Yeˬsaˬgeˬlaˇ 22:6 - Akha

⁶ Iˇsaˬleˬlaˆ tsawˇ haˬ aˬ yuiꞈ aˬ tsu dawˬ tawˆ luꞈ yawˬ ha-euˬ baoˬ-ahˇ nui ma huiˬ-awˇ, tsawˇ haˬ sehꞈ luꞈ meh.

Yeˬsaˬgeˬlaˇ 22:6 Referans Kwoze

Yeˬsaˬgeˬlaˇ 22:27

Sahˬpaˬ sahˬ ma geuꞈ-eu deuˬ-aˬ, jeˬ zaˬ kawꞈ sehꞈ-awˇ, pyaˆ dzaˬ luꞈ-eu kʼaˬ yehˇ-ahˇ duˇ-eu meh. Aˬ yawꞈ maꞈ smˇ muiˬ muiˬ laˇ ni tsawˇ haˬ sehꞈ-eu meh.

Iˇsaˬyaˇ 1:23

Nawˬ-euˬ sahˬ paˬ sahˬ ma deuˬ tahˇ joe pyeuꞈ-awˇ, smˇ kʼoeˬ-ahˇ mehˬ bawˬ gm-eu meh. Yawˬ gʼaˬ na luꞈ laꞈ nmꞈ nmꞈ nehˬ gaˇ gaˬ-awˇ, laꞈ sawˬ biꞈ gaˇ caw teh-eu meh. Aˬ da maˬ baw-eu zaˬ deuˬ gaˇ kawˆ doˆ laˇ ngeh, aˬ yawꞈ maꞈ gʼawˬ shaˬ gaˬ-awˇ yaˇ kʼaˬ maˬ daˇ-a. Miˬ coeˬ miˬ ma deuˬ laꞈ jeuˬ shaˇ leˇ ngeh, aˬ yawꞈ maꞈ myaˆ haw maˬ cawˬ-a.

Zaˬkaˬliˇ 3:3

Yawˇshuˆ-aˬ, mehˬ tsoeˬ yaw jawꞈ dm-awˇ kʼoeˇ gaˇ yawꞈ luꞈ-eu meh.

Miˇkaˬ 2:1

Yaw noeˬ-ehˇ yuꞈ-awˇ yaw haiˬ jeˬ mˇ-eu gʼaˇ duˬ saˇ sawˇ luꞈ-eu tsawˇ haˬ deuˬ kʼoeˇ taˆ guˆ-eu gaˆ-eu jeˬ keuˆ le tehꞈ-a. Uˬ bya bya laˇ-awˇ, yaw haiˬ jeˬ mˇ-eu gʼaˇ duˬ yehꞈ laˇ ngeh jawˇ, aˬ yawꞈ maꞈ neh saˇ sawˇ taˬ-euˬ jeˬ tiˬ poˆ tehꞈ-ehˇ mˇ-eu meh.

Daˬyeˬlaˇ 9:8

Sahˬpaˬ Miˬyehˇ-oˇ, nga maꞈ-euˬ sahˬ paˬ sahˬ ma deuˬ hawˇ-eu, nga maꞈ-euˬ aˬ poeˬ aˬ bawˇ deuˬ, nawˬ-euˬ mehˬ shi iˬ baˇ mˇ-awˇ, shaꞈ dawˇ dui dui paˬ-ehˇ dehꞈ-euˬ meh.

Yeˬlaˬmiˇ 32:32

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ neh, aˬ yawꞈ maꞈ-euˬ sahˬ paˬ deuˬ, aˬ yuiꞈ aˬ tsu deuˬ, piˇ ma deuˬ hawˇ-eu, miˬ yehˇ gʼaˇ duˬ ngehˬ dah-eu deuˬ nehˬ-ehˇ tiˬ kawˆ loꞈ-ehˇ kʼaˇ mˇ-euˬ yaw haiˬ jeˬ baˬ da neh, meuˬ heu meuˬ-ahˇ ngaˇ laˆ cawˆ-eu ma.

Yeˬlaˬmiˇ 5:5

Aˬ yuiꞈ aˬ tsu geuꞈ luꞈ-eu deuˬ-ahˇ ngaˇ ngehˬ cawˬ-iˇ ma. Miˬyehˇ-euˬ zahˇ sahˇ kʼoꞈ hawˇ-eu aˬ yawꞈ-euˬ nui kʼahˇ-ahˇ, aˬ yawꞈ maꞈ siˬ nya-eu yaw duˬ baw meh.” Ehˇ kʼawꞈ aˬ yawꞈ maꞈ dawˬ tawˆ luꞈ gʼeh-awˇ, Sahˬpaˬ Miˬyehˇ uˆ lahˇ luꞈ-eu jeˬ-ahˇ puiˬ-awˇ, aˬ yawꞈ ehˇ dawˬ maˬ naˇ haˬ-a.

Neˬhaˬmiˇ 9:34

Nga maꞈ-euˬ aˬ poeˬ aˬ bawˇ deuˬ, sahˬ paˬ deuˬ, aˬ yuiꞈ aˬ tsu deuˬ hawˇ-eu piˇ ma deuˬ, nawˬ-euˬ zahˇ dawˬ kʼoꞈ dawˬ mehˬ nah maˬ caw teh-a. Yahˇ-awˇ dehꞈ-eu gʼaˇ duˬ nawˬ neh mehˬ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-a.

Yeˬsaˬgeˬlaˇ 21:12

Tsawˇ haˬ zaˬ-oˇ, guˇ-awˇ ngoeˇ-awˬ. Ngaˬ-euˬ tsawˇ haˬ deuˬ sehꞈ-eu lehˇ, mi cehˇ heu lehˬ hmˬ taˬ-euˬ ma. Iˇsaˬleˬlaˆ sahˬ paˬ deuˬ-ahˇ sehꞈ-eu lehˇ lehˬ hmˬ taˬ-euˬ ma. Ngaˬ-euˬ tsawˇ haˬ kʼoeˇ deuˬ nehˬ-ehˇ, sahˬ paˬ deuˬ bi sehꞈ caw jiˇ ma. Nui ma cawˆ-awˇ kʼahˬ-ahˇ teˇ-awˬ.

Yeˬsaˬgeˬlaˇ 22:3

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ, meuˬ kʼoeˇ meuˬ-ahˇ ehˇ nehˬ-awˬ. Nawˬ-euˬ tsawˇ haˬ gʼawˬ mya ni nawˇ sehꞈ-awˇ,tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu laꞈ kʼoeˇ nawˇ yawˬ haˇ yawˬ ha laˆ jawꞈ-euˬ miˇ neh, nawˬ-euˬ aˇ yamˬ keuˆ le luꞈ meh.

Dawqdaq 30:14

Shaˬ zaˬ zahˬ zaˬ-ahˇ gʼawˬ shaˬ maˬ gaˬ ni, smˇ kʼaˆ kʼaˆ-awˇ dehꞈ dzaˬ-eu tsawˇ haˬ jawˇ-eu meh.

Yeˬlaˬmiˇ 22:17

Ehˇ kʼawꞈ, nawˇ yaw dehꞈ dehꞈ-eu-aˬ, yawˬ ha gʼaˇ duˬ tehꞈ-ehˇ toˆ-eu miˇ neh, maˬ lehˬ maˬ ca-eu tsawˇ haˬ-ahˇ sehꞈ-awˇ, nawˬ-euˬ miˇ kʼahˬ zaˬ-ahˇ kʼehˬ-eu nga lehˇ, Sahˬpaˬ Miˬyehˇ ehˇ luꞈ-eu meh.

Yeˬsaˬgeˬlaˇ 45:8

Miˇ tsaˬ pehˇ tsahˇ kʼoeˇ tsahˇ-aˬ, dzoeˬ dzaˬ oꞈ-eu sahˬ paˬ zaˬ yo-euˬ miˇ tsaˬ pyeuꞈ-awˇ, miˇ kʼahˬ zaˬ deuˬ-ahˇ aˬ yawꞈ maˬ paˇ kʼaˆ geuꞈ ni, tsawˇ jeuˬ aˬ yawꞈ jeuˬ yawꞈ-ahˇ, yawˬ ha-ahˇ kʼaˇ oꞈ-eu miˇ tsaˬ bi geuꞈ tehꞈ-a.

Zeˬpaˬniˇ 3:3

Aˬ yawꞈ-euˬ aˬ yuiꞈ aˬ tsu deuˬ, aˇ laˬ jaˬ shiˇ loꞈ-ehˇ lmˬ-awˇ, aˬ yawꞈ-euˬ yaˇ kʼaˬ daˇ-eu deuˬ, shaˬyoeˬ mˬ maˬ bi jaˆ bya-eu, uˬ ciꞈ kʼaˬ yehˇ-ahˇ duˇ-eu meh.

Zeˬpaˬniˇ 3:4

Miˬyehˇ gʼaˇ duˬ ngehˬ dah-eu deuˬ, saˇ jaˇ maˬ ziꞈ-eu deuˬ pyeuꞈ-awˇ, aˬ yawꞈ-euˬ piˇ ma geuꞈ-eu deuˬ, yaw muiˬ yaw shawˇ jeˬ laˆ jawꞈ-awˇ, zahˇ dawˬ kʼoꞈ dawˬ laˆ cawˆ-eu meh.