Yeˬsaˬgeˬlaˇ 19:10 - Akha

¹⁰ Nawˬ ha aˬ ma aˬ gaꞈ baw duˆ, lawˇ baˬ gawˆ taw dehꞈ luꞈ-eu meh. Iˇ cuꞈ tiˬ loꞈ za-eu miˇ neh, aˇ paꞈ sahˇ-awˇ aˇ siˬ loˆ meh.

Yeˬsaˬgeˬlaˇ 19:10 Referans Kwoze

Dawˬmehˬ 8:7

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, baw le za le-eu miˇ kʼahˬ-ahˇ naw maꞈ-ahˇ sheuˬ gʼeh luꞈ-eu meh. Lawˇ baˬ yoeˇ-awˇ iˇ beuˆ doˆ-eu miˇ kʼahˬ, miˇ tsaˬ dawˬ dah yoeˇ-eu lawˇ gawˆ deuˬ gawˬ jawˬ gʼaˬ lawˬ doe ni yoeˇ doˆ luꞈ-eu miˇ kʼahˬ,

Hawˇseˬ 2:5

Zaˬ baw aˬ ma meh maˬ laˇ kʼoeˇ, shaꞈ dawˇ-eu maˬ baw ni dehꞈ-awˇ, dawˬ tmˇ heu loꞈ-ehˇ mˇ-eu meh. ‘Dzaˬ-eu dzaˇ muiˬ, dawˇ-eu iˇ cuꞈ, dm-eu saˬ paˇ, yawˇ zaˬ caꞈ hm, aˬ gaꞈ dzaˇ uiˇ, saˬ loˬ loˬ tsiˇ, heu deuˬ biꞈ-eu zaˬ kʼaˬ mehˬ nah, caw teh gʼeh ma’ lehˇ tmˇ-eu meh.

Hawˇseˬ 2:2

Ngaˬ-euˬ aˬ buˇ aˬ li deuˬ-oˇ, aˬ ma-ahˇ ja sawˇ mehˬ nehˬ-awˬ. Aˬ yawꞈ ngaˬ-euˬ miˬ zaˬ maˬ ngeuˇ. Ngaˇ gʼeh yawꞈ-euˬ yo zaˬ maˬ ngeuˇ. Meh maˬ laˇ geuꞈ-awˇ dehꞈ jawꞈ-euˬ, myaˆ pyawˬ kʼaˬ naˆ dzuiꞈ shawˇ dzeh-awˇ, Aˬ cawˬ yo zaˬ-ahˇ bahˬ mawꞈ-eu, nui ma kʼoeˇ siˬ laˆ byoˆ-awˬ lehˇ, naw maꞈ aˬ yawꞈ-ahˇ ja sawˇ-awˬ.

Yeˬsaˬgeˬlaˇ 19:2

Nawˬ ha aˬ ma aˇ laˬ jaˬ shiˇ, haiˬ-eu jaˬ shiˇ deuˬ yaw kaˬ-ahˇ, aˬ yawꞈ-euˬ zaˬ sheuˬ huiˬ-euˬ meh.

Yeˬsaˬgeˬlaˇ 17:6

Aˇ bawˬ kʼoeˇ mehˇ laˇ-awˇ, yaw awˆ awˆ-ehˇ gʼeh-eu huiˬ dui dui-eu aˬ gaꞈ baw duˆ pyeuꞈ laˇ-euˬ meh. Uˬ pyaˬ uˬ laꞈ deuˬ kʼoeˇ taˆ paw kʼaˬ dzeˇ jawˇ paw ciˬ pyawˇ-awˇ, duˬ ciˇ yaw naꞈ-ahˇ toeˬ-iˇ-euˬ meh. Aˬ gaꞈ ciˇ ni-ahˇ uˬ pyaˬ uˬ laꞈ hawˇ-eu aˇ paꞈ tiˬ gʼoeˬ tsoꞈ kaˬ taˬ-euˬ meh.

Dawˬmehˬ 8:9

Kʼoeˇ gaˇ, naw maꞈ tiˬ jawˇ-iˬ maˬ ya mehꞈ maˬ ya shuꞈ-eu uˬ taꞈ, tiˬ jeˬ-iˬ maˬ loˬ ni ya dehꞈ dzaˬ tehꞈ-a. Kʼoeˇ gaˇ jaˆ-eu lo guˇ deuˬ laꞈ kʼoeˇ, shmˇ doˆ-awˇ, gawˬ duˇ-ahˇ naw maꞈ guiˬ shuiˇ ya duˬ doˆ geuꞈ tehꞈ-a.

Yoˇhaˬ 15:1

Ngaˇ-aˬ, maˇ maˇ ni gʼeh-eu aˬ gaꞈ baw duˆ ma. Ngaˬ Da-aˬ, aˬ gaꞈ yaˇ kmˇ-ahˇ bo saˆ-eu gʼaˬ meh.

Jaceuq 1:3

lawˇbaˬ gawˆtaw aˇ bawˇ loꞈ-ehˇ, yamˬlaw tsaˬni aˇ siˬloˆ-awˇ, aˇpaꞈ koˆ-iˇ-eu maˬ baw-ehˇ, kʼaˇmˇ-eu jeˬ guiˬlahˬbaw meh.

Jaceuq 128:3

Nawˬ-euˬ miˬ zaˬ-aˬ, nawˬ-euˬ nymˇ-ahˇ dehꞈ-eu aˇ siˬ sahˇ-eu aˬ gaꞈ baw duˆ-ahˇ duˇ-awˇ, Nawˬ-euˬ aˬ li deuˬ-aˬ, nawˬ-euˬ hawˬ jeh tiˬ jawˬ dehꞈ-eu saˬ loˬ kahˬ zaˬ-ahˇ duˇ tehꞈ-a.

Yeˬsaˬgeˬlaˇ 19:13

Kʼaˇ shuiꞈ deh yaˇ koˆ dui dui-awˇ, iˇ cuꞈ tiˬ pawꞈ-iˬ maˬ jaˆ gaˇ, nymˬ-mˇ bi ka paˇ taˬ-euˬ meh.