Yeˬsaˬgeˬlaˇ 19:12 - Akha

¹² Ehˇ kʼawꞈ nui ma pehˇ-eu jeˬ neh gʼawˇ lehˆ-awˇ biˬ dzeh nehˬ-euˬ meh. Nahˇ ma doˆ kʼehˬ paw neh oe-euˬ lahˇ dui dui-eu jaˬ lehˇ baˬ da, aˇ siˬ nyoeˬ jiˇ koˆ jiˇ-euˬ meh. Uˬ pyaˬ uˬ laꞈ koˆ-iˇ jiˇ-awˇ, miˬ dzaˬ bi keuˬ puiˆ dzeh-euˬ meh.

Yeˬsaˬgeˬlaˇ 19:12 Referans Kwoze

Hawˇseˬ 13:15

Yaˇ moꞈ mehˇ laˇ luꞈ-eu loꞈ-ehˇ, Iˇsaˬleˬlaˆ mehˇ laˇ luꞈ kʼawꞈ, kʼaˇ shuiꞈ deh ga paw neh oe-euˬ, nahˇ ma doˆ kʼehˬ jaˬ lehˇ yaw lahˇ, aˬ yawꞈ maꞈ-euˬ lawˇ gawˆ hawˇ-eu, lah duˬ deuˬ bi gui-iˇ jiˇ-awˇ, kʼaˇ poeˬ kʼaˇ lawˬ-eu jeˬ dawˬ tawˆ, bi piˬ bi byoˆ-iˇ jiˇ tehꞈ-a.

Yeˬsaˬgeˬlaˇ 17:10

Baw duˆ kʼoeˇ duˆ ka dehꞈ-euˬ kʼawꞈ, dehꞈ-iˇ nya tehꞈ-a loˇ. Nahˇ ma doˆ kʼehˬ paw neh baw gʼeh laꞈ-euˬ jaˬ lehˇ zaw leˇ ngeh, maˬ nyoeˬ-iˇ ni jaˆ coeˇ tehꞈ-a loˇ. Aˬ yawꞈ-ahˇ ka dehꞈ-euˬ tsahˇ-ahˇ maˬ nyoeˬ-iˇ ni jaˆ coeˇ tehꞈ-a loˇ.”

Iˇsaˬyaˇ 27:11

Aˇ bawˇ uˬ laꞈ deuˬ gui-iˇ kʼehꞈ-iˇ-awˇ, zaˬ miˬ zaˬ deuˬ miˬ dzaˬ gʼoˆ uiˬ tehꞈ-a. Tsawˇ haˬ kʼoeˇ deuˬ guiˬ lahˬ-ahˇ maˬ siˬ nya-eu miˇ neh, aˬ yawꞈ maꞈ-ahˇ beh-euˬ yaw sahˇ, aˬ yawꞈ maꞈ-ahˇ gʼawˬ shaˬ maˬ gaˬ nehˬ-a.

Yeˬsaˬgeˬlaˇ 19:11

Uˬ pyaˬ uˬ laꞈ yaw deuˇ miˇ neh, dzoeˬ dzaˬ gawˬ yoeˬ pyeuꞈ laˇ-euˬ meh. Mˬ dmˇ tuˆ ni goˇ-eu miˇ neh, aˇ paꞈ sahˇ-awˇ goˇ dui dui gaˇ, yawˬ gʼaˬ na luꞈ mawˇ nya-eu meh.

Yeˬsaˬgeˬlaˇ 15:4

Miˬ dzaˬ gʼoˆ doꞈ-eu maˬ ngeuˇ naˇ gaˇ dahˇ maˬ tsoeˬ-a. Kʼoeˇ dzeˇ heu dzeˇ puiˆ dzaˬ jiˇ-awˇ, gʼahˇ ceh puiˆ jawˬ jawˬ-awˇ puiˆ kuˇ taˬ-euˬ kʼoeˇ nawˇ yuˇ-awˇ tiˬ jeˬ paˬ jahˇ gaˇ geuꞈ nya meh loˇ.

Yeˬlaˬmiˇ 31:28

Aˬ yawꞈ maꞈ-ahˇ puˇ ngawˬ ngawˬ dzeh-eu gʼaˇ duˬ maˬ ehˇ, gʼeu ka-eu gʼaˇ duˬ maˬ ehˇ, teh dzeh-eu gʼaˇ duˬ maˬ ehˇ, laˆ luˬ laˆ seˇ nehˬ-eu gʼaˇ duˬ maˬ ehˇ, laˆ shaˬ laˆ zahˬ nehˬ-eu gʼaˇ duˬ maˬ ehˇ, ngaˇ shaˇ noeˬ-awˇ jahˇ nehˬ gʼaˬ-euˬ loꞈ-ehˇ, aˬ yawꞈ maꞈ-ahˇ paˇ ka ziꞈ-awˇ, laˆ saˆ huiˬ laˆ saˆ mahˇ nehˬ-eu gʼaˇ duˬ kʼawꞈ, ngaˇ shaˇ noeˬ-awˇ jahˇ nehˬ ma.

Yoˇhaˬ 15:6

Ngaˬ-ahˇ maˬ kʼaˇ tsoꞈ tsaꞈ-eu tsawˇ haˬ-aˬ, uˬ laꞈ bi deuˆ tsehˆ dzeh-awˇ koˆ-iˇ gaˇ duˇ tehꞈ-a. Kʼoeˇ loꞈ-ehˇ gʼeh-eu uˬ laꞈ deuˬ-ahˇ gʼoˆ uiˬ-awˇ, miˬ dzaˬ jehˆ bymˇ-ahˇ baꞈ ahˇ-awˇ bi puiˆ dzaˬ jiˇ tehꞈ-a.

Maꞈtehˬ 3:10

Aˇ bawˇ duˬ ciˇ-ahˇ tuˆ ni tuˇ coˬ-eu gʼaˇ duˬ, deuˆ haˬ lehˬ hmˬ taˬ-euˬ meh. Aˇ siˬ yaw muiˬ paˬ-ehˇ maˬ siˬ le-eu aˇ bawˇ deuˬ bi tuˇ dzeh-awˇ, miˬ dzaˬ-ahˇ bi baꞈ puiˆ tehꞈ-a.

Yeˬsaˬgeˬlaˇ 28:17

Nawˬ-euˬ seuˆ jeuꞈ aˇ gʼehˇ muiˬ gaˇ, nawˇ nui ma huiˬ dui dui-eu meh. Nawˇ tsawˇ myahˇ doˆ-eu baˬ da neh, nui ma-ahˇ maˬ paˇ noeˬ-euˬ meh. Kʼoeˇ miˇ neh, nawˬ-ahˇ dehˬ coˬ-awˇ, miˇ kʼahˬ sahˬ paˬ deuˬ-euˬ mehˬ shi, haw niˇ gʼa duˬ bi pyeuꞈ-euˬ ma.

Yeˬlaˬmiˇ 22:30

“Tsawˇ haˬ heu gʼaˬ zaˬ maˬ jawˇ le nya-ehˇ, maˬ dehꞈ tuˇ laˇ nya-eu tsawˇ haˬ meh lehˇ boꞈ ahˇ taˬ-awˬ. Daˬbiˇ-euˬ dzoeˬ dzaˬ oꞈ-awˇ neh, Yuˇdaˆ miˇ kʼahˬ-ahˇ uˆ lahˇ-eu gʼaˇ duˬ, aˬ yawꞈ zaˬ maˬ jawˇ le-aˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Jaceuq 80:16

Nga maꞈ-ahˇ muiˇ-eu tsawˇ haˬ deuˬ aˬ gaꞈ baw duˆ kʼoeˇ-ahˇ miˬ dzaˬ dzah puiˆ-awˇ coeˇ tsehˆ dzeh-euˬ meh. Aˬ yawꞈ maꞈ-ahˇ nui ma pehˇ-awˇ laˆ cawˆ nehˬ-awˬ.

Jaceuq 52:5

Kʼoeˇ miˇ neh, mˬ maˬ maˬ byaˆ zaˇ ziˇ naw maꞈ-ahˇ Miˬyehˇ laˆ luˬ laˆ seˇ nehˬ laꞈ tehꞈ-a. Naw maꞈ-ahˇ aˬ yawꞈ tsuˆ tehˬ-awˇ, naw maꞈ-euˬ nymˇ jiˇ laꞈ kʼoeˇ neh gʼeu doˆ gʼeh tehꞈ-a. Yaw dehꞈ zaˬ jawˇ-eu miˇ kʼahˬ-ahˇ neh, naw maꞈ-ahˇ aˬ yawꞈ sheu dzeh byoˆ tehꞈ-a.

2 Sahˬpaˬ 24:6

Yeˬhawˇyaˬkmˬ ziˇ jiˇ-awˇ, aˬ yawꞈ-euˬ aˬ li Yeˬhawˇyaˬciˬ gʼaˬ aˬ yawꞈ-euˬ dah zaˇ sahˬ paˬ geuꞈ-euˬ meh.

2 Sahˬpaˬ 23:34

Sahˬ paˬ Neˬkawˇ neh, Yawˇshiˆ-euˬ dah zaˇ Yawˇshiˆ-euˬ aˬ li Eˇliˇkmˬ gʼaˬ-ahˇ sahˬ paˬ ka nehˬ-awˇ, Yeˬhawˇyaˬkmˬ lehˇ tsawˇ myahˇ myahˇ paˇ nehˬ-euˬ meh. Yoˇaˬhaˆ-aˬ, sahˬ paˬ Neˬkawˇ neh Iˇjiˇtuˆ miˇ kʼahˬ-ahˇ bi sheuˬ ka gʼeh-awˇ, kʼoeˇ gaˇ shiˇ-euˬ meh.

2 Sahˬpaˬ 23:29

Yawˇshiˆ sahˬ paˬ geuꞈ luꞈ ngeh, Iˇjiˇtuˆ sahˬ paˬ Neˬkawˇ gʼaˬ Aˬshuˇliˆ sahˬ paˬ-ahˇ caw ba-eu lehˇ, Iˇjiˇtuˆ guiˇ maꞈ tiˬ maꞈ sheuˬ-awˇ, Uˇpaˬlaˇ lawˇ daˬ-ahˇ laˇ-euˬ meh. Iˇjiˇtuˆ guiˇ maꞈ-ahˇ laˆ tsoeˬ-eu lehˇ, Meˬgiˇdoˬ meuˬ-ahˇ sahˬ paˬ Yawˇshiˆ le ngeh, guiˇ deuˆ gaˇ shiˇ-euˬ meh.

Dawˬmehˬ 32:22

Ngaˬ-euˬ nui pehˇ miˬ lmˇ nyehˆ-awˇ, miˇ tsaˬ dawˬ tawˆ bi puiˆ byoˆ ma. Miˇ tsaˬ dawˬ dah puiˆ naꞈ gʼeh-awˇ, gawˬ jawˬ duˬ puˇ puiˆ dzaˬ tehꞈ-a.

Dawˬmehˬ 29:28

Sahˬpaˬ Miˬyehˇ nui ma pehˇ dui dui laˇ-euˬ laꞈ kʼoeˇ, aˇ bawˇ duˬ ciˇ gʼawˇ lehˆ-eu loꞈ-ehˇ, aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ gʼawˇ lehˆ doˆ-awˇ, boeˇ miˬ siˬ kʼaˬ deuˬ-euˬ miˇ kʼahˬ-ahˇ biˬ ahˇ nehˬ-awˇ, iˬ nah aˬ yawꞈ maꞈ kʼoeˇ gaˇ dehꞈ luꞈ-eu meh’ lehˇ ya ehˇ kʼoꞈ gaˇ keuˆ tehꞈ-a.

Iˇsaˬyaˇ 27:8

Aˬ cawˬ-euˬ miˇ kʼahˬ-ahˇ bi nyehꞈ gʼeh-eu laꞈ kʼoeˇ, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ kʼehˬ nehˬ-euˬ meh. Guˆ laˇ paˬ-ehˇ gʼeh-eu nahˇ ma doˆ kʼehˬ jaˬ lehˇ kʼoeˇ neh, aˬ yawꞈ maꞈ-ahˇ bi hehˇ dzaˬ gʼeh-euˬ meh.

Ngoeˇ dawˬ 2:1

“Sahˬpaˬ Miˬyehˇ nui ma pehˇ-awˇ, zahˇ tsui ni gʼeh-eu mˬ dmˇ neh, Ziˇoˬ meuˬ-ahˇ dehˬ kaˬ-euˬ meh. Iˇsaˬleˬlaˆ yaw shehꞈ kʼahˬ sehˇ, mˬ yaw goˇ-ahˇ bi jaˆ-euˬ kʼoeˇ, miˇ tsaˬ-ahˇ biˬ dzeh nehˬ-euˬ meh. Aˬ yawꞈ nui ma pehˇ-eu kʼoeˇ nah, Uˬ duˬ tahˬ nymˇ nymˇ ma-ahˇ kʼawꞈ, byehˇ dzeh nehˬ peuˬ gaˇ keuˆ ni meh.

Yawˇnaˆ 4:8

Nahˇ ma goˇ laˇ ngeh, nahˇ ma doˆ kʼehˬ paw-euˬ lahˇ dui dui-eu jaˬ lehˇ-ahˇ Miˬyehˇ pyehˬ gʼeh laꞈ-euˬ miˇ neh, Yawˇnaˆ-euˬ uˬ duˬ-ahˇ nahˇ tsaˇ zaw dui dui leˇ-awˇ, myaꞈ leˇ paˬ-ehˇ pyeuꞈ-iˇ-euˬ meh. Kʼoeˇ ngeh, ya shiˇ law nmˇ-aˬ gʼaˬ miˇ-a lehˇ aˬ yawꞈ noeˬ-awˇ, “Dehꞈ-eu naˆ maˬ tseˇ shiˇ-eu-aˬ ngaˬ-euˬ gʼaˇ duˬ zaˬ miˇ-a” lehˇ ehˇ-eu meh.

Yeˬsaˬgeˬlaˇ 15:2

“Tsawˇ haˬ zaˬ-oˇ, aˬ gaꞈ baw duˆ tiˬ duˆ, aˇ bawˇ tiˬ bawˇ-ahˇ aˬ joˆ-ehˇ shaˇ cehˆ nya nmˇ. Aˬ gaꞈ ciˇ ni ni zaˬ tiˬ ni-aˬ, aˇ bawˇ sahˬ kʼaˆ-ahˇ dehꞈ-eu aˇ bawˇ tiˬ bawˇ-ahˇ ciˬ cehˆ haw naˇ, aˬ jeˬ gaˇ dahˇ tsoeˬ nmˇ.