Yeˬsaˬgeˬlaˇ 21:3 - Akha

³ Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Naw maꞈ-ahˇ ngaˇ muiˇ-eu ma. Mi cehˇ gʼawˇ doˆ-awˇ, tsawˇ muiˬ tsawˇ doeˇ maˬ tseˇ ni naw maꞈ dawˬ tawˆ luꞈ-ahˇ sehꞈ ma.

Yeˬsaˬgeˬlaˇ 21:3 Referans Kwoze

Yeˬlaˬmiˇ 21:13

Deh ga gʼahˇ ceh jaˆ-eu lo guˇ loꞈ-ehˇ, Yeˬluˇsaˬlehˬ meuˬ nawˇ deh kʼawꞈ kʼoeˇ taˆ, yaw goˇ-ahˇ nuiˇ luꞈ meh. Ehˇ kʼawꞈ, nawˬ-ahˇ ngaˇ guiˇ deuˆ ma. Nawˇ jawˇ gaˇ guiˇ maˬ deuˆ uˇ keuˆ laꞈ nya-aˇ lehˇ, nawˇ nui ma huiˬ-awˇ lmˬ luꞈ meh.

Yawˇbaˆ 9:22

Iˬ baˇ ahˇ-eu maˬ ehˇ, maˬ ahˇ-eu maˬ ehˇ, Miˬyehˇ laˆ cawˆ gaˇ ya daˬ-eu nga.

Naˬhmˬ 3:5

Dawˬ tawˆ kʼoeˇ taˆ Sahˬpaˬ Miˬyehˇ, Niˇnaˬbeˬ-ahˇ heu loˇ ehˇ meh. “Niˇnaˬbeˬ meuˬ-ahˇ ngaˇ kʼehˬ ma. Miˇ tsaˬ tsawˇ jeuˬ dawˬ tawˆ mehˬ shi, nawˬ-ahˇ ngaˇ mehˬ tsoeˬ lehˆ dzeh-awˇ, neˇ myawˆ ni bi shaꞈ dawˇ sehꞈ ma.

Naˬhmˬ 2:13

Dawˬ tawˆ kʼoeˇ taˆ Sahˬpaˬ Miˬyehˇ, Niˇnaˬbeˬ-ahˇ heu loˇ ehˇ meh. “Mahˬ laˆ lawˬ deuˬ ngaˇ keuˬ dzeh-awˇ, yehˇ deuˬ guiˇ bi deuˆ sehꞈ jiˇ ma. Aˬ cawˬ-ahˇ nawˬ neh ceh geuꞈ-euˬ, yawˬ jeˬ na luꞈ ngaˇ yuˇ kʼoꞈ ma. Miˇ tsaˬ kʼoeˇ taˆ nawˇ baoˬ huiˬ-euˬ, kʼawˇ taꞈ kʼawˇ teˇ maˬ paˇ doˆ meh.”

Yeˬsaˬgeˬlaˇ 5:8

Kʼoeˇ miˇ neh, ngaˇ nawˬ-ahˇ muiˇ-eu ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Tsawˇ jeuˬ dawˬ tawˆ luꞈ mehˬ shi, nawˬ-ahˇ ngaˇ yaˇ kʼaˬ daˇ ma.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Zeˬpaˬniˇ 2:12

Suˬdaˬ miˇ kʼahˬ zaˬ deuˬ-ahˇ kʼawꞈ, Sahˬpaˬ Miˬyehˇ sehꞈ dzeh tehꞈ-a.

Yeˬsaˬgeˬlaˇ 26:3

“Nymˬ-mˇ poˆ jawˇ-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Duˇlu meuˬ-oˇ, ngaˇ nawˬ-ahˇ muiˇ-eu ma. Tsawˇ jeuˬ gʼawˬ mya jeuˬ nawˬ-ahˇ guiˇ bi deuˆ le ma. Iˬ ma laˆ shaˆ iˇ luˆ dzeh-eu loꞈ-ehˇ aˬ yawꞈ maꞈ oe tehꞈ-a.

Yeˬsaˬgeˬlaˇ 21:19

“Tsawˇ haˬ zaˬ-oˇ, Baˬbuˇloˬ sahˬ paˬ-euˬ mi cehˇ oe nya-eu gaˇ ma nyiˬ kahˇ tsaˬ tsoˆ taˬ-awˬ. Gaˇ ma nyiˬ kahˇ luꞈ miˇ kʼahˬ aˬ yawꞈ tiˬ kʼahˬ-ahˇ neh dahˇ doˆ laꞈ-awˇ, gaˇ ma dahˇ paˆ-iˇ-euˬ gaˇ tsmˇ-ahˇ gaˇ ma toeˬ mehˬ-eu sahˬ boꞈ boꞈ myahˬ taˬ-awˬ.

Yeˬsaˬgeˬlaˇ 14:21

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Doeˇ dui dui-eu kʼehˬ-eu kʼaˆ-eu oeˬ jeˬ pyeuꞈ-eu, guiˇ deuˆ-eu, mehꞈ-eu shuꞈ-eu, jeˬ zaˬ yaw haiˬ deuˬ hawˇ-eu, naˇ-eu gawˇ-eu heu oeˬ jeˬ Yeˬluˇsaˬlehˬ meuˬ kʼoeˇ taˆ ngaˇ bi keuˆ le-awˇ, tsawˇ haˬ hawˇ-eu jeˬ zaˬ deuˬ bi shiˇ ma.

Yeˬsaˬgeˬlaˇ 14:17

“Maˬ ngeuˇ naˇ, miˇ kʼahˬ kʼoeˇ kʼahˬ kʼoeˇ taˆ guiˇ deuˆ-eu jeˬ bi keuˆ le-awˇ, tsawˇ haˬ hawˇ-eu jeˬ zaˬ deuˬ bi sehꞈ cuˆ-eu gʼaˇ duˬ, laˆ sehꞈ laˆ naˇ-eu keu ka deuˬ bi hehˇ ahˇ leꞈ ma.

Yeˬsaˬgeˬlaˇ 5:12

Nawˬ-euˬ tsawˇ haˬ smˬ bymˇ tiˬ bymˇ-aˬ, naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ baˬ da neh meuˬ laꞈ kʼoeˇ ya shiˇ tehꞈ-a. Smˬ bymˇ tiˬ bymˇ-aˬ, meuˬ-euˬ laꞈ nyiˇ mi cehˇ neh bi sehꞈ tehꞈ-a. Dzeˇ-eu smˬ bymˇ tiˬ bymˬ-ahˇ jaˬ lehˇ laꞈ kʼoeˇ byaˆ dzeh-awˇ, ngaˬ-euˬ mi cehˇ neh caw teh ma.

Yeˬlaˬmiˇ 51:25

Baˬbuˇloˬ -oˇ, nawˇ-aˬ, miˇ tsaˬ dawˬ tawˆ luꞈ-ahˇ laˆ cawˆ-euˬ gawˬ jawˬ-ahˇ duˇ-eu meh. Ehˇ kʼawꞈ, Sahˬpaˬ Miˬyehˇ pyeuꞈ-eu ngaˇ nawˬ-ahˇ muiˇ-eu ma. Ngaˇ nawˬ-ahˇ tsuˆ-awˇ, miˇ tsa tuˆ ni yaˆ di nehˬ-awˇ, kʼaˬ lehˇ tehꞈ-ehˇ bi jaˆ yaꞈ ma.

Yeˬlaˬmiˇ 51:20

Sahˬpaˬ Miˬyehˇ ehˇ-eu, “Baˬbuˇloˬ nawˇ ngaˬ-euˬ diˬ puˬ pyeuꞈ-awˇ, ngaˬ-euˬ guiˇ deuˆ-eu keu ka ma. Miˇ kʼahˬ tsawˇ jeuˬ-ahˇ laˆ cawˆ-eu gʼaˇ duˬ, nawˬ-ahˇ ngaˇ zmˬ-euˬ ma.

Yeˬlaˬmiˇ 50:31

“Baˬbuˇloˬ miˇ kʼahˬ-oˇ, nawˇ-aˬ, nui ma huiˬ dui mahˇ dui dui-eu meh. Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu ngaˇ, Baoˬ huiˬ-eu Sahˬpaˬ Miˬyehˇ-aˬ, nawˬ-ahˇ muiˇ-eu ma. Ngaˇ nawˬ-ahˇ kʼehˬ nehˬ kʼaˆ nehˬ-eu aˇ nah keuˆ le-euˬ meh.

Iˇsaˬyaˇ 34:5

Mˬ taˆ Sahˬpaˬ Miˬyehˇ mi cehˇ sheu doˆ leꞈ-awˇ, aˬ yawꞈ laˆ cawˆ ma lehˇ noeˬ duˬ taˬ-euˬ deuˬ jawˇ luꞈ-eu, Eˬdoˬ meuˬ-ahˇ deuˆ le tehꞈ-a.

Iˇsaˬyaˇ 10:5

Aˬshuˇliˆ miˇ kʼahˬ-aˬ, ngaˬ-euˬ daˇ cuiˇ ma. Ngaˇ nui ma pehˇ ngeh diˬ-eu diˬ duˇ ma.

Dawˬ tsoˆ 9:2

Dawˬ tawˆ luꞈ aˬ yawꞈ tiˬ gaˇ shiˇ leˇ-eu tehꞈ meh. Tsawˇ muiˬ tsawˇ doeˇ maˬ ehˇ, yaw sui yaw dawˇ hawˇ-eu yaw haiˬ maˬ ehˇ, yaw muiˬ yaw shawˇ hawˇ-eu maˬ muiˬ maˬ shawˇ-eu tsawˇ haˬ maˬ ehˇ, Miˬyehˇ-ahˇ lawˇ-eu shehˇ-eu tsawˇ haˬ hawˇ-eu maˬ lawˇ maˬ shehˇ-eu tsawˇ haˬ maˬ ehˇ, dawˬ tawˆ luꞈ aˇ saˬ saˬ leˇ duˬ tiˬ tsahˇ tehꞈ meh. Tsawˇ muiˬ kʼawꞈ iˬ baˇ zaˬ taꞈ-ehˇ maˬ dzehˬ-a. Miˬyehˇ-ahˇ saˇ jaˇ dzaˬ-eu tsawˇ haˬ hawˇ-eu saˇ jaˇ maˬ dzaˬ-eu tsawˇ haˬ beu gaˇ duˬ maˬ jaˆ-a.

Jaceuq 17:13

Sahˬpaˬ Miˬyehˇ-oˇ, oe-awˬ. Muiˇ-eu deuˬ-ahˇ deuˆgʼaˬle-awˬ. Nawˬ-euˬmi cehˇneh deuˆle-awˇ, ngaˬ-euˬsaꞈlaˇka kʼoꞈle-awˬ.

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Uˬ duˬ 26:25

Ngaˬ nehˬ-ehˇ dzaˬ taˬ-euˬ saˇ jaˇ-ahˇ naw maꞈ puiˬ-eu miˇ neh, naw maꞈ kʼoeˇ taˆ guiˇ deuˆ-eu jeˬ bi keuˆ le-awˇ, naw maꞈ-ahˇ ngaˇ kʼehˬ ma. Naw maꞈ-euˬ meuˬ deuˬ laꞈ kʼoeˇ naw maꞈ uiˬ leˇ-awˇ jawˇ ngeh, maˬ laˆ taˬ nya-eu naˇ gawˇ deuˬ naw maꞈ kʼoeˇ taˆ bi keuˆ le-awˇ, naw maꞈ-ahˇ muiˇ-eu deuˬ-euˬ laꞈ-ahˇ, naw maꞈ ya ahˇ leˇ tehꞈ-a.

Doˆ-iˇ 15:9

Muiˇ-eu deuˬ ehˇ-eu, ‘Aˬ yawꞈ maꞈ-ahˇ ngaˇ teh-awˇ teh mi ma. Aˬ yawꞈ maꞈ-euˬ pyuˇ shuiˇ myawˬ gahˬ dehˬ biˇ-awˇ, ngaˇ kʼaˇ geuꞈ mawꞈ-eu jeˬ yuˇ ma. Ngaˬ-euˬ mi cehˇ ngaˇ gʼawˇ doˆ-awˇ, aˬ yawꞈ maꞈ kʼaˇ ahˇ-eu jeˬ yuˇ jiˇ ma.’

Iˇsaˬyaˇ 57:1

Tsawˇ muiˬ deuˬ shiˇ-euˬ gaˇ, noeˬ keuˆ-eu tsawˇ haˬ maˬ jawˇ-a. Ehˇ kʼawꞈ, aˬ yawꞈ maꞈ shiˇ ngeh jawˇ, guˆ-eu gaˆ-eu jeˬ maˬ laˆ tsoeˬ nya-a.

Yeˬsaˬgeˬlaˇ 13:8

Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ aˬ yawꞈ maꞈ-ahˇ heu loꞈ-ehˇ ehˇ-eu meh. “Naw maꞈ neh ngehˬ-euˬ dawˬ maˬ tsaˬ-ehˇ, naw maꞈ neh yaw sahˇ laꞈ kʼoeˇ ya siˬ ya mawˇ-euˬ jeˬ-aˬ, jaˬ myawꞈ myawꞈ-eu jeˬ pyeuꞈ-eu miˇ neh, naw maꞈ-ahˇ ngaˇ muiˇ-eu ma.

Yeˬsaˬgeˬlaˇ 29:10

Nawˇ hawˇ-eu nawˬ-euˬ Niˬlaˇ lawˇ baˬ-ahˇ ngaˇ muiˇ-eu ma. Laꞈ taˆ paw Miˇgaˬdawˇlaˆ meuˬ-ahˇ neh, laꞈ oˆ paw Aˬsaˬgʼawˬ meuˬ-ahˇ keuˆ ni, Suˬdaˬ miˇ kaˬ-ahˇ iˇ-eu gaˇ ma doˆ coˆ-ehˇ, Iˇjiˇtuˆ miˇ kʼahˬ kʼahˬ lah ni bi cawˆ-iˇ ma.

Jaceuq 80:17

Nawˬ neh tseˇ doˆ-awˇ bi huiˬ bi mahˇ laˇ-euˬ tsawˇ jeuˬ-ahˇ bo saˆ haw piˇ nehˬ-awˬ.

Jaceuq 83:15

Nawˬ-euˬ mˬ jeˬ jaˬ lehˇ neh aˬ yawꞈ maꞈ-ahˇ teh byoˆ-awˇ, guˆ laˇ paˬ-ehˇ gʼeh-eu jaˬ lehˇ lehˇ ma neh laˆ guˆ nehˬ-awˬ.

Yeˬlaˬmiˇ 17:27

Ehˇ kʼawꞈ, aˬ yawꞈ maꞈ ngaˬ-euˬ ehˇ dawˬ ya naˇ haˬ-awˇ, jawˇ nah-ahˇ nah muiˬ nah shawˇ aˇ nah loꞈ-ehˇ ya lah ya daw tehꞈ-a. Jawˇ nah ngeh nah-ahˇ Yeˬluˇsaˬlehˬ meuˬ-euˬ lahˇ kʼehˬ deuˬ laꞈ kʼoeˇ myawˬ sha doˆ sha ahˇ-eu jeˬ maˬ ya mˇ-a. Aˬ yawꞈ maꞈ kʼoeˇ loꞈ-ehˇ jahˇ naˇ, Yeˬluˇsaˬlehˬ meuˬ-euˬ lahˇ kʼehˬ deuˬ-ahˇ ngaˇ miˬ dzaˬ keuˬ dzeh-awˇ, miˬ dzaˬ kʼoeˇ Yeˬluˇsaˬlehˬ meuˬ laꞈ kʼoeˇ jaˆ-eu sahˬ paˬ-euˬ nymˇ deuˬ-ahˇ puiˆ-awˇ, tiˬ gʼaˬ-iˬ maˬ laˆ miˇ nya ni puiˆ dzaˬ jiˇ tehꞈ-a.”

Yeˬlaˬmiˇ 21:14

Ehˇ kʼawꞈ, nawˬ neh mˇ-euˬ jeˬ-ahˇ geuˇ ni, nawˬ-ahˇ ngaˇ kʼehˬ nehˬ ma. Nawˬ-euˬ sahˬ paˬ jawˇ-eu nymˇ-ahˇ ngaˇ miˬ dzaˬ keuˬ puiˆ-awˇ, dzawˬ gui dzawˬ nya yawˬ jeˬ na luꞈ bi puiˆ dzaˬ jiˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 24:9

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ luꞈ-eu meh. “Tsawˇ haˬ sehꞈ-eu meuˬ kʼoeˇ taˆ noeˬ shaˬ noeˬ zahˬ-eu jeˬ keuˆ le tehꞈ-a. Ngaˇ miˬ dzaˬ geu daˆ nehˬ ma.

Aˬmoˆ 5:6

Sahˬpaˬ Miˬyehˇ jawˇ gaˇ le-awˬ. Naw maꞈ yaw dehꞈ ya dehꞈ tehꞈ-a. Naw maꞈ aˬ yawꞈ jawˇ gaˇ maˬ le naˇ, Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, miˬ dzaˬ jehˆ bymˇ bymˇ ma loꞈ-ehˇ aˬ yawꞈ ga le tehꞈ-a. Miˬ dzaˬ kʼoeˇ Beˬdeˬlaˇ meuˬ-ahˇ jawˇ-eu deuˬ-ahˇ puiˆ dzaˬ-awˇ, tiˬ gʼaˬ-iˬ maˬ laˆ miˆ nya ni doꞈ tehꞈ-a.

Aˬmoˆ 7:4

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-aˬ, yaw sahˇ laꞈ kʼoeˇ ngaˬ-ahˇ heu loꞈ-ehˇ paˇ bi mawˇ laꞈ-euˬ meh. Aˬ yawꞈ-euˬ tsawˇ haˬ deuˬ-ahˇ miˬ dzaˬ neh kʼehˬ nehˬ kʼaˆ nehˬ-eu lehˇ aˬ yawꞈ lehˬ hmˬ luꞈ-eu meh. Miˇ tsaˬ dawˬ dah jaˆ-eu iˬ ma laˆ shaˆ-ahˇ miˬ dzaˬ puiˆ dzaˬ-awˇ, miˇ tsaˬ-ahˇ doꞈ nyawˬ-euˬ meh.