ le tehꞈ-a.

1 Teˇsaˬloˇni 4:13

Aˬ yuiꞈ aˬ nyiˇ Ka li zaˬ deuˬ-oˇ, noeˬ tmˬ kʼaˇ maˬ za-eu laꞈ nyiˇ paw-euˬ tsawˇ haˬ deuˬ noeˬ shaˬ-eu loꞈ-ehˇ naw maꞈ maˬ ya noeˬ shaˬ-eu gʼaˇ duˬ, shiˇ-euˬ tsawˇ haˬ deuˬ aˬ joˆ-ehˇ pyeuꞈ-eu gaˇ kawˆ bi siˬ mawꞈ miˇ-a.

Yeˬsaˬgeˬlaˇ 24:18

Uˬ shawˬ paw ngaˇ aˬ cawˬ-ahˇ dawˬ ja ja cawˬ luꞈ-eu ma. Kʼoeˇ ngeh miˇ ngaˬ-euˬ nymˇ dahˬ shiˇ-awˇ, yawˬ nah yawˬ-aˬ, Sahˬpaˬ Miˬyehˇ neh ehˇ nehˬ laꞈ-euˬ loꞈ-ehˇ ngaˇ jahˇ-euˬ ma.

Dawˬ caˇ 7:10

Ngaˇ ngaˬ-euˬ zaˬ kʼaˬ-euˬ pyeuꞈ-awˇ, aˬ yawꞈ kʼawꞈ ngaˬ-ahˇ mawꞈ-eu meh.

Ngoeˇ dawˬ 2:18

Sahˬpaˬ Miˬyehˇ-ahˇ gaˬ leˇ ni, Ziˇoˬ meuˬ-oˇ guˇ dui dui-awˬ. Uˬ ciꞈ maˬ ehˇ, nah gʼahˇ maˬ ehˇ, myaˆ biˇ lawˇ gawˆ bi yoeˇ ka-awˬ. Gʼaˬ naˬ taˬ naˬ, myaˆ nuiˆ taˬ miˆ.

Yeˬlaˬmiˇ 16:5

“Shiˇ-euˬ tsawˇ haˬ deuˬ gʼaˇ duˬ tsawˇ ngoeˇ ngoeˇ-eu nymˇ jiˇ laꞈ kʼoeˇ nawˇ taˬ uˇ leˇ. Aˬ cawˬ gʼaˇ duˬ nui ma shaˬ zahˬ taˬ mˇ. Ngaˬ-euˬ tsawˇ haˬ deuˬ-ahˇ ngaˇ nui saˇ oꞈ-eu guiˬ lahˬ maˬ paˇ biꞈ-ehˇ, gʼoeˇ-eu gaˬ-eu jeˬ hawˇ-eu gʼawˬ shaˬ gaˬ-eu jeˬ maˬ paˇ bi mawˇ ma.

Yeˬlaˬmiˇ 9:18

Aˬ yawꞈ-euˬ tsawˇ haˬ deuˬ ehˇ-eu, “Nga maꞈ myaˆ nuiˆ myaˆ biˇ dahˬ byah jiˇ-awˇ, myaˆ nuiˆ myaˆ shehˆ jaˇ yoe ni ngoeˇ pyeuꞈ jiˇ ngeh keuˆ, yaw kawˇ ma-ehˇ laˇ-awˇ kuiˇ deuˇ gui laˇ-awˬ lehˇ, aˬ yawꞈ maꞈ-ahˇ ehˇ gaˬ nehˬ-awˬ.”

Yeˬlaˬmiˇ 9:1

Aˬ cawˬ neh bi sehꞈ-euˬ ngaˬ-euˬ tsawˇ jeuˬ gʼaˇ duˬ, uˬ ciꞈ nah gʼahˇ ngaˇ ngoeˇ coeˇ ni, uˬ duˬ iˇ cuꞈ lah duˬ pyeuꞈ-awˇ, myaˆ biˇ iˇ beuˆ yoeˇ nmˇ duˇ nya.

Dawqdaq 5:19

Kʼaˬ tsehˆ tsehˆ kʼaˇ loꞈ-ehˇ aˇ gʼehˇ muiˬ dui dui-eu, nawˬ-euˬ miˬ zaˬ nawˬ-ahˇ muˇ gaˇ cehˇ gʼa-awˬ, aˬ yawꞈ-euˬ nui gaˬ neh nawˬ-ahˇ bi tsahˇ lahˇ-awˬ.

Yawˇbaˆ 36:18

Laꞈ nmꞈ nmꞈ-eu jeˬ neh nawˬ-ahˇ mehˇ shuiˇ bi shuiˇ-awˇ, pyuˇ shuiˇ myawˬ gahˬ neh gaˇ ma maˬ bi sheuˬ bah ni yahˇ-awˬ.

Yeˬlaˬmiˇ 22:18

Kʼoeˇ miˇ neh, Yawˇshiˆ-euˬ aˬ li Yuˇdaˆ sahˬ paˬ Yeˬhawˇyaˬciˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Aˬ yawꞈ shiˇ-eu aˇ nah keuˆ ngeh, ngaˬ-euˬ cawˬ gʼawˬ shaˬ-ehˇ miˇ-a ehˇ-awˇ, tsawˇ ngoeˇ ngoeˇ-eu gʼaˬ maˬ jawˇ-ehˇ, ngaˬ-euˬ sahˬ paˬ-oˇ lehˇ kuˇ-awˇ, ngoeˇ-eu tsawˇ haˬ tiˬ gʼaˬ-iˬ maˬ jawˇ-aˇ.

Yawˇbaˆ 23:2

“Nymˬ-mˇ kʼawꞈ, Miˬyehˇ-ahˇ ngaˇ nui ma naˇ-awˇ toˇ te siˬ. Ngaˇ naˇ-eu miˇ neh, maˬ mahˇ doˆ-ehˇ maˬ dzahˬ tehˬ coeˇ nya.

Yeˬsaˬgeˬlaˇ 24:15

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Uˬ duˬ 21:4

Yawˬ ha-euˬ miˬ zaˬ paw-euˬ aˬ yuiꞈ aˬ nyiˇ deuˬ shiˇ ngeh, tsawˇ shiˇ-ahˇ taꞈ leˇ-eu gaˇ mˇ-awˇ, yawˬ ha-euˬ gʼawˇ mawˇ maˬ muiˬ maˬ shawˇ-ehˇ pyeuꞈ-iˇ ni maˬ ya jahˇ-a.