Yeˬsaˬgeˬlaˇ 21:14 - Akha

¹⁴ “Tsawˇ haˬ zaˬ-oˇ, nymˬ-mˇ poˆ jawˇ-aˬ, ngaˬ-euˬ gʼaˇ duˬ ngehˬ dah-awˬ. Nawˬ-euˬ laꞈ kʼawˆ tehˆ-awˇ, mi cehˇ kʼoeˇ tiˬ poˆ saˇ-iˬ tiˬ poˆ bi deuˆ gʼeh leꞈ-awˬ. Kʼoeˇ-aˬ, tsawˇ haˬ-ahˇ sehꞈ-eu mi cehˇ meh. Guˆ dui dui laˇ paˬ-ehˇ tsawˇ haˬ-ahˇ sehꞈ dui dui-eu mi cehˇ meh.

Yeˬsaˬgeˬlaˇ 21:14 Referans Kwoze

2 Sahˬpaˬ 24:1

Yeˬhawˇyaˬkmˬ sahˬ paˬ geuꞈ luꞈ ngeh, Baˬbuˇloˬ sahˬ paˬ Neˬbuˬkaˬneˬzaˬ Yuˇdaˆ miˇ kʼahˬ-ahˇ uˇ le-awˇ, aˬ yawꞈ uˆ lahˇ-eu uˬ moˆ Yeˬhawˇyaˬkmˬ smˇ kʼoꞈ jawˇ-euˬ meh. Kʼoeˇ naˇ, Neˬbuˬkaˬneˬzaˬ-ahˇ Yeˬhawˇyaˬkmˬ puiˬ-euˬ meh.

Bawˇtsahˬ 24:10

Kʼoeˇ ngeh, Baˬlehˇ nui ma pehˇ laˇ-awˇ, laꞈ tsuˆ tsuˆ deuˇ taˬ-eu laꞈ kʼoeˇ Baˬlamˬ-ahˇ ehˇ nehˬ-eu, “Ngaˬ-ahˇ muiˇ-eu deuˬ-ahˇ yaˬ kʼehˇ bi yaˬ-eu lehˇ nawˬ-ahˇ ngaˇ kuˇ-euˬ ma. Ehˇ kʼawꞈ, smˬ poˆ keuˆ ni aˬ yawꞈ maꞈ-ahˇ nawˇ dawˬ ngehˬ gʼeh nehˬ-euˬ meh.

Yeˬsaˬgeˬlaˇ 6:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˬ-euˬ aˬ laꞈ yeuꞈ pyawˆ-awˇ, nawˬ-euˬ aˬ kuiˇ-ahˇ tsawˬ nawˬ nawˬ-awˬ. Iˇsaˬleˬlaˆ tsawˇ haˬ deuˬ neh kʼaˇ mˇ-euˬ nui daˆ daˆ laˇ paˬ-ehˇ gʼeh-eu yaw haiˬ jeˬ gʼaˇ duˬ noeˬ shaˬ-awˇ ngoeˇ-awˬ. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ aˬ yawꞈ maꞈ ya shiˇ meh.

Uˬ duˬ 26:24

yaw beh naˆ maˬ tseˇ shiꞈ bymˇ kʼaˆ dzehˬ-euˬ kʼehˬ-eu kʼaˆ-eu jeˬ, naw maꞈ kʼoeˇ taˆ ngaˇ paˇ bi keuˆ le ma.

Uˬ duˬ 26:21

“Naw maꞈ ngaˬ-euˬ ehˇ dawˬ maˬ naˇ haˬ-ehˇ, ngaˬ-ahˇ puiˬ te siˬ lehˇ ngeuˇ naˇ, naw maꞈ-ahˇ kʼehˬ nehˬ kʼaˆ nehˬ-eu jeˬ shiꞈ bymˇ paˇ bi kʼaˆ dzehˬ laˇ ma.

Aˬmoˆ 9:2

Shiˇ-eu miˇ kʼahˬ paw, duˬ kʼahˬ kʼahˬ-awˇ uˇ byoˆ-iˇ kʼawꞈ, ngaˇ teh mi ma. Mˬ kʼoeˇ taˆ cehˆ daˆ-eu deuˬ-ahˇ kʼawꞈ, ngaˇ gʼeu ka ma.

Daˬyeˬlaˇ 3:19

Kʼoeˇ ngeh, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-ahˇ Neˬbuˬkaˬneˬzaˬ nui ma pehˇ dui dui laˇ-awˇ, baˬ ba neˇ tseuˆ ni pyeuꞈ laˇ-euˬ meh. Kʼoeˇ miˇ neh, miˬ dzaˬ tsawˬ bu kʼoeˇ shiꞈ bymˇ lahˇ dzehˬ laˇ ni laˆ nyehˆ-eu gʼaˇ duˬ aˬ yawꞈ dawˬ biꞈ-euˬ meh.

Yeˬsaˬgeˬlaˇ 21:17

Ngaˇ kʼawꞈ laꞈ kʼawˆ tehˆ-awˇ, ngaˬ-euˬ nui ma pehˇ-eu jeˬ bi byoˆ-iˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 8:12

Miˬyehˇ ngaˬ-ahˇ heu loꞈ-ehˇ naˇ haˬ-eu meh. “Tsawˇ haˬ zaˬ-oˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ ciˬ cuˇ ni mˇ kʼoeˬ luꞈ-eu jeˬ nawˇ mawˇ maˬ loˇ. Tahˬ pahˬ aˬ ma mawˇ kawˇ tiˬ byah ni jaˆ-eu kuˆ lawˆ laꞈ kʼoeˇ, aˬ yawꞈ maꞈ uˬ duˬ tahˬ luꞈ-eu meh. ‘Sahˬpaˬ Miˬyehˇ aˬ dui-ahˇ maˬ paˇ mawˇ nya meh. Aˬ yawꞈ miˇ kʼahˬ heu kʼahˬ-ahˇ byehˇ dzeh yaꞈ-euˬ meh’ lehˇ aˬ yawꞈ maꞈ ehˇ-eu meh.”

1 Sahˬpaˬ 22:25

Miˇkaˬyaˇ ehˇ-eu, “Nymˇ naˇ kʼah paw nawˇ ya cehˆ zaꞈ-iˇ-eu aˇ yamˬ keuˆ le ngeh, gaˇ kawˆ heu nawˇ ya siˬ duˬ tehꞈ-a.”

1 Sahˬpaˬ 20:30

Maˬ bi deuˆ sehꞈ-ehˇ kʼaˇ dzeˇ-eu deuˬ Aˬpyehˇ meuˬ-ahˇ cehˆ leˇ-awˇ, meuˬ meuˬ lahˇ neh nyiˬ muiˇ shiꞈ heˇ gʼaˬ bi coˬ tehˬ sehꞈ-euˬ meh. Beˬhaˬdaˇ gʼaˬ kʼawꞈ meuˬ kʼoeˇ meuˬ laꞈ kʼoeˇ cehˆ uˇ leˇ-awˇ, nymˇ tiˬ nymˇ-euˬ naˬ shuˬ-ahˇ dzuˇ zaꞈ-euˬ meh.

Yeˬsaˬgeˬlaˇ 21:13

Ngaˬ-euˬ tsawˇ haˬ-ahˇ lawˬ haw ma. Aˬ yawꞈ maꞈ nui ma maˬ paˇ naˇ, heu deuˬ dawˬ tawˆ luꞈ bi daˬ ma.

Yeˬlaˬmiˇ 47:7

Aˬshaˇgaˬloˇ meuˬ-ahˇ hawˇ-eu, laˆ shaˆ lawˇ deh doe ni jawˇ-eu deuˬ-ahˇ, bi kʼehˬ-eu lehˇ Sahˬpaˬ Miˬyehˇ neh kʼehˇ leꞈ-euˬ, mi cehˇ kʼoeˇ aˬ joˆ-ehˇ naˬ leˇ nya nmˇ.”

Yeˬsaˬgeˬlaˇ 28:23

Naˇ gawˇ yaw kʼaˆ bi keuˆ le-awˇ, meuˬ meuˬ lah-ehˇ shiˬ bi yoeˇ ma. Yawˬ paw na luꞈ guiˇ deuˆ le-awˇ, nawˬ-euˬ tsawˇ haˬ shiˇ myaˬ tehꞈ-a. Aˇ nah kʼoeˇ nah keuˆ le ngeh jawˇ, ngaˇ Sahˬpaˬ Miˬyehˇ ngeuˇ ngaˇ lehˇ, aˬ cawˬ siˬ nya jiˇ laˇ tehꞈ-a.”