Yeˬsaˬgeˬlaˇ 19:13 - Akha

¹³ Kʼaˇ shuiꞈ deh yaˇ koˆ dui dui-awˇ, iˇ cuꞈ tiˬ pawꞈ-iˬ maˬ jaˆ gaˇ, nymˬ-mˇ bi ka paˇ taˬ-euˬ meh.

Yeˬsaˬgeˬlaˇ 19:13 Referans Kwoze

Hawˇseˬ 2:3

Dawˬ tsoˆ gʼoˆ-awˇ maˬ dehꞈ paˇ naˇ, aˬ yawꞈ dehꞈ doˆ le ngeh loꞈ-ehˇ, mehˬ tsoeˬ lehˆ neˇ-awˇ bi shaˬ ma. Koˆ dui dui-awˇ gui dui dui-eu, bawˇ tsahˬ bawˇ dahˇ tiˬ tsahˇ loꞈ-ehˇ, iˇ cuꞈ mehꞈ-awˇ bi shiˇ leˇ ma.

Yeˬsaˬgeˬlaˇ 19:10

Nawˬ ha aˬ ma aˬ gaꞈ baw duˆ, lawˇ baˬ gawˆ taw dehꞈ luꞈ-eu meh. Iˇ cuꞈ tiˬ loꞈ za-eu miˇ neh, aˇ paꞈ sahˇ-awˇ aˇ siˬ loˆ meh.

Yeˬsaˬgeˬlaˇ 20:35

Miˇ kʼahˬ tsawˇ jeuˬ-euˬ bawˇ tsahˬ bawˇ dahˇ laꞈ kʼoeˇ naw maꞈ-ahˇ ngaˇ sheuˬ gʼeh-awˇ, kʼoeˇ gaˇ naw maꞈ-ahˇ ngaˇ myaˆ pyawˬ ciˬ daˬ-awˇ yaˇ kʼaˬ daˇ nehˬ ma.

Jaceuq 68:6

Nymˇ maˬ jaˆ-eu deuˬ-ahˇ nymˇ jiˇ bi baw laˇ-awˇ, tawˬ-ahˇ uˇ-eu deuˬ-ahˇ laˬ kʼaˬ cehˇ-eu jawˇ duˬ-ahˇ sheuˬ doˆ nehˬ-eu meh. Ehˇ kʼawꞈ, aˬ yawꞈ-ahˇ puiˬ-eu tsawˇ haˬ deuˬ-aˬ, bawˇ tsahˬ bawˇ dahˇ-ahˇ ya jawˇ-eu meh.

Jaceuq 63:1

Miˬyehˇ-oˇ, nawˇ-aˬ ngaˬ-euˬ Miˬyehˇ pyeuꞈ-awˇ, nawˬ-ahˇ ngaˇ noeˬ tmˬ luꞈ-eu ma. Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ noeˬ tmˬ luꞈ-eu ma. Iˇ cuꞈ maˬ jaˆ ehˇ koˆ kaˆ ni tsawˬ paˆ-iˇ taˬ-euˬ miˇ tsaˬ tiˬ tsahˇ iˇ cuꞈ mehꞈ-eu loꞈ-ehˇ, ngaˬ-euˬ saꞈ laˇ nawˬ-ahˇ noeˬ tmˬ luꞈ-eu ma.

Dawˬmehˬ 29:28

Sahˬpaˬ Miˬyehˇ nui ma pehˇ dui dui laˇ-euˬ laꞈ kʼoeˇ, aˇ bawˇ duˬ ciˇ gʼawˇ lehˆ-eu loꞈ-ehˇ, aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ gʼawˇ lehˆ doˆ-awˇ, boeˇ miˬ siˬ kʼaˬ deuˬ-euˬ miˇ kʼahˬ-ahˇ biˬ ahˇ nehˬ-awˇ, iˬ nah aˬ yawꞈ maꞈ kʼoeˇ gaˇ dehꞈ luꞈ-eu meh’ lehˇ ya ehˇ kʼoꞈ gaˇ keuˆ tehꞈ-a.

2 Laˬsaˬbaˬ 36:20

Maˬ shiˇ-ehˇ kʼaˇ dzeˇ-eu deuˬ-ahˇ Baˬbuˇloˬ miˇ kʼahˬ-ahˇ aˬ yawꞈ nyehꞈ kʼoꞈ gʼeh-awˇ, Paˇshaˇ miˇ kʼahˬ dzoeˬ dzaˬ-eu yamˬ maˬ keuˆ laˇ kʼoeˇ keuˆ ni, aˬ yawꞈ hawˇ-eu aˬ yawꞈ-euˬ zaˬ deuˬ uˆ deuˬ-euˬ zaˬ kʼaˆ bi geuꞈ-euˬ meh.