Yeˬsaˬgeˬlaˇ 21:12 - Akha

¹² Tsawˇ haˬ zaˬ-oˇ, guˇ-awˇ ngoeˇ-awˬ. Ngaˬ-euˬ tsawˇ haˬ deuˬ sehꞈ-eu lehˇ, mi cehˇ heu lehˬ hmˬ taˬ-euˬ ma. Iˇsaˬleˬlaˆ sahˬ paˬ deuˬ-ahˇ sehꞈ-eu lehˇ lehˬ hmˬ taˬ-euˬ ma. Ngaˬ-euˬ tsawˇ haˬ kʼoeˇ deuˬ nehˬ-ehˇ, sahˬ paˬ deuˬ bi sehꞈ caw jiˇ ma. Nui ma cawˆ-awˇ kʼahˬ-ahˇ teˇ-awˬ.

Yeˬsaˬgeˬlaˇ 21:12 Referans Kwoze

Yeˬsaˬgeˬlaˇ 21:6

“Tsawˇ haˬ zaˬ-oˇ, noeˬ shaˬ-awˇ nui ma tsawˬ paˆ iˇ-eu loꞈ-ehˇ mahˇ-awˬ. Tsawˇ haˬ yawˬ gʼaˬ na luꞈ mawˇ nya gaˇ noeˬ shaˬ-awˇ mahˇ mahˇ-ehˇ jawˇ-awˬ.

Yawˇlaˆ 1:13

Lawˇ duˬ-ahˇ jawˇ-eu piˇ ma deuˬ guˬ daˇ pehˇ zeuˇ dm-awˇ ngoeˇ-awˬ. Uˬ duˬ tahˬ nymˇ nymˇ ma laꞈ kʼoeˇ, uˬ ciꞈ miˇ lah-ehˇ ngoeˇ leˇ-awˬ. Naw maꞈ-euˬ Miˬyehˇ-ahˇ damˬ-eu, aˬ gaꞈ dzaˇ uiˇ hawˇ-eu cehˇ pyuˇ, laˬ doˆ-iˇ kʼaˇ maˬ paˇ za meh.

Miˇkaˬ 1:8

Kʼoeˇ naˇ, Miˇkaˬ ehˇ-eu, “Teu baˬ da neh ngaˇ noeˬ shaˬ-awˇ tsawˇ ngoeˇ ngoeˇ ma. Ngaˇ noeˬ shaˬ-eu gaˇ kawˆ bi mawˇ-eu gʼaˇ duˬ sehˬ nawˆ maˬ nawˬ-ehˇ, mehˬ tsoeˬ maˬ ahˇ ni laꞈ di laꞈ cuˬ tehꞈ-ehˇ dm-awˇ ngaˇ cah ma. Bawˇ tsahˬ aˬ kuiˬ loꞈ-ehˇ mahˇ-awˇ, law taw aˇ jiˇ loꞈ-ehˇ guˇ guˇ-ehˇ cah ma.

Yeˬsaˬgeˬlaˇ 30:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ dah zaˇ heu loꞈ-ehˇ ngehˬ dah-awˬ. “Guˆ-eu aˇ nah keuˆ le luꞈ meh.

Yeˬsaˬgeˬlaˇ 21:14

“Tsawˇ haˬ zaˬ-oˇ, nymˬ-mˇ poˆ jawˇ-aˬ, ngaˬ-euˬ gʼaˇ duˬ ngehˬ dah-awˬ. Nawˬ-euˬ laꞈ kʼawˆ tehˆ-awˇ, mi cehˇ kʼoeˇ tiˬ poˆ saˇ-iˬ tiˬ poˆ bi deuˆ gʼeh leꞈ-awˬ. Kʼoeˇ-aˬ, tsawˇ haˬ-ahˇ sehꞈ-eu mi cehˇ meh. Guˆ dui dui laˇ paˬ-ehˇ tsawˇ haˬ-ahˇ sehꞈ dui dui-eu mi cehˇ meh.

Yeˬsaˬgeˬlaˇ 9:8

Tsawˇ haˬ sehꞈ dui dui luꞈ ngeh, ngaˇ tiˬ gʼaˬ tehꞈ-ehˇ kʼoeˇ gaˇ jawˇ luꞈ-eu ma. Ngaˇ moꞈ tsahˬ-ehˇ miˇ tsa coˬ lah-awˇ “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, aˬ cawˬ miˇ kʼahˬ-ahˇ maˬ bi nyehꞈ byoˆ gʼeh ni, Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ yaꞈ-euˬ tsawˇ haˬ dawˬ tawˆ luꞈ-ahˇ sehꞈ jiˇ paˬ-ehˇ, Yeˬluˇsaˬlehˬ meuˬ-ahˇ nawˇ teuˆ naˆ naˆ-ehˇ nui ma pehˇ te loˇ” lehˇ guˇ-euˬ ma.

Yeˬsaˬgeˬlaˇ 6:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˬ-euˬ aˬ laꞈ yeuꞈ pyawˆ-awˇ, nawˬ-euˬ aˬ kuiˇ-ahˇ tsawˬ nawˬ nawˬ-awˬ. Iˇsaˬleˬlaˆ tsawˇ haˬ deuˬ neh kʼaˇ mˇ-euˬ nui daˆ daˆ laˇ paˬ-ehˇ gʼeh-eu yaw haiˬ jeˬ gʼaˇ duˬ noeˬ shaˬ-awˇ ngoeˇ-awˬ. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ aˬ yawꞈ maꞈ ya shiˇ meh.

Yeˬlaˬmiˇ 31:19

Nawˬ-ahˇ byehˇ dzeh-awˇ gʼoˆ doˆ-iˇ-euˬ kʼawꞈ, nymˬ-mˇ nga maꞈ noeˬ poˆ-euˬ ma. Nawˇ nga maꞈ-ahˇ kʼehˬ nehˬ laꞈ ngeh, nui ma zahˇ tsui ni shaˬ-euˬ ma. Zaˬ guˬ pyeuꞈ ngeh mˇ lehˬ-euˬ iˬ baˇ baˬ da neh, daˬ ga-awˇ shaꞈ dawˇ dui dui nya.

Yeˬlaˬmiˇ 31:12

Aˬ yawꞈ maꞈ Ziˇoˬ gawˬ jawˬ-ahˇ laˇ-awˇ, laˬ kʼaˬ cehˇ-eu caˇ dawˬ caˇ laˇ tehꞈ-a. Ngaˬ neh biꞈ-euˬ laꞈ sawˬ pyeuꞈ-eu, dzaˬ la gʼo cehˇ, aˬ gaꞈ dzaˇ uiˇ, saˬ loˬ tsiˇ deuˬ hawˇ-eu, mawˇ nyoˬ jeˬ kaˇ deuˬ-ahˇ aˬ yawꞈ maꞈ nui kʼahˇ shiˇ tehꞈ-a. Iˇ cuꞈ tiˬ loꞈ za-eu yaˇ kmˇ tiˬ kmˇ loꞈ-ehˇ, aˬ yawꞈ maꞈ ehˇ kʼaˇ maˬ za ni dehꞈ dzaˬ tehꞈ-a.

Yeˬlaˬmiˇ 25:34

Yawˇ yawˇ maꞈ-ahˇ haw-eu yawˇ bo-eu deuˬ loꞈ-ehˇ, ngaˬ-euˬ tsawˇ haˬ-ahˇ sheuˬ gʼeh luꞈ-eu aˬ yuiꞈ aˬ tsu deuˬ, kʼaˬ lehˇ tsahˬ-ahˇ mahˬ poˆ poˆ-awˇ tsawˇ ngoeˇ ngoeˇ-awˬ. Naw maꞈ-ahˇ aˬ cawˬ sehꞈ-eu aˇ yamˬ keuˆ le-awˇ, miˇ tsaˬ oeˬ lahˬ ga meuˇ-iˇ-eu loꞈ-ehˇ, naw maꞈ luˬ-iˇ seˇ-iˇ tehꞈ-a.

Yeˬsaˬgeˬlaˇ 21:11

Mi cehˇ guiˇ nyiˬ ni siˬ taˆ-awˇ, deuˆ-eu lehˇ lehˬ hmˬ taˬ-euˬ ma. Tsawˇ haˬ sehꞈ-eu deuˬ tuˆ tehˬ ni, siˬ taˆ-awˇ lehˬ hmˬ taˬ-euˬ ma.

Yeˬsaˬgeˬlaˇ 21:13

Ngaˬ-euˬ tsawˇ haˬ-ahˇ lawˬ haw ma. Aˬ yawꞈ maꞈ nui ma maˬ paˇ naˇ, heu deuˬ dawˬ tawˆ luꞈ bi daˬ ma.

Yeˬsaˬgeˬlaˇ 21:25

“Iˇsaˬleˬlaˆ miˇ kʼahˬ-ahˇ uˆ lahˇ luꞈ-eu maˬ muiˬ maˬ shawˇ-eu tsawˇ haˬ yaw haiˬ gʼaˬ-oˇ, nawˬ-ahˇ aˇ saˬ saˬ-eu poˆ kʼehˬ-eu aˇ nah keuˆ le luꞈ meh.

Yeˬsaˬgeˬlaˇ 22:6

Iˇsaˬleˬlaˆ tsawˇ haˬ aˬ yuiꞈ aˬ tsu dawˬ tawˆ luꞈ yawˬ ha-euˬ baoˬ-ahˇ nui ma huiˬ-awˇ, tsawˇ haˬ sehꞈ luꞈ meh.

Iˇsaˬyaˇ 13:7

Kʼoeˇ miˇ neh tsawˇ haˬ dawˬ tawˆ luꞈ laꞈ shiˇ shiˇ-awˇ, nui ma ga ka jiˇ tehꞈ-a.

Yeˬsaˬgeˬlaˇ 7:17

Yawˬ gʼaˬ na luꞈ laꞈ shiˇ shiˇ laˇ-awˇ, aˬ kuiˇ pawˬ tsuiꞈ yaw dzuˬ dzuˬ tehꞈ-a.

Yawˇlaˆ 2:1

Miˬyehˇ-euˬ Ziˇoˬ gawˬ jawˬ-ahˇ, muiˬ-eu shawˇ-eu gawˬ jawˬ kʼoeˇ-ahˇ, daˇ heh baw-awˇ laˆ luiˬ nehˬ-awˬ. Yuˇdaˆ tsawˇ haˬ yaw dzuˬ dzuˬ-awˬ. Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.