Yeˬsaˬgeˬlaˇ 23:21 - Akha

²¹ Oˬhoˬliˇbaˬ-oˇ, nawˇ yaw nyiˇ gʼeh ngeh Iˇjiˇtuˆ miˇ kʼahˬ laꞈ kʼoeˇ kʼaˬ dzeˇ zaˬ deuˬ nawˬ-euˬ kʼahˬ-ahˇ nyehꞈ-awˇ, dawˬ kmˬ-ahˇ beuˬ-eu laꞈ kʼoeˇ, maˬ shawˇ-eu miˬ daꞈ pyeuꞈ-iˇ-euˬ loꞈ-ehˇ, iˬ nah keuˆ ni kʼoeˇ loꞈ-ehˇ dehꞈ jawꞈ mawꞈ-eu nui ma ahˇ-eu meh.

Yeˬsaˬgeˬlaˇ 23:21 Referans Kwoze

Yeˬlaˬmiˇ 3:9

Aˬ yawꞈ shaꞈ dawˇ-eu nui ma tiˬ pawꞈ-iˬ maˬ ahˇ ni, kʼaˬ lo hawˇ-eu daˇ kawˬ-ahˇ uˬ duˬ tahˬ-eu laꞈ kʼoeˇ, aˬ cawˬ nehˬ-ehˇ dehꞈ bahˬ-euˬ meh.

Yeˬsaˬgeˬlaˇ 23:3

Aˬ yawꞈ nyaꞈ zaˬ guˬ guˬ ngeh, miˬ shuiꞈ maˬ shuiꞈ ni, meh maˬ laˇ geuꞈ-euˬ meh.

Yeˬsaˬgeˬlaˇ 23:22

“Oˬhoˬliˇbaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, nymˬ-mˇ nawˬ-ahˇ heu loꞈ-ehˇ ehˇ-eu ma. Nawˬ-euˬ zaˬ kʼaˬ kʼoeˇ deuˬ-ahˇ nawˇ nui ma byuˇ laˇ taˬ-euˬ meh. Ehˇ kʼawꞈ, aˬ yawꞈ maꞈ nawˬ-ahˇ nui ma pehˇ-awˇ, nawˬ-euˬ dawˬ peh ga jawˬ le ni ngaˇ jahˇ ma.

Yeˬsaˬgeˬlaˇ 23:8

Aˬ yawꞈ miˬ daꞈ daꞈ ngeh Iˇjiˇtuˆ miˇ kʼahˬ laꞈ kʼoeˇ meh maˬ laˇ geuꞈ-euˬ loꞈ-ehˇ, iˬ nah keuˆ ni maˬ byehˇ ni geuꞈ luꞈ-eu meh. Aˬ yawꞈ aˬ buˇ zaˬ guˬ pyeuꞈ ngeh neh, kʼaˬ dzeˇ zaˬ deuˬ aˬ yawꞈ nehˬ-ehˇ yuꞈ-awˇ meh maˬ laˇ bi geuꞈ-euˬ meh.

Yeˬsaˬgeˬlaˇ 23:19

Aˬ yawꞈ yaw nyiˇ gʼeh ngeh neh Iˇjiˇtuˆ miˇ kʼahˬ-ahˇ meh maˬ laˇ geuꞈ laꞈ-euˬ loꞈ-ehˇ, meh maˬ laˇ geuꞈ-eu tiˬ jawˇ saˇ-iˬ tiˬ jawˇ kʼaˬ dzehˬ laˇ-euˬ meh.

Yoˇhaˬ 5:43

Ngaˬ Da-euˬ baoˬ pi-awˇ, aˬ yawꞈ-euˬ dah zaˇ ngaˇ oe-euˬ ma. Ehˇ kʼawꞈ, naw maꞈ ngaˬ-ahˇ maˬ ha geuꞈ-a. Yawˬ ha-euˬ baoˬ pi-awˇ yawˬ ha-euˬ gʼaˇ duˬ tehꞈ-ehˇ ngehˬ le tmˇ le-euˬ gʼaˬ jawˇ naˇ, naw maꞈ ha geuꞈ tehꞈ-a.