Yeˬsaˬgeˬlaˇ 21:10 - Akha

¹⁰ Naˇ guiˇ guiˇ ni siˬ taˆ taˬ-euˬ, tsawˇ haˬ zaˬ-ahˇ sehꞈ-eu mi cehˇ, Mehˬ paˇ tsoˆ paˇ-euˬ dawˬ hawˇ-eu, diˬ paˇ dzaw paˇ nehˬ-euˬ jeˬ-ahˇ, ngaˬ-euˬ tsawˇ haˬ maˬ naˇ haˬ-ehˇ, nui ma saˇ-eu maˬ paˇ oꞈ meh.

Yeˬsaˬgeˬlaˇ 21:10 Referans Kwoze

Yeˬsaˬgeˬlaˇ 20:47

Laꞈ oˆ paw kʼahˬ-euˬ aˇ bawˇ sahˬ kʼaˆ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ aˬ joˆ-ehˇ ehˇ luꞈ-eu gaˇ kawˆ ehˇ nehˬ-iˬ sheˇ. Haw taˬ yawˬ. Ngaˇ miˬ dzaˬ keuˬ-awˇ, nawˬ-euˬ laꞈ kʼoeˇ kʼaˇ dehꞈ-eu aˇ bawˇ yaw jmˬ yaw gui dawˬ tawˆ luꞈ bi puiˆ dzaˬ jiˇ ma. Miˬ dzaˬ kʼoeˇ-ahˇ tiˬ jeˬ neh-iˬ maˬ laˆ miˆ nya-ehˇ, laꞈ oˆ kʼahˬ-ahˇ neh laꞈ taˆ kʼahˬ-ahˇ keuˆ ni doꞈ nyawˬ leˇ-awˇ, miˬ lmˇ kʼoeˇ yawˬ gʼaˬ na luꞈ-ahˇ lahˇ leˇ tehꞈ-a.

Panmaeq 2:27

Ngaˬ Da neh ngaˬ-ahˇ baoˬ biꞈ laꞈ-euˬ loꞈ-ehˇ, tsawˇ jeuˬ dawˬ tawˆ luꞈ-ahˇ shmˇ gawˬ yoeˬ neh aˬ yawꞈ uˆ lahˇ-awˇ, miˇ tsaˬ oeˬ lahˬ deh paˆ-eu loꞈ-ehˇ deh paˆ deh shaˆ nehˬ tehꞈ-a.

Haˬbaˬkuˆ 3:11

Nawˬ-euˬ kaˆ myaˬ mˬ myawꞈ myawꞈ-awˇ, nawˬ-euˬ gahˬ naˇ guiˇ guiˇ laˇ gaˇ, ba la nahˇ ma naˬ leˇ-euˬ meh.

Naˬhmˬ 3:3

Gahˬ, mi cehˇ guiˇ nyiˬ ni baꞈ-awˇ, mahˬ dziˬ-eu deuˬ coeˬ uˇ leꞈ ngeh, tsawˇ shiˇ duˬ gahˬ pu cu cu-awˇ, tsawˇ shiˇ-ahˇ tsawˇ shiˇ pehˆ toˆ-ehˇ, shiˇ tsaˬ maˬ paˇ tsoˆ jiˇ coeˇ meh.

Naˬhmˬ 1:10

Aˬ gah gʼoˆ yoeˬ jehˆ bymˇ loꞈ-ehˇ, keuˬ dzeh gaˇ nawˇ ya daˬ tehꞈ-a.

Yeˬlaˬmiˇ 46:4

Mahˬ dziˬ gʼa laˆ dawˆ-awˇ dziˬ-awˬ. Jawˇ duˬ yuˇ-awˇ shmˇ uˬ kʼoˆ kʼoˆ taˬ-awˬ. Gahˬ siˬ taˆ-awˇ guiˇ deuˆ-eu mehˬ tsoeˬ dm taˬ-awˬ’ lehˇ ehˇ-eu meh.

Dawˬ tsoˆ 3:4

Noeˬ shaˬ-eu yamˬ baw-eu loꞈ-ehˇ, laˬ kʼaˬ cehˇ-eu yamˬ baw-eu meh. Tsawˇ ngoeˇ ngoeˇ yamˬ baw-eu loꞈ-ehˇ, gaˇ nyeh nyeh-eu yamˬ baw-eu meh.

Iˇsaˬtaˆ 3:15

Sahˬ paˬ neh dawˬ biꞈ-euˬ loꞈ-ehˇ, gaˇ kawˆ kʼoeˇ Suˇsaˬ meuˬ-ahˇ jawˇ-eu tsawˇ haˬ dawˬ tawˆ luꞈ-ahˇ bi siˬ bi gaˬ-awˇ, cehˆ coeˬ coeˬ-awˇ sahˬ boꞈ sha-eu tsawˇ haˬ deuˬ neh miˇ kʼahˬ doe ni cehˆ gaˬ-iˇ-euˬ meh. Suˇsaˬ meuˬ laꞈ kʼoeˇ gaˇ kawˆ kʼoeˇ hmˬ baˬ da neh luiˬ gʼaˬ dui dui luꞈ ngeh, sahˬ paˬ hawˇ-eu Haˬmaˬ aˬ nyaꞈ tiˬ gaˇ nuiˇ-awˇ aˬ gaꞈ dzaˇ uiˇ dawˇ luꞈ-eu meh.

2 Saˬmeuˬlaˆ 7:14

Ngaˇ aˬ yawꞈ-euˬ aˬ da pyeuꞈ-awˇ, aˬ yawꞈ ngaˬ-euˬ aˬ li pyeuꞈ tehꞈ-a. Aˬ yawꞈ yaw lehˬ jeˬ mˇ ngeh, aˬ da tiˬ gʼaˬ zaˬ-ahˇ diˬ-awˇ dzaw paˇ-eu loꞈ-ehˇ, aˬ yawꞈ-ahˇ ngaˇ mehˬ paˇ tsoˆ paˇ ma.

Yeˬsaˬgeˬlaˇ 21:11

Mi cehˇ guiˇ nyiˬ ni siˬ taˆ-awˇ, deuˆ-eu lehˇ lehˬ hmˬ taˬ-euˬ ma. Tsawˇ haˬ sehꞈ-eu deuˬ tuˆ tehˬ ni, siˬ taˆ-awˇ lehˬ hmˬ taˬ-euˬ ma.

Yeˬlaˬmiˇ 23:20

Aˬ yawꞈ nui noeˬ maˬ mˇ li kʼoeˇ keuˆ ni, Sahˬpaˬ Miˬyehˇ nui pehˇ maˬ shuꞈ-iˇ-aˇ.”

Yeˬsaˬgeˬlaˇ 21:4

Miˇ kʼahˬ laꞈ oˆ coeˇ-ahˇ neh laꞈ taˆ coeˇ-ahˇ doˆ ni, tsawˇ muiˬ tsawˇ doeˇ maˬ tseˇ-ehˇ, dawˬ tawˆ luꞈ-ahˇ mi cehˇ neh sehꞈ jiˇ ma.