Yeˬsaˬgeˬlaˇ 21:23 - Akha

²³ Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-aˬ, saˇ jaˇ dzaˬ taˬ-euˬ jaˆ-eu miˇ neh, kʼoeˇ loꞈ-ehˇ pyeuꞈ laˇ tehꞈ-a lehˇ maˬ jah-a. Ehˇ kʼawꞈ, gaˇ kawˆ kʼoeˇ aˬ yawꞈ maꞈ neh mˇ dzeuˇ-euˬ iˬ baˇ-ahˇ bi noeˬ doˆ leˇ-awˇ, aˬ yawꞈ maꞈ-ahˇ aˬ cawˬ nyehꞈ tehꞈ-a lehˇ bi siˬ-eu tiˬ jeˬ meh.

Yeˬsaˬgeˬlaˇ 21:23 Referans Kwoze

Bawˇtsahˬ 5:15

Heu loꞈ-ehˇ gʼeh-eu gaˇ kawˆ doˆ laˇ naˇ, kʼaˬ dzeˇ zaˬ gʼaˬ yawˬ ha-euˬ miˬ zaˬ-ahˇ piˇ ma jawˇ gaˇ ya sheuˬ gʼeh meh. Lawˇ-eu gʼaˇ duˬ loˬ-eu lawˬ loeˇ cehˇ meu tiˬ pehˬ kʼawꞈ aˬ yawꞈ ya yuˇ gʼeh meh. Ehˇ kʼawꞈ, kʼoeˇ-euˬ kʼoeˇ taˆ, saˬ loˬ tsiˇ maˬ ehˇ, yaw saw jeˬ maˬ ehˇ, maˬ ya dawˆ daˆ-a. Aˬ jeˬ miˇ neh ehˇ naˇ, kʼoeˇ-aˬ, yawˬ ha-euˬ miˬ zaˬ-ahˇ noeˬ bahˬ luꞈ-eu kʼaˬ dzeˇ zaˬ tiˬ gʼaˬ neh, yaw tsaˬ yaw dawˇ jeˬ bi doˆ laˇ-eu gʼaˇ duˬ lawˇ-euˬ jeˬ pyeuꞈ-eu meh.

Yeˬsaˬgeˬlaˇ 29:16

Iˇsaˬleˬlaˆ miˇ kʼahˬ kʼawꞈ, aˬ yawꞈ maꞈ-ahˇ maˬ gʼoe ni pyeuꞈ-iˇ tehꞈ-a. Iˇjiˇtuˆ miˇ kʼahˬ kʼoeˇ loꞈ-ehˇ pyeuꞈ-iˇ-euˬ baˬ da neh, Iˇjiˇtuˆ miˇ kʼahˬ-ahˇ nui ma huiˬ-euˬ lehˬ dui dui law hawˇ ngaˬ lehˇ, Iˇsaˬleˬlaˆ miˇ kʼahˬ-ahˇ siˬ leˇ tehꞈ-a. Kʼoeˇ ngeh jawˇ, ngaˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu gaˇ kawˆ, Iˇsaˬleˬlaˆ tsawˇ jeuˬ-ahˇ siˬ duˬ leˇ tehꞈ-a.”

Yeˬsaˬgeˬlaˇ 21:24

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Naw maꞈ-euˬ iˬ baˇ bya cehˆ ni doˆ laˇ taˬ-euˬ meh. Naw maꞈ iˬ baˇ aˇ naˆ ni ahˇ-eu tsawˇ haˬ yawˬ gʼaˬ na luꞈ siˬ nya jiˇ meh. Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, naw maꞈ-euˬ iˬ baˇ bya cehˆ ni mawˇ laˇ meh. Naw maꞈ kʼoeˇ loꞈ-ehˇ mˇ-euˬ baˬ da neh, muiˇ-eu deuˬ neh bi nyehꞈ byoˆ gʼeh tehꞈ-a.

Panmaeq 16:19

Huiˬ dui dui-eu meuˬ kʼoeˇ meuˬ smˬ paˆ luˆ paˆ dzeh-awˇ, miˇ kʼahˬ yawˬ kʼahˬ na luꞈ laꞈ kʼoeˇ kʼaˇ jaˆ-eu meuˬ dawˬ tawˆ luꞈ cawˆ jiˇ-euˬ meh. Baˬbuˬloˬ meuˬ-ahˇ Miˬyehˇ maˬ ngehˇ-ehˇ, yawˬ ha-euˬ kʼmˬ maˬ-ahˇ dahˬ-eu aˬ gaꞈ dzaˇ uiˇ yawˬ haˇ yawˬ ha bi dawˇ-euˬ meh. Aˬ gaꞈ dzaˇ uiˇ kʼoeˇ-aˬ, aˬ yawꞈ-euˬ nui ma pehˇ-eu jeˬ pyeuꞈ-eu meh.

Yeˬsaˬgeˬlaˇ 12:22

“Tsawˇ haˬ zaˬ-oˇ, aˬ jeˬ miˇ neh Iˇsaˬleˬlaˆ tsawˇ haˬ deuˬ, ‘Aˇ yamˬ dzeuˇ kʼawꞈ ehˇ taˬ-euˬ dawˬ maˬ byah laˇ nga’ lehˇ daˬ taˬ-euˬ dawˬ daˬ-ahˇ ehˇ poˆ poˆ poˆ-ehˇ jawˇ ta.

Yeˬsaˬgeˬlaˇ 11:3

Aˬ yawꞈ maꞈ heu loꞈ-ehˇ ehˇ luꞈ meh. ‘Gʼawˬ myahˇ maˬ gʼeh-ehˇ, aˬ dui nymˇ paˇ ya tsoˆ tehꞈ-a. Meuˬ heu meuˬ-aˬ, gʼawˬ nyoeˇ oeˬ lahˬ-ahˇ duˇ-awˇ aˬ dui-aˬ, oeˬ lahˬ laꞈ kʼoeˇ ahˇ-eu shaˬ jiˇ-ahˇ duˇ-eu ma. Ehˇ kʼawꞈ, oeˬ lahˬ laꞈ kʼoeˇ ahˇ-eu miˇ neh, aˬ dui-ahˇ miˬ dzaˬ puiˆ laˇ gaˇ maˬ keuˆ-a’ lehˇ ehˇ luꞈ meh.

2 Laˬsaˬbaˬ 36:13

Zeˬdaˬkiˇ-aˬ, aˬ yawꞈ-ahˇ guˆ tsiˬ nyehꞈ-awˇ Miˬyehˇ-euˬ tsawˇ myahˇ uˬ moˆ saˇ jaˇ bi dzaˬ-euˬ gʼaˬ pyeuꞈ-eu Neˬbuˬkaˬneˬzaˬ-ahˇ puiˬ-euˬ meh. Aˬ yawꞈ iˬ baˇ noeˬ poˆ-euˬ maˬ baw ni nui ma gʼahˇ dui dui-eu laꞈ kʼoeˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw maˬ gʼoꞈ leˇ ni dehꞈ-euˬ meh.

2 Sahˬpaˬ 24:20

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ hawˇ-eu, Yuˇdaˆ miˇ kʼahˬ zaˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ taˬ-euˬ miˇ neh, aˬ yawꞈ maˬ mawˇ gaˇ bi iˇ byoˆ gʼeh-euˬ meh.

1 Sahˬpaˬ 17:18

Miˬ coeˬ miˬ ma kʼoeˇ gʼaˬ Eˇliˇyaˆ-ahˇ ehˇ-eu, “Miˬyehˇ-euˬ tsawˇ haˬ-oˇ, aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ iˬ baˇ Miˬyehˇ-ahˇ nawˇ ehˇ noeˬ nehˬ-awˇ, ngaˬ li bi shiˇ-eu lehˇ heu gaˇ laˇ teˬ loˇ.”