Yeˬsaˬgeˬlaˇ 21:21 - Akha

²¹ Baˬbuˇloˬ sahˬ paˬ-aˬ, gaˇ ma gaˇ tsmˇ-ahˇ gaˇ ma toeˬ mehˬ-eu sahˬ boꞈ boꞈ myahˬ taˬ-euˬ mehˬ shi yawꞈ-awˇ, gaˇ ma aˬ geu kahˇ iˇ paˬ nga lehˇ, kaˆ myaˬ joˆ poˆ haw, aˬ yawꞈ-euˬ tahˬ pahˬ aˬ ma mawˇ kawˇ deuˬ-ahˇ naˇ haˬ haw, lawˇ-eu gʼaˇ duˬ sehꞈ-euˬ jeˬ zaˬ-euˬ shaˬ tsahˬ-ahˇ haw, lehˇ jahˇ luꞈ meh.

Yeˬsaˬgeˬlaˇ 21:21 Referans Kwoze

Dawqdaq 16:33

Tsawˇ haˬ zaˬ ja maw maw nya kʼawꞈ, yaw muiˬ yaw doeˇ jahˇ tsehˆ-eu jeˬ, Miˬyehˇ-euˬ laꞈ-ahˇ jaˆ-eu meh.

Yaˇ kʼaˬ daˇ 18:20

Kʼoeˇ ngeh, piˇ ma kʼoeˇ gʼaˬ laˬ kʼaˬ cehˇ-eu laꞈ kʼoeˇ, muiˬ-eu shawˇ-eu mˇ myawˬ kʼoeˇ deuˬ yuˇ-awˇ, aˬ yawꞈ maꞈ nehˬ-ehˇ iˇ gʼeh-euˬ meh.

Yaˇ kʼaˬ daˇ 17:5

Miˇkaˬ lehˇ kuˇ-eu tsawˇ haˬ heu gʼaˬ-aˬ, aˬ yawꞈ-euˬ uˬ duˬ tahˬ-eu jawˇ duˬ jaˆ-eu meh. Tahˬ pahˬ aˬ ma mawˇ kawˇ deuˬ hawˇ-eu piˇ ma-euˬ pehˇ kʼahˬ tiˬ kahˇ aˬ yawꞈ guꞈ-awˇ, aˬ yawꞈ-euˬ aˬ li tiˬ gʼaˬ-ahˇ piˇ ma bi geuꞈ-euˬ meh.

Aˇ dahˬ 31:30

Nawˇ iˇ kahˇ-ahˇ aˇ dzehˬ dzeuˇ ni gʼoꞈ-iˇ mawꞈ-eu miˇ neh cehˆ-euˬ nga lehˇ, ngaˇ siˬ nya ma. Ehˇ kʼawꞈ, ngaˬ-euˬ nymˇ jiˇ uˬ duˬ tahˬ luꞈ-eu tahˬ pahˬ aˬ ma mawˇ kawˇ deuˬ-ahˇ, aˬ jeˬ miˇ neh nawˇ kʼoeˬ teˬ.”

Aˇ dahˬ 31:19

Laˬbaˬ yawˇ caꞈ hm tehˬ-iˇ-euˬ kaˬ-ahˇ, Laˬbaˬ-euˬ nymˇ jiˇ uˬ duˬ tahˬ-eu tahˬ pahˬ aˬ ma mawˇ kawˇ deuˬ-ahˇ Laˬkeˬlaˇ kʼoeˬ-euˬ meh.

Gʼaˬkʼehˇ 16:16

Tiˬ nah-aˬ, uˬ duˬ tahˬ-eu jawˇ duˬ-ahˇ nga maꞈ iˇ luꞈ ngeh, ja maw maw nya-eu nehꞈ uˇ-eu aˬ buˇ zaˬ kʼaˆ tiˬ gʼaˬ tahˬ puˬ le-euˬ meh. Aˬ buˇ kʼoeˇ buˇ ja maw maw nehˬ-eu pyuˇ gʼawˬ mya ni za-eu miˇ neh, aˬ yawꞈ-euˬ baw leˬ deuˬ smˇ muiˬ muiˬ laˇ-euˬ meh.

Zaˬkaˬliˇ 10:2

Tahˬ pahˬ, shaˆ ma, nyiˇ paˬ deuˬ-ahˇ, tsawˇ haˬ zaˬ jah-awˇ gʼoe-euˬ kʼawꞈ, kʼaˇ ehˇ kʼaˇ jeˬ yaw lehˬ tehꞈ meh. Yuꞈmaˆ dawˬ tsuiꞈ yuˇ doˆ-eu deuˬ, jaˬ myawꞈ myawꞈ-euˬ loꞈ-ehˇ pyeuꞈ-awˇ, tiˬ jeˬ-iˬ gaˇ dahˇ maˬ tsoeˬ-a. Kʼoeˇ miˇ neh miˇ kʼahˬ zaˬ kʼoeˇ deuˬ, byoˆ-iˇ-euˬ yawˇ yawˇ maꞈ loꞈ-ehˇ, sheuˬ gʼeh nehˬ-eu gʼaˬ maˬ jawˇ ni, cah cah-ehˇ shaˬ gaˇ duˇ-eu meh.

Hawˇseˬ 4:12

Daˇ kawˬ aˇ bawˇ ka tuˇ taˬ gaˇ, kʼaˇ ngeuˇ-eu jeˬ naˇ haˬ leˇ-awˇ, yawꞈ maꞈ kʼaˇ siˬ nya mawꞈ-eu jeˬ, daˇ kawˬ neh bi ehˇ nehˬ-eu meh. Kʼaˬ dzeˇ zaˬ-ahˇ byehˇ dzeh yaꞈ-awˇ, meh maˬ laˇ geuꞈ-iˇ-euˬ loꞈ-ehˇ, yawꞈ maꞈ ngaˬ-ahˇ byehˇ dzeh yaꞈ-awˇ, miˬ yehˇ nui deuˬ-ahˇ jah-euˬ meh.

Hawˇseˬ 3:4

Kʼoeˇ loꞈ-ehˇ duˇ ni, Iˇsaˬleˬlaˆ tsawˇ haˬ deuˬ kʼawꞈ, sahˬ paˬ maˬ baw, aˬ yuiꞈ aˬ tsu maˬ baw ni, lawˇ-eu shehˇ-eu jeˬ maˬ mˇ-ehˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu muiˬ-eu shawˇ-eu kʼaˬ lo kʼawˇ zeuˇ deuˬ kʼawꞈ maˬ bi jaˆ-eu uˬ taꞈ, mah loˬ ja maw mˇ-eu gʼaˇ duˬ tahˬ pahˬ aˬ ma mawˇ kawˇ deuˬ kʼawꞈ maˬ bi jaˆ ni, aˇ yamˬ gʼawˬ myahˇ ni ya dehꞈ meh.

Dawqdaq 21:1

Sahˬ paˬ tiˬ gʼaˬ-euˬ nui ma-ahˇ Sahˬpaˬ Miˬyehˇ uˆ lahˇ-eu-aˬ, lawˇ baˬ iˇ cuꞈ yoeˇ kʼehˬ bi baw-euˬ loꞈ-ehˇ awˬ-eu meh.

Dawqdaq 16:10

Sahˬ paˬ sahˬ ma-ahˇ Miˬyehˇ bi noeˬ doˆ-eu miˇ neh, yaˇ kʼaˬ daˇ-eu maˬ lehˬ maˬ ca-iˇ-a.

2 Sahˬpaˬ 23:24

Piˇ ma yaw huiˬ gʼaˬ pyeuꞈ-eu Hiˇlaˬkiˇ neh Uˬ duˬ tahˬ nymˇ nymˇ ma laꞈ kʼoeˇ mawˇ-euˬ sahˬ boꞈ paˇ yoˆ kʼoeˇ dmˬ laꞈ kʼoeˇ boꞈ taˬ-euˬ gaˇ kawˆ-ahˇ tsaˬ ni, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jawˇ kʼaˇ jaˆ-eu nyiˇ paˬ shaˆ ma deuˬ hawˇ-eu ja maw maw-eu deuˬ maˬ ehˇ, nymˇ kʼahˬ laꞈ kʼoeˇ jaˆ-eu miˬyehˇ deuˬ hawˇ-eu tahˬ pahˬ aˬ ma mawˇ kawˇ deuˬ maˬ ehˇ, lawˇ ciꞈ zaˬ deuˬ uˬ duˬ tahˬ ngeh geuꞈ-euˬ keu ka dawˬ tawˆ luꞈ maˬ ehˇ, sahˬ paˬ Yawˇshiˆ neh biˬ dzeh jiˇ-euˬ meh.

1 Saˬmeuˬlaˆ 15:23

Aˬ yawꞈ-ahˇ puiˬ-eu jeˬ-aˬ, jaˬ nehꞈ pyehˬ-eu naˆ ni doeˇ-awˇ, nui ma gʼahˇ-eu jeˬ-aˬ, miˬ yehˇ nui gʼaˬ-ahˇ uˬ duˬ tahˬ-eu naˆ ni iˬ baˇ huiˬ-eu meh. Sahˬpaˬ Miˬyehˇ-euˬ dawˬ-ahˇ nawˇ byehˇ dzeh-euˬ miˇ neh, nawˬ-ahˇ sahˬ paˬ lehˇ maˬ paˇ sawˇ nehˬ ni, aˬ yawꞈ gʼeh nawˬ-ahˇ byehˇ dzeh-euˬ meh.”

Yaˇ kʼaˬ daˇ 18:24

Miˇkaˬ ehˇ-eu, “Aˬ jeˬ gʼeh-eu guˇ te lehˇ naw maꞈ ngaˬ-ahˇ paˇ naˇ haˬ te loˇ. Ngaˬ-euˬ piˇ ma hawˇ-eu ngaˬ neh jahˇ taˬ-eu miˬ yehˇ deuˬ-ahˇ naw maꞈ yuˇ-awˇ cehˆ-euˬ maˬ ngeuˇ te loˇ. Ngaˇ jawˇ gaˇ aˬ jeˬ paˇ jaˆ yaꞈ taˬ.”

Yaˇ kʼaˬ daˇ 18:18

Tsawˇ haˬ kʼoeˇ deuˬ Miˇkaˬ-euˬ nymˇ-ahˇ uˇ-iˇ-awˇ, daˇ kawˬ-ahˇ pyuˇ yaw taˬ-euˬ tahˬ pahˬ aˬ ma mawˇ kawˇ maˬ ehˇ, tahˬ pahˬ aˬ ma mawˇ kawˇ nui deuˬ maˬ ehˇ, piˇ ma dm-eu pehˇ kʼahˬ maˬ ehˇ, yuˇ ngeh, “Naw maꞈ aˬ jeˬ jahˇ te” lehˇ, piˇ ma kʼoeˇ gʼaˬ aˬ yawꞈ maꞈ-ahˇ ehˇ-eu meh.

Yaˇ kʼaˬ daˇ 18:14

Kʼoeˇ naˇ, Laˬiˇshaˆ meuˬ jawˬ jawˬ-ehˇ pyehˆ tseˇ haw-iˇ-euˬ tsawˇ haˬ kʼoeˇ ngaˬ gʼaˬ aˬ yawꞈ maꞈ-euˬ cawˬ deuˬ-ahˇ ehˇ nehˬ-eu, “Heu gaˇ jaˆ-eu nymˇ heu deuˬ tiˬ nymˇ laꞈ kʼoeˇ, daˇ kawˬ-ahˇ pyuˇ yaw taˬ-euˬ tahˬ pahˬ aˬ ma mawˇ kawˇ tiˬ hmˬ jaˆ-eu naw maꞈ siˬ nya ma loˇ. Kʼoeˇ uˬ taꞈ, tahˬ pahˬ aˬ ma mawˇ kawˇ nui deuˬ hawˇ-eu piˇ ma dm-eu pehˇ kʼahˬ tiˬ kahˇ jaˆ-a siˬ. Aˬ dui maꞈ aˬ joˆ-ehˇ jahˇ nmˇ.”

Dawˬmehˬ 18:10

Yawˬ ha-euˬ aˬ buˇ aˬ li-ahˇ lawˇ duˬ kʼoeˇ taˆ dzah puiˆ-awˇ naw maꞈ maˬ ya lawˇ-a. Ja maw maw-eu maˬ ehˇ, mah loˬ loˬ-eu maˬ ehˇ, nyiˇ paˬ shiˇ-eu maˬ ehˇ, shiˇ dzeuˇ-euˬ tsawˇ haˬ-euˬ yaw sahˇ nehˬ-ehˇ mehˬ bawˬ mˇ-eu maˬ ehˇ, naw maꞈ-euˬ tsawˇ haˬ deuˬ maˬ ya bi jahˇ-a.

Bawˇtsahˬ 23:28

Kʼoeˇ naˇ, bawˇ tsahˬ bawˇ dahˇ dawˬ peh jaˆ-eu Peˬoˇ gawˬ jawˬ uˬ du, Baˬlamˬ-ahˇ Baˬlehˇ sheuˬ daˆ gʼeh-euˬ meh.

Bawˇtsahˬ 23:23

Mah loˬ jaˬ nehꞈ zmˬ-awˇ, Iˇsaˬleˬlaˆ tsawˇ haˬ-ahˇ maˬ laˆ deuˬ nya-a. ‘Haw sheˇ. Iˇsaˬleˬlaˆ tsawˇ haˬ deuˬ-ahˇ Miˬyehˇ aˬ joˆ-ehˇ jahˇ nehˬ-eu nga’ lehˇ, aˬ cawˬ ya ehˇ gaˇ keuˆ tehꞈ-a.

Bawˇtsahˬ 22:7

Kʼoeˇ naˇ, Mawˇbaˆ tsawˇ jeuˬ hawˇ-eu Miˇdiˬyaˬ tsawˇ jeuˬ aˬ yuiꞈ aˬ tsu deuˬ-aˬ, yaˬ kʼehˇ yaˬ poeˬ biꞈ-eu gʼaˇ duˬ laꞈ sawˬ yuˇ-awˇ, Baˬlamˬ jawˇ gaˇ iˇ-awˇ, Baˬlehˇ neh bi tsaꞈ-euˬ dawˬ deuˬ tsaꞈ nehˬ-iˇ-euˬ meh.

Maꞈtehˬ 22:9

Kʼoeˇ miˇ neh, gaˇ jawˬ doe ni iˇ-awˇ, kʼaˇ mawˇ le-eu tsawˇ haˬ deuˬ-ahˇ, oeˇ mˇ baˇ-eu bawˬ-iˬ gʼeh gaˇ laˇ-awˬ lehˇ kuˇ laˬ-iˇ-awˬ.’

Yaˇ kʼaˬ daˇ 18:17

Piˇ ma kʼoeˇ gʼaˬ guiˇ deuˆ-eu keu ka baꞈ luꞈ-eu yehˇ kʼoeˇ deuˬ nehˬ-ehˇ kmˇ cehˇ gʼoˆ kʼehˬ-ahˇ yawꞈ luꞈ ngeh, kʼoeˬ sho haw-iˇ-euˬ tsawˇ haˬ kʼoeˇ ngaˬ gʼaˬ tiˬ poˆ tehꞈ-ehˇ nymˇ laꞈ kʼoeˇ uˇ-iˇ-awˇ, daˇ kawˬ-ahˇ pyuˇ yaw taˬ-euˬ tahˬ pahˬ aˬ ma mawˇ kawˇ kʼoeˇ hmˬ maˬ ehˇ, tahˬ pahˬ aˬ ma mawˇ kawˇ nui deuˬ maˬ ehˇ, piˇ ma dm-eu pehˇ kʼahˬ maˬ ehˇ, yuˇ-euˬ meh.