Yeˬsaˬgeˬlaˇ 22:11 - Akha

¹¹ Tiˬ paˆ na deuˬ aˬ cawˬ-euˬ miˬ zaˬ-ahˇ bahˬ-awˇ, tiˬ poˆ na deuˬ-aˬ, yawˬ ha-euˬ kuiˬ ma-ahˇ bahˬ-euˬ meh. Tiˬ paˆ na deuˬ yawˬ ha aˬ da-euˬ ma caw-ahˇ bahˬ-euˬ meh.

Yeˬsaˬgeˬlaˇ 22:11 Referans Kwoze

2 Saˬmeuˬlaˆ 13:14

Ehˇ kʼawꞈ, Aˬmaˬnoˬ gʼaˬ maˬ naˇ haˬ-ehˇ, Taˬmaˬ naˆ maˬ tseˇ aˬ yawꞈ gʼaˬ kʼaˆ dzehˬ-eu miˇ neh, Taˬmaˬ-ahˇ dawꞈ-awˇ, yehˬ bawˬ-ehˇ gʼeh nehˬ-euˬ meh.

Uˬ duˬ 20:17

Tsawˇ haˬ tiˬ gʼaˬ na, yawˬ ha-euˬ dmˇ ma tsi tsi ni gʼeh-eu gʼaˬ-ahˇ maˬ ehˇ, tiˬ ma baw zaˬ maˬ ngeuˇ-eu yawˬ ha-euˬ dmˇ ma nehˬ-ehˇ maˬ ehˇ, sheuˬ dahˬ dzaˬ naˇ, tsawˇ haˬ heu myaˆ ni gʼeh-eu mehˬ shi, aˬ yawꞈ nyaꞈ-ahˇ ya teh dzeh meh. Aˬ yawꞈ-aˬ, yawˬ ha-euˬ dmˇ ma-ahˇ bahˬ-eu miˇ neh, kʼaˇ keuˆ le-eu jeˬ ya daˬ meh.

Uˬ duˬ 18:15

Yawˬ ha-euˬ kuiˬ ma nehˬ-ehˇ maˬ ya yuꞈ taꞈ-a.

Uˬ duˬ 18:9

Yawˬ ha-euˬ dmˇ ma nehˬ-ehˇ maˬ ehˇ, ma caw dmˇ ma nehˬ-ehˇ maˬ ehˇ, yawˬ ha nehˬ-ehˇ tiˬ nymˇ dahˬ laꞈ kʼoeˇ jawˇ huiˬ laꞈ-euˬ maˬ kaˬ, tiˬ gʼaˬ tiˬ gaˇ jawˇ huiˬ laꞈ-euˬ maˬ kaˬ, maˬ ya yuꞈ taꞈ-a.

Yeˬsaˬgeˬlaˇ 18:11

Aˬ da gʼaˬ kʼoeˇ loꞈ-ehˇ gʼeh-eu tiˬ jeˬ-iˬ maˬ mˇ haw-aˬ. Ehˇ kʼawꞈ, aˬ li kʼoeˇ gʼaˬ gawˬ jawˬ gawˬ duˇ doe ni jaˆ-eu uˬ duˬ tahˬ-eu jawˇ duˬ-ahˇ lawˇ-euˬ dzaˇ dzaˬ-awˇ, aˬ cawˬ-euˬ miˬ zaˬ-ahˇ bahˬ-euˬ meh.

Uˬ duˬ 20:12

Tsawˇ haˬ tiˬ gʼaˬ na, yawˬ ha-euˬ kuiˬ ma nehˬ-ehˇ joe naˇ, nyiˬ gʼaˬ luꞈ sehꞈ nehˬ gaˇ ya daˬ tehꞈ-a. Aˬ yawꞈ nyaꞈ-aˬ, jawꞈ dui dui-eu jeˬ mˇ-awˇ, yawˬ haˇ yawˬ ha ya shiˇ ni mˇ-euˬ meh.

Uˬ duˬ 20:10

Iˇsaˬleˬlaˆ tsawˇ haˬ cawˬ cawˬ, kʼaˬ dzeˇ zaˬ tiˬ gʼaˬ aˬ cawˬ-euˬ miˬ zaˬ-ahˇ bahˬ naˇ, bahˬ-euˬ kʼaˬ dzeˇ zaˬ hawˇ-eu zaˬ miˬ zaˬ kʼoeˇ nyiˬ gʼaˬ luꞈ, sehꞈ nehˬ gaˇ ya daˬ tehꞈ-a.

Uˬ duˬ 18:20

Aˬ cawˬ-euˬ miˬ zaˬ nehˬ-ehˇ maˬ ya yuꞈ taꞈ-a. Kʼoeˇ loꞈ-ehˇ jahˇ naˇ, yawˬ ha gʼaˬ maˬ shawˇ-eu tsawˇ haˬ pyeuꞈ-iˇ-eu meh.

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.

Gaˬlaˬtiˆ 5:19

Shiˬ shaˬ jiˇ nui kʼahˇ neh mˇ-euˬ gaˇ deuˬ-aˬ, heu loꞈ-ehˇ bya cehˆ ni mawˇ laˇ-eu meh. Kʼaˬ miˬ sheu-eu, maˬ muiˬ maˬ shawˇ-eu, maˬ tsaˬ maˬ dawˇ-eu laꞈ kʼoeˇ yuꞈ taꞈ joe taꞈ-eu,

1 Gawˇliˬtu 6:9

Maˬ tsaˬ maˬ dawˇ-eu tsawˇ haˬ Miˬyehˇ Miˇkʼahˬ laꞈ kʼoeˇ maˬ ya uˇ leˇ-a lehˇ naw maꞈ siˬ duˬ luꞈ meh. Naw maꞈ taˬ noeˬ lehˬ. Aˬ cawˬ nehˬ-ehˇ joe-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, aˬ cawˬ-euˬ miˬ zaˬ yo zaˬ-ahˇ bahˬ-eu tsawˇ haˬ, kʼaˬ dzeˇ zaˬ cawˬ cawˬ kʼaˬ miˬ sheu-eu tsawˇ haˬ,

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Yeˬlaˬmiˇ 29:23

Aˬ yawꞈ maꞈ aˬ cawˬ-euˬ miˬ zaˬ-ahˇ bahˬ-awˇ, Sahˬpaˬ Miˬyehˇ-euˬ tsawˇ myahˇ uˬ moˆ jaˬ myawꞈ myawꞈ-euˬ miˇ neh, aˬ yawꞈ nyaꞈ-euˬ guiˬ lahˬ kʼoeˇ naˆ ni doeˇ tehꞈ-a. Kʼoeˇ loꞈ-ehˇ mˇ gaˇ Sahˬpaˬ Miˬyehˇ nui ma maˬ tsaˬ-ehˇ, aˬ yawꞈ nyaꞈ neh kʼaˇ mˇ-euˬ jeˬ-ahˇ, Sahˬpaˬ Miˬyehˇ siˬ jiˇ mawˇ jiˇ-eu meh lehˇ, Sahˬpaˬ Miˬyehˇ ehˇ-eu meh.”

Yeˬlaˬmiˇ 9:2

Ngaˬ-euˬ tsawˇ haˬ maˬ mawˇ gaˇ cehˆ zaꞈ duˬ, bawˇ tsahˬ bawˇ dahˇ tiˬ tsahˇ jaˆ nmˇ duˇ nya. Aˬ yawꞈ maꞈ baˬ maꞈ puˇ jeˬ-ehˇ, saˇ jaˇ puiˬ-eu tsawˇ haˬ tehꞈ meh.

2 Saˬmeuˬlaˆ 13:1

Daˬbiˇ-euˬ aˬ li Aˬbaˇsaˬloˬ-aˬ, Taˬmaˬ lehˇ myahˇ-euˬ aˇ gʼehˇ muiˬ dui dui-eu dmˇ ma miˬ daꞈ tiˬ gʼaˬ jawˇ-eu meh. Aˬ ma yawˬ ma yawˬ-euˬ zaˬ pyeuꞈ-eu Aˬmaˬnoˬ lehˇ myahˇ-euˬ Daˬbiˇ-euˬ aˬ li tiˬ li-aˬ, aˬ yawꞈ-euˬ dmˇ ma kʼoeˇ gʼaˬ-ahˇ mawꞈ dui dui leˇ-eu meh.

Dawˬmehˬ 27:22

“ ‘Yawˬ ha-euˬ dmˇ ma ci ci ni gʼeh-eu gʼaˬ nehˬ-ehˇ maˬ ehˇ, ma caw dmˇ ma nehˬ-ehˇ maˬ ehˇ, yuꞈ taꞈ-eu tsawˇ haˬ kʼoeˇ taˆ Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Dawˬmehˬ 22:22

“Tsawˇ haˬ tiˬ gʼaˬ aˬ cawˬ-euˬ miˬ zaˬ nehˬ-ehˇ joe luꞈ-eu ya mawˇ naˇ, nyiˬ gʼaˬ luꞈ-ahˇ ya sehꞈ meh. Kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ maˬ ya bi doˆ laˇ ni, naw maꞈ kʼoeˇ loꞈ-ehˇ ya jahˇ meh.

2 Saˬmeuˬlaˆ 13:11

Aˬ yawꞈ kaˬ muˇ kʼoeˇ ciˬ gʼeh nehˬ ngeh, Aˬmaˬnoˬ aˬ yawꞈ-ahˇ gʼeu tehˬ-awˇ, “Ngaˬ nehˬ-ehˇ yuꞈ laˇ-awˬ” lehˇ ehˇ nehˬ-euˬ meh.

Yeˬsaˬgeˬlaˇ 18:6

Iˇsaˬleˬlaˆ tsawˇ haˬ deuˬ-euˬ tahˬ pahˬ aˬ ma mawˇ kawˇ deuˬ-ahˇ aˬ yawꞈ uˬ duˬ maˬ tahˬ-ehˇ, gawˬ jawˬ gawˬ duˇ doe ni jaˆ-eu uˬ duˬ tahˬ-eu jawˇ duˬ-ahˇ lawˇ-eu dzaˇ aˬ yawꞈ maˬ dzaˬ-eu uˬ taꞈ, aˬ cawˬ-euˬ miˬ zaˬ-ahˇ maˬ bahˬ-ehˇ, ba la mawˇ luꞈ-eu zaˬ miˬ zaˬ nehˬ-ehˇ aˬ yawꞈ maˬ yuꞈ taꞈ-a.

Yeˬsaˬgeˬlaˇ 33:26

Naw maꞈ yawˬ ha-euˬ mi cehˇ-ahˇ nui ma huiˬ-eu meh. Naw maꞈ-euˬ dehꞈ jeˬ dehꞈ kawˆ nui daˆ daˆ laˇ paˬ-ehˇ gʼeh-eu meh. Yawˬ gʼaˬ na luꞈ aˬ cawˬ-euˬ miˬ sawˇ yo zaˬ nehˬ-ehˇ bahˬ-euˬ meh. Miˇ kʼahˬ heu naw maꞈ-euˬ ma lehˇ aˬ joˆ-ehˇ noeˬ kmˬ-euˬ nya’ lehˇ ehˇ-eu meh lehˇ ehˇ nehˬ-awˬ.

Uˬ duˬ 18:6

Zahˇ sahˇ kʼoꞈ heu deuˬ-aˬ, Sahˬpaˬ Miˬyehˇ neh biꞈ-euˬ zahˇ sahˇ kʼoꞈ deuˬ meh. Yawˬ ha-euˬ aˬ yuiꞈ aˬ nyiˇ tsaˬ-eu tsawˇ haˬ nehˬ-ehˇ maˬ ya yuꞈ taꞈ-a.