Yeˬsaˬgeˬlaˇ 19:9 - Akha

⁹ Aˬ yawꞈ-ahˇ kuˆ kaꞈ lahˇ taˬ-awˇ, Baˬbuˇloˬ-euˬ sahˬ paˬ jawˇ gaˇ, bi nyehꞈ ha keuˆ nehˬ-iˇ-euˬ meh. Iˇsaˬleˬlaˆ gawˬ jawˬ doe ni, aˬ yawꞈ joeˬ-eu maˬ bi gaˬ ni, yaw muiˬ-ehˇ kaꞈ lahˇ taˬ-euˬ meh.

Yeˬsaˬgeˬlaˇ 19:9 Referans Kwoze

2 Laˬsaˬbaˬ 36:6

Baˬbuˇloˬ sahˬ paˬ Neˬbuˬkaˬneˬzaˬ gʼaˬ Yuˇdaˆ miˇ kʼahˬ-ahˇ uˇ le-awˇ, Yeˬhawˇyaˬkmˬ-ahˇ shmˇ caˆ paꞈ-awˇ, Baˬbuˇloˬ miˇ kʼahˬ-ahˇ nyehꞈ daˆ leꞈ-euˬ meh.

Yeˬsaˬgeˬlaˇ 6:2

“Tsawˇ haˬ zaˬ-oˇ, Iˇsaˬleˬlaˆ miˇ kʼahˬ gawˬ jawˬ deuˬ-ahˇ haw-awˇ, ngaˬ-euˬ dawˬ tsaꞈ gaˬ nehˬ-awˬ.

Yeˬsaˬgeˬlaˇ 36:1

Sahˬpaˬ Miˬyehˇ ehˇ-eu, “Tsawˇ haˬ zaˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ-awˬ lehˇ, Iˇsaˬleˬlaˆ gawˬ jawˬ deuˬ-ahˇ ehˇ nehˬ-awˬ.

Yeˬsaˬgeˬlaˇ 19:7

Ziꞈ-eu taˆ deuˬ laˆ byaˆ nehˬ-awˇ, meuˬ deuˬ laˆ cawˆ jiˇ nehˬ-euˬ meh. Aˬ yawꞈ joeˬ gaˇ kʼaˇ ya gaˬ ngeh, miˇ kʼahˬ zaˬ laˇ baˇ-iˇ-eu meh.

2 Sahˬpaˬ 24:15

Yeˬhawˇyaˬciˬ-ahˇ maˬ ehˇ, aˬ yawꞈ-euˬ aˬ ma-ahˇ maˬ ehˇ, aˬ yawꞈ-euˬ miˬ zaˬ deuˬ-ahˇ maˬ ehˇ, Yuˇdaˆ miˇ kʼahˬ laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ-ahˇ maˬ ehˇ, Neˬbuˬkaˬneˬzaˬ neh Baˬbuˇloˬ miˇ kʼahˬ-ahˇ nyehꞈ gʼeh jiˇ-euˬ meh.

2 Sahˬpaˬ 19:28

Nawˇ ngaˬ-ahˇ muiˇ-awˇ kʼahˬ sehˇ jehˆ luꞈ-eu gaˇ kawˆ, aˬ cawˬ ngaˇ jawˇ gaˇ tsaꞈ keuˆ laˇ-euˬ meh. Nawˬ-euˬ naˇ mehˇ-ahˇ ngaˇ kuˆ seuˬ neh naˇ kʼaoˬ smˇ-awˇ, nawˬ-euˬ kʼaˬ meh ahˇ mehˬ tsahˬ tsahˬ-awˇ, nawˬ neh kʼaˇ oe-euˬ gaˇ ma law caw-ehˇ tsahˇ kʼoꞈ gʼeh ma’ lehˇ, Sahˬpaˬ Miˬyehˇ ehˇ-eu meh”

2 Sahˬpaˬ 23:33

Aˬ yawꞈ-ahˇ Yuˇdaˆ sahˬ paˬ maˬ bi geuꞈ ni, Iˇjiˇtuˆ sahˬ paˬ Neˬkawˇ neh aˬ yawꞈ-ahˇ nyehꞈ-awˇ, Haˬmaˆ miˇ kʼahˬ Yiˇbaˬlahˬ meuˬ laꞈ kʼoeˇ nyehꞈ lahˇ-awˇ, Yuˇdaˆ miˇ kʼahˬ-ahˇ pyuˇ nyiˬ heˇ jawꞈ-i hawˇ-eu, shuiˇ nyiˬ tseˇ jawꞈ-i taꞈ-euˬ meh.

Yeˬlaˬmiˇ 22:17

Ehˇ kʼawꞈ, nawˇ yaw dehꞈ dehꞈ-eu-aˬ, yawˬ ha gʼaˇ duˬ tehꞈ-ehˇ toˆ-eu miˇ neh, maˬ lehˬ maˬ ca-eu tsawˇ haˬ-ahˇ sehꞈ-awˇ, nawˬ-euˬ miˇ kʼahˬ zaˬ-ahˇ kʼehˬ-eu nga lehˇ, Sahˬpaˬ Miˬyehˇ ehˇ luꞈ-eu meh.

Yeˬsaˬgeˬlaˇ 34:4

Gʼaˬ maˬ ahˇ-eu yawˇ deuˬ-ahˇ maˬ bo saˆ-ehˇ, naˇ-eu yawˇ deuˬ-ahˇ jaˆ gʼaˬ maˬ laˆ saˆ-eu uˬ taꞈ, laˆ tahˬ laˆ naˇ-euˬ yawˇ deuˬ-ahˇ jaˆ gʼaˬ maˬ uꞈ nehˬ-ehˇ, gaˇ ma iˇ bahˬ-euˬ yawˇ deuˬ maˬ teh kʼoꞈ ni, byoˆ-iˇ-euˬ yawˇ deuˬ-ahˇ maˬ poˆ kʼoꞈ-ehˇ jawˇ coeˇ-eu meh. Kʼoeˇ uˬ taꞈ, yawˇ deuˬ-ahˇ naw maꞈ yehˬ bawˬ-ehˇ gʼeh-euˬ meh.