Yeˬsaˬgeˬlaˇ 20:3 - Akha

³ “Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, tsawˇ haˬ teu deuˬ-ahˇ ehˇ nehˬ-awˬ. Naw maꞈ ngaˇ nui ma tsaˬ-eu jeˬ gaˇ kawˆ naˇ haˬ laˇ-eu maˬ ngeuˇ loˇ. Ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, naw maꞈ ngaˬ-ahˇ tiˬ jeˬ-iˬ maˬ bi naˇ haˬ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬsaˬgeˬlaˇ 20:3 Referans Kwoze

Miˇkaˬ 3:7

Mehˬ hu paw pyeuꞈ laˇ-eu gaˇ kawˆ kʼaˇ mehˬ kʼaˇ tsoˆ luꞈ-eu tsawˇ haˬ deuˬ aˬ yawꞈ maꞈ neh ehˇ taˬ-eu loꞈ-ehˇ maˬ pyeuꞈ laˇ-eu miˇ neh ya shaꞈ dawˇ tehꞈ-a. Aˬ yawꞈ maꞈ-ahˇ Miˬyehˇ dawˬ maˬ ngehˬ cawˬ-eu miˇ neh, aˬ yawꞈ maꞈ daˬ ga dui dui tehꞈ-a.

Dawqdaq 28:9

Zahˇ sahˇ kʼoꞈ mehˬ nah maˬ caw teh-eu tsawˇ haˬ-euˬ guiˬ lahˬ shaˇ dawˬ-ahˇ, Miˬyehˇ nui daˆ daˆ-eu meh.

Yoˇhaˬ 4:24

Miˬyehˇ-aˬ, Yaw sahˇ meh. Aˬ yawꞈ-euˬ Yaw sahˇ-euˬ baoˬ baˬ da neh tehꞈ-ehˇ, aˬ yawꞈ-ahˇ siˬ duˬ-awˇ uˬ duˬ tahˬ nya-eu meh.”

Luˇkaꞈ 3:7

Yoˇhaˬ neh iˇ cuꞈ bi shawˇ-eu gʼaˇ duˬ, tsawˇ haˬ aˇ maꞈ maꞈ ma Yoˇhaˬ jawˇ gaˇ oe doˆ-euˬ meh. Aˬ yawꞈ maꞈ-ahˇ aˬ yawꞈ ehˇ nehˬ-eu, “Aˇ lawˇ uiˇ naˆ deuˬ-oˇ, Miˬyehˇ neh bi keuˆ le-eu lehˇ lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ cehˆ dzeuˇ nya tehꞈ-a lehˇ, naw maꞈ-ahˇ aˬ suˇ gʼaˬ neh mehˬ gahˇ nehˬ laꞈ taˬ.

Maꞈtehˬ 3:7

Paˬliˬsehˇ deuˬ hawˇ-eu Saˬduˬgehˇ deuˬ kʼawꞈ, Yoˇhaˬ neh iˇ cuꞈ bi shawˇ-eu lehˇ oe luꞈ gaˇ Yoˇhaˬ ya mawˇ ngeh, heu loꞈ-ehˇ ehˇ nehˬ-euˬ meh. “Aˇ lawˇ uiˇ naˆ-euˬ zaˬ deuˬ-oˇ, Miˬyehˇ neh lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ ya buˬ-iˇ ni jahˇ-awˬ lehˇ, naw maꞈ-ahˇ aˬ suˇ gʼaˬ ehˇ nehˬ laꞈ taˬ.

Yeˬsaˬgeˬlaˇ 20:31

Iˬ nah keuˆ ni lawˇ-eu shehˇ-eu kʼoeˇ jeˬ naw maꞈ damˬ-awˇ lawˇ-awˇ, tahˬ pahˬ aˬ ma mawˇ kawˇ kʼoeˇ deuˬ-ahˇ naw maꞈ-euˬ zaˬ deuˬ lawˇ nehˬ-eu laꞈ kʼoeˇ, kʼoeˇ deuˬ baˬ da neh naw maꞈ yawˬ haˇ yawˬ ha laˆ jawꞈ dui dui luꞈ meh. Naw maꞈ Iˇsaˬleˬlaˆ tsawˇ haˬ deuˬ kʼoeˇ naˆ naˆ-ehˇ dehꞈ doeˇ luꞈ-eu kʼawꞈ, ngaˇ nui ma tsaˬ-eu jeˬ-ahˇ paˇ naˇ haˬ laˇ-eu nga laˬ. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, naw maꞈ ngaˬ-ahˇ tiˬ jeˬ-iˬ maˬ bi naˇ haˬ laˇ.

Iˇsaˬyaˇ 1:15

Naw maꞈ aꞈ laꞈ cawˬ ja-awˇ guiˬ lahˬ shaˇ ngeh, naw maꞈ-ahˇ ngaˇ maˬ haw cawˬ. Naw maꞈ-euˬ aˬ laꞈ-ahˇ shiˬ lehꞈ-eu miˇ neh, naw maꞈ guiˬ lahˬ shaˇ sehꞈ leꞈ kʼawꞈ, ngaˇ maˬ naˇ haˬ nehˬ.

Iˇsaˬyaˇ 1:12

Naw maꞈ ngaˬ-ahˇ uˬ duˬ kʼaˇ tahˬ laˇ ngeh, kʼoeˇ loꞈ-ehˇ gʼeh-eu jeˬ yuˇ laꞈ lehˇ aˬ suˇ gʼaˬ ehˇ ta. Ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ, aˬ kuiˇ nawˬ nawˬ-ehˇ cah laˇ lehˇ naw maꞈ-ahˇ aˬ suˇ gʼaˬ ehˇ ta.

Dawqdaq 21:27

Haiˬ-eu tsawˇ haˬ deuˬ lawˇ gaˇ shehˇ gaˇ Sahˬpaˬ Miˬyehˇ bye-awˇ, nui ma maˬ dawˇ-eu laꞈ kʼoeˇ lawˇ gaˇ bye dzehˬ-eu meh.

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

1 Saˬmeuˬlaˆ 28:6

Kʼoeˇ miˇ neh, aˬ joˆ-ehˇ ya jahˇ-eu gaˇ kawˆ, Sahˬpaˬ Miˬyehˇ-ahˇ aˬ yawꞈ naˇ haˬ-euˬ meh. Ehˇ kʼawꞈ, yuꞈ maˆ maˆ-eu laꞈ kʼoeˇ maˬ ehˇ, Uˇleˬ hawˇ-eu Duˇmeˬ-ahˇ gʼoe-eu laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ maˬ ehˇ, Sahˬpaˬ Miˬyehˇ-ahˇ aˬ yawꞈ naˇ haˬ kʼawꞈ, aˬ yawꞈ-ahˇ Sahˬpaˬ Miˬyehˇ tiˬ jeˬ-iˬ maˬ ehˇ kʼoꞈ nehˬ-a.

Yeˬsaˬgeˬlaˇ 20:2

Kʼoeˇ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬsaˬgeˬlaˇ 33:30

Sahˬpaˬ Miˬyehˇ ehˇ-eu, “Tsawˇ haˬ zaˬ-oˇ, nawˬ-euˬ tsawˇ haˬ heu deuˬ meuˬ lahˇ dawˬ peh hawˇ-eu nymˇ gʼoˆ kʼehˬ dawˬ peh kʼaˇ tahˬ dzoeˇ ngeh, nawˬ-euˬ gaˇ kawˆ ja-eu meh. ‘Sahˬpaˬ Miˬyehˇ jawˇ gaˇ neh oe-euˬ dawˬ aˬ joˆ-ehˇ ehˇ-eu nya lehˇ, aˬ dui maꞈ naˇ haˬ leˇ haw kaˇ-euˇ’ lehˇ aˬ yawꞈ maꞈ tiˬ gʼaˬ tiˇ gʼaˬ cawˬ-eu meh.

Aˬmoˆ 8:12

Miˇ kʼahˬ zaˬ deuˬ Sahˬpaˬ Miˬyehˇ-euˬ dawˬ ya gaˬ ni laꞈ taˆ paw maˬ ehˇ, laꞈ oˆ paw maˬ ehˇ, nahˇ ma doˆ kʼehˬ paw maˬ ehˇ, nahˇ ma ga kʼehˬ paw maˬ ehˇ, kʼoeˇ paw heu paw-ehˇ coeˬ coeˬ-ehˇ shaˬ kʼawꞈ, tiˬ gaˇ-iˬ ma ya gaˬ-aˇ.

Iˇsaˬyaˇ 58:2

Aˬ yawꞈ maꞈ yawˬ nah na ngaˬ-ahˇ uˬ duˬ tahˬ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ-ahˇ naˇ haˬ-awˇ, ngaˬ-euˬ gaˇ ma siˬ mawꞈ dui dui nya lehˇ ehˇ luꞈ-eu meh. Tsaˬ-eu zahˇ dawˬ kʼoꞈ dawˬ ngaˬ neh bi biꞈ mawꞈ-awˇ, ngaˬ-ahˇ uˬ duˬ tahˬ-eu nui kʼahˇ shiˇ miˇ-a lehˇ, aˬ yawꞈ maꞈ ehˇ-eu meh.”

Yeˬsaˬgeˬlaˇ 14:1

Iˇsaˬleˬlaˆ tsawˇ haˬ aˬ yuiꞈ aˬ tsu tiˬ paˆ na deuˬ ngaˇ jawˇ gaˇ laˇ-awˇ, Sahˬpaˬ Miˬyehˇ-euˬ nui kʼahˇ gaˇ kawˆ ja uˇ laˇ-euˬ meh.