Yeˬsaˬgeˬlaˇ 21:6 - Akha

⁶ “Tsawˇ haˬ zaˬ-oˇ, noeˬ shaˬ-awˇ nui ma tsawˬ paˆ iˇ-eu loꞈ-ehˇ mahˇ-awˬ. Tsawˇ haˬ yawˬ gʼaˬ na luꞈ mawˇ nya gaˇ noeˬ shaˬ-awˇ mahˇ mahˇ-ehˇ jawˇ-awˬ.

Yeˬsaˬgeˬlaˇ 21:6 Referans Kwoze

Yeˬsaˬgeˬlaˇ 6:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˬ-euˬ aˬ laꞈ yeuꞈ pyawˆ-awˇ, nawˬ-euˬ aˬ kuiˇ-ahˇ tsawˬ nawˬ nawˬ-awˬ. Iˇsaˬleˬlaˆ tsawˇ haˬ deuˬ neh kʼaˇ mˇ-euˬ nui daˆ daˆ laˇ paˬ-ehˇ gʼeh-eu yaw haiˬ jeˬ gʼaˇ duˬ noeˬ shaˬ-awˇ ngoeˇ-awˬ. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ aˬ yawꞈ maꞈ ya shiˇ meh.

Iˇsaˬyaˇ 22:4

Kʼoeˇ miˇ neh ngaˬ-ahˇ maˬ haw cawˬ laˇ ni, tiˬ gʼaˬ tehꞈ-ehˇ bi ngoeˇ nehˬ laꞈ. Shiˇ dzeuˇ-euˬ ngaˬ-euˬ tsawˇ haˬ deuˬ gʼaˇ duˬ, ngaˇ shaˬ zahˬ mˇ-awˇ ngoeˇ luꞈ ngeh, ngaˬ-ahˇ muˇ taˬ-eu lehˇ taˬ gʼeh.

Haˬbaˬkuˆ 3:16

Gaˇ kawˆ kʼoeˇ ngaˇ ya gaˬ gʼaˬ ngeh, gʼawˇ mawˇ mawˇ lah yaw dzuˬ dzuˬ-awˇ, mehˬ luˬ mehˬ ma shaˬ dehꞈ dehꞈ nya. Shaˬ yoeˬ shaˬ laꞈ peuˬ-iˇ jiˇ-awˇ, kuiˇ toꞈ yaˇ laˇ jiˇ-euˬ miˇ-a. Ngaˬ-ahˇ guiˇ deuˆ le-eu deuˬ-ahˇ, Miˬyehˇ kʼehˬ nehˬ-eu aˇ nah-ahˇ, ciˬ cuˇ ni ngaˇ dawˬ luꞈ-eu ma.

Naˬhmˬ 2:10

Niˇnaˬbeˬ meuˬ laˆ cawˆ jiˇ-awˇ, geuꞈ-eu tiˬ pawꞈ-iˬ maˬ ahˇ-a. Nui ma ga ka byoˆ taˬ jiˇ-awˇ, pawˬ tsuiꞈ yaw dzuˬ dzuˬ jiˇ-euˬ meh. Gʼaˬ tiˬ pawꞈ-iˬ maˬ paˇ ahˇ-ehˇ, myaˆ pyawˬ-ahˇ shiˬ maˬ paˇ dahˬ meh.

Daˬyeˬlaˇ 8:27

Ngaˇ Daˬyeˬlaˇ nui ma gʼaˬ baˬ dui dui-iˇ-awˇ, gʼawˬ mya nah jawˇ saˇ maˬ doˆ ni jawˇ-euˬ ma. Kʼoeˇ naˇ, ngaˇ paˇ tuˇ laˇ-awˇ, sahˬ paˬ-euˬ gaˇ paˇ mˇ daˆ leꞈ-euˬ ma. Ehˇ kʼawꞈ, ngaˬ neh yaw sahˇ laꞈ kʼoeˇ ya siˬ ya mawˇ-euˬ jeˬ-ahˇ noeˬ-eu nui ma maˬ byoˆ-iˇ-ehˇ, gaˇ kawˆ kʼoeˇ maˬ noeˬ shaw nya ni jawˇ-euˬ ma.”

Daˬyeˬlaˇ 5:6

Aˬ yawꞈ-euˬ myaˆ pyawˬ pyuˇ pya ni pyeuꞈ-iˇ-awˇ, guˆ dui dui-iˇ-euˬ miˇ neh, aˬ kuiˇ pawˬ tsuiꞈ yaw dzuˬ dzuˬ-eu meh.

Yeˬsaˬgeˬlaˇ 37:20

“Daˇ kawˬ kʼoeˇ nyiˬ kawˬ nawˬ-euˬ aˬ laꞈ-ahˇ tuˆ tehˬ taˬ-euˬ aˬ yawꞈ maꞈ-ahˇ bi mawˇ-awˬ.

Yeˬsaˬgeˬlaˇ 21:12

Tsawˇ haˬ zaˬ-oˇ, guˇ-awˇ ngoeˇ-awˬ. Ngaˬ-euˬ tsawˇ haˬ deuˬ sehꞈ-eu lehˇ, mi cehˇ heu lehˬ hmˬ taˬ-euˬ ma. Iˇsaˬleˬlaˆ sahˬ paˬ deuˬ-ahˇ sehꞈ-eu lehˇ lehˬ hmˬ taˬ-euˬ ma. Ngaˬ-euˬ tsawˇ haˬ kʼoeˇ deuˬ nehˬ-ehˇ, sahˬ paˬ deuˬ bi sehꞈ caw jiˇ ma. Nui ma cawˆ-awˇ kʼahˬ-ahˇ teˇ-awˬ.

Yeˬsaˬgeˬlaˇ 9:4

“Yeˬluˇsaˬlehˬ meuˬ uˇ doe-awˇ, meuˬ laꞈ kʼoeˇ jawꞈ dui dui-eu jeˬ mˇ-euˬ baˬ da neh, nui ma cawˆ-awˇ noeˬ shaˬ noeˬ zahˬ luꞈ-eu tsawˇ haˬ yawˬ gʼaˬ na luꞈ-euˬ naˇ kʼawˇ-ahˇ, tsaˬ tsoˆ taˬ-iˇ-awˬ.”

Yeˬsaˬgeˬlaˇ 4:12

Tsawˇ haˬ zaˬ-euˬ keˬ keˬ gaˆ koˆ-iˇ-euˬ miˬ dzaˬ gʼoˆ doꞈ-awˇ, kʼoeˇ-euˬ kʼoeˇ taˆ hawˬ tahˬ ba jaꞈ-awˇ, tsawˇ haˬ yawˬ gʼaˬ na luꞈ mawˇ gaˇ nawˇ ya dzaˬ meh.”

Yeˬlaˬmiˇ 30:6

Yaw muiˬ paˬ-ehˇ shaˇ noeˬ duˬ sheˇ. Kʼaˬ dzeˇ zaˬ zaˬ baw nya ta loˇ. Toˆ-ehˇ maˇ-iˬ, aˬ jeˬ miˇ neh kʼaˬ dzeˇ zaˬ deuˬ, zaˬ miˬ zaˬ zaˬ baw ngeh loꞈ-ehˇ, uꞈ maˆ-ahˇ dehˬ tehˬ-awˇ jawˇ ta. Aˬ jeˬ miˇ neh yawˬ gʼaˬ na luꞈ pyuˇ pya ni pyeuꞈ luꞈ ta.

Yeˬlaˬmiˇ 19:10

Kʼoeˇ naˇ, “Ngaˬ nehˬ-ehˇ iˇ-euˬ tsawˇ haˬ deuˬ mehˬ shi, ciˬ cuˇ pyehˬ ka-awˇ bi ga paˆ-awˬ” lehˇ, Sahˬpaˬ Miˬyehˇ ngaˬ-ahˇ ehˇ-eu meh.

Yeˬlaˬmiˇ 4:19

Shaˬ zahˬ naꞈ-eu shaˬ zahˬ, shaˬ zahˬ maˬ daˬ coeˇ nya. Nui ma cehˇ tahˬ, nui ma cehˇ tahˬ, ciˬ cuˇ ni maˬ dzahˬ tehˬ coeˇ nya. Daˇ heh teˇ saˇ hawˇ-eu, guiˇ deuˆ-eu teˇ saˇ gaˬ laˇ nya.

Iˇsaˬyaˇ 21:3

Kʼoeˇ baˬ da neh ngaˬ-euˬ gʼawˇ mawˇ laꞈ kʼoeˇ, zaˬ baw doˆ-eu shaˬ-eu loꞈ-ehˇ, naˇ dui gawˇ dui dui nya.

Iˇsaˬyaˇ 16:11

Mawˇbaˆ miˇ kʼahˬ gʼaˇ duˬ ngaˇ tsawˇ ngoeˇ ngoeˇ-awˇ, Kiˇlaˆheˬyehˆ meuˬ gʼaˇ duˬ ngaˇ shaˬ zahˬ mˇ-eu ma.

Yeˬsaˬgeˬlaˇ 21:5

Sahˬpaˬ Miˬyehˇ pyeuꞈ-eu ngaˇ mi cehˇ gʼawˇ doˆ-awˇ, tawˆ kʼawˆ laꞈ kʼoeˇ maˬ paˇ soeˬ ahˇ kʼoꞈ ngaˇ lehˇ, yawˬ gʼaˬ na luꞈ ya siˬ duˬ tehꞈ-a.

Yeˬsaˬgeˬlaˇ 21:7

Aˬ jeˬ miˇ neh teu loꞈ-ehˇ mahˇ te lehˇ aˬ yawꞈ maꞈ nawˬ-ahˇ naˇ haˬ laˇ naˇ, gaˇ kawˆ gaˬ le-eu maˬ muiˬ-eu miˇ neh mahˇ-eu ma lehˇ ehˇ nehˬ-awˬ. Aˇ yamˬ kʼoeˇ keuˆ le ngeh, nui ma ga ka jiˇ-awˇ, aˬ laꞈ laꞈ shiˇ shiˇ jiˇ-eu uˬ taꞈ, nui ma cawˆ dui dui-awˇ pawˬ tsuiꞈ gʼaˬ maˬ ahˇ ni pyeuꞈ-iˇ tehꞈ-a. Aˇ yamˬ kʼoeˇ keuˆ le luꞈ meh. Aˬ diˇ aˬ maˇ keuˆ le meh lehˇ ehˇ nehˬ-awˬ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh,

Yeˬsaˬgeˬlaˇ 32:18

“Tsawˇ haˬ zaˬ-oˇ, Iˇjiˇtuˆ tsawˇ haˬ deuˬ gʼaˇ duˬ tsawˇ ngoeˇ ngoeˇ-awˬ. Baoˬ huiˬ-eu tsawˇ jeuˬ nui deuˬ nehˬ-ehˇ tiˬ kʼawˆ loꞈ-ehˇ, aˬ yawꞈ maꞈ-ahˇ shiˇ-eu miˇ kʼahˬ-ahˇ bi keuˆ-iˇ-awˬ.