Yeˬsaˬgeˬlaˇ 22:4 - Akha

⁴ Tsawˇ haˬ-ahˇ sehꞈ-eu laꞈ kʼoeˇ nawˇ mˇ bahˬ-awˇ, nawˬ neh jahˇ-euˬ tahˬ pahˬ aˬ ma mawˇ kawˇ neh yawˬ haˇ yawˬ ha laˆ jawꞈ-euˬ baˬ da neh, nawˬ-euˬ aˇ nah keuˆ le luꞈ-awˇ, nawˬ-euˬ aˇ yamˬ jiˇ le luꞈ meh. Kʼoeˇ miˇ neh, tsawˇ jeuˬ dawˬ tawˆ luꞈ nawˬ-ahˇ ja doeˇ-awˇ, miˇ kʼahˬ dawˬ tawˆ luꞈ nawˬ-ahˇ ehˇ niˇ gʼa ni ngaˇ jahˇ-euˬ ma.

Yeˬsaˬgeˬlaˇ 22:4 Referans Kwoze

2 Sahˬpaˬ 21:16

Iˬ baˇ maˬ ahˇ-eu tsawˇ haˬ gʼawˬ mya ni Maˬnaˇseˬ neh sehꞈ-euˬ miˇ neh, Yeˬluˇsaˬlehˬ meuˬ-ahˇ dehꞈ-eu aˇ bawˇ deuˬ shiˬ yoeˇ doˆ le luꞈ-eu meh. Yuˇdaˆ tsawˇ haˬ deuˬ miˬyehˇ nui deuˬ-ahˇ uˬ duˬ tahˬ-awˇ, Sahˬpaˬ Miˬyehˇ mehˬ shi iˬ baˇ mˇ ni aˬ yawꞈ gaˇ ma sheuˬ bahˬ-euˬ uˬ taꞈ-ehˇ, aˬ yawꞈ kʼoeˇ loꞈ-ehˇ paˇ mˇ-euˬ jeˬ pyeuꞈ-eu meh.

Yeˬsaˬgeˬlaˇ 22:2

“Tsawˇ haˬ zaˬ-oˇ, tsawˇ haˬ-ahˇ sehꞈ-eu deuˬ tiˬ byah ni jawˇ-eu meuˬ-ahˇ yaˇ kʼaˬ daˇ-eu gʼaˇ duˬ nawˇ lehˬ hmˬ taˬ maˬ loˇ. Meuˬ kʼoeˇ neh kʼaˇ mˇ-euˬ jawꞈ dui dui-eu jeˬ meuˬ kʼoeˇ meuˬ-ahˇ ehˇ duˬ nehˬ jiˇ-awˬ.

Yeˬsaˬgeˬlaˇ 16:57

Nawˬ neh mˇ-euˬ yaw haiˬ jeˬ bya cehˆ ni maˬ doˆ laˇ mi naˆ-ehˇ, nawˇ kʼoeˇ loꞈ-ehˇ jahˇ gʼeh-euˬ maˬ ngeuˇ loˇ. Nymˬ-mˇ poˆ jawˇ-aˬ, nawˇ hawˇ-eu aˬ yawꞈ tiˬ kawˆ meh. Eˬdoˬ tsawˇ haˬ, Piˇliˇtiˆ tsawˇ haˬ hawˇ-eu, nawˬ-ahˇ bye-eu nawˬ-euˬ dawˬ peh kʼaˇ jawˇ-eu tsawˇ haˬ deuˬ-euˬ ja bu ja doeˇ duˬ meh.

1 Teˇsaˬloˇni 2:16

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.

Daˬyeˬlaˇ 9:16

Nga maꞈ lehˬ-iˇ-euˬ miˇ-a. Dzeuˇ laˇ ngeh, nga maꞈ-ahˇ nawˇ haw piˇ nehˬ laꞈ-euˬ meh. Kʼoeˇ miˇ neh, Yeˬluˇsaˬlehˬ meuˬ-ahˇ nui ma taˬ pehˇ nehˬ laꞈ. Kʼoeˇ-aˬ, nawˬ-euˬ meuˬ meh. Nawˬ-euˬ muiˬ-eu shawˇ-eu gawˬ jawˬ meh. Nga maꞈ-euˬ iˬ baˇ hawˇ-eu nga maꞈ-euˬ aˬ poeˬ aˬ bawˇ deuˬ neh mˇ-euˬ yaw lehˬ jeˬ baˬ da neh, dawˬ peh jaˆ-eu miˇ kʼahˬ deuˬ-ahˇ jawˇ-eu tsawˇ haˬ deuˬ, Yeˬluˇsaˬlehˬ meuˬ hawˇ-eu nawˬ-euˬ tsawˇ haˬ deuˬ-ahˇ ja bu luꞈ meh.

Yeˬsaˬgeˬlaˇ 21:28

“Tsawˇ haˬ zaˬ-oˇ, ngaˬ-euˬ gʼaˇ duˬ ngehˬ dah-awˬ. Iˇsaˬleˬlaˆ tsawˇ jeuˬ-ahˇ ja bu ja doeˇ luꞈ-eu Aˬmoˬ tsawˇ jeuˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. ‘Yaw cawˆ jeˬ-euˬ mi cehˇ lehˬ hmˬ taˬ meh. mˬ myawꞈ loꞈ-ehˇ naˇ guiˇ guiˇ ni, sehꞈ-eu gʼaˇ duˬ siˬ taˆ-euˬ meh.’

Yeˬlaˬmiˇ 44:8

Naw maꞈ jawˇ uˇ le-euˬ Iˇjiˇtuˆ miˇ kʼahˬ heu kʼahˬ-ahˇ tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-awˇ, miˬ yehˇ nui deuˬ-ahˇ lawˇ-eu shehˇ-eu laꞈ kʼoeˇ, aˬ jeˬ miˇ neh ngaˇ nui ma pehˇ ni naw maꞈ mˇ te. Miˇ kʼahˬ tsawˇ jeuˬ dawˬ tawˆ luꞈ naw maꞈ-ahˇ ja doeˇ-awˇ, naw maꞈ-euˬ tsawˇ myahˇ kuˇ kuˇ-ehˇ yaˬ kʼehˇ bi yaˬ gaˇ keuˆ ni, naw maꞈ yawˬ haˇ yawˬ ha laˆ cawˆ-eu lehˇ mˇ-eu gʼeh te loˇ.

Yeˬlaˬmiˇ 24:9

Guˆ dui dui laˇ paˬ-ehˇ gʼeh-eu shaˬ-eu zahˬ-eu jeˬ aˬ yawꞈ maꞈ kʼoeˇ taˆ ngaˇ bi keuˆ le-eu miˇ neh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-iˇ tehꞈ-a. Aˬ yawꞈ maꞈ-ahˇ aˬ cawˬ ja bu ja doeˇ-awˇ, kʼaˇ ehˇ mawꞈ-eu jeˬ ehˇ niˇ gʼa-eu uˬ taꞈ, ngaˬ neh aˬ yawꞈ maꞈ-ahˇ kʼaˇ teh byaˆ-euˬ jawˇ duˬ laꞈ kʼoeˇ, aˬ cawˬ yaˬ kʼehˇ yaˬ ngeh, aˬ yawꞈ maꞈ-euˬ tsawˇ myahˇ-ahˇ dawˬ daˬ daˬ-awˇ yaˬ tehꞈ-a.

Yeˬlaˬmiˇ 18:16

Miˇ kʼahˬ heu kʼahˬ tsawˇ haˬ maˬ jawˇ peuˬ ni aˬ yawꞈ maꞈ laˆ pyeuꞈ-awˇ, mˬ maˬ maˬ byaˆ zaˇ ziˇ aˬ cawˬ ja bu duˬ laˆ pyeuꞈ yaꞈ-euˬ meh. Kʼaˇ iˇ kʼaˇ laˇ tsehˆ-eu tsawˇ haˬ tsawˬ guˆ-iˇ-awˇ, zahˬ dui dui leˇ-awˇ uˬ duˬ juiꞈ tehꞈ-a.

Jaceuq 79:4

Dawˬ peh jawˇ-eu tsawˇ haˬ deuˬ nga maꞈ-ahˇ kʼaˇ ehˇ mawꞈ-eu ehˇ-awˇ, uiˇ uiˇ-ehˇ ja bu ja doeˇ-eu meh.

2 Laˬsaˬbaˬ 7:20

ngaˬ neh naw maꞈ-ahˇ biꞈ taˬ-euˬ miˇ kʼahˬ heu kʼahˬ laꞈ kʼoeˇ neh naw maꞈ-ahˇ ngaˇ teh dzeh-awˇ, ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ ngaˬ neh mˇ shawˇ taˬ-euˬ Uˬ duˬ tahˬ nymˇ nymˇ ma heu nymˇ-ahˇ ngaˇ byehˇ dzeh ma. Uˬ duˬ tahˬ nymˇ nymˇ ma heu nymˇ-ahˇ tsawˇ jeuˬ dawˬ tawˆ luꞈ ja bu ja doeˇ-awˇ, kʼaˇ jahˇ mawꞈ-eu jahˇ tehꞈ-a.

1 Sahˬpaˬ 9:7

ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ, ngaˬ neh biꞈ taˬ-euˬ miˇ kʼahˬ laꞈ kʼoeˇ maˬ paˇ bi jawˇ ma. Ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ, ngaˬ neh bi muiˬ bi shawˇ laˇ-euˬ Uˬ duˬ tahˬ nymˇ nymˇ ma heu nymˇ-ahˇ kʼawꞈ, ngaˇ byehˇ dzeh yaꞈ ma. Yawˬ gaˇ na luꞈ jawˇ-eu tsawˇ haˬ deuˬ Iˇsaˬleˬlaˆ tsawˇ haˬ-ahˇ yehˬ bawˬ-ehˇ ehˇ niˇ gʼa-awˇ, yaw zeu maˬ baw ni ja bu ja doeˇ tehꞈ-a.

Dawˬmehˬ 29:24

‘Aˬ jeˬ miˇ neh aˬ yawꞈ maꞈ-euˬ miˇ kʼahˬ-ahˇ Sahˬpaˬ Miˬyehˇ kʼoeˇ loꞈ-ehˇ jahˇ nehˬ ta. Aˬ jeˬ miˇ neh aˬ yawꞈ teu naˆ naˆ-ehˇ nui ma pehˇ ta’ lehˇ, miˇ tsaˬ zaˬ dawˬ tawˆ luꞈ naˇ haˬ laˇ gaˇ keuˆ tehꞈ-a.

Dawˬmehˬ 28:37

Sahˬpaˬ Miˬyehˇ neh naw maꞈ-ahˇ bi cehˆ byaˆ-euˬ miˇ kʼahˬ-ahˇ jawˇ-eu tsawˇ haˬ deuˬ, naw maꞈ kʼoeˇ taˆ kʼoeˇ loꞈ-ehˇ keuˆ le-euˬ gaˇ ya mawˇ ngeh, tsawˬ guˆ-iˇ dui dui tehꞈ-a. Naw maꞈ gaˇ kawˆ aˬ yawꞈ maꞈ ja uiˇ niˇ gʼa-awˇ, naw maꞈ-ahˇ ja bu ja doeˇ tehꞈ-a.

Bawˇtsahˬ 32:14

Nymˬ-mˇ, iˬ baˇ paˇ mˇ mawꞈ-eu naw maꞈ shehˆ kʼawꞈ ni, naw maꞈ-euˬ aˬ da deuˬ-euˬ pehˬ zaˇ-ahˇ paˇ nawˬ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ Sahˬpaˬ Miˬyehˇ nui ma pehˇ-eu jeˬ tiˬ poˆ paˇ bi keuˆ le-eu gʼeh-eu ngaˇ.

Uˬ duˬ 26:32

Naw maꞈ-euˬ miˇ kʼahˬ-ahˇ ngaˇ nui kʼahˇ tiˬ shiˇ laˆ cawˆ-euˬ miˇ neh, naw maꞈ miˇ kʼahˬ-ahˇ deuˆ gʼaˬ-euˬ naw maꞈ-ahˇ muiˇ-eu tsawˇ haˬ deuˬ kʼawꞈ, ya tsawˬ guˆ-iˇ gaˇ keuˆ tehꞈ-a.

Yeˬsaˬgeˬlaˇ 23:7

Aˬ yawꞈ-aˬ, Aˬshuˇliˆ tsawˇ jeuˬ yaw huiˬ yaw mahˇ dawˬ tawˆ luꞈ gʼaˇ duˬ meh maˬ laˇ pyeuꞈ-awˇ, aˬ yawꞈ kʼaˬ miˬ sheu gaˇ gaˬ-eu miˇ neh, Aˬshuˇliˆ tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu laꞈ kʼoeˇ, yawˬ haˇ yawˬ ha maˬ shawˇ-eu tsawˇ haˬ dehꞈ pyeuꞈ-euˬ meh.

Yeˬsaˬgeˬlaˇ 23:32

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˬ-euˬ aˬ yuiꞈ neh dawˇ dzeuˇ-euˬ, huiˬ-eu naꞈ-eu kʼmˬ maˬ kʼoeˇ kʼmˬ, nawˇ ciˬ-awˇ paˇ dawˇ poˆ tehꞈ-a. Kʼmˬ maˬ tiˬ byah dahˬ-eu miˇ neh, aˬ cawˬ nawˬ-ahˇ naˬ gʼa tehꞈ-a.

Yeˬsaˬgeˬlaˇ 24:7

Meuˬ laꞈ kʼoeˇ tsawˇ haˬ sehꞈ-awˇ, nyiꞈ-iˇ byoˆ-iˇ nya-eu miˇ tsaˬ kʼaˬ lehˇ kʼoeˇ taˆ shiˬ maˬ yoeˇ kʼaˇ-ehˇ, kʼaˬ lo uˬ du yoeˇ daˆ taˬ-euˬ meh.

Yeˬsaˬgeˬlaˇ 24:8

Nui ma pehˇ laˇ-awˇ laꞈ poˆ poˆ kʼoꞈ nehˬ-eu gʼaˇ duˬ, maˬ laˆ zaꞈ nya ni mawˇ laˇ-eu tsahˇ-ahˇ, shiˬ kʼoeˇ ngaˇ bi yoeˇ kʼaˇ-euˬ ma.”

Yeˬsaˬgeˬlaˇ 36:15

Miˇ kʼahˬ heu kʼahˬ aˬ cawˬ ja bu-eu dawˬ maˬ paˇ ya gaˬ-ehˇ, aˬ cawˬ lmˬ guˆ laˇ gaˇ maˬ paˇ ya mawˇ-aˇ. Miˇ kʼahˬ heu kʼahˬ yawˬ ha tsawˇ jeuˬ-euˬ zaˬ-ahˇ tahˇ joe maˬ paˇ joe geuꞈ-aˇ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”