Yeˬsaˬgeˬlaˇ 22:13 - Akha

¹³ “Nawˬ neh tahˇ joe joe za-euˬ jeˬ hawˇ-eu, nawˬ neh shiˬ laˆ yoeˇ-euˬ jeˬ kʼoeˇ taˆ ngaˬ-euˬ aˬ laꞈ laꞈ puˇ tahˬ gʼeh leꞈ ma.

Yeˬsaˬgeˬlaˇ 22:13 Referans Kwoze

Yeˬsaˬgeˬlaˇ 21:17

Ngaˇ kʼawꞈ laꞈ kʼawˆ tehˆ-awˇ, ngaˬ-euˬ nui ma pehˇ-eu jeˬ bi byoˆ-iˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 33:15

Yaw sui yaw dawˇ dawˇ-ehˇ dehꞈ-awˇ, yaw tsaˬ yaw dawˇ jeˬ-ahˇ ngehˬ-eu tmˇ-eu laꞈ kʼoeˇ, aˬ cawˬ kʼoeˇ taˆ maˬ myawꞈ maˬ shuiˇ dzaˬ ni, laꞈ nmꞈ nmꞈ gaˇ maˬ ha geuꞈ-eu uˬ taꞈ, tsawˇ haˬ-ahˇ sehꞈ-eu deuˬ-ahˇ naˬ bawˇ maˬ ciˬ kʼmˇ ni, yaw haiˬ jeˬ toˆ gaˇ myaˆ maˬ haw cawˬ-eu tsawˇ haˬ, buˬ-iˇ law-iˇ tehꞈ-a.

Yeˬsaˬgeˬlaˇ 22:27

Sahˬpaˬ sahˬ ma geuꞈ-eu deuˬ-aˬ, jeˬ zaˬ kawꞈ sehꞈ-awˇ, pyaˆ dzaˬ luꞈ-eu kʼaˬ yehˇ-ahˇ duˇ-eu meh. Aˬ yawꞈ maꞈ smˇ muiˬ muiˬ laˇ ni tsawˇ haˬ sehꞈ-eu meh.

Yeˬsaˬgeˬlaˇ 21:14

“Tsawˇ haˬ zaˬ-oˇ, nymˬ-mˇ poˆ jawˇ-aˬ, ngaˬ-euˬ gʼaˇ duˬ ngehˬ dah-awˬ. Nawˬ-euˬ laꞈ kʼawˆ tehˆ-awˇ, mi cehˇ kʼoeˇ tiˬ poˆ saˇ-iˬ tiˬ poˆ bi deuˆ gʼeh leꞈ-awˬ. Kʼoeˇ-aˬ, tsawˇ haˬ-ahˇ sehꞈ-eu mi cehˇ meh. Guˆ dui dui laˇ paˬ-ehˇ tsawˇ haˬ-ahˇ sehꞈ dui dui-eu mi cehˇ meh.

1 Teˇsaˬloˇni 4:6

Gaˇ kawˆ heu hmˬ-ahˇ taꞈ leˇ-awˇ, tsawˇ haˬ tiˬ gʼaˬ-iˬ aˬ yuiꞈ aˬ nyiˇ Ka li zaˬ-euˬ nymˇ jiˇ-ahˇ coeˬ-eu ciˆ-eu bahˬ-eu muˆ-eu jeˬ maˬ mˇ kʼmˬ-a. Gaˇ Kawˆ heu naw maꞈ-ahˇ nga maꞈ mehˬ nehˬ dzeuˇ gʼaˬ-euˬ ma. Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Yeˬsuˇ kʼehˬ nehˬ kʼaˆ nehˬ tehꞈ-a lehˇ, nga maꞈ yaw kʼaˆ kʼaˆ-ehˇ ehˇ-euˬ ma.

Aˬmoˆ 3:10

Sahˬpaˬ Miˬyehˇ ehˇ-eu, “Tsawˇ haˬ heu deuˬ-aˬ, aˬ yawꞈ maꞈ-euˬ kuˆ lawˆ-ahˇ maˬ tsaˬ maˬ dawˇ-eu laꞈ kʼoeˇ ceh geuꞈ kʼaˆ geuꞈ taˬ-euˬ myawˬ gahˬ deuˬ baꞈ byah taˬ-euˬ meh. Yaw sui yaw dawˇ dawˇ-ehˇ dehꞈ-eu gaˇ kawˆ aˬ yawꞈ maꞈ maˬ siˬ nya-a.

Dawqdaq 28:8

Nawˇ aˬ cawˬ-ahˇ jiˇ jeuˬ sawˇ-awˇ, yawˬ ha-ahˇ taꞈ-eu jeˬ tehꞈ-ehˇ shaˇ noeˬ-eu miˇ neh, smˇ muiˬ smˇ baw pyeuꞈ laˇ-eu meh. Ehˇ kʼawꞈ ni, nawˇ kʼoeˇ loꞈ-ehˇ mˇ naˇ, nawˬ-euˬ pyuˇ shuiˇ myawˬ gahˬ kʼoeˇ deuˬ, shaˬ zaˬ zahˬ zaˬ-ahˇ gʼawˬ shaˬ gaˬ nya-eu tsawˇ haˬ tiˬ gʼaˬ-euˬ laꞈ-ahˇ ahˇ leˇ jiˇ tehꞈ-a.

Bawˇtsahˬ 24:10

Kʼoeˇ ngeh, Baˬlehˇ nui ma pehˇ laˇ-awˇ, laꞈ tsuˆ tsuˆ deuˇ taˬ-eu laꞈ kʼoeˇ Baˬlamˬ-ahˇ ehˇ nehˬ-eu, “Ngaˬ-ahˇ muiˇ-eu deuˬ-ahˇ yaˬ kʼehˇ bi yaˬ-eu lehˇ nawˬ-ahˇ ngaˇ kuˇ-euˬ ma. Ehˇ kʼawꞈ, smˬ poˆ keuˆ ni aˬ yawꞈ maꞈ-ahˇ nawˇ dawˬ ngehˬ gʼeh nehˬ-euˬ meh.

Yeˬsaˬgeˬlaˇ 33:31

Kʼoeˇ naˇ, ngaˬ-euˬ tsawˇ haˬ kʼoeˇ deuˬ tiˬ teuˇ uiˬ laˇ-awˇ, nawˇ dawˬ ngehˬ gaˇ naˇ haˬ laˇ-eu meh. Ehˇ kʼawꞈ, nawˬ neh ehˇ-euˬ loꞈ-ehˇ aˬ yawꞈ maꞈ maˬ mˇ-a. Nawˬ-euˬ dawˬ-ahˇ caˇ dawˬ caˇ-eu naˆ ni tehꞈ-ehˇ aˬ yawꞈ maꞈ taˬ huiˬ-awˇ, nui kʼahˇ huiˬ-eu dehꞈ jeˬ dehꞈ kawˆ-ahˇ maˬ byehˇ dzeh-a.

Yeˬsaˬgeˬlaˇ 21:19

“Tsawˇ haˬ zaˬ-oˇ, Baˬbuˇloˬ sahˬ paˬ-euˬ mi cehˇ oe nya-eu gaˇ ma nyiˬ kahˇ tsaˬ tsoˆ taˬ-awˬ. Gaˇ ma nyiˬ kahˇ luꞈ miˇ kʼahˬ aˬ yawꞈ tiˬ kʼahˬ-ahˇ neh dahˇ doˆ laꞈ-awˇ, gaˇ ma dahˇ paˆ-iˇ-euˬ gaˇ tsmˇ-ahˇ gaˇ ma toeˬ mehˬ-eu sahˬ boꞈ boꞈ myahˬ taˬ-awˬ.