Yeˬsaˬgeˬlaˇ 20:5 - Akha

⁵ Ngaˇ heu loꞈ-ehˇ ehˇ-eu gaˇ kawˆ aˬ yawꞈ maꞈ-ahˇ dzawˇ nehˬ-awˬ. Iˇsaˬleˬlaˆ-ahˇ ngaˇ tseˇ doˆ ngeh, heu loꞈ-ehˇ saˇ jaˇ dzaˬ taˬ-eu jaˆ ma. Iˇjiˇtuˆ miˇ kʼahˬ laꞈ kʼoeˇ ngaˬ-euˬ gʼawˇ mawˇ aˬ yawꞈ maꞈ-ahˇ pah mehˬ nehˬ-awˇ, ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma lehˇ ehˇ nehˬ-euˬ ma.

Yeˬsaˬgeˬlaˇ 20:5 Referans Kwoze

Yeˬsaˬgeˬlaˇ 47:14

Miˇ kʼahˬ heu kʼahˬ biꞈ ma lehˇ, naw maꞈ-euˬ aˬ poeˬ aˬ bawˇ deuˬ-ahˇ ngaˇ saˇ jaˇ dzaˬ taˬ-euˬ jaˆ-eu ma. Nymˬ-mˇ, naw maꞈ yaw kaˬ miˇ kʼahˬ heu kʼahˬ biˇ geuꞈ-awˬ.

Yeˬsaˬgeˬlaˇ 20:23

Kʼoeˇ miˇ neh, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ ngaˇ heu loꞈ-ehˇ saˇ jaˇ paˇ dzaˬ-euˬ ma. Aˬ yawꞈ maꞈ-ahˇ miˇ kʼahˬ doe ni teh byaˆ nehˬ ma lehˇ ngaˇ ehˇ tsehˆ nehˬ-euˬ ma.

Yeˬsaˬgeˬlaˇ 20:15

Kʼoeˇ miˇ neh, ngaˬ neh aˬ yawꞈ maꞈ-ahˇ biꞈ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ maˬ sheuˬ gʼeh nehˬ lehˇ, bawˇ tsahˬ bawˇ dahˇ laꞈ kʼoeˇ ngaˇ ehˇ tsehˆ nehˬ-euˬ ma. Miˇ kʼahˬ kʼoeˇ kʼahˬ-aˬ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ pyeuꞈ-eu miˇ neh, miˇ kʼahˬ dawˬ tawˆ luꞈ naˆ maˬ tseˇ muiˬ dzehˬ-eu meh.

Dawˬmehˬ 7:6

Naw maꞈ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ haˬ pyeuꞈ-eu miˇ neh, kʼoeˇ loꞈ-ehˇ jahˇ-awˬ. Maˇ maˇ ni aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ aˬ yawꞈ tseˇ doˆ-euˬ meh.

Doˆ-iˇ 4:31

Kʼoeˇ ngeh, tsawˇ haˬ kʼoeˇ deuˬ jah laˇ-awˇ, Iˇsaˬleˬlaˆ tsawˇ haˬ deuˬ jawˇ gaˇ Sahˬpaˬ Miˬyehˇ oe-awˇ, aˬ yawꞈ maꞈ ya daˬ luꞈ-eu jeˬ-ahˇ mawˇ gʼaˬ-euˬ gaˇ kawˆ ya gaˬ ngeh, aˬ yawꞈ maꞈ miˇ tsaˬ-ahˇ awˆ byaˆ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.

Doˆ-iˇ 3:8

Kʼoeˇ miˇ neh, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ-awˇ, Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ luꞈ-eu miˇ tsaˬ miˇ muiˬ muiˬ dui dui-awˇ baw le za le-eu, byaˬ byaˬ uiˇ hawˇ-eu mawˇ neˇ aˬ coeˇ maˬ tsehˆ-iˇ ni yoeˇ luꞈ-eu jeˇ lo ni gʼeh-eu miˇ kʼahˬ-ahˇ, aˬ yawꞈ maꞈ-ahˇ sheuˬ doˆ gʼeh-eu gʼaˇ duˬ, ngaˇ zaꞈ ka le-euˬ ma.

Aˇ dahˬ 14:22

Ehˇ kʼawꞈ, Aˬbyaˬ ehˇ-eu, “Huiˬ dui mahˇ dui dui-eu Miˬyehˇ pyeuꞈ-eu Sahˬpaˬ Miˬyehˇ mehˬ shi ngaˇ heu loꞈ-ehˇ kamˬ tsehˆ-eu ma.

Panmaeq 10:5

Kʼoeˇ naˇ, iˬ ma laˆ shaˆ hawˇ-eu miˇ tsaˬ kʼoeˇ taˆ yawꞈ luꞈ-eu ngaˇ mawˇ-euˬ mˬ taˆ gʼaˬ kʼehˇ kʼoeˇ gʼaˬ, aˇ maˇ laꞈ mˬ paw baꞈ diˇ-euˬ meh.

Maˬkuˆ 13:20

Ehˇ kʼawꞈ, aˇ nah aˇ yamˬ kʼoeˇ Sahˬpaˬ Miˬyehˇ neh laˆ nymˇ taˬ-euˬ meh. Aˬ yawꞈ kʼoeˇ loꞈ-ehˇ maˬ laˆ nymˇ law nmˇ-aˬ, tsawˇ haˬ tiˬ gʼaˬ-iˬ maˬ dzeuˇ-iˇ nya-aˇ. Aˬ yawꞈ neh tseˇ doˆ-euˬ tsawˇ haˬ deuˬ gʼaˇ duˬ shaˇ noeˬ-awˇ, aˇ nah aˇ yamˬ kʼoeˇ nymˇ le ni aˬ yawꞈ jahˇ-euˬ meh.

Yeˬsaˬgeˬlaˇ 35:11

Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ kʼaˇ dehꞈ kʼoeˇ keuˆ ni, ngaˬ-euˬ tsawˇ haˬ deuˬ-ahˇ nawˇ nui ma pehˇ-euˬ aˇ poeˬ, myaˆ naˆ-euˬ aˇ poeˬ hawˇ-eu, bye-euˬ aˇ poeˬ, ngaˇ nawˬ-ahˇ paˇ jahˇ kʼoꞈ nehˬ ma. Nawˬ neh aˬ yawꞈ maꞈ-ahˇ jahˇ nehˬ-euˬ poeˬ, ngaˇ nawˬ-ahˇ kʼehˬ-eu nga lehˇ aˬ yawꞈ maꞈ siˬ nya tehꞈ-a.

Yeˬlaˬmiˇ 33:24

“Ngaˬ neh tseˇ doˆ-euˬ nymˇ jiˇ nyiˬ nymˇ-ahˇ duˇ-eu, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-ahˇ ngaˬ neh byehˇ dzeh nehˬ-euˬ gaˇ kawˆ-ahˇ, aˬ cawˬ aˬ joˆ-ehˇ ja luꞈ-eu nawˇ gaˬ maˬ loˇ. Aˬ yawꞈ maꞈ ngaˬ-euˬ tsawˇ jeuˬ-ahˇ taˬ nyiˇ-awˇ, tsawˇ jeuˬ tiˬ jeuˬ lehˇ maˬ paˇ sawˇ meh.

Iˇsaˬyaˇ 43:10

“Iˇsaˬleˬlaˆ tsawˇ haˬ deuˬ-oˇ, naw maꞈ-aˬ, ngaˬ-euˬ saˇ kiˇ ma. Naw maꞈ ngaˬ-ahˇ siˬ nya-awˇ jah laˇ ni, ngaˇ tiˬ gʼaˬ tehꞈ-ehˇ Miˬyehˇ pyeuꞈ-eu meh lehˇ siˬ nya ni, ngaˬ-euˬ zaˬ kʼaˆ bi geuꞈ-eu lehˇ, naw maꞈ-ahˇ ngaˇ tseˇ doˆ-euˬ ma. Ngaˇ uˬ taꞈ miˬ yehˇ nui gʼaˬ maˬ jawˇ. Aˇ dahˬ beh ngeh neh maˬ jawˇ-euˬ loꞈ-ehˇ, aˇ saˬ saˬ ngeh kʼawꞈ maˬ jawˇ-aˇ.

Jaceuq 103:7

Aˬ yawꞈ mˇ-eu lehˇ gʼeh-eu gaˇ deuˬ Moˇseˬ-ahˇ pah mehˬ-awˇ, aˬ yawꞈ neh mˇ-euˬ huiˬ-eu gaˇ deuˬ Iˇsaˬleˬlaˆ tsawˇ haˬ deuˬ-ahˇ bi mawˇ-eu meh.

Jaceuq 33:12

SahˬpaˬMiˬyehˇ-ahˇtsaˬgeuꞈ-awˇ, Miˬyehˇshaˇkuˇleˇ-euˬtsawˇjeuˬ, SahˬpaˬMiˬyehˇneh tseˇdoˆ-awˇ, yawꞈ-euˬzaˬbi geuꞈ-euˬtsawˇjeuˬ, aˇnaˆni guiˬlahˬhuiˬ-eu nga.

Dawˬmehˬ 32:40

Ngaˇ dehꞈ luꞈ-eu Miˬyehˇ pyeuꞈ-eu, yaw duˬ yaw ciˇ baw-eu loꞈ-ehˇ, mˬ paw aˬ laꞈ cawˬ ja taˬ-awˇ, heu loꞈ-ehˇ saˇ jaˇ dzaˬ-eu ma.

Dawˬmehˬ 14:2

Naw maꞈ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬ yehˇ-euˬ tsawˇ haˬ pyeuꞈ-awˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ laꞈ kʼoeˇ, aˬ yawꞈ-euˬ tsawˇ jeuˬ bi pyeuꞈ laˇ-eu lehˇ, aˬ yawꞈ neh tseˇ doˆ taˬ-euˬ meh.

Dawˬmehˬ 4:37

Naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ gaˬ-eu miˇ neh, naw maꞈ-ahˇ aˬ yawꞈ tseˇ doˆ-awˇ, aˬ yawꞈ-euˬ huiˬ-eu baoˬ-ahˇ gʼoe-eu laꞈ kʼoeˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ aˬ yawꞈ sheuˬ doˆ laꞈ-euˬ meh.

Dawˬmehˬ 4:34

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇjiˇtuˆ miˇ kʼahˬ laꞈ kʼoeˇ jahˇ-euˬ loꞈ-ehˇ, aˬ cawˬ tsawˇ jeuˬ-euˬ uˬ moˆ jawˇ-eu tsawˇ jeuˬ tiˬ jeuˬ-ahˇ aˬ yawꞈ-euˬ tsawˇ haˬ bi pyeuꞈ laˇ-eu lehˇ sheuˬ doˆ laˬ-iˇ peuˬ-eu miˬ yehˇ nui gʼaˬ jawˇ meh loˇ. Naw maꞈ-euˬ myaˆ kʼeh aˬ yawꞈ-euˬ huiˬ-eu baoˬ hawˇ-eu gʼaˬ-ahˇ zmˬ-awˇ, shaˬ zahˬ naˇ gawˇ maˬ ehˇ, guiˇ deuˆ-eu jeˬ maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ maˬ ehˇ, guˆ dui dui laˇ paˬ-ehˇ gʼeh-eu jeˬ maˬ ehˇ, aˬ yawꞈ bi keuˆ le-euˬ meh.

Doˆ-iˇ 6:2

Moˇseˬ-ahˇ Miˬyehˇ ehˇ nehˬ-eu, “Ngaˇ-aˬ Sahˬpaˬ Miˬyehˇ ma.

Doˆ-iˇ 3:16

Iˇ-awˬ. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ kuˇ uiˬ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Sahˬpaˬ Miˬyehˇ pyeuꞈ-awˇ, Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu ngaˇ gʼaˬ, nawˬ-euˬ mehˬ shi doˆ le-euˬ meh lehˇ ehˇ nehˬ-awˬ. Aˬ yawꞈ maꞈ jawˇ gaˇ ngaˇ oe-awˇ, Iˇjiˇtuˆ tsawˇ haˬ deuˬ aˬ yawꞈ maꞈ-ahˇ aˬ joˆ-ehˇ kʼehˬ nehˬ-euˬ gaˇ kawˆ, ngaˇ ya mawˇ gʼaˬ-euˬ meh lehˇ ehˇ nehˬ-awˬ.

Doˆ-iˇ 3:6

Ngaˇ-aˬ, nawˬ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-awˇ Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ ma” lehˇ ehˇ nehˬ-euˬ meh. Moˇseˬ Miˬyehˇ-ahˇ maˬ haw peuˬ-eu miˇ neh, yawˬ ha-euˬ myaˆ pyawˬ-ahˇ dehˬ kaˬ taˬ-euˬ meh.

Panmaeq 10:6

Kʼoeˇ naˇ, mˬ maˬ maˬ byaˆ zaˇ ziˇ dehꞈ-eu gʼaˬ pyeuꞈ-eu, mˬ, miˇ, iˬ ma laˆ shaˆ hawˇ-eu kʼoeˇ deuˬ-euˬ laꞈ kʼoeˇ kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ beh-euˬ Miˬyehˇ-euˬ tsawˇ myahˇ uˬ moˆ heu loꞈ-ehˇ kamˬ-eu meh. “Aˇ yamˬ maˬ paˇ jiˆ nya meh.

Doˆ-iˇ 6:3

Aˬ byaˬ haˬ, Iˇtsaˆ hawˇ-eu Yaˬkoˆ-ahˇ, Baoˬ huiˬ-eu Miˬyehˇ loꞈ-ehˇ ngaˬ-euˬ gʼawˇ mawˇ ngaˇ pah mehˬ nehˬ-euˬ ma. Ehˇ kʼawꞈ, Sahˬpaˬ Miˬyehˇ lehˇ kuˇ-eu muiˬ-eu shawˇ-eu ngaˬ-euˬ tsawˇ myahˇ aˬ yawꞈ maꞈ-ahˇ maˬ bi siˬ-aˬ.

Doˆ-iˇ 6:8

Aˬ byaˬ haˬ, Iˇ tsaˆ hawˇ-eu Yaˬ koˆ-ahˇ biꞈ ma lehˇ ngaˬ neh ehˇ tsehˆ taˬ-euˬ miˇ kʼahˬ-ahˇ, naw maꞈ-ahˇ ngaˇ sheuˬ gʼeh-awˇ, miˇ kʼahˬ kʼoeˇ kʼahˬ naw maꞈ-ahˇ ngaˇ biꞈ tsehˆ nehˬ ma. Ngaˇ-aˬ, Sahˬpaˬ Miˬyehˇ ma lehˇ ehˇ nehˬ awˬ.”

Uˬ duˬ 18:2

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Yeˬsaˬgeˬlaˇ 16:8

“Ngaˇ yawˬ poˆ yawˬ paˇ oe tsehˆ ngeh, nawˇ cawˬ shaˇ baw yamˬ tsaˬ laˇ taˬ-euˬ meh. Neˇ myawˆ ni gʼeh-eu nawˬ-euˬ gʼawˇ mawˇ-ahˇ, ngaˬ-euˬ pehˇ kʼahˬ neh tsahˇ lahˇ nehˬ-awˇ, nawˬ-ahˇ sheuˬ ma lehˇ saˇ jaˇ biꞈ yaꞈ-euˬ ma. Ngeuˇ ma. Nawˬ-ahˇ sheuˬ-eu gʼaˇ duˬ ngaˇ saˇ jaˇ dzaˬ gʼaˬ-awˇ, nawˇ ngaˬ-euˬ zaˬ kʼaˬ pyeuꞈ laˇ gʼaˬ-euˬ ma” lehˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Daˬyeˬlaˇ 12:7

Mˬ taˆ gʼaˬ kʼehˇ kʼoeˇ gʼaˬ aˬ laꞈ nyiˬ laꞈ luꞈ mˬ paw baꞈ diˇ-awˇ, Mˬ maˬ maˬ byaˆ zaˇ ziˇ dehꞈ-eu Miˬyehˇ-euˬ tsawˇ myahˇ uˬ moˆ heu loꞈ-ehˇ saˇ jaˇ dawˬ ngehˬ-euˬ meh. “Miˬyehˇ-euˬ tsawˇ haˬ deuˬ-ahˇ kʼehˬ neh kʼaˆ nehˬ-eu aˇ saˬ saˬ-awˇ, pyeuꞈ luꞈ-eu gaˇ kawˆ heu deuˬ dzeuˇ jiˇ-eu gʼaˇ duˬ, aˇ yamˬ smˇ kʼoꞈ uˬ taꞈ tiˬ paˆ jaˆ-a siˬ.”

Dawˬmehˬ 7:7

“Aˬ cawˬ tsawˇ jeuˬ naˆ maˬ tseˇ, naw maꞈ tsawˇ haˬ myaˬ dzehˬ-eu miˇ neh, Sahˬpaˬ Miˬyehˇ naw maꞈ-ahˇ gaˬ-awˇ tseˇ doˆ-euˬ maˬ ngeuˇ-a. Naw maꞈ-aˬ, miˇ tsaˬ kʼoeˇ taˆ aˬ cawˬ naˆ maˬ tseˇ cuiˆ dzehˬ-eu tsawˇ jeuˬ pyeuꞈ-eu meh.

1 Sahˬpaˬ 18:39

Kʼoeˇ loꞈ-ehˇ pyeuꞈ laˇ-euˬ gaˇ tsawˇ haˬ kʼoeˇ deuˬ ya mawˇ ngeh, aˬ yawꞈ maꞈ miˇ tsa coˬ lah coˬ lah-ehˇ, “Sahˬpaˬ Miˬyehˇ-aˬ, Miˬyehˇ pyeuꞈ-eu meh. Sahˬpaˬ Miˬyehˇ tiˬ gʼaˬ tehꞈ-ehˇ Miˬyehˇ pyeuꞈ-eu meh” lehˇ guˇ-eu meh.

Yeˬsaˬgeˬlaˇ 34:24

Sahˬpaˬ Miˬyehˇ-aˬ, aˬ yawꞈ maꞈ-euˬ Miˬyehˇ pyeuꞈ-awˇ, ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ, aˬ yawꞈ maꞈ-ahˇ uˆ lahˇ tehꞈ-a lehˇ ngaˇ ehˇ taˬ-euˬ ma.