Yeˬsaˬgeˬlaˇ 18:9 - Akha9 Tsawˇ haˬ kʼoeˇ gʼaˬ-aˬ, ngaˬ-euˬ dawˬ-ahˇ naˇ haˬ geuꞈ-awˇ, ngaˬ-euˬ zahˇ dawˬ kʼoꞈ dawˬ-ahˇ yaw muiˬ paˬ-ehˇ caw teh-eu meh. Aˬ yawꞈ-aˬ, yaw tsaˬ yaw dawˇ tsawˇ haˬ pyeuꞈ-awˇ, aˬ diˇ aˬ maˇ ya dehꞈ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh. Gade chapit la |
Tsawˇ haˬ zaˬ aˬ yawꞈ-ahˇ tsaˬ laˇ tsahˇ laˇ ni Miˬyehˇ aˬ joˆ-ehˇ jahˇ-eu gaˇ kawˆ, La kʼaˬ cehˇ-eu Guiˬ lahˬ dawˬ laꞈ kʼoeˇ pah mehˬ taˬ-euˬ meh. Miˬyehˇ neh kʼaˇ mˇ-euˬ jeˬ dawˬ tawˆ luꞈ, tsawˇ haˬ zaˬ jah-eu baˬ da neh tehꞈ-ehˇ keuˆ le nya-eu meh. “Jah-eu miˇ neh Miˬyehˇ-ahˇ tsaˬ lehˇ tsahˇ leˇ-eu tsawˇ haˬ-aˬ, saꞈ laˇ dehꞈ-eu jeˬ za tehꞈ-a” lehˇ, Jaˇliꞈ laꞈ kʼoeˇ ehˇ taˬ-euˬ meh.
Yaw jeˬ ma jeˬ ehˇ ngeh, aˬ cawˬ neh biꞈ daˇ laˇ-euˬ myawˬ biꞈ kʼoꞈ nehˬ-awˇ, yawˬ ha neh kʼoeˬ-euˬ jeˬ biꞈ kʼoꞈ nehˬ-euˬ ehˇ-awˬ. Iˬ baˇ mˇ-eu jeˬ-ahˇ aˬ yawꞈ kʼoeˇ loꞈ-ehˇ byehˇ-awˇ, yaw dehꞈ bi dehꞈ-eu zahˇ sahˇ kʼoꞈ mehˬ nahˬ paˇ caw teh kʼoꞈ laꞈ naˇ, aˬ yawꞈ maˬ ya shiˇ-ehˇ yaw dehꞈ ya dehꞈ tehꞈ-a.
Ehˇ kʼawꞈ, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ ngaˬ-ahˇ puiˬ-euˬ meh. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ puiˬ-awˇ, ngaˬ neh dawˬ biꞈ-euˬ gaˇ maˬ naˇ haˬ geuꞈ-a. Ngaˬ-euˬ zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ yaw dehꞈ ya dehꞈ-eu meh. Jawˇ nah-ahˇ aˬ yawꞈ maꞈ laˆ jawꞈ-euˬ meh. Bawˇ tsahˬ bawˇ dahˇ kʼoeˇ tsahˇ-ahˇ, aˬ yawꞈ maꞈ-ahˇ ngaˬ-euˬ nui ma bi mawˇ-awˇ, laˆ cawˆ nehˬ ma lehˇ ngaˇ lehˬ hmˬ-euˬ ma.
Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ biꞈ-eu lehˇ lehˬ hmˬ taˬ-euˬ miˇ kʼahˬ-ahˇ naw maꞈ ya jawˇ leˇ ni, ngaˇ naw maꞈ-ahˇ mehˬ nehˬ tsoˆ nehˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ-awˬ.
“Ehˇ kʼawꞈ, naw maꞈ heu loꞈ-ehˇ ehˇ-eu meh. Aˬ jeˬ miˇ neh aˬ da-euˬ iˬ baˇ baˬ da neh aˬ li gʼaˬ kʼehˬ-eu kʼaˆ-eu jeˬ-ahˇ maˬ ya daˬ ta lehˇ ehˇ-eu meh. Aˬ li gʼaˬ yaw tsaˬ yaw dawˇ jeˬ mˇ-eu meh. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ yaw muiˬ-ehˇ caw teh-euˬ miˇ neh, aˬ yawꞈ aˬ diˇ aˬ maˇ ya dehꞈ tehꞈ-a.