Yeˬsaˬgeˬlaˇ 21:13 - Akha

¹³ Ngaˬ-euˬ tsawˇ haˬ-ahˇ lawˬ haw ma. Aˬ yawꞈ maꞈ nui ma maˬ paˇ naˇ, heu deuˬ dawˬ tawˆ luꞈ bi daˬ ma.

Yeˬsaˬgeˬlaˇ 21:13 Referans Kwoze

2 Gawˇliˬtu 8:2

Shaˬ-eu zahˬ-eu gʼawˬ mya jeˬ lawˬ haw gaˇ aˬ yawꞈ maꞈ ya daˬ-euˬ kʼawꞈ, maˬ ehˇ jiˇ coeˇ ni laꞈ kʼaˬ cehˇ-eu meh. Kʼoeˇ miˇ neh aˬ yawꞈ maꞈ yaw shaˬ shaˬ dui dui kʼawꞈ, damˬ nehˬ-eu paw tiˬ pawꞈ-iˬ gʼaˬ byehˆ maˬ byehˆ-a.

Yeˬsaˬgeˬlaˇ 21:25

“Iˇsaˬleˬlaˆ miˇ kʼahˬ-ahˇ uˆ lahˇ luꞈ-eu maˬ muiˬ maˬ shawˇ-eu tsawˇ haˬ yaw haiˬ gʼaˬ-oˇ, nawˬ-ahˇ aˇ saˬ saˬ-eu poˆ kʼehˬ-eu aˇ nah keuˆ le luꞈ meh.

Yeˬsaˬgeˬlaˇ 21:10

Naˇ guiˇ guiˇ ni siˬ taˆ taˬ-euˬ, tsawˇ haˬ zaˬ-ahˇ sehꞈ-eu mi cehˇ, Mehˬ paˇ tsoˆ paˇ-euˬ dawˬ hawˇ-eu, diˬ paˇ dzaw paˇ nehˬ-euˬ jeˬ-ahˇ, ngaˬ-euˬ tsawˇ haˬ maˬ naˇ haˬ-ehˇ, nui ma saˇ-eu maˬ paˇ oꞈ meh.

Yawˇbaˆ 9:23

Iˬ baˇ maˬ ahˇ-eu tsawˇ haˬ tiˬ gʼaˬ ja pyuˬ ni shiˇ ngeh, Miˬyehˇ uiˇ-eu meh.

Jaceuq 10:3

Yaw haiˬdeuˬ nui kʼahˇ mˇ dehˆ-awˇ, nui kʼahˇkʼahˬsehˇdeh luꞈ-eu meh. Nui kʼahˇhuiˬ-eu deuˬtuˇlaˇ-awˇ, SahˬpaˬMiˬyehˇ-ahˇ yaˬ-eu meh.

Yeˬsaˬgeˬlaˇ 21:12

Tsawˇ haˬ zaˬ-oˇ, guˇ-awˇ ngoeˇ-awˬ. Ngaˬ-euˬ tsawˇ haˬ deuˬ sehꞈ-eu lehˇ, mi cehˇ heu lehˬ hmˬ taˬ-euˬ ma. Iˇsaˬleˬlaˆ sahˬ paˬ deuˬ-ahˇ sehꞈ-eu lehˇ lehˬ hmˬ taˬ-euˬ ma. Ngaˬ-euˬ tsawˇ haˬ kʼoeˇ deuˬ nehˬ-ehˇ, sahˬ paˬ deuˬ bi sehꞈ caw jiˇ ma. Nui ma cawˆ-awˇ kʼahˬ-ahˇ teˇ-awˬ.

Yeˬsaˬgeˬlaˇ 21:14

“Tsawˇ haˬ zaˬ-oˇ, nymˬ-mˇ poˆ jawˇ-aˬ, ngaˬ-euˬ gʼaˇ duˬ ngehˬ dah-awˬ. Nawˬ-euˬ laꞈ kʼawˆ tehˆ-awˇ, mi cehˇ kʼoeˇ tiˬ poˆ saˇ-iˬ tiˬ poˆ bi deuˆ gʼeh leꞈ-awˬ. Kʼoeˇ-aˬ, tsawˇ haˬ-ahˇ sehꞈ-eu mi cehˇ meh. Guˆ dui dui laˇ paˬ-ehˇ tsawˇ haˬ-ahˇ sehꞈ dui dui-eu mi cehˇ meh.