Yeˬsaˬgeˬlaˇ 20:11 - Akha

¹¹ Aˬ yawꞈ maꞈ-ahˇ ngaˬ-euˬ dawˬ biꞈ-awˇ, ngaˬ-euˬ zahˇ dawˬ kʼoꞈ dawˬ mehˬ nehˬ tsoˆ nehˬ-euˬ ma. Ngaˬ-euˬ zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ yaw dehꞈ ya dehꞈ-eu meh.

Yeˬsaˬgeˬlaˇ 20:11 Referans Kwoze

Lormav 10:5

Zahˇ dawˬ kʼoꞈ dawˬ-ahˇ gʼoe-eu baˬ da neh Miˬyehˇ-ahˇ tsaˬ leˇ tsahˇ leˇ-eu gaˇ kawˆ-ahˇ taꞈ leˇ-awˇ, “Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ dawˬ deuˬ-ahˇ naˇ haˬ geuꞈ-eu tsawˇ haˬ ya dehꞈ tehꞈ-a” lehˇ, Moˇseˬ neh boꞈ taˬ-euˬ jaˆ-eu meh.

Dawˬmehˬ 4:8

Aˇ naˆ ni huiˬ-eu tsawˇ jeuˬ maˬ kaˬ, iˬ nah naw maꞈ-ahˇ ngaˇ mehˬ nehˬ tsoˆ nehˬ-euˬ zahˇ dawˬ kʼoꞈ dawˬ heu deuˬ loꞈ-ehˇ tsaˬ dui dawˇ dui dui-eu zahˇ dawˬ kʼoꞈ dawˬ maˬ jaˆ-a.

Uˬ duˬ 18:5

Naw maꞈ-ahˇ ngaˇ biꞈ taꞈ-euˬ zahˇ dawˬ kʼoꞈ dawˬ deuˬ-ahˇ caw teh-awˇ yaw dehꞈ dehꞈ-awˬ. Kʼoeˇ loꞈ-ehˇ jahˇ naˇ, naw maꞈ yaw dehꞈ ya dehꞈ tehꞈ-a. Ngaˇ-aˬ Sahˬpaˬ Miˬyehˇ ma.”

Gaˬlaˬtiˆ 3:12

Ehˇ kʼawꞈ, Zahˇ dawˬ kʼoꞈ dawˬ-aˬ, jah-eu jeˬ-ahˇ tiˬ pawꞈ-iˬ maˬ taꞈ-a. Aˬ jeˬ miˇ neh ehˇ naˇ, “Zahˇ Dawˬ kʼoꞈ dawˬ laꞈ kʼoeˇ kʼaˇ ehˇ taˬ-euˬ yawˬ jeˬ na luꞈ mˇ byah-eu tsawˇ haˬ ya dehꞈ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Luˇkaꞈ 10:28

Yeˬsuˇ ehˇ-eu, “Nawˇ ehˇ-eu tsaˬ meh. Kʼoeˇ loꞈ-ehˇ mˇ-awˬ. Mˬ maˬ maˬ byaˆ zaˇ ziˇ dehꞈ-eu jeˬ-ahˇ nawˇ za tehꞈ-a.”

Yeˬsaˬgeˬlaˇ 20:13

Ehˇ kʼawꞈ, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ ngaˬ-ahˇ puiˬ-euˬ meh. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ puiˬ-awˇ, ngaˬ neh dawˬ biꞈ-euˬ gaˇ maˬ naˇ haˬ geuꞈ-a. Ngaˬ-euˬ zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ yaw dehꞈ ya dehꞈ-eu meh. Jawˇ nah-ahˇ aˬ yawꞈ maꞈ laˆ jawꞈ-euˬ meh. Bawˇ tsahˬ bawˇ dahˇ kʼoeˇ tsahˇ-ahˇ, aˬ yawꞈ maꞈ-ahˇ ngaˬ-euˬ nui ma bi mawˇ-awˇ, laˆ cawˆ nehˬ ma lehˇ ngaˇ lehˬ hmˬ-euˬ ma.

Lormav 3:2

Ngeuˇ meh. Yawˬ jeˬ na luꞈ laꞈ kʼoeˇ guiˬ lahˬ baw dzehˬ meh. Miˬyehˇ-euˬ dawˬ Yuˇdaˆ tsawˇ haˬ deuˬ-ahˇ jeˬ huˬ a nehˬ-euˬ meh.

Yeˬsaˬgeˬlaˇ 20:21

“Ehˇ kʼawꞈ, aˬ yawꞈ maꞈ-euˬ zaˬ kʼoeˇ deuˬ kʼawꞈ, ngaˬ-ahˇ puiˬ-eu laꞈ kʼoeˇ, tsawˇ haˬ zaˬ-ahˇ yaw dehꞈ bi dehꞈ-eu ngaˬ-euˬ zahˇ dawˬ kʼoꞈ dawˬ deuˬ-ahˇ byehˇ dzeh-euˬ meh. Jawˇ nah-ahˇ aˬ yawꞈ maꞈ laˆ jawꞈ-euˬ meh. Bawˇ tsahˬ bawˇ dahˇ kʼoeˇ tsahˇ-ahˇ, ngaˬ-euˬ nui ma aˬ yawꞈ maꞈ-ahˇ bi mawˇ-awˇ, sehꞈ-eu lehˇ gʼeh-euˬ ma.

Dawˬmehˬ 4:1

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ biꞈ-eu lehˇ lehˬ hmˬ taˬ-euˬ miˇ kʼahˬ-ahˇ naw maꞈ ya jawˇ leˇ ni, ngaˇ naw maꞈ-ahˇ mehˬ nehˬ tsoˆ nehˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ-awˬ.

Yeˬsaˬgeˬlaˇ 33:15

Yaw jeˬ ma jeˬ ehˇ ngeh, aˬ cawˬ neh biꞈ daˇ laˇ-euˬ myawˬ biꞈ kʼoꞈ nehˬ-awˇ, yawˬ ha neh kʼoeˬ-euˬ jeˬ biꞈ kʼoꞈ nehˬ-euˬ ehˇ-awˬ. Iˬ baˇ mˇ-eu jeˬ-ahˇ aˬ yawꞈ kʼoeˇ loꞈ-ehˇ byehˇ-awˇ, yaw dehꞈ bi dehꞈ-eu zahˇ sahˇ kʼoꞈ mehˬ nahˬ paˇ caw teh kʼoꞈ laꞈ naˇ, aˬ yawꞈ maˬ ya shiˇ-ehˇ yaw dehꞈ ya dehꞈ tehꞈ-a.

Dawˬmehˬ 4:5

“Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ neh kʼaˇ bi ngehˬ kʼaˇ bi tmˇ laꞈ-euˬ loꞈ-ehˇ, zahˇ dawˬ kʼoꞈ dawˬ dawˬ tawˆ luꞈ naw maꞈ-ahˇ ngaˇ mehˬ nehˬ tsoˆ nehˬ gʼaˬ-euˬ ma. Naw maꞈ jawˇ uˇ leˇ-eu lehˇ gʼeh-eu miˇ kʼahˬ laꞈ kʼoeˇ, kʼoeˇ deuˬ-ahˇ naw maꞈ naˇ haˬ geuꞈ-awˬ.

Dawˬmehˬ 30:19

Nymˬ-mˇ, ngaˇ nawˬ-ahˇ dehꞈ-eu jeˬ hawˇ-eu shiˇ-eu jeˬ bi tseˇ geuꞈ-eu ma. Sahˬpaˬ Miˬyehˇ-euˬ guiˬ lahˬ hawˇ-eu yaˬ kʼehˇ yaˬ-eu jeˬ bi tseˇ geuꞈ-eu ma. Mˬ hawˇ-eu miˇ-ahˇ ngaˇ kuˇ-awˇ, nawˬ neh kʼaˇ tseˇ geuꞈ-euˬ jeˬ gʼaˇ duˬ saˇ kiˇ bi geuꞈ ma. Dehꞈ-eu jeˬ-ahˇ tseˇ-awˬ.

Dawqdaq 6:23

Dawˬ mehˬ dawˬ tsoˆ tsoˆ-eu jeˬ-aˬ, tsiˇ kʼmˬ yaw shehꞈ loꞈ-ehˇ duˇ-awˇ, nawˬ-ahˇ dehꞈ jeˬ dehꞈ kawˆ gaˇ ma mehˬ-eu meh.

Yeˬsaˬgeˬlaˇ 18:9

Tsawˇ haˬ kʼoeˇ gʼaˬ-aˬ, ngaˬ-euˬ dawˬ-ahˇ naˇ haˬ geuꞈ-awˇ, ngaˬ-euˬ zahˇ dawˬ kʼoꞈ dawˬ-ahˇ yaw muiˬ paˬ-ehˇ caw teh-eu meh. Aˬ yawꞈ-aˬ, yaw tsaˬ yaw dawˇ tsawˇ haˬ pyeuꞈ-awˇ, aˬ diˇ aˬ maˇ ya dehꞈ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 33:16

Aˬ yawꞈ neh mˇ-euˬ iˬ baˇ ngaˇ pyehˬ nehˬ-awˇ, yaw tsaˬ yaw dawˇ jeˬ hawˇ-eu yaw muiˬ jeˬ paˇ mˇ poˆ-euˬ baˬ da neh, aˬ yawꞈ ya dehꞈ tehꞈ-a.