Yeˬsaˬgeˬlaˇ 20:6 - Akha

⁶ Kʼoeˇ ngeh jawˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-awˇ, aˬ yawꞈ maꞈ gʼaˇ duˬ ngaˬ neh tseˇ doˆ taˬ-euˬ miˇ kʼahˬ-ahˇ sheuˬ gʼeh nehˬ ma lehˇ, ngaˇ saˇ jaˇ dzaˬ-euˬ ma. Miˇ kʼahˬ kʼoeˇ kʼahˬ-aˬ, miˇ tsaˬ miˇ muiˬ muiˬ dui dui-awˇ, baw le za le-eu miˇ kʼahˬ pyeuꞈ-eu miˇ neh, miˇ kʼahˬ dawˬ tawˆ luꞈ naˆ maˬ tseˇ muiˬ dzehˬ-eu meh.

Yeˬsaˬgeˬlaˇ 20:6 Referans Kwoze

Yeˬsaˬgeˬlaˇ 20:15

Kʼoeˇ miˇ neh, ngaˬ neh aˬ yawꞈ maꞈ-ahˇ biꞈ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ maˬ sheuˬ gʼeh nehˬ lehˇ, bawˇ tsahˬ bawˇ dahˇ laꞈ kʼoeˇ ngaˇ ehˇ tsehˆ nehˬ-euˬ ma. Miˇ kʼahˬ kʼoeˇ kʼahˬ-aˬ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ pyeuꞈ-eu miˇ neh, miˇ kʼahˬ dawˬ tawˆ luꞈ naˆ maˬ tseˇ muiˬ dzehˬ-eu meh.

Yeˬlaˬmiˇ 32:22

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ nawˬ neh saˇ jaˇ dzaˬ taˬ-euˬ jaˆ-eu loꞈ-ehˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ heu kʼahˬ, aˬ yawꞈ maꞈ-ahˇ nawˇ biꞈ-euˬ meh.

Jaceuq 48:2

Miˬyehˇ-euˬ Ziˇoˬ gawˬ jawˬ-aˬ, yaw goˇ-ahˇ jaˆ-awˇ haw muiˬ dui dui-eu meh. Huiˬ-eu sahˬ paˬ-euˬ meuˬ kʼoeˇ meuˬ, miˇ kʼahˬ dawˬ tawˆ luꞈ kʼoeˇ taˆ laˬ kʼaˬ cehˇ-eu jeˬ bi keuˆ le-eu meh.

Doˆ-iˇ 3:8

Kʼoeˇ miˇ neh, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ-awˇ, Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ luꞈ-eu miˇ tsaˬ miˇ muiˬ muiˬ dui dui-awˇ baw le za le-eu, byaˬ byaˬ uiˇ hawˇ-eu mawˇ neˇ aˬ coeˇ maˬ tsehˆ-iˇ ni yoeˇ luꞈ-eu jeˇ lo ni gʼeh-eu miˇ kʼahˬ-ahˇ, aˬ yawꞈ maꞈ-ahˇ sheuˬ doˆ gʼeh-eu gʼaˇ duˬ, ngaˇ zaꞈ ka le-euˬ ma.

Zaˬkaˬliˇ 7:14

Jaˬ lehˇ lehˇ ma baw-eu loꞈ-ehˇ, aˬ yawꞈ maꞈ-ahˇ aˬ cawˬ miˇ kʼahˬ doe ni baw dzeh gʼeh-awˇ bi jawˇ byaˆ jiˇ-awˇ, muiˬ-eu miˇ kʼahˬ heu kʼahˬ laꞈ kʼoeˇ tsawˇ haˬ tiˬ gʼaˬ-iˬ maˬ dzeˇ ni bi pyeuꞈ-iˇ-euˬ ma.”

Daˬyeˬlaˇ 8:9

Uˬ coeˇ kʼoeˇ oeˬ kahˬ laꞈ kʼoeˇ tiˬ kahˬ-ahˇ, uˬ coeˇ coeˇ zaˬ tiˬ coeˇ tsoꞈ doˆ laˇ-euˬ meh. Uˬ coeˇ coeˇ yaˬ kʼoeˇ coeˇ-euˬ baoˬ, laꞈ oˆ paw pyawˬ-ahˇ maˬ ehˇ, nahˇ ma doˆ kʼehˬ paw pyawˬ-ahˇ maˬ ehˇ, muiˬ dui dui-eu miˇ kʼahˬ paw maˬ ehˇ, pymˬ tehˬ jiˇ gʼeh-euˬ meh.

Doˆ-iˇ 33:3

Byaˬ byaˬ uiˇ hawˇ-eu mawˇ neˇ aˬ coeˇ yoeˇ-eu miˇ kʼahˬ-ahˇ naw maꞈ le-awˬ. Ehˇ kʼawꞈ, naw maꞈ nehˬ-ehˇ ngaˇ maˬ le. Aˬ jeˬ miˇ neh ehˇ naˇ, naw maꞈ nui ma gʼahˇ-eu miˇ neh, gaˇ pehˇ gaˇ laˆ naw maꞈ-ahˇ ngaˇ ya laˆ cawˆ gaˇ keuˆ tehꞈ-a.”

Daˬyeˬlaˇ 11:41

Miˬyehˇ neh Saˇ jaˇ dzaˬ taˬ-euˬ Miˇ kʼahˬ-ahˇ kʼawꞈ, aˬ yawꞈ uˇ-iˇ-awˇ, tsawˇ haˬ aˇ heˇ aˇ muiˇ gʼaˬ-ahˇ sehꞈ tehꞈ-a. Ehˇ kʼawꞈ, Eˬdoˬ miˇ kʼahˬ, Mawˇbaˆ miˇ kʼahˬ hawˇ-eu, Aˬmoˬ miˇ kʼahˬ tiˬ paˆ dzehˬ ni dzeuˇ-iˇ tehꞈ-a.

Daˬyeˬlaˇ 11:16

Guiˇ deuˆ uˇ leꞈ-euˬ Suˇliˆ tsawˇ haˬ-aˬ, aˬ yawꞈ-ahˇ ciˬ daˬ leˇ-eu maˬ jawˇ-eu miˇ neh, kʼaˇ jahˇ mawꞈ-eu jahˇ tehꞈ-a. Sahˬpaˬ Miˬyehˇ neh saˇ jaˇ biꞈ taˬ-eu miˇ kʼahˬ-ahˇ aˬ yawꞈ yawꞈ-awˇ, aˬ yawꞈ-eu baoˬ uˬ moˆ maˬ luˆ maˬ laˆ nya ni zuiˆ gʼaˬ tehꞈ-a.

Yeˬsaˬgeˬlaˇ 20:42

Naw maꞈ-euˬ aˬ poeˬ aˬ bawˇ deuˬ-ahˇ biꞈ ma lehˇ, ngaˬ neh saˇ jaˇ dzaˬ taˬ-euˬ miˇ kʼahˬ pyeuꞈ-eu Iˇsaˬleˬlaˆ miˇ kʼahˬ laꞈ kʼoeˇ naw maꞈ-ahˇ ngaˇ sheuˬ kʼoꞈ keuˆ nehˬ ngeh, ngaˇ Sahˬpaˬ Miˬyehˇ pyeuꞈ-eu naw maꞈ ya siˬ duˬ tehꞈ-a.

Yeˬsaˬgeˬlaˇ 20:23

Kʼoeˇ miˇ neh, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ ngaˇ heu loꞈ-ehˇ saˇ jaˇ paˇ dzaˬ-euˬ ma. Aˬ yawꞈ maꞈ-ahˇ miˇ kʼahˬ doe ni teh byaˆ nehˬ ma lehˇ ngaˇ ehˇ tsehˆ nehˬ-euˬ ma.

Yeˬsaˬgeˬlaˇ 20:5

Ngaˇ heu loꞈ-ehˇ ehˇ-eu gaˇ kawˆ aˬ yawꞈ maꞈ-ahˇ dzawˇ nehˬ-awˬ. Iˇsaˬleˬlaˆ-ahˇ ngaˇ tseˇ doˆ ngeh, heu loꞈ-ehˇ saˇ jaˇ dzaˬ taˬ-eu jaˆ ma. Iˇjiˇtuˆ miˇ kʼahˬ laꞈ kʼoeˇ ngaˬ-euˬ gʼawˇ mawˇ aˬ yawꞈ maꞈ-ahˇ pah mehˬ nehˬ-awˇ, ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma lehˇ ehˇ nehˬ-euˬ ma.

Yeˬlaˬmiˇ 11:5

Kʼoeˇ naˇ, aˬ yawꞈ maꞈ-euˬ aˬ poeˬ aˬ bawˇ deuˬ nehˬ-ehˇ, ngaˬ neh dzaˬ taˬ-euˬ saˇ jaˇ-ahˇ ngaˇ ziꞈ-awˇ, nymˬ-mˇ aˬ yawꞈ maꞈ jawˇ luꞈ-eu miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ heu kʼahˬ, aˬ yawꞈ maꞈ-ahˇ ngaˇ biꞈ ma lehˇ ehˇ nehˬ-euˬ ma.” Kʼoeˇ ngeh, “Sahˬpaˬ Miˬyehˇ nawˇ kʼaˇ ehˇ-eu loꞈ-ehˇ ngaˇ mˇ ma” lehˇ, ngaˇ ehˇ kʼoꞈ nehˬ-euˬ ma.

Dawˬmehˬ 32:8

Huiˬ dui mahˇ dui dui-eu Miˬyehˇ, miˇ tsaˬ zaˬ-ahˇ miˇ kʼahˬ biˇ-awˇ, jawˇ duˬ pehˇ tsahˇ tsaˬ tsoˆ nehˬ-awˇ, miˬ yehˇ deuˬ neh bi dzoeˬ-euˬ meh.

Dawˬmehˬ 31:20

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ loꞈ-ehˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ uˇ gʼeh ma. Kʼoeˇ gaˇ, aˬ yawꞈ maꞈ kʼaˇ dzaˬ mawꞈ-eu jeˬ tiˬ byah ni jaˆ-awˇ, yaw saˇ saˇ-ehˇ ya dehꞈ ya jawˇ tehꞈ-a. Ehˇ kʼawꞈ, aˬ yawꞈ maꞈ mehˬ shiˬ yawˬ paw yawˬ ciˬ pyawˇ-awˇ, miˬyehˇ nui deuˬ-ahˇ uˬ duˬ tahˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, ngaˬ-euˬ dawˬ ma saˇ jaˇ-ahˇ puiˬ tehꞈ-a.

Dawˬmehˬ 27:3

Zahˇ dawˬ kʼoꞈ dawˬ heu deuˬ hawˇ-eu mehˬ nehˬ tsoˆ nehˬ-euˬ dawˬ heu deuˬ dawˬ tawˆ luꞈ, kʼaˬ lo kʼoeˇ deuˬ kʼoeˇ taˆ ya boꞈ taˬ meh. Nawˬ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ saˇ jaˇ dzaˬ taˬ-euˬ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ-ahˇ nawˇ jawˇ uˇ keuˆ leˇ-awˇ,

Dawˬmehˬ 26:15

Mˬ kʼoeˇ taˆ nawˬ-euˬ muiˬ-eu shawˇ-eu jawˇ duˬ-ahˇ neh haw ka gʼeh leꞈ-awˇ, nawˬ-euˬ Iˇsaˬleˬlaˆ tsawˇ jeuˬ-ahˇ guiˬ lahˬ biꞈ laꞈ-awˬ. Nga maꞈ-euˬ aˬ poeˬ aˬ bawˇ deuˬ-ahˇ nawˬ neh saˇ jaˇ dzaˬ taˬ-euˬ jaˆ-eu loꞈ-ehˇ, nawˬ neh nga maꞈ-ahˇ biꞈ laꞈ-euˬ miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ heu kʼahˬ laꞈ kʼoeˇ, nga maꞈ-ahˇ guiˬ lahˬ biꞈ laꞈ-awˬ’ lehˇ nawˇ ya ehˇ meh.

Dawˬmehˬ 26:9

Aˬ yawꞈ nga maꞈ-ahˇ heu gaˇ sheuˬ keuˆ laꞈ-awˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ heu kʼahˬ biꞈ laꞈ-euˬ meh.

Dawˬmehˬ 11:9

Naw maꞈ-euˬ aˬ poeˬ aˬ bawˇ deuˬ hawˇ-eu aˬ yawꞈ maꞈ-euˬ zaˬ deuˬ uˆ deuˬ-ahˇ biꞈ ma lehˇ Sahˬpaˬ Miˬyehˇ neh saˇ jaˇ dzaˬ taˬ-euˬ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ gʼawˬ myahˇ ni ya dehꞈ ya jawˇ tehꞈ-a.

Dawˬmehˬ 6:3

Iˇsaˬleˬlaˆ tsawˇ haˬ deuˬ-oˇ, zahˇ dawˬ kʼoꞈ dawˬ heu deuˬ-ahˇ naw maꞈ naˇ haˬ geuꞈ-awˇ, caw teh-awˬ. Kʼoeˇ loꞈ-ehˇ jahˇ naˇ, aˬ dui-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ yaw muiˬ paˬ-ehˇ ya dehꞈ dzaˬ-awˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ baoˬ huiˬ-eu tsawˇ jeuˬ pyeuꞈ laˇ tehꞈ-a.

Bawˇtsahˬ 14:8

Sahˬpaˬ Miˬyehˇ aˬ dui-ahˇ nui ma tsaˬ naˇ, aˬ dui-ahˇ kʼoeˇ gaˇ aˬ yawꞈ sheuˬ gʼeh-awˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ kʼoeˇ, aˬ dui-ahˇ biꞈ nehˬ laꞈ tehꞈ-a.

Bawˇtsahˬ 13:27

Aˬ yawꞈ maꞈ Moˇseˬ-ahˇ ehˇ nehˬ-eu, “Miˇ kʼahˬ kʼoeˇ kʼahˬ-ahˇ nga maꞈ pyehˆ tseˇ haw-awˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ pyeuꞈ-eu gaˇ kawˆ pyehˆ tseˇ duˬ-euˬ ma. Aˇ siˬ heu deuˬ kʼawꞈ, kʼoeˇ gaˇ-euˬ aˇ siˬ meh.

Uˬ duˬ 20:24

Ehˇ kʼawꞈ, naw maꞈ-ahˇ ngaˇ saˇ jaˇ dzaˬ taˬ-euˬ loꞈ-ehˇ, mawˇ neˇ aˬ coeˇ hawˇ-eu byaˬ byaˬ uiˇ yoeˇ-eu miˇ kʼahˬ kʼoeˇ kʼahˬ biꞈ ma. Ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ ngaˇ tseˇ doˆ taˬ-euˬ ma.

Doˆ-iˇ 13:5

Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ-eu miˇ kʼahˬ kʼoeˇ kʼahˬ naw maꞈ-ahˇ biꞈ-eu gʼaˇ duˬ, Sahˬpaˬ Miˬyehˇ saˇ jaˇ yaw muiˬ-ehˇ dzaˬ tsehˆ taˬ-euˬ meh. Miˇ tsaˬ miˇ muiˬ muiˬ dui dui-awˇ, baw le za le-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ-ahˇ aˬ yawꞈ sheuˬ keuˆ nehˬ ngeh, aˬ yawꞈ kʼoꞈ yawꞈ ba la yaw beh siˬ laꞈ kʼoeˇ, bawˬ-iˬ heu hmˬ naw maꞈ ya jahˇ meh.

Doˆ-iˇ 3:17

Aˬ yawꞈ maꞈ-ahˇ aˬ cawˬ gʼawˬ shaˬ maˬ gaˬ ni, kʼaˇ jahˇ mawꞈ-eu jeˬ jahˇ nehˬ luꞈ-eu Iˇjiˇtuˆ miˇ kʼahˬ laꞈ kʼoeˇ neh, aˬ yawꞈ maꞈ-ahˇ ngaˇ sheuˬ doˆ-awˇ, miˇ tsaˬ miˇ muiˬ muiˬ dui dui-awˇ, baw le za le-eu (byaˬ byaˬ uiˇ hawˇ-eu mawˇ neˇ aˬ coeˇ maˬ tsehˆ-iˇ ni yoeˇ luꞈ-eu) miˇ kʼahˬ pyeuꞈ-eu, Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ-eu miˇ kʼahˬ kʼoeˇ kʼahˬ laꞈ kʼoeˇ, aˬ yawꞈ maꞈ-ahˇ sheuˬ gʼeh ma lehˇ, ngaˇ noeˬ tsehˆ taˬ-euˬ ma.

Doˆ-iˇ 6:8

Aˬ byaˬ haˬ, Iˇ tsaˆ hawˇ-eu Yaˬ koˆ-ahˇ biꞈ ma lehˇ ngaˬ neh ehˇ tsehˆ taˬ-euˬ miˇ kʼahˬ-ahˇ, naw maꞈ-ahˇ ngaˇ sheuˬ gʼeh-awˇ, miˇ kʼahˬ kʼoeˇ kʼahˬ naw maꞈ-ahˇ ngaˇ biꞈ tsehˆ nehˬ ma. Ngaˇ-aˬ, Sahˬpaˬ Miˬyehˇ ma lehˇ ehˇ nehˬ awˬ.”

Dawˬmehˬ 32:40

Ngaˇ dehꞈ luꞈ-eu Miˬyehˇ pyeuꞈ-eu, yaw duˬ yaw ciˇ baw-eu loꞈ-ehˇ, mˬ paw aˬ laꞈ cawˬ ja taˬ-awˇ, heu loꞈ-ehˇ saˇ jaˇ dzaˬ-eu ma.

Jaceuq 106:24

Miˬyehˇ-euˬ saˇ jaˇ-ahˇ maˬ jah-euˬ miˇ neh, nui saˇ oꞈ-eu miˇ kʼahˬ maˬ ya geuꞈ-aˬ.

Yeˬsaˬgeˬlaˇ 47:14

Miˇ kʼahˬ heu kʼahˬ biꞈ ma lehˇ, naw maꞈ-euˬ aˬ poeˬ aˬ bawˇ deuˬ-ahˇ ngaˇ saˇ jaˇ dzaˬ taˬ-euˬ jaˆ-eu ma. Nymˬ-mˇ, naw maꞈ yaw kaˬ miˇ kʼahˬ heu kʼahˬ biˇ geuꞈ-awˬ.

Dawˬmehˬ 3:25

Sahˬpaˬ Miˬyehˇ-oˇ, Yawˇdaˬ lawˇ baˬ bi le tsehˆ laꞈ-awˇ, nui baˬ paw jaˆ-eu baw le za le-eu miˇ kʼahˬ kʼoeˇ kʼahˬ maˬ ehˇ, haw muiˬ dui dui-eu gawˬ jawˬ gawˬ duˇ deuˬ hawˇ-eu Leˬbaˬnoˬ gawˬ jawˬ deuˬ-ahˇ maˬ ehˇ, ngaˬ-ahˇ bi haw mawˇ laꞈ-awˬ’ lehˇ shaˇ-euˬ ma.

Neˬhaˬmiˇ 9:9

Nga maꞈ-euˬ poeˬ piˬ deuˬ Iˇjiˇtuˆ meuˬ laꞈ kʼoeˇ, shaˬ zahˬ naꞈ-eu nawˇ mawˇ-euˬ meh. Caw ba le-awˬ lehˇ aˬ yawꞈ maꞈ guˇ-eu dawˬ, laˆ shaˆ yaw neˇ dawˬ peh nawˇ gaˬ-euˬ meh.

Neˬhaˬmiˇ 9:12

Nah gʼahˇ paw mˬ dmˇ neh gaˇ ma mehˬ-awˇ, uˬ ciꞈ paw miˬ dzaˬ bya nehˬ-eu laꞈ kʼoeˇ, aˬ yawꞈ maꞈ-ahˇ nawˇ sheuˬ gʼeh-euˬ meh.

Jaceuq 47:5

Miˬyehˇ aˬ yawꞈ-euˬ nuiˇ mahˬ-ahˇ gʼoꞈ daˆ leˇ-eu meh. Sahˬpaˬ Miˬyehˇ gʼoꞈ daˆ leˇ-eu nehˬ-ehˇ, laˬ kʼaˬ cehˇ-awˇ guˇ-eu teˇ saˇ hawˇ-eu, daˇ heh baw-eu teˇ saˇ mahˇ laˇ-eu meh.

Yeˬlaˬmiˇ 3:19

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ-oˇ, nawˬ-ahˇ ngaˬ-euˬ aˬ li bi geuꞈ mawꞈ-awˇ, miˇ tsaˬ kʼoeˇ taˆ aˬ cawˬ naˆ maˬ tseˇ muiˬ dzehˬ-eu, nui saˇ za-eu miˇ kʼahˬ nawˬ-ahˇ biꞈ mawꞈ-eu ma. Nawˇ ngaˬ-ahˇ aˬ da kuˇ-awˇ, maˬ gʼawˬ-iˇ ni bi dehꞈ mawꞈ nya.